Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Musik kaufen oder saugen?


music_head
19.06.2004, 15:20
Säli zäme,

Da stöberi chli uf de Page umenand und säg mir, das Thema isch nöd nume brandaktuell ide Media, sondern hät au öppis mit de Istellig vomne Mensch zdue.

Ich rede da von Musik. Legal bezieh oder übers Web abesuuge? Ich bin mir sicher, dass jed/e scho mal Tracks vom Netz gfischet het, aber wie stönd ihr dezue? Sugged ihr alles was vord Ruete chunt oder kaufed ihr na CD's im Lade, damit eue Lieblings-Künschtler au nachli Cash verdient? Wo laded ihr de Stuff abe? Programm?

Gfräget sind Meinige und Arrgument wo defür oder degäge spreched.

piiaz head

PS: Please don't steal music!

Cyclone
19.06.2004, 15:32
all laded sound abe... un dgäg ihres schlächte gwüsse händs dänn so sprüchlis parat wie: nei, ich machs suscht würkli nö...oder: ja weisch, uf en ganze album gfalled mer 2 oder 3 lieder. da chauf ich doch nöd s ganze albium und suge nu die 2,3 wo mer gfaled :hmmm: :wtf:

music_head
19.06.2004, 15:39
Original geschrieben von Cyclone
all laded sound abe... un dgäg ihres schlächte gwüsse händs dänn so sprüchlis parat wie: nei, ich machs suscht würkli nö...oder: ja weisch, uf en ganze album gfalled mer 2 oder 3 lieder. da chauf ich doch nöd s ganze albium und suge nu die 2,3 wo mer gfaled :hmmm: :wtf:

Ja häd öppis. Aber wennd du e CD chaufsch hesch du na es easy Booklet dine mit Lyric, Pics usw. Aber ebe, ich bin au en suuger, aber ab und zue chaufi wieder mal e CD. Isch zwar i letzter Ziit selte de Fall gsi, wil ich jetz eifach gad ganzi Albe abelade...:rolleyes:

Aber da hät zum Glück d'schwizer Marktwirtschaft chli überleit. Jetzt mached eifach die Internetabüter ihres Geld!

Cyclone
19.06.2004, 15:44
cd? bookled?? :hmmm:

VINYYYYYYYYYYYYYYYYYYYYYYYYYYYYL:D :p

music_head
19.06.2004, 15:52
Wil momentan bini uf CDs agwisse, wil min Plattespieler kaputt isch und ich erscht wieder cha eine Kaufe weni Geld ha. Darum CD.

Proof
19.06.2004, 17:39
ich han viel zviel gsuuget... aber ebe originalität isch frag

beatniquer
19.06.2004, 17:41
hmmm, ha früecher viu gsoge...zimli extrem sogar...
aber hüt choufi mer cds, o wenns haut nid so hüüfig ish...

beatniquer
19.06.2004, 17:47
Original geschrieben von beatniquer
hmmm, ha früecher viu gsoge...zimli extrem sogar...
aber hüt choufi mer cds, o wenns haut nid so hüüfig ish...


argumänt si z.B. : wieso was kaufen was ich auch gratis haben kann?

schlechte auswahl hier in thun in den geschäften

etc...

es ist ja auch z.B. so, dass wenn die CD im laden ist, und ich sie NICHT kaufe, der künstler keinen Verlust macht, denn der laden hat ja die CD schon gekauft....als beispiel

aber eben...heute kauf ich meine CD's, saugen tu ich selten

höchstens ab und zu noch an meiner wasserpfeife :p

Proof
19.06.2004, 17:57
dä lade kauft echli und wänns guet verkauft wird, kauft dä lade no meh...:rolleyes:

beatniquer
19.06.2004, 18:19
Original geschrieben von Proof
dä lade kauft echli und wänns guet verkauft wird, kauft dä lade no meh...:rolleyes:


ds weiss i o...:rolleyes:

aber wenn z.B. methodman im regal steit ish ds klar das es guet verchouft wird, ömu die erschti liferig...
wenn denn öpis suugsh ish eh easy...

Gate17
19.06.2004, 18:32
en original cd isch hald viel geiler als ä selber brennti!
I chauf meischtens cdßs im lade, klar suug i au ab und zue was, doch eignetli nur vo lüt wo sowieso scho fürs läbä usgsorgt hend...

gruess

Proof
19.06.2004, 18:37
ja ebe originalität isch die frag da...

ABER EBE (http://www.aight-genossen.ch/forum/showthread.php?s=&threadid=4317)

PsyKez
19.06.2004, 18:40
musik isch en chunscht und mä sötts so guet wie möglich zuegänglich mache sprich nid überhöhti priise... (siehe da) (http://www.aight-genossen.ch/forum/showthread.php?s=&threadid=4837) ... und denn fragi mi scho abundzue wieso ich eigentlich 27.- usgibe für es album wennis gratis ha chönt..
also zum teil chaufis aber ich ha au kei schlechts gwüsse öppis abez'lade... sölled doch die übertüürte läde es schlechts gwüsse ha wils mich wend übere tisch zieh...

too stoned
19.06.2004, 18:42
ich suge jo au no viel musig vom netz,gib i jo zue,aber schwiizer hip-hop chauf i,wil ich der meinig bin die sött mer unterstüze...

PsyKez
19.06.2004, 18:47
Original geschrieben von to stoned
ich suge jo au no viel musig vom netz,gib i jo zue,aber schwiizer hip-hop chauf i,wil ich der meinig bin die sött mer unterstüze...

