Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : strikkato internationalo


strikk
15.06.2004, 11:23
checked dä neui track, s isch musighilf für wunderchind:

www.noed.net/strikkato_internationalo.mp3

...und gänd chli feed-backs, ich han hunger ;)

poetical
15.06.2004, 11:36
Yo Striggo isch on fire. Egau ob so :devil: oder so :kiffer:

Gfaut mer guet. Gmüetleche Beat u fetti Raps wie me das vo Dir gwöhnt isch. Dr Beat chönt no chli Abwächslig vertrage, aber süsch so nach einisch dürelose chunt's mer würlech sehr cool ine u ig hätt grad ke Kritikpunkt wo mer i ds Oug sticht.


:respect: u piis

Brooknow
15.06.2004, 12:12
wow bisch würkli on fire mann mega dä schachtelrhymewortwitzig style...beat passt guet dezue ohni gross ufzfalle oder z'störe yea uster ruled i dem forum haha

mit dä list voneme marrokaner haha

peace me ghört sich

DiggNsagg
16.06.2004, 14:38
geili Röhre!

gfallt mer sehr guet de Style..
Irgendwie wärs bi dem Lied na geil de beat mittels me
kreative zwüscheteil zbreake odr irgend wie sowas i dere
art. wie scho gseit eifach vom beat her na abwechsligsreicher zmache.
aber schuscht ischs cool, macht so en völlig flow-ig,
müehlose Iidruck.

Cheers

prophet
16.06.2004, 14:49
chunnt geil...
raps gfallet mer...
de beat find ich chli speziell... schrägi samples(oder wie das au immer gmacht häsch) zwüschetdüre...

aber los en ets au scho zum zweite mol :D

Dämon
16.06.2004, 19:05
fääääääd...

voraum dr beat fingi huere geil!!!


propz.

Schtibä
16.06.2004, 23:40
heeei strikker!! tighty sach!! dumä-uä! würkli dütlich gsprochä..erinnert mi ehrlichgseit chli a paar@orä. au biitmässig ;)
und de findi au rächt geil. nüt speziells aber extreeem iisi.

das wärs vo mir

scope
16.06.2004, 23:47
beat isch geil. aber die giige hät IG itz nid inegsetzt...

text isch ou cool

:respect:

Mr scopeGwungernaseNütgeilfinger

suermel
17.06.2004, 00:57
hey vill z'weich. en ganze track (immerhin fascht 5 minute) ohni nutte und bitch und droge deale + hustle? Was chunt als nägschts, fangsch öbe no a Liebeslieder schribe oder was?

;)

Nei, mir gfallts guet! Hät so es paar Stelle wo dä Flow irgendwie nüme richtig stimmt und d'Doppler halt überhaupt nöd, aber wänn die andere scho mit paar@ohrä verglich chömet: "mir sind untergrund, und so tönt euse schund" ;). Das bi 2:40 isch mal en völlig neue Strikk Style, wonich nöd kännt han. Gfallt mer aber au.

momoll..

froi mi uf d'poscht :)

strikk
17.06.2004, 15:07
Original geschrieben von Schtibä
nüt speziells aber extreeem iisi.

yeah, genau so gfallt mer das...;)

hey, merci tusig fürs feedback, ich nimm mer aläs
z härze...

und yep, suermel, du söllsch dis liebeslied haa,
muschäs eifach sälber produce...hehe...:p

strikk
17.06.2004, 15:17
Original geschrieben von suermel
hey vill z'weich. en ganze track (immerhin fascht 5 minute) ohni nutte und bitch und droge deale + hustle?
naja, ich red halt nöd so gärn vo minerä arbet...
musig isch schliesslich mis freizyt-vergnüegä...

Bschiisär
17.06.2004, 15:25
Oh Strikk - ich will ein Kind von dir..

begriff immernanig, wiäso du nöd äs Album usägisch..wer's geilschtä..sones "Best Of Strikk - vo geschter nach Morn"..däämn..

mir gfallts Lied..isch mal öppis anders..und ich finds geil, das'd widermal Ziit gfunde häsch, zum sachä räppe..

aber sägmer eis, wehrtä strikk-meischter-biit-chlopfer..isch das züüg scho im nigelnagelnoiä stuudio uufgnoh wordä, oder na im Strikk-buudä-home-recording-below-low-budget-latänz-ziit-studio in uschter?

fett, fett..und bitte nachli meh dävoo..

proscht!

