Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Beats & Raps??


Beatnik
14.06.2004, 15:17
Es nimmt mich mal folgendes wunder: (Evtl. gab es dieses Thema schon einmal?)

Viele von euch hören ja bestimmt Ami, oder Italienische oder Französische Rap Sachen!

Doch versteht ihr die Texte überhaupt, oder ist euch das egal, hauptsache der beat stimmt und der Flow ist gut?

Seid ihr solche die sagen, ein guter Text ist wichtiger alls ein Dicker Beat, oder kann ein schlechter Text einen guten Beat zerstören??

Oder muss beides passen, Beat und Text?

Ich frage mich desshalb weil ich bei mir selber immer wider feststelle, das ich gar nicht auf die Lyrics höre, sondern nur der Flow und der beat mich zum bouncen bringt, bzw. mir persöndlich der Beat am wichtigsten ist!

Das bezieht sich jetzt nicht auf CH oder D Sachen, den dort muss einfach alles ein bisschen stimmen, ausser man besorgt sich das Instrumental oder die A Capella Version:D

__________________________________________

Ich habe noch eine kleine Umfrage dazu gestartet, jedoch ist es fast nicht möglich JEDE Möglichkeit aufzuzählen!

Mano
14.06.2004, 15:26
bei mir ziemlich genau so! darum höre ich mir fast keine nationalen sachen an weil di beats MEISTENS einfach nichts sind!

MacKah
14.06.2004, 15:26
Kommt drauf an, in welcher sprache:

Französisch hör ich sehr oft, verstehe leider nur wenig und höre deshalb stark auf flow und beat!

Ami hör ich nicht mehr so oft, verstehe viel, höre aber trotzdem mehr auf flow und beat!

D hör ich auch sehr oft, achte auf alles!

CH hör ich auch manchmal, achte meist auf text, da beats mich meistens nicht vom hocker hauen!


also fazit: kommt auf die sprache an, aber flow ist eigentlich fast das wichtigste:

wenn ich zb D Aggro oder SAVAS höre, achte ich nur auf beat und flow, da text mässig nicht gerade die Kreativität herrscht

Beatnik
14.06.2004, 15:32
Original geschrieben von McKah


also fazit: kommt auf die sprache an, aber flow ist eigentlich fast das wichtigste:


Das hatt was, ist der Flow im Arsch, ist es auch der Track:D Desshalb wenn der Beat Dick ist, schnell Instrumental ziehen, he he:dance:

RSG
14.06.2004, 15:52
aso wenis verstoh de losi ufe texscht aso ufs enhaltleche u ufd flows de chömedmer beats ned so druufa aber wenis ned verstoh set de beat stemme u es seted geili flows ha den beni zfrede!

Hadrob
14.06.2004, 15:55
bi mir isches eifach so, dass i mau ufe beat lose, wenn dä mich flasht, denn versuechi au nächene ufe text z'achte. mängisch gits aber au, dass mich de flow bös flasht, denn isch mir de beat au egal.

sha
14.06.2004, 15:56
also insofärn das ech ned schlächt änglisch chan, verston ech no rächt vel - ond wen ech öppis ned verstone, denn lueg ech entweder em dix noche, froge de götti (änglisch-prof.) oder fendes söscht ergendwie use. das helft der nämlech huere de wortschatz z vergrössere - ond probiered mol of änglisch z rappe, das flowt verdami vel me als schwizerdütsch! ond för so huere spezifischi slang-usdröck geds ergendwo em netz es lexikon met allne denne (oder emel de mäiste). wäis aber d site nömme grad, wel mer das grad abeglade han. wens sösch öpper wett, chan er mer en pm schribe oder ech lueg wen i dihäi ben nomol för de link noche

subtile
14.06.2004, 16:55
Tja dr erschti idruck isch meischtens dr Beat.... also wennd rdr Beat geil isch denn het dr Track sicher scho mol gueti Chance zum aglost werde.
Bi CH sache losi 100%ig au ufe Text wil ichs döt jo au wirklich verstand. Englisch verstandi scho au, aber teilwis muesch halt d lyrics wirklich 1mol dureläse dass de wirklich alli sache verstosch.
Deshalb isch mir bi Züg woni nid uf Ahieb verstand au dr Text nid so extrem wichtig. Dr Flow mues so odr so stimme, sunscht isch dr Beat zerschtört.