LOOOL ob du en ch rap cd chaufsch oder nid... die verdienet ihres cash meistens a dä konzert

too stoned
19.06.2004, 18:54
das isch mir dänk au klar das uf mini 25 fränkli ned drufab chunnt,ich mach das us prinzip!!!

mc rassko
19.06.2004, 19:28
e cd isch au echli luxus findi, drum chauf ich nöd so viel cd's und suug de rest abe

Telson
19.06.2004, 20:26
Also ich chaufe us prinzip. Zum einte wil ich d mp3's immer nonig uf vinyl bränne cha, und zum andere ich e scheissfreud a Cover's ha. Dezue chasch es no so schön sammle und de ganz lohn däfür usgeh. Ich liebe vinyl :D

PsyKez
20.06.2004, 15:52
das isch en scheiss iistellig: "ich chaufe schwizer hiphop um schwizer hiphop zu supporte, de rescht brenn ich"

reezer
20.06.2004, 16:20
downgloadetä und bränntäshit chunt eifach niä anes original anä...
han frühner au viil gsuugät, mängisch sogar meh als ich nachher überhaupt han chönä losä...
irgendwänn chunt HD an aschlag und dänn fangsch a cd brännä wiä än wild... kostet au, kostet ziit und vor allem nervä...

han ganz spinddlä voll mit bränntä cds... alles möglichä... doch, hüt los ich dä scheiss nümm... isch mir z'müäsam dä shit z'durä suächä... hin gägä di originalä CD nimm ich au nach jahrä wieder mal führä, schmeiss in player und los mir das züügs ah und studier glichziit s'booklet...
so än bränntä silberling chan eifach nöd halb so viil wiä ä originalä... isch eifach so.... chönd ihr sägä was ihr wänn...

reezer
20.06.2004, 16:26
Original geschrieben von PsyKez
LOOOL ob du en ch rap cd chaufsch oder nid... die verdienet ihres cash meistens a dä konzert

es gaht nöd immer nur ums verdienä und gwünn machä sonder viil meh um "finanzierbar" und "nöd rückwärts machä". und das hätt dänn wiederum gar nüt mit konzert z'tuä...
wänn nur no 500 cd chasch verkaufä well suscht alles brännt, gsuuget und kopiert wird, dänn häsch halt eifach nur no es album budget vo z.B. 500 x 15.- CHF = ca. 7500.- CHF
und das muäss dänn langä für cd presse, studio, video, werbig und und und... arbeitsziit wird eh nöd zahlt und igrächnät.

ich bin defintiv kein generellä "anti suuger und anti kopierer" aber di "isch doch scheiss egal, diä verdienät eh gnuäg"-statements sind wo was vo super hohl und völlig unüberleitet und vorallem eifach nöd richtig...
es chunt scho druf ah ob 500 kauft werdet oder nöd... das spiilt ä rollä... vor allem bi spartä musik.

rm
20.06.2004, 17:30
naja gueti cedes chaufi meischtens, ch rap und düütsche fasch immer, aber es isch nöd so dasi jetz umebingd gegä s suuge wär, ha nu mal fasch kei gäld und so suugi ab und zue au mal e lp oder so.

PsyKez
20.06.2004, 17:57
Original geschrieben von reezer

wänn nur no 500 cd chasch verkaufä well suscht alles brännt, gsuuget und kopiert wird, dänn häsch halt eifach nur no es album budget vo z.B. 500 x 15.- CHF = ca. 7500.- CHF
und das muäss dänn langä für cd presse, studio, video, werbig und und und... arbeitsziit wird eh nöd zahlt und igrächnät.

ich bin defintiv kein generellä "anti suuger und anti kopierer" aber di "isch doch scheiss egal, diä verdienät eh gnuäg"-statements sind wo was vo super hohl und völlig unüberleitet und vorallem eifach nöd richtig...
es chunt scho druf ah ob 500 kauft werdet oder nöd... das spiilt ä rollä... vor allem bi spartä musik.

ich ha eigentlich mit mim komentar wellä säge, dass die meiste CH-künschtler meh geld ade konzert machet als mit verchauf vo albene und vinyl. ich kenne mich i dem ganze finanzzüg echt nid us drum wotti aunid gross rede aber es isch mier scho a diverse konzert bestätigt worde, dass ebe konzert meh stütz ibringet als cd verchauf. doch ei frag hätti no: chame studio etc. nur vode inahme usem cd- und vinyl verchauf zahlä oder wie gseht das genau us?

scope
20.06.2004, 17:57
lade nid mega viu abe. aber töuwiis züg wo noni duss isch us amerika, und wenns usechunt holi mer ds vinyl...

schwizer shit choufi mer scho immer. aber haut nid so viu das nid mega viu git wo neu usechunt u mi gschmack trifft.

shit us der USA fingi isch easy zum suuge. eine wie e jadakiss het eh gnue gäud... und wenn kiss of death id läde chunt choufis uf vinyl, auso ungerstützeni die künstler gengno

too stoned
20.06.2004, 20:05
Original geschrieben von PsyKez
das isch en scheiss iistellig: "ich chaufe schwizer hiphop um schwizer hiphop zu supporte, de rescht brenn ich"

ich han ned gseit de ganz rescht brenn i, ich chauf mer dänk au ab und zue en ami- oder french-rap cd aber schwiizer hip-hop bränn i eifach nie

thieu
24.06.2004, 13:03
Original geschrieben von PsyKez
ich ha eigentlich mit mim komentar wellä säge, dass die meiste CH-künschtler meh geld ade konzert machet als mit verchauf vo albene und vinyl. ich kenne mich i dem ganze finanzzüg echt nid us drum wotti aunid gross rede aber es isch mier scho a diverse konzert bestätigt worde, dass ebe konzert meh stütz ibringet als cd verchauf. doch ei frag hätti no: chame studio etc. nur vode inahme usem cd- und vinyl verchauf zahlä oder wie gseht das genau us?

Also Grundsätzlich verdiänt me mit Konzert scho meh! Aber me brüächt im gegezug wider en Output wie en CD/Singel oder so, ver schine Name z verbreite das me uberhöipt ime bitz gressere Rahme cha Konzert spiile und öi vor es paar Liit spilt wo de Itritt zahlend! Will Konzert ime Jugendzenter vor 100 Liit sind scho cool, aber de chasch mit dem wand verdiänsch so d Spese zahle...

Studio Ziit chasch zahle wiänd willt! Mit dem Sackgeld, dem wome ufem Strich verdiänt oder wiä öi immer, es hät nu keine Luscht mit so eppis druf z zahle und wellti unner dem Strich halt üsa cho!

Darum sellti me di CDs undso öi chöiffe das en Artis nit schiis ersaprt Geld müäss verschlöidre das me schiine sound cha lose!

