Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Shirts/Sweater zum sälber bedrucke


_dC_
27.02.2005, 18:58
Ich nimm ah da ine hets sicher paar Lüüt wo sich sälber chleider mached. Wo poschteder eui lääre Shirts und Pullis? Es set en einigermasse agnehme Priis ha (chan ja au mal id hose gah) aber qualitativ glich chli öpis büüte.

Ich sälber han bis ez nu mid Switcher Produkt Erfahrige gmacht. Sind vom Priis her na agnehm und d'Quali isch au gnüegend, grossi Farbuswahl isch na geil. S'Problem isch eifach dasmer vom Schnitt her nu d'Kaputzepullis wüki chan bruche. Shirts sind z'churz und zbreit unedure und somit nu fü Ranzeträger geignet.

beatniquer
27.02.2005, 19:03
hmmm bi mzee gits doch wiissi shirts i zimli aune grössine, so ab 5 euro...weiss zwar nid...lohnt äuä nid wennd nur eis exemplar choufsh...

Brooklyn
27.02.2005, 19:20
was mi viu meh dät interessiere aus wo mer shirts u pulline chouft isch- wie bedruckt mä dä Stuff bzw. weli Farbe si guet, weli Technicke empfählet dir etc.

scope
27.02.2005, 19:30
c&a het dicki shirts (uni-farben) H&M usw. düet nech doch mou säuber chli engagiere und luege wo dases uni-shit git...

_dC_
27.02.2005, 19:37
Original geschrieben von Brooklyn
was mi viu meh dät interessiere aus wo mer shirts u pulline chouft isch- wie bedruckt mä dä Stuff bzw. weli Farbe si guet, weli Technicke empfählet dir etc.

Was nüzts der wenn weisch wie mache aber ned wo dass easy gschnittni chleider überchunsch? ;)

Ich mach de Druck mid schablone. Aso zersch Motiv designe on da pc, schablone cutte, denn ufs Shirt lege und midme Rolo geigneti Stoffmahlfarb drüber role und thats it. Chan under umstände na zimli ziitufwändigi Sach sii abr macht au Spass wenn nachher din personal shit treisch. Stoffmahlfarbe (ich bruch ez gad DEKA perm Deck) findsch i bessere Baschtelläde (isch hald leida schwaineteuer). Rolo chasch der bilig im Migros do it yourself poschte.

Brooklyn
27.02.2005, 19:55
Original geschrieben von _dC_
Was nüzts der wenn weisch wie mache aber ned wo dass easy gschnittni chleider überchunsch? ;)

Ich mach de Druck mid schablone. Aso zersch Motiv designe on da pc, schablone cutte, denn ufs Shirt lege und midme Rolo geigneti Stoffmahlfarb drüber role und thats it. Chan under umstände na zimli ziitufwändigi Sach sii abr macht au Spass wenn nachher din personal shit treisch. Stoffmahlfarbe (ich bruch ez gad DEKA perm Deck) findsch i bessere Baschtelläde (isch hald leida schwaineteuer). Rolo chasch der bilig im Migros do it yourself poschte.

jäää das isch äbe esoo ;) I weiss woni biuigi Chleider überchumä, i meine wenns gwöhnlächs Züüg isch fingsch das eh überau für nid viu Gäud... äbe @h&m, c&a, je nachdäm ou migros, switcher und so wiiter...

was z`create mit Schablone ahgeit... Das isch ä easy Variante aber dr scheiss isch eifach, dasses sooo viu z`düe git das us z`schniide u grad "biud-motiv" si när fasch unmügläch. Abgseh dadervoo bruuchsch när so ä drucker wod haubi kartongs chasch ihne tue wöu süsch verrisst der dä shit die ganz zit.
Merci gliich...

no angeri Idee?

