So, Jetzt isch siis Album "Miis Bier" ändlich mitmä Release-Datum aakündigt wordä..s'erschtmal hätmers glaub ich im Herbscht Null-drüü aakündet..

Wer kännt SLM52-Member Tinguely überhaupt? Wem gfallt siin / Ihrä Sound wos bis jetzt gmacht händ und was erwarted ihr oi vom ALbum?

Für mich wird das LAbum dä Release vom JAhr..froimich anderscht druff..:D

so, Fraage über Fraage..jetzt sind MEinigä gfrööget..

bin duss..

ich hami dinere meinig übers albumrelease agschlosse!

warte scho lang druf das de chnächt sis bier bringt!

händ tinguely und dior ned mol en track met "beatz for graffiti" gmacht? de het mi andersch gflasht!

Mol, scho..aber zum Biischpiil au ufdä Läufer-Homepage (Steez Süpriim) isch aagkündigt wordä, das er mitmacht..ich hett eigentlich ghofft vo Beats4Graffiti chunnt ä CD / DVD usä mitm Videoclip druff..hmm..

@ Diken..sägs nöd..ich wartä sit letscht JAhr ufes Album..regelmässigs abtschägge wo hiphopstore.ch..immer nüüt..aber das warten hat sich gelohnt..glii werdäd Ohrä verwöhnt..*freu*..:D

Geile Siech Bschiisär, warte o scho ewigs druf. Bi uhuere gspannt was da uf üs zue chunt. Söu ja rächt Bombe si ghört me munkle.

ich han en vor ca- 5 jahr mal i de bolgeschanze in davos gseh.. eifach nume en geile siech...bin gspannt druf...:D

wird garantiert ins album iineloose...ka aber nüt erwarte will ich nonig vil vo ihm ghört ha...aber schiint mer e interessante Künstler z si....

hoffe schwär är bringt dä technisch-chrank shit.

wie einisch imne interview:
wen ich dir ä marsch blase/ häsch sogar äm arsch blasä

wird äuä eh no geil. hoffe no uf gueti beats...


warte eigentläch sit "über d^'nacht" (beats4graff.) druf.

Original geschrieben von Bschiisär
Mol, scho..aber zum Biischpiil au ufdä Läufer-Homepage (Steez Süpriim) isch aagkündigt wordä, das er mitmacht..ich hett eigentlich ghofft vo Beats4Graffiti chunnt ä CD / DVD usä mitm Videoclip druff..hmm..

@ Diken..sägs nöd..ich wartä sit letscht JAhr ufes Album..regelmässigs abtschägge wo hiphopstore.ch..immer nüüt..aber das warten hat sich gelohnt..glii werdäd Ohrä verwöhnt..*freu*..:D

ja gopf..ha au mal dänkt da chiem mal no öppis. ich glaub de track hett de läuf sogar mal ufgnoh..(wenn mi ned alles tüüscht)aber das projekt isch irgendwo i de tüüfi versunke.

ich hoffs das sich s'warte glohnt hett!! cha mit entüschige so schlächt umgah wie de bush mit em wältfriede...

naja... ben ehrlech gseit ned so en tinguely bzw. slm52 fan... aber driilose werdi uf all fäll mal...

Original geschrieben von Bschiisär
ich hett eigentlich ghofft vo Beats4Graffiti chunnt ä CD / DVD usä mitm Videoclip druff..hmm..


He He, nöd nur du! Find ich au schaad! Aber müend ja diä Wüsse! So en Fette Track ghört hald scho uf e CD, und sVideo isch au ganz geil gmacht gsi:D

Ich find de Tinguely bringts igendwie chli speziell und chan sich darum chli vode Masse abhebe, bin uf jede Fall gspannt uf di neu Schiibe, hoffentli chunds guet...

isch aber au endlich ziit worde, dass das use chunt. jetzt freui mi natürlich umso meh druff. ich han voreme wiili än promotrack vom album ghört und dä hät mi andersch gflasht. für mich wird das dä release vom jahr. no 10 täg :D
peace

Original geschrieben von armin arm
isch aber au endlich ziit worde, dass das use chunt. jetzt freui mi natürlich umso meh druff. ich han voreme wiili än promotrack vom album ghört und dä hät mi andersch gflasht. für mich wird das dä release vom jahr. no 10 täg :D
peace

WORD!!