Cheerio

starh
14.06.2004, 19:59
ch hip hop muss dä text au stimme,also inhaltlich,und d'rhymes mönd au guet si,also wenn eine es guets thema het eifach scheiss rhymes bringts au nünt und dä flow wo zum beat abgoht isch bi allem wot nid verstohsch s'wichtigscht.nöd so,das es bi de schwiitzer nid wichtig wär.


piiiiiiiiiiiiiz

thieu
14.06.2004, 20:02
Also ich lose recht extrem uf der text. Isch mer persöhnlich fasch z wichtigsta. Aber isch halt öi e Stimmigssach! Aber es müäss eh im gsamte Stimme. Wenn i en Text hä wo der Hammer isch, aber derfir isch der Flow ewig schlecht, oder der Beat isch SChrott de verleidet mer das Lied halt.
Wobii das doch druf ah chunt wiän i sound lose. Wenn i nur so halb verpennt nebebii swo so Sound druf hä, de sind di Beats verdammt wichtig, und der Flow wo schi apasst, obwohl ehner d STimm vom MC ses da üsmacht!

Äh isch verdammt schwiirig z säge...

iceripperin
14.06.2004, 20:02
ich los zerscht uf de beat und nachene uf dä text, ä gueti mischig isch au ok.. aber wänn mi dä beat nöd flasht, lauft sowieso nix ;)

mc rassko
14.06.2004, 21:02
ja für mich isch de teggscht schono wichtig, aber ohni en geile biit lauft nüt!!!

köbi
14.06.2004, 21:31
würd mau sägä, räp woni keh spur verstah losi nid so viu wi zb. russische, chinesische u setigä usem wallis... abr schüsch stimmts scho, we dr beat odr dr flow schwach isch dr träck füre abfaubehäuter. bim änglische(odr spanisch odr franz...) verstahni o nid aues trotzdäm losis, wes real-dirrty-bounce-träcks si.

Houptsach:Egau weli sprach Es söt nach Hiphop töne

thieu
15.06.2004, 11:41
Original geschrieben von köbi
würd mau sägä, räp woni keh spur verstah losi nid so viu wi zb. russische, chinesische u setigä usem wallis...

Isch ja nit so tragisch wend nit so vill Walliser Hip Hop losesch! Git eh fasch kei Walliser Hip Hop.... :D

AiGhTgeNoSSiN
15.06.2004, 11:45
Ich muess zumindescht än Teil vom Text verstah. Susch chunnt dMessage ja gar nöd überä!!! Abr dä beat isch logisch, au- wänn nöd grad so- wichtig!!!

Tante Dagmar
15.06.2004, 11:47
Gelegentliches Protokoll :

1. Track wird angehört
2. Ooooh, Englisch wird gerappt...klingt frisch. Verstehe aber lange nicht alles...
3. Ooooooh, der Beat ist noch frischer...ob der Text auch früsch is?
4. Lyrics auftreiben, lesen
5. Oooooooooh, Text macht Sinn und ist am früschesten.

Also kann ich nun beides geniessen. Bedeutung und Beats in einem..

______________________________

Und andersrum...

1. Track wird angehört
2. Ooooh, Englisch wird gerappt...klingt frisch. Verstehe aber lange nicht alles...
3. Ooooooh, der Beat ist noch frischer... ob der Text auch früsch is?
4. Lyrics auftreiben, lesen
5. Fucc dat, Texte à la Vagina Diner-lyrics
6. Lyrics wegschmeissen und nur noch die Beats geniessen


und ich droppe hier alles andere als frrrüüüsche Texte,
harharrr

PsyKez
15.06.2004, 16:22
zerscht mal sicher beat & flow... wenn das nöd passt chaschs rauche.

denn bim zweite, dritte, vierte mal lose checki inhalt ab

toniqe77
15.06.2004, 16:31
ich find s git au nuch anderi sachä wo wichtig sind:

stimm: wänn dr räpper nuch so nä fettä text und flow het und au dr beat pumpt aber sini stimm nüd passt isch dr ganz track schlicht und eifach fürä arsch.

scratches: wänn scratches schlecht sind oder nüd passed chänts di ganz rap-arbeit zerstörä.

qualität: wänn d ufnahmequalität nüd stimmt cha dr track nuch so burnä, aber leider bringts nümmä vil

uundsowiterundsofort

JayJay
16.06.2004, 10:47
die lyrics müssen schon stimmen... wenn ein lied einen guten beat hat und der text scheisse ist, gefällt mir das stück nicht wirklich, resp. ich kann mich damit nicht identifizieren... aight??? peace!

