Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : nordische hip hop


sha
19.06.2004, 01:31
joah, han mol welle froge, öb ergendöpper vo üch chli schwedische hip hop könnt?

das huere land burnt definitiv - versto käis wort vo dem wos rapped, aber glich.

loop troop wo die mäiste warschinli könne wärded vo üch nämmer mol us.

aber könnt ergendöpper so züg wie de petter? dä siech esch geniale mc emfall - gänd üch mol tar det tillbaka vo ehm...

(ond zom no chli äigenotz ha - hed ächt ergendöpper s instrumental vo sim lied stockholm - helsinki feat. fintelligens & peewee?)

generell nordische rap esch so öppis vo krass - au finnische (ritakurinta, skandaali, eskimo, jurassic)

ech fend das züg so krass - könnt das sösch no öpper osser mer? wett mi horizont det döre chli erwitere...

hobgoblin
19.06.2004, 14:17
Jo das thema entressiert mech au! ech könne nordische rap nome vo skater/boarder-videos

pseudonym
19.06.2004, 14:36
känn nöd sovill nordischs züüg... avain isch öpis wasmer grad ifallt... rächt speziell, aber geil.

toniqe77
19.06.2004, 14:40
@ sha:

koleg vu mir gaht regelmässig uf norwegä und het itz schu ä guäti sammlig a norwayrap zämä, falls interessiert bisch schrib mal pm. cha dr paar sachä schiggä wännd wetsch. schu mal griächischä rap kört? burnt aldä!

greetz

eazy-d
19.06.2004, 15:23
Ich hät da paar sache...
Petter,tar det tillbaka,findi eigentlich ned soo guät,Bananrepubliken(s'vorherigä Album)burnt mi wiä sau...

KEN:Vägen Tillbaka..empfelenswärt
genau so wiä: Trippel Ett:Svar På Tal
Blues: Samhällstjänst
PSTQ: (hani nur e Maxi)

Aber jez chunnt di grossi Frag: Wo überchunnt me dä shit... ich bin das züg in schwedä ga holä..und han bis jez no ken fähige Plattedealer gfunde..mit biz glück findsch cd's,aber Vinyl?

also wen öper en vinyldealer find dä stoff chan bsorge,DEN WET I DAS OU GÄRN WÜSSE *lol

aber chönd öi ja mal paar videos ine ziä: www.petter.nu www.trippelett.nu (han nur gad diä zwei gfunde..sorry)

oder Dänemark: www.danskrap.dk

Malk De Koijn oder Hvid Sjokolade,findi ganz gedige...

hoffe han e biz chönne helfä...

piis

eazy-d
19.06.2004, 16:14
uii..Trippel Ett link isch nüm aktiv..Sorry...

defür gitz da öpis abe z'lade...http://www.streetzone.com/ppb/media/index.asp


gruäss

Radical
21.06.2004, 14:34
Redrama, rappt zwar uf Englisch (Finnland)

us Schwedä: Fjärde Världen.....händ es Album dusse (der Name weissi grad nöd)...wo burnt wie d Schissi! Hani bis jetzt aber au nur uf CD gfunde....

Wenn öppert en Vinyl-Shop in Schwedä (online) weiss....wäri au interessiert!

B77
21.06.2004, 14:48
us schwedä känni no Fattaru, Ison o Fille und Latin Kings, findi alli rächt geil! Und Looptroop isch sowieso voll fett

EphToDaRhyme
21.06.2004, 14:52
Ja so Jungs grad wie Redrama, Loop Troop, Timbuktu, Petter sin definitiv de Burner!!

Hät ja sogar uf de RZA CD en Track mit em Petter druff..

Weiss leider kein Online Shop us Skandinavie aber s'Label vo Loop Troop sötted ihr mal uschecke hät verdammt krassi Bands gsignt..

http://www.burningheart.com/

Isch halt au no zuesätzlich es Punk Label.. Also nöd go irgendwelchi Bands zämebstelle, wenn ihr Hip-Hop sueched :)

sin
21.06.2004, 15:37
Mir het mau eine vo so me ne online hip hop shop gseit das viu rapper in schwede Norwege Finnland verhüüft a la ami style züg mache... und haut ou viu uf änglish ...wöu diä uf e ne art so wiä diä dütschä zu de afangs ziitä vo hip hop in Europa uf änglish grappt hei(so wiä too strong od asiatic warriors) damit sie ou hei chönnä verkoufä wöus lokal haut nid so das wahre isch gsi(no nid so verbreitet).
Wiä das es jetz isch weiss ig nid ..bi leider nid uf em top aktuelle stand im beriich NordikHH aber chönnt mer dänkä das es ou dert immer wiä meh am cho isch..