Mini Meinig, aber ich weiss eh nigs!

fReEMaN
24.06.2004, 13:19
ich süügu sachä woni halt nit würd chöifu und pasta..
isch miär gli was iär hiä sägät, ich find das isch n super sach.

und ja @psychees ch hip hop süügi wirkli nit, sondern der shit chöifi :D

Dirty Fifty
24.06.2004, 13:34
psykez:

i sägä ids die "grosse" wo viu cd's verchoufe hole gnue gäud ine zum studio etc. säuber zahle. usserdäm hei die eh meischtens mitem gäud vo ihrne cd äs eigets studio wo si super chöi ufnäh und "nur" mische/mastere, promo, presse etc. no müesse zahle.. de geits..

und bi dene chunt ou meh gage ine amene konzärt... aber äs isch wie dr reezer seit. du hesch ä cd uflag vo 500 exemplar.. 50 stück dervo göh wäg für promo, 50 stück verschänksch a jede wo ghulfe het mit arbeite. de hesch no 400 stück füre verchouf.. und de wirds schwär das aues z zahle.. und öper vo 500 cd's verchouft wird weniger booked aus eine vo 2000 cd's verchouft.. dementsprächend verdiene die ou dert weniger gäud.

mir muess kenne sägä äs geit nur um d liebi zur sach i däm game.. giele das isch business u niemmer het 1000igi vo franke übrig für cd's z produziere wo när jede brönnt..

und z wichtigschte isch nach wie vor:

VITAMIN B!!! ohni das chasches würklech fasch vergässe...

UAZ
24.06.2004, 13:38
Original geschrieben von reezer
es gaht nöd immer nur ums verdienä und gwünn machä sonder viil meh um "finanzierbar" und "nöd rückwärts machä". und das hätt dänn wiederum gar nüt mit konzert z'tuä...
wänn nur no 500 cd chasch verkaufä well suscht alles brännt, gsuuget und kopiert wird, dänn häsch halt eifach nur no es album budget vo z.B. 500 x 15.- CHF = ca. 7500.- CHF
und das muäss dänn langä für cd presse, studio, video, werbig und und und... arbeitsziit wird eh nöd zahlt und igrächnät.

ich bin defintiv kein generellä "anti suuger und anti kopierer" aber di "isch doch scheiss egal, diä verdienät eh gnuäg"-statements sind wo was vo super hohl und völlig unüberleitet und vorallem eifach nöd richtig...
es chunt scho druf ah ob 500 kauft werdet oder nöd... das spiilt ä rollä... vor allem bi spartä musik.

Rächt häsch. Und öpper wos verdient, wird au kauft. So mach ichs.

Aber die ganz Industrie dehinder, so wiesi hüt isch - isch eifach chrank.

Musik häts vor dä Industrie gäh, und wirds au nochher gäh.

Map
25.06.2004, 15:50
Original geschrieben von PsyKez
ich ha eigentlich mit mim komentar wellä säge, dass die meiste CH-künschtler meh geld ade konzert machet als mit verchauf vo albene und vinyl.

Mit däm hesch äuä rächt. Aber es wärde meischtens die Acts booked wo es eingermasse erfougriichts Aubum ufem Markt hei. U dört geits ou im CH-Rap nach Verchoufszahle, bzw Chartsplatzierig. Aber dasch e angeri Gschicht.

Irgendeis
25.06.2004, 16:09
...ich ha nöniä äs Liäd (mal abgxeh vo Tracks wo NUR im Netz zur Verfüegig stönd) gsugäd! Ich chauf mir CD's oder Plattä, däfür han i nur dä best Sound :p und nöd jedä shit nur will er grad usächo isch uf CD. Aber ich han ca. 200 MD's und döt isch au scheiss drunder woni han will er grad usächo isch! Aber 95 % vo denä Sachä woni uf MD ha, sind vo mä legal erworbänä Tonträger ufgno! Dänn han i au no x Tapes woni all gschänkt becho han und daher d'Herkunft nöd bis zur Wurzlä verfolgt ha.

Ich bin au...vorbildlich!:D

tbo187
25.06.2004, 16:26
ich lad mer s'züg vorallem abe,erschtens isch es billiger & zweitens häsch es viil früener als i dä schwiizer läde!dafür bruuchts viil meh ziit,bis mer ä lp zäme hät!
z.g. hani no es paar amerikanischi kollege wo no vo det no viil mitnehmet,wo's i dä schwiiz gar nöd git!

thank god!!!!

i'm out

tbo187

mc rassko
06.07.2004, 00:08
ich fisch mer fast alles ussem netz, chauf aber au cedes

Ruedi Snare
06.07.2004, 00:09
chaufä!

ApFeLsChOrLe
06.07.2004, 00:54
wenn ich dä geldschiesser hetti würi au cds kaufe... aber dä hanni nun mol nööd! kaufe nur cds woni wircklich geil find!!

http://www.blackradio.de/ccc/index.html :p

Horni MC
06.07.2004, 01:07
... wiä uf dä stross luägä, losä & ch(l)aufä

Beatmaster
11.07.2004, 00:45
aso ich suge de gröscht teil usem web und zwor mit kaaza lite und eMule.
Es guete findi dra, das ich so au zu musik chum, wonich suscht nid wür chaufe, wills eifach nid grad sooo super isch. Schaad isch halt scho, das ich denn keis booklet ha, aber hüfig chame das jo au mit abelade. Aber alles findet meh jo au nid im web, vor allem grad Swiss Hip-Hop, denn chauf ich die cd. chaufe isch für mich aber sicher keis problem. Suuge chunt halt eifach billiger :-)

MikePx
13.07.2004, 11:52
De Shit, wo mer da ide schweiz schlecht oder gar nöd überchunt, lad ich mir sicher usem netz abe...
ich finds au praktisch, zum s'neue züüg halt lose und so..

Aber ich find, wenn du en künstler unterstützte wotsch, chaufsch der halt s'züg na uf CD, Vinyl usw.
isch halt gegenüber am Künstler meh als fair

Aber ich glaub ich vertritt da d'Meinig vo de meischte

dscheims
13.07.2004, 11:59
Alli wo jez gseit hend das suuge voll easy isch und billiger sötted sich emol überlegge wie ihr usraschte wörded wenn ihr nid de voll lohn becho wörded will öbber euchi arbet klaut het.
jo mer macht musig us liebi zur sach, aber wenn kein andere job näbebi hesch denn isch es au nume din bruef, und mit dem willsch gäld verdiene!
jo ich lade au lieder abe, aber das isch für mich wie wenn ich halt in platte lade gang zum öbbis chaufe: ich loses, wenns mir gfallt chauf ichs, wenns mir nid gfallt lösch ichs wieder. öbbis uf vinyl oder uf cd ha isch vil geiler wie ufem pc!