Tinguely..de mäischter wodä Gliichä Wort mit andrem Sinn..hehe..

erinnerä mi grad zrugg..an Dior..

..In Tsüri rännt mer..*singsing*..Luegä Liechtathletik, bin sälber liecht Athletisch..

uaaa...ich lieb so züüg..

10 Tääg sind genau 10 Tääg zvill..

säge nume:

ha glehrt wie me dr Klang wartet u lang gwartet uf Aklang :D

10 täg sind scho i.o, "vorfreude ist die schönste freude..." obwohl ich das ding au gern jetzt scho würd über d'boxe laufe lah :)

Original geschrieben von Beatnik
He He, nöd nur du! Find ich au schaad! Aber müend ja diä Wüsse! So en Fette Track ghört hald scho uf e CD, und sVideo isch au ganz geil gmacht gsi:D


gets de track nirgends uf cd, tape, vinyl oder so?

souuu ... i bin scho ganz gigggerig uf "siiiiiis bier"!!

isch würkli es album woni scho es jahr odr me druf warte ... froi mi groossartig und natürli sind d featurings zimli viiilversprechend!

äntlich!!!! laaang han ich gwartät uf schissn vom fäddischtä ämmsii us üsäm bescheidänä ländli...

Ich han de shit ghört ghört und ich find es chunnt eifach abartig oberdick ... Tinguely 4 lieff ... chammer nöd hälfe, aber ich finde so Jungs wos roh bhaltet eifach voll geil ... jetzt woni grad Jaylib - CHampion SOund und Madvillain uf mim mp3-Stick han passt de Tingueli grad dezue ... he he he .... De siech rockt ! besser häsch s'wörterbuech am start ...he he: Proscht !

@ Lü..häsch du au scho dörfä en blick uf's Cover wärfe? Sind d'Teggscht drinn?? Will so wiänich mir sAlbum erhoffä / vorschtellä, worsch dhelfti nöd verschtah, oder erscht nach tuusigmal losä druuscho, waser würklich meint..

verdammt..es söll ändlich 21-te wärde..

Also ich han miin Zext vom einte feature müsse abgeh aka gxeet ganz so uus, wie wänn dTeggscht debii sind. Aber: Verstah tuet mer en hundert mal besser ... er nuschelet nümm so und technisch isches au vill besser uufgnoo als SLM52 ... aber ob du dänn tscheggsch was er meint ...he he ... wird dänn au mit textbüechli sheanz echli länger gaa ...he he ... huere obsessivi Styles !

jo ych wird sicher au dry lose...

chan das sie dass er au am pump tape 2003 debii gsi isch? i de grabe z'st.galle?

chunnt das album au uf vinyl?

Yeeeessss! Es gaht jetzt nüme lang.. Freu mi au scho deftig.. Nach Sektion s'nächschte CH Album wo mit em Usland locker mithalte chan, denk ich!

hüt morge hani weder s'tinguely album no the jam-sampler im lade gfunde, det druff häts nämli au än song vom tinguely. ich hoff mal, dass morn die schibene ume sind...

Gäll..ich hangä winä fucking Junkie am HipHopstore und wartä, dass si ändlich bekannt ägbed, dasmer de shit bschtellä chan..mues demfall morn na churz inen LAdä in ZH..wellä hät s'Album wohl uf jedä fall?? am ehnschtä na dä CrazyBeat, oda?

proscht!

Hätt si scho öpper ide Läde gseh?? Ich will si..dringend..dääämn..wiä chamer nur nach Musig soo süchtig..

"..ich han es probleeeem...ich bin süchtig und zwar zimlich extreeeeem.."

Berichtigung..si isch im hiphopstore.....jaaaaaaaaa..ich verreckä..däämn..

bschtelläd de scheiss!!!

piis..