P-Flow
16.06.2004, 12:21
wenn ich kei schnall vam text ha und keis wort verstah, de wili an dicke Beat! an beat wa bummst! an beat wa flasht!! en beat wa der di griime laht la cho! an beat wa bounct! eifach as hammer fetts teil!! :dance:

giz das uberhöipt? :hmmm:

Juz_Fly
16.06.2004, 20:43
naja, es war natuerlich klar welche antwort die meisten stimmen bekommen wuerde. denn eine balance ist das wichtigste. beats+lyrics= ein vielversprechender rapsong.

LAN
16.06.2004, 21:45
wes e fette beat het, de bruchts nüt meh. de geits eifach ab, schiss ufe MC. we natürlech no öppis geils derzue grappt wird, umso besser, aber nötig isches nid. Aber wenn öppis penetrant stört de sis schlächti cuts... ds isch öppis wo AUES zur sou macht..

Urschk
16.06.2004, 22:27
naja, die umfrog isch chli für d füchs, dänke viu gäbe do nid zue, dass si d lyrics eigentlech gar nid verstö! aber easy, jede mues säuber wüsse was er lost...

Rapunzel
16.06.2004, 22:34
ich dänk dr beat isch halt das wo eim im ohr blieb bimene lied und somit muess de au guet sie sunscht isch dr ganz track nit dr hammer.
Bi de Lyrics ischs halt so, dass de entweder chasch dr hinter stoh oder nit aber es macht e lied sicher nit so kaputt wie e schlechte beat...
und wenn halt dr flow no stimmt zum beat und tegscht isch s e supreme track....

ich leg scho recht wert uf d lyrics wege däm losi auf fascht nur englisch's züggs und ab und zue dütsches aber eher selte französisches.....(s schuel französisch bringt heim halt au nit wit..)

LAN
16.06.2004, 23:59
aso a konzärt losi meischtens nid aktiv ufd Lyrics. Mängisch fauts mer haut wider i, de losi ono uf das, aber meischtens vergissis :D

Real T
11.07.2004, 17:51
Ech loose meischtens International Hip Hop, die möched eifach die bessere Beats ond Rhymes als CH, FR, DE Hip Hop.

köbi
11.07.2004, 20:12
Original geschrieben von LAN
aso a konzärt losi meischtens nid aktiv ufd Lyrics. Mängisch fauts mer haut wider i, de losi ono uf das, aber meischtens vergissis :D

des kennt meh...

UND:
weder schwitzerBEats nid gärn heit, wiso störeternech de we Räpper über Amibeats räppe? loset ds cheftape, des si aus amibeats, scho chli schad, abr tönt derfür abartig wde di 2 mcees ghörsch, da cha e 50cent grad ipacke:D

konfus
11.07.2004, 20:23
Original geschrieben von Real T
Ech loose meischtens International Hip Hop, die möched eifach die bessere Beats ond Rhymes als CH, FR, DE Hip Hop.

öööh:eek: französischi beatz RULED dä shaizz!
d´schwiiz steckt halt schono chli ide chinderschue, aber äs niveau stiigt stez... (chli langsahm...aber easy, hehe):D

dscheims
12.07.2004, 11:37
bi mir mues in erschter linie de beat geil si. au wenn öbber oberhammerkrassderb rappt, aber de beat isch scheisse, denn los ichs lied nid so oft. höchschtens emol zum en geile teggscht ghöre zwüsched dure. uf de andere site au wenn de teggscht scheisse isch, aber de beat devör de burner, denn chan ichs 10 mol nachenand lose, scheiss egal. wenn de beat geil isch und de teggscht au, denn isch es natürlich s'geilschte!

thieu
13.02.2005, 12:32
Original geschrieben von Real T
Ech loose meischtens International Hip Hop, die möched eifach die bessere Beats ond Rhymes als CH, FR, DE Hip Hop.

Dü müäsch en verdammt lustigi Abstammig hä, wenn ver dich DE und FR nit International sind. Oder wohnsch dü genau uf dem Driiländeregg z Basel?

Will National steit ver d Nation, in dem Fall vo aight Iträäg also wohl ver d Schwiiz, also isch DE und FR scho international.

Also meinsch dü mit diner Üssag Amy Hip Hop?