4132
13.07.2004, 12:00
ich kauf das züg wenns e artist isch wo s Gäld brucht, wo immer innovativ gsi isch, und wo mini unterstützig vrdient het...

richi, etablierti künstler ka me au mol abelade...oder vorab züüg ka me aumol abelade, oder unuffindbrs züüg ka me au mol abelade...

aber sunst artists unterstütze!!!!!!!!!!!!!!!!!!!!!!!

slang!head
22.07.2004, 14:05
gwüssi CD's muesch eifach s original ha... Vor allem Ch-Stuff.....

aber suscht im grosse und ganze: *saug*:D

Kush
22.07.2004, 14:06
was musik suuge? was isch das?

ic hsuug nur an joints....:kiffer:

Chico Chiquito
22.07.2004, 15:45
also i weiss nöd, eigentlich isch es doch logisch das abäladä dä künstler nur schadä tuät. aber i muäss scho sägä, i der hütigä zit und mit dä hütigä mittel machts eim d'industrie eifoch z'liächt zum musik abäladä...und i mein solang ich in ä gschäft chan go, mir für 5.-- ä paar cd's kaufä und mir so nocher ganzi albä brennä chan, werd ich das au machä. klar isch dä ufwand grösser und klar isch es niä so wertvoll wiä ä original cd, aber diä priesä wo für cd's verlangt werdet sind mir eifoch chli z'viel wordä.

peace

dscheims
22.07.2004, 15:53
Original geschrieben von Chico Chiquito
also i weiss nöd, eigentlich isch es doch logisch das abäladä dä künstler nur schadä tuät. aber i muäss scho sägä, i der hütigä zit und mit dä hütigä mittel machts eim d'industrie eifoch z'liächt zum musik abäladä...und i mein solang ich in ä gschäft chan go, mir für 5.-- ä paar cd's kaufä und mir so nocher ganzi albä brennä chan, werd ich das au machä. klar isch dä ufwand grösser und klar isch es niä so wertvoll wiä ä original cd, aber diä priesä wo für cd's verlangt werdet sind mir eifoch chli z'viel wordä.

peace

isch dir kunscht demfall keini 20 bis 30 franke wert?

sha
22.07.2004, 15:54
ech mues em reezer total rächt gä - chaufed das züg!

ech ben au ned jesus (dä geds do em forum jo scho), ech han au öppe 10-20 brönnti, aber em ändeffekt macht das ned mol 10% vo de cds us, wo ech han...

ond wer met argumänt chond wie "ech han käi gäld, be schüeler" esch en vollmongo - ech ben au schüeler, lang öber 200 cds dihäi (ond mer werd s gäld ned in arsch gschobe)

ond wer sini lieblings-cds ned orginal hed, dä chan i sowiso ned ärnst nä

Chico Chiquito
22.07.2004, 16:20
Original geschrieben von dscheims
isch dir kunscht demfall keini 20 bis 30 franke wert?

weiss nöd recht! vielicht isch es mir das würkli nüm wert. i han bis jetzt scho jenes stutz für cd's liggä loh, han au ä rechtig sammlig dahai, aber dass chani mir als arbeitslosä nümä leistä. jetzt ziä i mir d'albä vom netz abä und reduzier min ichauf uf 1 bis 2 cd's im monät.

Aurel
23.07.2004, 15:51
übrigens... ech finds lustig, wenn zb sony jammeret, dass nur no brenngt und gsuuget wird...
aaaabber.... wer esch de gröschti rohling-hersteller? :hmmm:

dscheims
23.07.2004, 15:56
Original geschrieben von Aurel
übrigens... ech finds lustig, wenn zb sony jammeret, dass nur no brenngt und gsuuget wird...
aaaabber.... wer esch de gröschti rohling-hersteller? :hmmm:

Schön recherchiert sherlock. bring die story im tagi. oder i de wältwuche!!!!! :D

aDidoN
23.07.2004, 16:17
bi mir isch ou so das ds züg wo mer öbis drane ligt muss ig efiach uf vinyl ha:D wüä es isch würkläch nid verglich bar ä mp3 ohni cover ohni nix u närä schöne platte!
;) aber ig ma echt ke gäut usgä für öbis wo ig ni vou überzügt bi u nur ab und zuä lose... mi git ja schliesslich nid nur gäut für plattenä us u wet sich ou mau no nöi schuä chönä leischtä:D
aber was ig echt muss segä viu züg wär ig niä druf cho wenn ig nid chönnt sugä vo däm her isch es guet für si "musikalische horizont" zerwitere:D u so zum i sache drilose isch es ou gäbig ma ja nid 1h im lade sta u aues dürälose:D ja isch mini meinig und :flucht: ...:D

stressfaktor_w
06.08.2004, 01:16
Ha frühner oft gsuuugt, jetzt wieder ä chli naglah... Aber ebe, Cds vo künschtler woni würkli mag, chauf i scho weni stutz han, suscht warti halt bis ich welches ha. Egal ob dä künschtler würkli unterstüzig brucht. Und covers, texscht, pics und so sind scho recht geil!
Bi uf chaufti CDs uf jede fall stolzer als uf brenntis...

VooDoo
06.08.2004, 03:49
Also sache vo Schwizzer MC's chaufi eigentlich immer wenni de Künster guet finde. Isch mehr au zblöd das ganze im Internet zueche. Usserdem findis scho geiler wenni eh easy hülle und es booklet han.
Aber ich ziehne au recht viel Sache. Meistens züg wohni net grad würd chaufe, aber glich gern mal würd inne lose.
Zum teil downloade eifach zviel und weiss den garnet was löse.
En vorteil isch halt au dases meistens au albe git wos garnonig im lade git und mehr chans scho leeche. Denke da speziell ah ami sache.

steff da reff
10.08.2004, 16:42
fend au das mer söll das züüg in lade go poste

au die qualität vo dene mp3 vielmahl scheisse... zwenig bass, zvell höchine... ergendöbbis stimmt meist ned
han jo au es paar brennti cd's zuhause... aber es goht nüüt öber en original oder am beste grad vinyl

peez

struubiskillz
10.08.2004, 16:57
LOOSED CURSE---VON INNEN NACH AUSSEN---SO NICHT (TRACK 6)-----UND SCHO HÄNDER D ANTWORT UND D BEGRÜNDIG UF DIE FROOG!!!! GEILE TRACK, HETS BRUUCHT!!!

konfus
15.08.2004, 22:29
suuge und was flasht chaufe.

isch scho wichtig dasd musiker unterstützt wärded!
aber äs git au viel sound woni so oder so nöd wür chaufe, öbi ez äs mp3 gsoge han oder nöd.

mp3 isch mir au irgendwie meischtens z´lasch vodä qualität her, züsched cd/plattä und 128bit-scheiss isch ebä scho no en enorme unterschied.

wurschtli
15.08.2004, 23:17
Original geschrieben von struubiskillz
LOOSED CURSE---VON INNEN NACH AUSSEN---SO NICHT (TRACK 6)-----UND SCHO HÄNDER D ANTWORT UND D BEGRÜNDIG UF DIE FROOG!!!! GEILE TRACK, HETS BRUUCHT!!!

wow, groose schriftgrad! bravo!

nei ise, hast ja vollkommen recht!

