Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : dj schuel


dj Vax
07.04.2005, 22:47
dj schuel: was haltet ihr devo? chan mer was lerne. gaht grad öpert in so nen kurs?

Dj Riddla
08.04.2005, 10:49
haute nid viu drvo...finges sogar zimli wack...isch ja vilecht scho easy, so aus neuling...de xesch chli sache, lernsch basics usw, geit aber shclussendlich nume um ds cash...u i würd erlich xeit niemaus i sone schuel ga, früecher hets o keni pseudo hiphop schuele gä...u isch ja zgliche aus würd i ine writer oder mc kurs ga...


mis fazit: säuber lehre,üebe,scratche,informiere!!!!!!!!!!!!!



piiiiiiiis

Supremedjgm
08.04.2005, 10:53
scho ! Das zügs muess vo dir cho dr Flow und dr Style...schüsch kopiersch nur öbis...aber für eine wos grad zerscht mou macht wiso nit. Aber nit viu Ziit und Gäud für so öbis investiere...Do chame jo grad so guet Videos ahluege...
Peace

Stubaehocker
08.04.2005, 13:48
also jo ich bin mol gange so basics und so lehrsch scho aber ich bin jetzte au sowiit das i das geld nüm für das usgib.. wei scho gseit es isch eifach es übe übe übe und jo ich bin eifach gange will ich basics so rasch wie möglech han welle chöne.. und jo jetzt chan ich die und luege selber wiiter... guet sisch zuedem en kolleg vo mer gsi.. also han ich en jo understützt!! vo dem her isches iisi gsi!!

Asahi One
25.04.2005, 01:02
also... ich chan immer na die vo de DJ Mad Madam empfelä:D

Tschannsaan
12.05.2005, 10:42
ich finds ehrlich gseit au chlige wack!! aber ich denk mer mol s'bringts scho... oder chunsch eifach schneller vorwärts wiä wenn'd der alles selber muesch bi bringe! => Wieso nid eifach mit Kollege zämä... oder mit andere DJ's us dä Region chli üäbä und tips ine hole... viel billiger!! ;)

Pleschen
12.05.2005, 11:52
Original geschrieben von Supremedjgm
scho ! Das zügs muess vo dir cho dr Flow und dr Style...schüsch kopiersch nur öbis...

wie der Rob Swift vo de x-ecutioners so schön gseit hät!

(in dütsch isch eifacher) jede hät bis jetzt kopiert usser wenn me ganz zum afang gaht! demna isch kopiere nüd schlechts so lang me sin eiget style und technike dri bringt!

oder hät öber vo euch en total neue scratch erfunde wo so genial und abartig isch, wo sich aber im klang und ide art total vo de bisherige scratches unterscheidet, erfunde?
wenn ja denn nimm en doch bitte uf und post en *g*

gruess pleschen

ps. zum thema, chli hilf und tips ab und zue findi guet aber schlussentlich mussch ja glich selber üübe!

fleex
13.05.2005, 23:43
bin au für de afang gange, isch krass wie schnell das lernsch. aber de eigni style muesch eifach selber finde..

Tschannsaan
31.05.2005, 15:27
ich mein irgendwo durä isches jo logisch, dass mes schneller lernt wenn eim öper alles zeigt!

I.C.S.
02.06.2005, 11:36
isch krass wie schnell das lernsch.
ich bi zwar nie i en dj schuel gange und mir heds au niemer zeigt (leider).. aber ich ha jetzt no mit de "andere" siite agfange cutte (rechti pladde, linki fader - agfange hani umgekehrt) und chume extremscht schnell vorwärts! chirps und 1 click flares (leider noni doubletime) gönd scho easy, und das nach es paar wuche all 2 täg chli üebe!

so gseh isch en schuel fürd basics wahrschindli scho geil, wemer niemert hed wos eim zeigt.