Tonik
17.06.2004, 22:00
verdammt! mängisch fragi mi ab dir Strikk...ächt. I cha eifach so züg wie "gspürsch de toti Winkel" und "bises eu usem Schirmständer lupft" absolut nid nachvouziä. Ds närvt mi a dinä Stück, würklech. Angerersits findi dini Wortwändig zviu, d'Rhymes phänomenau, d'Beats d'Bombe....Strikk 1:1...I'm lovin it! ;-)

Peace! !

Lügner
17.06.2004, 23:40
... ha ha ha ... über ohre-beats ...so so ....
Geiles-Sieche-Reschpäkt au vo miir!
*ufgunp und id händklatsch*

Lü, da heimlich Strikk-naadlä-fän

strikk
18.06.2004, 11:57
Original geschrieben von Tonik
verdammt! mängisch fragi mi ab dir Strikk...ächt. I cha eifach so züg wie "gspürsch de toti Winkel" und "bises eu usem Schirmständer lupft" absolut nid nachvouziä. Ds närvt mi a dinä Stück, würklech. Angerersits findi dini Wortwändig zviu, d'Rhymes phänomenau, d'Beats d'Bombe....Strikk 1:1...I'm lovin it! ;-)

Peace! !
hehe...geile siech...

auso, ich praktizier i däm track sowas, wo mer - wämmer würde wellä - chönnti "konkreti poesie" nänne...historisch
ä wiiterentwicklig vom dadaismus.

konkret söll das heissä, alläs (villes?) bezieht sich
ufenand...z erscht staht mal ei line, di nächscht
bezieht sich uf diä line, die nächscht uf dä neui
zämehang, wo sich us dä letschtä zwei ergitt etc.

das natürli nur i mim persönlich assoziations-zämehang
und dä isch wiederum konkret - nämli mis läbe (und
dezue na bim soundä: sprach, phonetik etc.)

söll heisse: ich mein eigentlich jedä satz GANZ KONKRET
ärnscht, si stönd eifach nöd für sich ellei...

biispil???

"gspührsch dä toti winkel"

- ich red i däm zämehang vo uster, basel, glarus
dä winkel isch also geographisch
- "gspühre" rappi, will mer sowas nume "gspühre"
chan, und ebä nöd erchläre ;)
- wieso dä winkel "tot" isch:
einersiits findi "gspühre" und "tot" än interessante
gägesatz, mer wett ja landläufig "släbe" gspühre"
und ä zuesätzlichi komponänte chunnt dänn mitem
"dänn säg jetzt nöd, mir schloted immer..."...
sisch also äs (verbals) spiil, zwüsched "gspühre",
"tot", "schwiizer geographie" und "schloote/rauche/
kiffe" und das wiederum isch ä uussag über mis läbe
und mini musig...


"bisäs eui usem schirmständer lupft
(verrichti mis dichtä)"

dä isch zimli simpel, s isch ja innerhalb vomene
"represent"-part:
wie lang dichti?
solang bis äs di stiife, zueknöpfte lupft, sie
sich uufspanned und öpper anders vorem räge schützed...
(das chan natürli nüme öpper, wo d fähigkeite vomnä
schirm hätt...drum sprich ja au diä im ständer aa...)

ich mein, ich überleg mer das nöd, aber so "schaffi"
mit dä sprach, im idealfall gitts dänn ei grossi
chlammere pro part und alli parts stönd dänn namal
inerä grosse chlammer, em track...

nach jahrezähntelanger ;) usändersetzig mit dä sprach,
bin ich für mich uf d überzüügig cho, dass sprach
nöd "meinige" oder so chan überträge,
sondern "gedanke-bilder". min rap-sport und mini
ehrävolli ufgab ;) i däm, gsehni drin, dass ich nume
mini ganz persönlich, würkli, ächt, real gfühlte,
erläbte sache wiiter will gäh...

was du dävo häsch: nix, ussert dass was über d art
wi dä strikkler so fühlt, dänkt, zämehang gseht
oder au nöd erfahrsch. chönntsch dänn überleggä
was diä bilder mit dir z tue händ oder au nöd,
s isch halt ä begnägnig mitmä komische siäch...
ä beziehig womer nöd würkli mues iigah...

hey, nöd z vill überleggä, min einzige aasatz isch
eigentli, dassi will gedanke, erläbnis i mundart-rap
will usdrucke und jedäs wort meini, ebä, GANZ KONKRET
aber nöd isoliert, sondern genau i däm zämehand,
wos staht...s isch ä reis, en fluss, min flow, you know?