PervertedMonk
16.08.2004, 00:28
Original geschrieben von Chico Chiquito
weiss nöd recht! vielicht isch es mir das würkli nüm wert. i han bis jetzt scho jenes stutz für cd's liggä loh, han au ä rechtig sammlig dahai, aber dass chani mir als arbeitslosä nümä leistä. jetzt ziä i mir d'albä vom netz abä und reduzier min ichauf uf 1 bis 2 cd's im monät. tzztzzz... viele leute hier drinnen weinen, weil sie zu wenig geld haben. gerade die sollten doch wissen, wie angewiesen man auf diese runden metallstücke ist! aber nein: sie suchen sich nicht einen job oder verzichten auf ihre musik, sondern saugen sie... resultat: es werden noch andere arm und am ende landen all diese rapper auf der strasse ohne geld und nichts! super gemacht leute!

dann gibt es noch leute, die sagen, es sei halt praktisch, dass man übers internet halt auch sachen runterladen kann, die man nicht gekauft hätte, weil es einem zu wenig gefällt. lustig und gleichzeitig traurig! ich höre nur musik, die mir zu 100% gefällt!

ach ja, angesichts so vielen leuten, die sich nur gerade schweizer platten kaufen... jetzt weiss ich auch, warum jeder depp hier in der schweiz anfängt zu rhymen! spass beiseite: warum denn nur schweizer rap? ich denke, da gibt es tausende von leuten aus anderen ländern, die das geld mehr benötigten als "künstler" aus der schweiz!

und an all diejenigen, die finden, man finde übers internet mehr sachen aus im laden... da müsst ihr mir beispiele nennen! denn das würde mich sehr verwundern!

Aurel
16.08.2004, 00:39
Original geschrieben von PervertedMonk
ach ja, angesichts so vielen leuten, die sich nur gerade schweizer platten kaufen... jetzt weiss ich auch, warum jeder depp hier in der schweiz anfängt zu rhymen! spass beiseite: warum denn nur schweizer rap? ich denke, da gibt es tausende von leuten aus anderen ländern, die das geld mehr benötigten als "künstler" aus der schweiz!



vorallem... das hauptproblem sind nicht die betroffenen künstler, viel mehr die plattenshops und die labels. angenommen man saugt sich alles, ausser ch-rap... ch-rap wird eh nicht so viel verkauft. und anders wird ja dann nicht mehr gekauft, also ist es doch logisch, dass alle shops pleite gehen. ich als luzerner musste dies leider auch dieses jahr miterleben...

robson ponte
17.08.2004, 14:40
sorry han nur füren churze komentar ziiit...........CDS BRÄNE ISCH SCHWÜLSCHTE WOS GIT...............(nach schwuchtlene)

Proof
17.08.2004, 15:11
I support my favourates and bought myself a shiny 40 gig jukebox, don't have to say no more

MacKah
17.08.2004, 16:21
Original geschrieben von robson ponte
sorry han nur füren churze komentar ziiit...........CDS BRÄNE ISCH SCHWÜLSCHTE WOS GIT...............(nach schwuchtlene)

backstreetboys sind die beschte und du bisch mis mami :rolleyes:

drosselbart
17.08.2004, 16:45
für mich ist es einfach: mir als wichtig erscheinde sachen kaufe ich, da ich den künstler unterstüzten will, mir als unwichtig erscheinde sachen sauge ich...

das problem ist auch das z.B. sunz of man sachen vom 98/99 gerne würde kaufen, es jedoch nirgendswo finde (p.s.: lass mich gerne eines besseren belehren)...

ausserdem habe ich noch turntables und etliche platten, welche gerne auf zuwachs warten...

peace
massassi

(100 beitrag, aight)

MacKah
17.08.2004, 16:51
alles was ich suuge sin einzelni tracks,
wenn mi ei tack voll flasht, aber s album nit zum bischbil.
Oder zb erstell ich eifach us mine cd's mini mixcd's, also drum mini reaktion uf die ussag, cd brenne ischs schwülschte. mongo

robson ponte
17.08.2004, 16:51
Original geschrieben von McKah
backstreetboys sind die beschte und du bisch mis mami :rolleyes:


rächt übel das dis mami e crackbitch isch.......

MacKah
17.08.2004, 16:57
Original geschrieben von robson ponte
rächt übel das dis mami e crackbitch isch....... ;) scho guet :rolleyes: drum ha ich halt ebbe ame zuckige. :hmmm:
nei aber dini ussag isch scho chli scheisse gsi. was isch an cd brenne schlecht?
ich brenn mini cds us 2 gründ:

well ich mini original nit immer im auto und mäpli will umeschleppe und well ich ebbe wie gseit mix cds mach

robson ponte
17.08.2004, 17:02
so isch sicher in ornig,han am kolleg au scho gseit er söl mer öppis abe lade wil de scheiss nüm findsch!!!!! aber ich mein lüüt wo hauptsächlich nume suuged sind schwul......aber ebe, das isch ee nüt für mich, hock im gschäft 8 std vorem pece dän hocki dihei nöd nomal devor, und darum hani au kein pece und darum suug mer au nüüt und darum isch suuge schwul........

MacKah
17.08.2004, 17:03
Original geschrieben von robson ponte
so isch sicher in ornig,han am kolleg au scho gseit er söl mer öppis abe lade wil de scheiss nüm findsch!!!!! aber ich mein lüüt wo hauptsächlich nume suuged sind schwul......aber ebe, das isch ee nüt für mich, hock im gschäft 8 std vorem pece dän hocki dihei nöd nomal devor, und darum hani au kein pece und darum suug mer au nüüt und darum isch suuge schwul........

an dinere usdrucks- und definierigs-wiis söttsch no chli arbeite, aber sunscht stimm ich dir zue

robson ponte
17.08.2004, 17:16
Original geschrieben von McKah
an dinere usdrucks- und definierigs-wiis söttsch no chli arbeite, aber sunscht stimm ich dir zue


das händs mer ide schuäl au scho gseit ;) also ich versuäch mer in zuäkunft chli me müä zge wasi mini usdrucks&definierigs-wiis agat!!

ich säg nur, das di meischt ziit am pece VERLORENI ZIIT ISCH!(usser chli beats baschtle, und wils du bisch, ab und zuä en track abe ziä) und das sich vil nur im virtuele läbe zrächt findet, darum bini au grad chli agro uf das thema zspräche gsi.......