... yääässss!!

ui froi ich mich uf die diiiisc!! hoho

... s cover natürli au absoluti spitzen-klasse!!!

uhuh ..

ig bi di däm forum unger angerem um mi wiiter z'biudä aso:

1. WÄR I GOTTES NAMÄ ISCH DR TINGUELY???

2. cha öpper sones mp3-vorspiisli-inälos-läckerli "poustä"?

merci und fridä

Han au ersch wenigi Sache vom Tingueli ghört (hed mer ned mal na öpis chöne uf aight suuge?) aber erwarte ez mal zimli vill vo dem Album. Han mer das Tail ez grad mal bstellt uf hiphopstore, hoffe natürli dasses wärt xi isch.

Original geschrieben von _dC_
Han au ersch wenigi Sache vom Tingueli ghört (hed mer ned mal na öpis chöne uf aight suuge?) aber erwarte ez mal zimli vill vo dem Album. Han mer das Tail ez grad mal bstellt uf hiphopstore, hoffe natürli dasses wärt xi isch.

i han s zwar nanid ghört, doch dä siech isch eifach en stailer! also ... froi dii! (SO WIIIIE IICH!!)

Sini Stimm, sind Flow und sis luschtigt Ussehe (so Slangnacht01 na in Erinnerig) macheden eifach schomal speziell und einzigartig, darum hoffentli wilkommni Koscht gäg de Altagsbrei.

also ich würd s'uussehä nöd als luschtig bezeichnä..ehner als imposant..hehe..

bezüglich mp3..ines paar minuutä chasch der unter denä 2 adrässe 2 Files abäsuugä vom Tinguely..

http://www.xn--bschiisr-6za.ch/musig/tinguely_1.mp3
http://www.xn--bschiisr-6za.ch/musig/tinguely_2.mp3

s'eintä isch vom Vinyl-Album usem 2000 SLM52 - Satz für Satz bis zum GrändSläng

isch zwar e schlächti qualität aber egal..

piis..

Original geschrieben von prophet
chan das sie dass er au am pump tape 2003 debii gsi isch? i de grabe z'st.galle?

chunnt das album au uf vinyl?



jaaaaaaaaaaaaaaaaaaaaaaaaaaa...natürliiiiiiiiiiiiiii...
hehe..

Und hed scho öper Poscht vo HipHopstore übercho? Hoffe schwar dases bi mir uf morn langet...

Ich übernachtä mit miim Schlaafsack vor miim Briäfchaschtä..höhö..ebä häts na nüüt gäh vom pöschtler..wänn de Wixxer morn immer na nüüt bringt, räpp ich en ztood..ich will ändlich mini CD, wonich di nöchschtä 9 - 12 Mönät losä wird..hehe..

demfall gahts dir gliich miis..

hoffe das ding chunt gly... aber weni luege wi lang ig scho uf sis album warte, macht e tag oder zwe warte der brate o nüm feiss..

hehe..ich bin also au gspanne ob's hüt scho chunt..wär natürli oooberfrüsch!! sowieso nachdem ja so viel gmunklet wird. aso ich lütä grad mim mami a am mittag und frögä..:D
@bschiis
du, am suntig, wän gasch zudä nina?

iisi..wünsch alne es spannends wartä

hätt se gärn uf schwarzem Plastig gha...*grmpf*

Original geschrieben von Schtibä
[B]@bschiis
du, am suntig, wän gasch zudä nina?

hmm..so ufdi 2 oderso..weisses nanig gnau, aber ich dänke mal scho, das ich am 2 wird deet sii..häsch du en gnauerä plan als ich was so lauft? gits ächt BBQ oderso..hehe..

piis..

Original geschrieben von Schtibä
aso ich lütä grad mim mami a am mittag und frögä..:D


Und, s'Mami scho connected?

ich ha no kei gäääld *shit* =)

haha, ich han sie scho:kiffer:

vom erschte mal durelose här isch sie dä hammer!! voll geili teggscht, hett mi paar mal recht vergröölet. d'beats sind huere passend dezue gmacht, d featurings sind au fett und d teggscht chammer wie erwartet im büechli mitläsä:p

freued eu druff!!

uaaaaaaa..ich bin glücklich..