_dC_
01.03.2005, 19:10
Wirdi mal wider e C&A/H&M Tour duregeh. Mun säge dass det amix wüki spotbilligi Shirts überchunsch abr d'Quali isch oft au zimli miis. Für es Shirt wo huere schnell usglotscht isch und d'Näht rissed ischsmer zschad de ganz Ufwand zmache...

carpe
02.03.2005, 13:59
bedrucked chläbfolie für euch shirts, isch eifacher und suberer als schablone us karton aka es cha nöd drunder laufe.
suscht advanced isch natürli d'siebdruck variante, die probieri zur ziit grad ade schuel uus.

schnori
02.03.2005, 14:13
also...chleidär i guätär quali!?

ich ha scho mit jenes verschidenä markä z tuä gha.
da mis fazit:

Switcher: scheiss schnitt, nach zweimal wäschä isch där dä scheiss z chli!

Hanes: easy schnitt, easy priis, abär glichs problem wiä switcher stoff gaht eifach i dä scheiss!!

Fruit of the Loom: vom Pris her eher tüür defür diä geilschtä wo ich bis jetzt bedruckt han, gönd nämlich nöd so gschissä i!!

H&M: sind au no easy wills scheiss billig sind!! nur sind diä siächä so verzogä gschnittä das äs echt muähsam isch zum bedruckä

und zum bedruckä chönder eu gärn am zwingliplatz 3 blickä lah!!
ich bedruck eu dä stuff....peeez

_dC_
02.03.2005, 18:49
Original geschrieben von schnori
Fruit of the Loom: vom Pris her eher tüür defür diä geilschtä wo ich bis jetzt bedruckt han, gönd nämlich nöd so gschissä i!!


Das tönt scho mal ganz guet, waisch grad igend en Shop wo ihri Produkt verchaufed oder mumers grad bi ihne sälber bstele? Ihri 2 CH Shops sind leida recht im Geddo uss...

Beatnik
05.03.2005, 01:12
Online kenn ich nur grad http://www.shirtcity.ch

EDIT:
Sorry, han falsch gläse...du suechsch Blanko Shirts, he he, kein Drucker Shop!

Da chan ich au nöd wiiterhälfe, ich kauf mini White Shirts meischtens im 3er Pack oder im Usverkauf!:D

Brooklyn
11.03.2005, 22:14
Original geschrieben von carpe
bedrucked chläbfolie für euch shirts, isch eifacher und suberer als schablone us karton aka es cha nöd drunder laufe.
suscht advanced isch natürli d'siebdruck variante, die probieri zur ziit grad ade schuel uus.

wo chouft mer so öppis, wie viu choschte die Folie und chamer da gwöhnlichi Druckerfarb näh?!

carpe
13.03.2005, 13:52
Original geschrieben von Brooklyn
wo chouft mer so öppis, wie viu choschte die Folie und chamer da gwöhnlichi Druckerfarb näh?!

gitt da paar möglichkeite. elegant isches so: chaufsch dr chläbfolie für din tintestrahldrucker (resp. laserdrucker) ide papeterie (ca. 2-4 chf). denn gahsch grad no in bastellade und chaufsch dr textilfarb. denn gahsch no es shirt go chaufe und wäschisch es einisch bevors bedrucksch. denn designsch dis logo/bild whatever am pc und lahsches ufd chläbfolie use. jetzt chunnt dr müehsam teil: uuschnide. nagelschärli und co. sind gueti hälfer für fiini sache. d'folie ufs shirt chläbe, luege das alles bündig chläbt, vorallem am rand nach inne. denn öffnisch dini texilfarb und en fläsche wii. de korke vom wii dippsch denn id farb und tuesch die so tupend ufs shirt uufträge. machsch das schön sorgfältig, lahsch lah tröchne und denn nimmsch d'folie vorsichtig weg. evtl. muesch miteme cutter no chly d'farb dureschniide, wenn si sich zwische shirt und folie vrbunde hett. voila dis shirt isch fertig.

das ganze chamer no chly choschtegünstiger haa, wennmr die chläbfolie-rolle chauft und s'motiv denn uf die übertrait, isch aber chly müehsamer.

siebdruck isch zimli uufwändig und ziit- und arbets intensiv. zu dem gitts ufem web sicher gnueg aaleitige, drum schribi da keini meh ine.

hoffe ha da gholfe...