MacKah
17.08.2004, 17:22
Original geschrieben von robson ponte
... und das sich vil nur im virtuele läbe zrächt findet, darum bini au grad chli agro uf das thema zspräche gsi.......

eher chli schwul als aggro :D ;)

robson ponte
17.08.2004, 17:32
Original geschrieben von McKah
eher chli schwul als aggro :D ;)



hehehe.....ich gse, du verschtasch mich moruk !!!!

PervertedMonk
18.08.2004, 21:14
@drosselbart: ok, dann belehre ich dich mal eines besseren! check www.cede.ch, dann music-cd, und dann gibst du im suchfeld 'sunz of men' (tipp: bestimme die musikichtung nicht, teilweise wird das ein wenig seltsam eingeteilt) ein und schon stehen dir 8 cds zum kauf bereit! was will man mehr??? man muss halt nicht den hiphopstore.ch auschecken, der ist :kotz: ... sorry...

music_head
18.08.2004, 21:19
Aso ich bi scho na froh, dassi amigs so tracks wo mi flashed chan fische. will en grosse teil vom lohn gat id platteindustrie und vinyl sind au nöd gad billig...

SAVE the Y-I-N-Y-L

[Kampf(V)ilbe]
18.08.2004, 21:38
Original geschrieben von PervertedMonk
@ man muss halt nicht den hiphopstore.ch auschecken, der ist :kotz: ... sorry...

was hesch du gega de hiphopstore? cd's chunsch zum teil billiger döt über und sie lieferend au immer pünktlich


also vo mir thumb up hiphopstore!

jo zum thema i suug au recht viel, aber da wo i denk es lohnt sich würkli chauf i natürlich

bi schwiizersacha isches kei frog... wird sowieso also kauft zum dia acts z'supporta

PervertedMonk
18.08.2004, 22:22
hiphopstore.. :hmm: wiä wärs mit em argument, dass si nid grad äs grosses agebot hei???? dr priis isch vilech scho guet, abr i zahlä lieber äs paar frankä me, drfür für diä cd, wo ni würklech o gsuecht ha...

music_head
18.08.2004, 22:32
mer müesst s'sortiment usbaue!! das wär öppis!

PervertedMonk
18.08.2004, 23:52
irgendwie chunnt me de scho zu sim züg - ersch rächt uf legalem weg!

LKB
19.08.2004, 00:50
ich suugä sehr gern, mach das aber hauptsächlich zum neui sachä kennälärnä. Wenn mi was flash denn chauf is sicher uf plattä oder CD.
Mengmol gits aber au eifach lieder wo mä muä suugä, wels diä gar nöd git zum chaufä. I han z.B vom Madlib über 150 Lieder abegladä und i han teilwis kei Ahnig wo i diä uf cd wör übercho und die wo i uf cd oder plattä find, diä chauf i au..

hiphopstore isch ab und zue scho cool zum plattä chaufä. Aber wennt cd's chaufsch, denn muesch uf cede.ch go (kei versandchostä und mega grossi uswahl)

SCREWD
22.08.2004, 13:58
also ich suug nur so sache vom DJ LKB, konfus, spenza, mckah, impossible-ivolein, paul schall, marz, cutastrov........und die wo sunnst ihre scheiss DO uff aightgenossen.ch poste, oder uff djbattle.net....usw.

ich bi nid bi soulseek oder kazaa oder so agmäldet...ha mr würklich no NIE so e ganze track downgloaded...ich find das öbbis truurigs wenn denn plötzlich so spastis chömmet wo eh kei ahnig hän, sich halt alles vom NETZ suuged und denn frooge, ey, was isch guet??? was isch geil??? denn seisch ihne, jo......das z.b. isch ganz geil.....und schwuup, scho göhnd sie ins net uns suuget dä scheiss abe und fühlet sich no toll drbi, weil sie jetzt au äntlich TIGHTE SHIT hän....

tja.....

das isch mini meinig drzue

Lartscho
22.08.2004, 15:54
auso i choufe nume zügs woni geil finge u dä künschtler ou wot ungerstütze dr anger shit lani per i-net abe *g*

fiis aber isch haut so :O

tbo187
22.08.2004, 18:47
ich suug s'bekannte züüg usem internet. ha aber z.g. no en kolleg wo viil eher unbekannts underground züg vo amerika hät (bin also en zimliche schmarotzer:D )!

tbo187
22.08.2004, 18:51
Original geschrieben von robson ponte
sorry han nur füren churze komentar ziiit...........CDS BRÄNE ISCH SCHWÜLSCHTE WOS GIT...............(nach schwuchtlene)

und nach dir;)!

BigBoon
22.08.2004, 19:14
Ich suug träcks wiä bitsches schwänz blased!

Wäni was find wo sich zchaufe lohnt und i na gnuäg Cäsh han gahts in Lade und 5min spöder hanis uf Vinyl dihei!

PaX
Booney

LKB
22.08.2004, 19:41
Original geschrieben von SCREWD
also ich suug nur so sache vom DJ LKB, konfus, spenza, mckah, impossible-ivolein, paul schall, marz, cutastrov........und die wo sunnst ihre scheiss DO uff aightgenossen.ch poste, oder uff djbattle.net....usw.

ich bi nid bi soulseek oder kazaa oder so agmäldet...ha mr würklich no NIE so e ganze track downgloaded...ich find das öbbis truurigs wenn denn plötzlich so spastis chömmet wo eh kei ahnig hän, sich halt alles vom NETZ suuged und denn frooge, ey, was isch guet??? was isch geil??? denn seisch ihne, jo......das z.b. isch ganz geil.....und schwuup, scho göhnd sie ins net uns suuget dä scheiss abe und fühlet sich no toll drbi, weil sie jetzt au äntlich TIGHTE SHIT hän....

tja.....

das isch mini meinig drzue
Was??? Du suugsch mini Sachä abe?? Du huere Byter, chöntsch mer au chli Geld geh däfür!!

stipp
22.08.2004, 19:43
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...

mIkRoFiL
22.08.2004, 19:50
Original geschrieben von stipp
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...

amen!