Dialäkt du mier!!

dänn ich ha sie erscht geschter pschtellt
und ha sie hüt siechr noni dihei aber ich chas
nöd erwarte si i min player legä
au wänni ihn numä vom 'beats for graffiti' kennä
(isch da eigetli mal öppis veröffentlicht wordä?
känn nämli numä dä clip...)

i finge beatz for graffiti vol übel.. :bluepunk:

ämu d s lied.. ehm nei, s video au

whaha

Original geschrieben von _dC_
Und, s'Mami scho connected?

schiiit...mis mami säit s segi nüt cho!!!! :bluepunk:
ooohhh nooooo!!

@bschiis
ne du, si hät eifach gseit open haus...aber en grill hämer na immer usgrabe :D

Original geschrieben von Schtibä
schiiit...mis mami säit s segi nüt cho!!!!

Hehe, entweder si hed di Verarscht oder du hesch Päch gah, mis Maimi seit ich heg Poscht :D

Easy Schtibä..wännsi hüt nanig überchunsch, und morn aunöd, dörfsch am sunntig mal es Ohr drii werfä..

ich han extra für diä CD langä Mittag gmacht und mir im Park alli Tracks gnüsslich is Trummelfäll injiziert..eifach geil..es gfallt mer huerä..guet, s'cover-design hett ich schöner anäbracht:D..aber es isch vo a - z sälber gmacht und das findi fresh!

Fazit: 4 vo 5 Pangalaktischi Donnergurgler mit Schlagrahm und 3 Düümä nach obä inlkusive ei Laola-Wälle und en applaus für's Album vom Chnächt..

bin duss..und das wortwörtlich..dä Bschiisär gaht sich nämlich es Glacé go holä, will en s'schaffä aaschiist..

Original geschrieben von _dC_
Hehe, entweder si hed di Verarscht oder du hesch Päch gah, mis Maimi seit ich heg Poscht :D

hou...fiiiis!!

Original geschrieben von jayRon
dänn ich ha sie erscht geschter pschtellt
und ha sie hüt siechr noni dihei aber ich chas
nöd erwarte si i min player legä
au wänni ihn numä vom 'beats for graffiti' kennä
(isch da eigetli mal öppis veröffentlicht wordä?
känn nämli numä dä clip...)

sh*t, jez hät mini vorfreud is jäh's endi gfundä
wo ich heicho bin isch es päckli
vo hiphopstore.ch uf mim tisch glegä - verdammt tiffigä
siechä! props

und zum album, bis jez würkli nöd bad, bi gspannt was
diä restlichä 17 tracks no bringed wo ich noni khört
ha...

das album überzüüügt mi extrem!
ned nume dä tinguely bringts für mich total fett, sondern au all beat producers und featurings. würlki sini leppische 30fränkli wert....

und s cover findi de aboluti börner, tinguely dä stailer würi da sege!

i han mer im musiclädeli grad mal dr erscht und dr zweit track inezooge und das het mi scho überzüügt, dass ich das teil bruch. isch wirklich hammerhart. eifach nur fresssssssh . bitte me so stuff :D

luftposcht isch im moment grad min lieblingstrack. aber däää beat kunnt mir mega bekannt vor?

äfach andersch!
und part vom ämoh und beat vom dragonsky mached gad no meh freud uf de winter!!!

han d'cd übercho hüt.
han d'cd inegsteckt.
han s'intro gspürt.
han gseit: "gopf er dammi"
han dänkt: "die schibä isch härt"
han dänkt: "dä tingu isch härt"
han überliet: "woher..woher nimmt er nur die ideeä..

wow!

bin si gad am sersch mal so richtig am lose

isch iisi album fläscht mi recht weg...(aber chum e au gad vom zahni!!)
:zahnweh:

beats si uf jedefau gedige, das isch s'positive a dere schibe.

leider verstahni die raps zu 80% nid, u das mani nid ha. i wott nid währendem umecruise mitem longboard müesse s'textbuech vo ihm fürenää zum druscho.

auso ig ha dänkt si wärdi huere fett, bim erste mau lose hanis ou nod sehr dope gfunge, aber weni bis zum 10. mau lose der text geng noni verstah isch mioni geduld einisch o fertig.

i ha mini tinguely cd am mänti becho und am friti witergää und vermisse nüt.