Scheiss drauf, finne git in alle Länder güäti Beats und güäti Raps, wenn me aber mit Scheuklappe durch z Lebe löifft merkt mes halt nit. Oder warum produzierend de Diitschi ver Amerikaner und umgekehrt? Und warum chasch wend es Album vame Diitsche Artist losesch nit direkt säge, welli Beats das er ine Staate hät gschoppet? (Also mal abgseh wenn er wirklich en Beat druf hät, vo de Neptunes, oder so Liit wo me mit der erst Snare keehrt, und öi nu de werdend meiste Liit behöipte: oh da hät epper der Style kopiert!)
Und Texta nur will me englisch nit viel versteit sind di nit umbedingt gat besser! (Oder mäche wer wider es plakativs Biischpill, warum verzählend der 90% Prozent vo de Liit wond frägsch Eminem hei so schlimmi Texta, und wend ne schi ubersetzesch, merkensch das da e hüäfe Sache verdammt cool sind, und schi ihri Meinig vam Radio und Fernseh heint.)

Aber ebe, warum selltime scho en annri Meinig hä als der Koleeg wo sooooo real isch :wtf:

Dr.Houmi
13.02.2005, 12:47
also für mi isch dr beat schu sehr wichtig...isch ja d grundlag vum track. wenn dr beat gail isch, ischs guat möglich dass ds liad ind "heavy rotation" chunt.
ja bi französisch und italo rap verschtohni hald zimlich wenig drum ischmr döt dr inhalt nit so wichtig...aber IAM isch doch ds gailscha was inhalt abelangt, dia hän aifch a ussag.

bi ch und de rap ischmr dr text extreeem wichtig. also wenns en gaila beat isch en derba flow und dr text fürn arsch isch, denn losis nit me als 1mol.
drum muasi säga en mc wo nit so flowt aber trotzdem en inteligenta text gschriba hät, hät genauglich min reschpäkt verdiant.

aber eba wenn beat und lyrik schtimmen, ischs en gaila track.


piisaut

Benwick
13.02.2005, 16:46
Original geschrieben von Real T
Ech loose meischtens International Hip Hop, die möched eifach die bessere Beats ond Rhymes als CH, FR, DE Hip Hop.

du kennsch wol kei stress kei curse kei taz kei pal kei jones kei luna nix wenn du mir wetsch sege die hend kei flow denn guetnacht. denn gang du din puff daddy in cdplayer go tue :rolleyes:

bätschmändoo
14.02.2005, 11:48
Original geschrieben von LAN
wes e fette beat het, de bruchts nüt meh. de geits eifach ab, schiss ufe MC. we natürlech no öppis geils derzue grappt wird, umso besser, aber nötig isches nid. Aber wenn öppis penetrant stört de sis schlächti cuts... ds isch öppis wo AUES zur sou macht..

Ja stimmt scho, vor auem a Konzärt si Beats verdammt wichtig. Wasi ono geil finge si Freestyles, aber d'Song-Lyrics simmer denn meischtens rächt glich, kenni meischtens eh scho...
Aber weni im private mir e Platte alose losi scho uf d'Lyrics, isch mr schono wichtig. Di gueti Mischig machts und s'chunnt immer uf d'Situation drufa womr ä Song lost...

Aurel
14.02.2005, 11:52
also ehrlich gesagt höre ich auch als erstes auf den beat. der gibt mir den ersten eindruck eines tracks. mit der zeit achte ich mich dann schon auch speziell auf die texte. flow fällt auch gleich von beginn auf.
das wichtigste ist für mich auf jeden fall der beat. dann flow. dann lyrics. wenn ein track in allen drei sparten überzeugen kann, dann ist es umso besser..
beats mit guten lyrics aber schlechten beats kann ich mir kaum geben. umgekehrt schon eher. sonst könnte ich ja gar nie kanye west hören... :D

strikk
14.02.2005, 12:17
Original geschrieben von LAN
wes e fette beat het, de bruchts nüt meh. de geits eifach ab, schiss ufe MC.
hahaha, LAN, mit dir machi wiedermal en track...:D

LAN
14.02.2005, 12:55
Original geschrieben von strikk
hahaha, LAN, mit dir machi wiedermal en track...:D

:D immer

hüt nami isch no e wichtigi prüefig när chani mau wider chli meh produziere hehe

LAN
14.02.2005, 12:58
Original geschrieben von köbi
des kennt meh...

UND:
weder schwitzerBEats nid gärn heit, wiso störeternech de we Räpper über Amibeats räppe? loset ds cheftape, des si aus amibeats, scho chli schad, abr tönt derfür abartig wde di 2 mcees ghörsch, da cha e 50cent grad ipacke:D

scho, cheftapes bzw. tommy vercetti und dezmond dez burne aues. represeeeent represeeeent hehe