Lartscho
22.08.2004, 20:12
Original geschrieben von stipp
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...

genau ds hani gmeint

dasch eifach eso :)

(mory cd nie kaufen würd)

R.T.
22.08.2004, 20:44
Original geschrieben von stipp
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...

und wie merksch wärs gäud bruucht? :rolleyes:

PervertedMonk
22.08.2004, 23:15
Original geschrieben von stipp
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...
ach... und wieso si d'schwiizer me uf gäud agwisä aus angeri?!?!?! mir si hiä immerno i eim vo dä richschtä länder vo däm ganzä planet erde!!!!

PervertedMonk
22.08.2004, 23:19
Original geschrieben von SCREWD
ich find das öbbis truurigs wenn denn plötzlich so spastis chömmet wo eh kei ahnig hän, sich halt alles vom NETZ suuged und denn frooge, ey, was isch guet??? was isch geil??? denn seisch ihne, jo......das z.b. isch ganz geil.....und schwuup, scho göhnd sie ins net uns suuget dä scheiss abe und fühlet sich no toll drbi, weil sie jetzt au äntlich TIGHTE SHIT hän....
big, big word!

dr einzig troscht isch drfür, wenn si sech när trotzdäm no blamierä u irgendwie sachä bringä wiä: "hey, itz han i im fau ä huärä geili gruppe gfungä... kennsch sugarhill gang???? mini neuschti entdeckig!" :kiffer:

abr isch leider numä ä chlinä troscht..

tbo187
25.08.2004, 21:57
Original geschrieben von SCREWD
also ich suug nur so sache vom DJ LKB, konfus, spenza, mckah, impossible-ivolein, paul schall, marz, cutastrov........und die wo sunnst ihre scheiss DO uff aightgenossen.ch poste, oder uff djbattle.net....usw.

ich bi nid bi soulseek oder kazaa oder so agmäldet...ha mr würklich no NIE so e ganze track downgloaded...ich find das öbbis truurigs wenn denn plötzlich so spastis chömmet wo eh kei ahnig hän, sich halt alles vom NETZ suuged und denn frooge, ey, was isch guet??? was isch geil??? denn seisch ihne, jo......das z.b. isch ganz geil.....und schwuup, scho göhnd sie ins net uns suuget dä scheiss abe und fühlet sich no toll drbi, weil sie jetzt au äntlich TIGHTE SHIT hän....

tja.....

das isch mini meinig drzue

hey man respäkt, no kein track gsooge! bisch scho en geile siech! offebar häsch scho sälber erfahrige gmacht, wänn'd so detailliert drüber brichtisch!?
mir isch es egal ob dä sound gsooge isch, oder gchauft, hauptsach er isch TIGHT;)!
isch ja logisch, dass gasch go ümefröge, was di andere so looset, dänn chasch ja au mal driloose um z'luege, obs TIGHTE SHIT isch!

SCREWD
26.08.2004, 14:42
Original geschrieben von tbo187
hey man respäkt, no kein track gsooge! bisch scho en geile siech! offebar häsch scho sälber erfahrige gmacht, wänn'd so detailliert drüber brichtisch!?
mir isch es egal ob dä sound gsooge isch, oder gchauft, hauptsach er isch TIGHT;)!
isch ja logisch, dass gasch go ümefröge, was di andere so looset, dänn chasch ja au mal driloose um z'luege, obs TIGHTE SHIT isch!

jo, ich bi e geile siech, ich unterstütz die guete sache, drmit si wiiterhin gutes zügs chönnet usebringe. und ich suech mr die guete & tighte sache sälber use.......
klar isch es logisch dass die kiddies ummefrooge was geil isch, isch au viel eifacher als in lade go und die guete sache z finde...das machts ebbe us, öb sich öbber würklich defür interessiert oder eifach nur e mitläufer isch...
vo dene hetts nämmlich MEHR als gnueg, aber au die sölls gäh.....

vo wäge, ich ha mini erfahrige gmacht??? wie meinsch das?

schnitzel
26.08.2004, 15:28
Original geschrieben von stipp
vo dene wos geld bruched (also zum bischbil d schwiizer)chaufi mer d cd und vo dene wo jo sowieso im geld schwimmed, do brönni mer scho mol eini oder suge sie vom netz...

als chönntsch das beurteilä! wie vill gäld öbber het goht dich en scheiss a, wenn öbber fedde shit uusabringt het er unterstützig verdient damit er wiiterhin abgoo cha und was dr nid gfallt losch lo syy...

robson ponte
26.08.2004, 15:33
Original geschrieben von tbo187
und nach dir;)!

hey moruk, ich schaff in bassersdorf also watch out ;))

Aurel
26.08.2004, 15:34
Original geschrieben von schnitzel
als chönntsch das beurteilä! wie vill gäld öbber het goht dich en scheiss a, wenn öbber fedde shit uusabringt het er unterstützig verdient damit er wiiterhin abgoo cha und was dr nid gfallt losch lo syy...

ohja, du seisches..

und ebe, es gohd ned nur um d'künstler... ich has scho tuusig mal gseid... ich säg nur paar stichwort...

eimsbush
rawkus
doo bop records


na? macht's klick?

robson ponte
26.08.2004, 15:37
Original geschrieben von SCREWD
jo, ich bi e geile siech, ich unterstütz die guete sache, drmit si wiiterhin gutes zügs chönnet usebringe. und ich suech mr die guete & tighte sache sälber use.......
klar isch es logisch dass die kiddies ummefrooge was geil isch, isch au viel eifacher als in lade go und die guete sache z finde...das machts ebbe us, öb sich öbber würklich defür interessiert oder eifach nur e mitläufer isch...
vo dene hetts nämmlich MEHR als gnueg, aber au die sölls gäh.....

vo wäge, ich ha mini erfahrige gmacht??? wie meinsch das?



du seisches..........aber, di diskussion bringt nüm vil, mir sind eifach no inere andere generation ufgwachse, und vo dem her gse no "altmodisch" bin glaub no eine vode wenige wo en walkman di high hät.....gsesch al nur no mit irne schwule mp3 player ume laufe.....fuck that!

schnitzel
26.08.2004, 15:45
ich han au en walkman, nid dehei - de lauft sit 5joor non-stop - aber wege demm bini nid realer!
ich kenn äinigi wo mp3player benutze, ihre sound aber legal erwärbe!

robson ponte
26.08.2004, 15:57
Original geschrieben von schnitzel
ich han au en walkman, nid dehei - de lauft sit 5joor non-stop - aber wege demm bini nid realer!
ich kenn äinigi wo mp3player benutze, ihre sound aber legal erwärbe!

demfall krassi batterie alte.......

wer hät öppis vo real gseit??????
ich han demit nume wele säge dass sich di neu generation anderi sache chauft als mir dazumals........und das ich das schaaad find!!!!!!!