Dr Peter het doch mau mit em Blade es lied ufgno gha "the unknow" isch ä 12" gsi! uf dr glichä platte hets 4 mau z glichä lied eis isch feat. azad z anderä feat. saian supa crew d original version nur mit blade und äbä no ds feat peter (from sweden)!

schüsch git no tha brigade isch 1992 od 94 dusse gsi aber diä isch aber uf änglisch..

Essaywhuman?!?
21.06.2004, 15:43
kenn au no was..weiss aber nümä ganu wiäs heisst..rockin' da north..oder so?!?! isch jedefalls no fett...

sha
21.06.2004, 15:53
Original geschrieben von Essaywhuman?!?
kenn au no was..weiss aber nümä ganu wiäs heisst..rockin' da north..oder so?!?! isch jedefalls no fett...

jawoll, mines wössens noch esch das die finnisch rap-elite wo sech zämeto hed ond chli gmäinsam züg macht.

es lied vo dene (met video) wär das do do:

operaatio rdn - esch no met eme rächt bekannte dütsche mc, ziends üch mol ine (mag jetzt ned de link go sueche, chönd jo sälber google wens üch interessiert)

Pleschen
21.06.2004, 15:59
http://www.redlinerecords.com/

säg ich doch da nur... eifach nur fett!

piis Pleschen

Radical
21.06.2004, 16:07
Original geschrieben von sha
jawoll, mines wössens noch esch das die finnisch rap-elite wo sech zämeto hed ond chli gmäinsam züg macht.

es lied vo dene (met video) wär das do do:

operaatio rdn - esch no met eme rächt bekannte dütsche mc, ziends üch mol ine (mag jetzt ned de link go sueche, chönd jo sälber google wens üch interessiert)

naja, die sind letscht Jahr am Splash gsii, ich han's ehrlich gseit nöd sooo der Burner gfunde...einzig eis Lied mitem Freestyle (Arsonists) isch Hammer gsii!

CMD Records
23.06.2005, 12:03
Original geschrieben von Essaywhuman?!?
kenn au no was..weiss aber nümä ganu wiäs heisst..rockin' da north..oder so?!?! isch jedefalls no fett...

ja, rockin da north... (homepage (http://www.rockindanorth.com) )

eis album vo dänä jungs us finnland chunnt jez dän au ider schwiz usä! round the world heisst das teil und s hät näbäd där finnischä rap-elitä au aneri skandinavier und sogar rapgrössä we dä gza, ghostface killah, jeru, ekr usw druff :)

abäm august duss... momentan gits dezuä d vorabsingle. für infos: www.cmdrecords.ch , bstelä chamäsi bi www.hiphopremainz.ch oder www.cede.ch . bim store sötsi au bald druff si...

bucktown
23.06.2005, 19:38
han gad en geile track vo netherland mc's gfunde..
produced by evil dee :D huere fett
Opgeduveld& Evil Dee - Mijn Zone

MC_JabbaZ
24.06.2005, 00:31
yeah ...Fjärde Världen isch fett ! hät en track mitem Ceza (ds lied heisst "tamam" , isch es schwedisch-türkisch kollabo)...

manolo23
24.06.2005, 13:41
leuten dies eher ein bisschen abstrakt und experimentell moegen empfehle ich stacs of stamina aus schweden.

Radical
24.06.2005, 13:45
Original geschrieben von MC_JabbaZ
yeah ...Fjärde Världen isch fett ! hät en track mitem Ceza (ds lied heisst "tamam" , isch es schwedisch-türkisch kollabo)...

Glarner händ eifacht Gschmack!!!!

Fjärde Världen isch supergeil! näbscht taman (was en sehr geilä Track isch) händ es ganzes hammer geils Album usebracht...leider nur uf CD!

Brooklyn
24.06.2005, 13:50
ha jetz nid z' ganze thema düre gläse also sorry wenns scho isch erwähnt worde aber morn (25. Juni 05) im Gaschessel z' Bärn YOR123 und SKANDAALI us Finnland...
Wär villech mal es Ohr wärt.

daganja
24.06.2005, 17:55
Ja ich bin halb Schwed, chan min Cousin mal fröge öb er s'Instrumental het. Ich han eigentli alles vo LoopTroop aber suscht hani au nöd so much.

hey tu, scona vaxjoe mertero

peace

SvenOG:kiffer::brille:

Herr Gamus
24.06.2005, 22:37
Jau, ich chan ime Johr meh sege - gange ab em Januar es halbs Johr uf Schwede go studiere - werd denn sicherlich au d^Fühler betreffend Blondi.. ehm Rap usstrecke. :D

Merci scho mol für die paar Näme vo MCs.

schläppr
24.06.2005, 23:25
supersientifiku giz au no..sind glaub usem looptroop-umfeld, chönntmi aber au tüschä.