weisch tonik, das entwikklet sich ewig wiiter,
und nur will mi mini LUSCHT triibt machi das...
villicht als bewiisfüerig, sälbschtüberzügigs-versuech
und experiment im sinn vo: das bringt mich scho
wiiter, schliesslich saits mir mini luscht...

und jetzt hani definitiv wieder z vill gschribe,
will THEORIE ISCH EN TEIL VO DÄ PRAXIS wi das min maa
minderheit immer so schön sait...

peacen

strikk
18.06.2004, 12:08
Original geschrieben von Lügner
... ha ha ha ... über ohre-beats ...so so ....
Geiles-Sieche-Reschpäkt au vo miir!
*ufgunp und id händklatsch*

Lü, da heimlich Strikk-naadlä-fän
hehe...magsch di erinnerä, ich bi im '99 zum
erschtä mal bi eui iigfahre zum en track rekorde
(hätt dä tissar gmacht und über min gloopte,
verstükklete ohrä-beat - glaubs dä vom kanal k spot -
na en struube bass inägheizt)...

"grüezigrüezi, sbrännt nöd heisser als en satz heissi
ohrä, aber häsch scho ghört, sisch grad ebä en
neui mc geboorä, uftaucht wines u-boot,
nach lange jahrä seenot, dä beat zämeklaut und komprimert,
lieber sich na schleppend als scho lang hospitalisiert..."

das hani gmeint. ich mein, ihr händ mir ja scho im
'94i d ekr-schiibe zeiget, aber det hätts nonig glanget,
zu mich vom slang überzüüge...;)

Tonik
18.06.2004, 12:28
Dänks Strikk...das isch ids mau ändlech än Erklärig vom ne Musiker wo mi witerbringt i mirä Sicht zu Takt und Wort :-))...hesch ids im Fau grad es Zahnredli i mine Gedankegäng in bewegig gsetzt, wo no gar niä het dräit
P's

strikk
18.06.2004, 12:29
Original geschrieben von Bschiisär
Oh Strikk - ich will ein Kind von dir..

begriff immernanig, wiäso du nöd äs Album usägisch..wer's geilschtä..sones "Best Of Strikk - vo geschter nach Morn"..däämn..

mir gfallts Lied..isch mal öppis anders..und ich finds geil, das'd widermal Ziit gfunde häsch, zum sachä räppe..

aber sägmer eis, wehrtä strikk-meischter-biit-chlopfer..isch das züüg scho im nigelnagelnoiä stuudio uufgnoh wordä, oder na im Strikk-buudä-home-recording-below-low-budget-latänz-ziit-studio in uschter?

fett, fett..und bitte nachli meh dävoo..

proscht!
leider immerna uf min acer*****...
studio-bau isch am laufä (und s noed.net halted dich
drüber ufem laufende...), mir händ jetzt gad na müese
ä öffentlichi us-schriibe inkl. lärmguetachte uf
dä stadt deponierä und *swär witzig wänns nöd so tragisch*
wär, s gitt ä REKURS-FRISCHT!!!!

mir händ aber scho zimli alläs ussert d lärm-isolatione
bauet, ebä, s gaht na drum öbmer mit einere, zwei,
drü, vier, foif oder sächs doppelwänd müend rächne...

best-of-strikk isch 24/265 online uf noed.net
und wänni im 2005 äs album mach, dänn hani musikalisch
und politisch na einiges vor...hehe...so vo
übermorn i di ferneri zuekunft-style...

z erscht willi aber vom lü äs album und dänn vom ämoh...
s mues alläs sini ornig haa, weisch...dä tisär chönnt
sich au mal id finger spukkä...

strikk
18.06.2004, 12:37
Original geschrieben von Bschiisär
Oh Strikk - ich will ein Kind von dir..

hehe, bschiisär, ich au, ich au, ich will au äs
chind vo mir...hehe...

und mit wäm? über das rappi i mim nächschtä track.
watch out!

bussi.

poetical
18.06.2004, 12:50
Original geschrieben von Lügner
... ha ha ha ... über ohre-beats ...so so ....
Geiles-Sieche-Reschpäkt au vo miir!
*ufgunp und id händklatsch*

Lü, da heimlich Strikk-naadlä-fän


Auso ig bi nid nume Fan sondern Groupie :kiffbounc

freestyle-girl
18.06.2004, 14:48
fett!!!