tony_flare
02.06.2005, 11:50
Original geschrieben von Tschannsaan
ich mein irgendwo durä isches jo logisch, dass mes schneller lernt wenn eim öper alles zeigt!

scho, d technike chasch schlächt sälber LERNE, ich mein, hesch jo vo grund uf kei plan wie ächt e flare goht...aber d moves muesch sälber IEBE, und vom IEBE chunt au dr eigeni style (es sei denn me het gar kein, denn chames schnäll wider ufgeh...und es git vili wo das aber nid wänn igseh...). aso basics und advanced techniques vo neume z erlerne isch guet, aber nonstop irgendwelchi videos z luege usw das verdirbt dr eigeni style, will me schlussändlich findet es sött so döne wie bi xy ufem video und DENN hetme style bitet, und DAS isch ächt scheisse...

zum thema, ich find es git gnueg aneri wäg zum d techniques erlerne, vo dj skools halti absolut überhaupt nüd. scheiss gäldmacherei und d lehrer sin drzue ane teilwiis no zimmli nutzlos so wieni scho vo paarne ghört ha.

-mars-

Principal
16.06.2005, 16:36
Hallo zäme

Ich möcht mich mal zu dem Thema da üssere.

Ich betreibe selber en DJ Schuel und gsehn drum die Sache viellicht vo enere andere Seite.

Ich finde es hilft eim enorm, wenn mer vor allem am Anfang öppert hät wo eim chli zeigt wie das funktioniert. Ich weiss das, da ich mini erste 3 Jahr praktisch nur allei deheime im Chämerli gsoundet han. Ich han mittlerweile Schüeler, wo nach 1 Jahr enorm weit cho sind. Das isch natürlich au devo abhängig wieviel sie üebet.
Weg em eigne Style entwickle, das stimmt natürlich. Ich lege sehr viel wert uf das, dass mini Schüeler mich nöd eifach kopieret sondern sich selber entwicklet. Ich vermittle ihne ja nöd min Style, sondern Technike. Ich zeige ihne Skratches, Beatjuggles und natürlich au wie mer en aständige Übergang macht.
Des weiteren tüend mir sie au a Uftritt anefüere. Mir händ jede 2. Donstig im ene chline Club wo dSchüeler chönd ersti Erfahrige sammle. Wenn sie denn mal guet sind werdets au weitervermittlet.

Denn muess ich no was säge vo wege elende Geldmacherei. Das Geld wo ich i mini Schuel investiert han, gshen ich viellicht mal in es paar Jahr und vo de Zeit fange mer scho gar nöd a. Ich gsehn das meh als es Hobby, da ich gern mis Wüsse weitergibe und und au möchti, dass sich Kunst vom DJing weiterentwicklet.

Es git mittlerweile es paar Schuele i de Schweiz, wo es sicher au nöd sehr gueti debi hät, aber es sind nöd alli so.

Jede wo sich gern selber es Bild wot mache, chan mal Page checke oder au mal verbi cho.

Gruz

Soulclap
16.06.2005, 16:43
Ä guete DJ wird primär ä sinärä Knowledge was Sound ageit gmässä. I rä Schuel chamä sicher techisches züüg lehrä, aber was bringt dr ds wenn nid weisch welli tracks uflege? S git sooooooo viel DJs wo suber uflege, aber z gliche wie 1000 anderi ou. Liäbi zur sach wird mä i kere schuel lehrä...

fers
16.06.2005, 16:52
ich finds no e gueti idee. dasses numme um stuzz goht isch jo klaar aber wo gohts hütte nit um stuzz????
au das s knowledge witergää wird findi guet, ich check nit so ganz was ihr do alli so blöd ummebitchet, ihr händ jo au mol aagfange und nit grad alles vo aafang a perfäkt gwüsst und könne, und also au mol öbber gfroggt
ob das jezze im internet oder imne kurs isch macht für mi nit so ne fette unterschied. wenn öbber s gäld het isch jo oke, ich würds nit mache