Ha no nid die ganzi düreglost, aber sie flasht mer bis itz sehr. Äbe dä mitem verstah isch haut scho sone Sach. Me muess scho uhuere guet lose, für mi Gschmack chönt me d'Stimm no chli "sübrer" abmische. Aber vo de Textidee u Wortspielereie würklech Wäutklass. D'Beats rocke o ziemlech.

äntlich han ich dä schissn im mim ohr...! fäddschissn! di meinschtä xehnd alt us dägägä... rhymes und beats vom fiinschtä!!

haha!ich han mär halt d`cd nöd müessä poschtä, sondern ich und 2 kollegä händ d`cd gratis vo ihm persöhnlich "übercho"!!geschter am konzert!är hät si dä "wahrä fäns" zuegrüert(so zimmli genau eus):D und ich muess scho säge: sie isch dä HAMMER!!:blingblin
:bouncecro

aso...i ihm steckt no rächt vill!!!
han en letschtin (geschtert) uf de bäckeralag erläbt. flowt no sis lied mit em greg. en kolleg het für ihn 6 beats uf sis bier produced (hehe ebe de unbekannti producer). eine wo mit fette, ideevolli reims chunt...finds guet...züri represent!!!

die cd lohnt sich zum chaufe...würkli!

isch nöd nur mis bier :bierher: :D

hehe..han sie sogar in d'ferie gno..das seit ja scho alles. freu mi scho uf's interview...

saludos dela....wieder back in bizz? ferie guet gsi? oder hesch eifach heiweh gha und bisch früähner zrugg?:D :D
greez vom see

oh mann... mesi tinguely, diä text... hät's no nöd geh i dä schwiiz...

ja..han mich mal 2 wuchä erholt und bin däm mit dä
"air slang" retour uf züri. rap isch halt heimelig

ab geschter chamer sis neue video: alles halb so wild(das bier im manne) uf viva beschtuune, clip isch rächt geil dreit und passd perfekt zum lied.

watch out!

Word, ha dr Clip auso o sehr geil gfunge. Würklech huere stimmigsvou, aber haut leider scho chli too short. Na ja, hoffe gsehne no paar mau.

dä clip cha mä im fall uf www.bakara.ch abesuge

Dä Tinguely isch no eazzy... aber ha letschti mal uf viva sin clip gseh... dä isch ja nöd würkli dä hammer! Vorallem ischer irgendwie 2 Minute lang oder so.... aber dä hät sicher bessers druf als dä Clip zeigt

Yup, "Mis Bier" isch 1 vo dä beschtä 5 iiheimischä Releases und "Alles halb so wild" mitm EKI sim 5. Chreis dä beschti Song us üsnä Breitägrad :)

So gsehn ich das ämäl..

Aber um das goht's do nöd nanei.. s'goht drum, dass wär no keis vo sim Bier hät, aber gärn 1 heet, sich 1 chan heim schickäloh..

D'Reglä sind wiä's immer sind: mail a beats-rhymes-and-life@hotmail.com, aber hurtig, will dä Schnäller isch bekanntlich dä Gschwinder ;)

Check www.bakara.ch

Cheerio

s'Bier isch usgschänkt :)

und freuet nech uf ds neue aubum!! wird bruner!!
chnächt isch ganz klar eine vo de beschte ch-rapper, niemer süsch flowt so göttlech! u wär das nid iigseht het ke ahnig vo rap!

sobauder us new york zrüggchunnt nimters uf, d'texte het scho gschriebe!

u checket mau "rapmusig" uf sire myspace, das wird o ufem aubum sy, eis vo de geilschte ch-rap lieder woni kenne!

bin gspannt ufs neue album vom chächt.
textlich sicher deep. as usual
looking forward

walk the walk talk the talk new york new york....

wird VVEETTT wärde

Original geschrieben von crazeebo
walk the walk talk the talk new york new york...

und scho wäremer wider bi de guete siite vode schtatt züri http://www.stadt-zuerich.ch/mm/mm_allg/medien_prd_stipendien_ateliers_fuer_bildende_kunst.htm

froi mi uf de noi shit

ooh yeas i fröi mi o ufä nöi shit.. slm cha aues :D