Jigga
26.08.2004, 17:35
an all diä "alliwosuugesindjosoooschwul"

wen es album usechunt, wiä z.b vom jada wo mich nur 2 tracks würkli flashed, chaufis sicher nöd! für diä sfr 25.- hani besseri verwendig...

tbo187
26.08.2004, 18:09
Original geschrieben von robson ponte
hey moruk, ich schaff in bassersdorf also watch out ;))

ou man, okay nimm mich in acht;)!

tbo187
26.08.2004, 18:11
Original geschrieben von robson ponte
du seisches..........aber, di diskussion bringt nüm vil, mir sind eifach no inere andere generation ufgwachse, und vo dem her gse no "altmodisch" bin glaub no eine vode wenige wo en walkman di high hät.....gsesch al nur no mit irne schwule mp3 player ume laufe.....fuck that!

mp3 player söllet schwul sie:confused:?

tbo187
26.08.2004, 18:21
Original geschrieben von SCREWD
jo, ich bi e geile siech, ich unterstütz die guete sache, drmit si wiiterhin gutes zügs chönnet usebringe. und ich suech mr die guete & tighte sache sälber use.......
klar isch es logisch dass die kiddies ummefrooge was geil isch, isch au viel eifacher als in lade go und die guete sache z finde...das machts ebbe us, öb sich öbber würklich defür interessiert oder eifach nur e mitläufer isch...
vo dene hetts nämmlich MEHR als gnueg, aber au die sölls gäh.....

vo wäge, ich ha mini erfahrige gmacht??? wie meinsch das?

find, das hät nöd viil mit interessere z'tue, bisch au kein mitläufer will'd umefrögsch!
du seisch damit nämli us, dass dä wo nöd in lade gaht sich s'züg sälber go usesueche eifach en mitläufer segi? findi echli ä wiit hergholti ussag...

ApFeLsChOrLe
26.08.2004, 19:18
damn.. wieso gits dä thread immer no! kauf dä shit wo du für "real" haltisch und dä ander shiit sugsch der eifach.. schluss ende aus!

PervertedMonk
28.08.2004, 15:48
damn... wiä cha mä numä shit losä, wo mä säubr nid für "real" hautet????? :rolleyes:

tbo187
28.08.2004, 17:17
Original geschrieben von PervertedMonk
damn... wiä cha mä numä shit losä, wo mä säubr nid für "real" hautet????? :rolleyes:

jetzt uf dä ApFeLsChOrLe bezoge? will er sich dä reschtlich shit usem i-net suuget!?

PervertedMonk
28.08.2004, 17:48
nei, auso ja, o z'abäladä isch nid so toll... aber i bezieh mi jitz mau uf z'augemeinä: i weiss nid, wiä das dir ds gseht, aber i losä numä musig, wo ni o würklech geil fingä, sig das vom beat, vo de lyrics, vom flow oder was o immer her... abr musig wo ni nid geil fingä, chunt bi mir gar nid ersch i mini stereoalag... ob i sä jitz gratis bechumä odr nid: was mir nid gfaut, losä ig o nid... schinbar machä ds abr nid aui so wiä ig...

tbo187
28.08.2004, 17:55
Original geschrieben von PervertedMonk
nei, auso ja, o z'abäladä isch nid so toll... aber i bezieh mi jitz mau uf z'augemeinä: i weiss nid, wiä das dir ds gseht, aber i losä numä musig, wo ni o würklech geil fingä, sig das vom beat, vo de lyrics, vom flow oder was o immer her... abr musig wo ni nid geil fingä, chunt bi mir gar nid ersch i mini stereoalag... ob i sä jitz gratis bechumä odr nid: was mir nid gfaut, losä ig o nid... schinbar machä ds abr nid aui so wiä ig...

verstaht sich ja vo sälber, dass'd numme loosisch was der gfallt! würs au nöd andersch mache als du.

PervertedMonk
28.08.2004, 18:14
ok, de verstöh mer üs ja!

abr äs git angeri lüt, wo sägä: "das wo dä guet fingsch muesch choufä u z'angerä chasch dr abäladä" odr so i däm stiu... u das fingä ni scho chli komisch...

SCREWD
30.08.2004, 09:29
also jetzt mi letzt biitrag do i dem thread........

isch jo scho ok, dass me sache cha downloade so zum probehöre...

ich möchts euch mol bitz verständlicher überebringe:

du gohsch z.b. in city disc und sehsch e CD, denn nimmsch die CD und gisch se im Verkäufer, dass emol drilose chasch.......so.......die CD gfallt dir....guet....laufsch jetzt eifach use mit dere CD ohni defür zahle???

ich glaub nid....

genau s gliche isch es mit dem DOWNLOADE....isch sicher e gueti Sach, do me nümm äxtra City Disc muess goh...s hett alles si VOR und NOCHTEIL...

gnueg gseit

Benwick
16.02.2005, 22:12
downloade isch für mich okee eifach die wo scho wenig geld hend set mer halt understüze und chaufe. jedefals so mach ichs.

powerhaas
26.02.2005, 02:20
ich chauf eifach CDs vo dene Künschtler woni unterstüze chan. Lieder woni nur mässig guet find, chaufi doch nöd... Die ladi abe und wenns mer nüm gfalled, löschis. Da wer mer mis Gäld echt zschaad defür.

http://www.ccc.de/campaigns/music/boy-headphones.jpg

wackeltante
26.02.2005, 02:41
in letschter zit hani rächt vell abeglade, werd aber s'paar cds sicher no go nochechaufe.. und ich würd mer im läbe nie e singel chaufe.. drum fendis ned schlimm, einzelni lieder abelade.

http://forum.rap.de/forum/images/smilies/bart.gif

Peacemaker
26.02.2005, 13:43
cd chaufi scho sit em nä zitli nüm, bi meh am abe zieh.
doch wasi chaufe isch natürlich vinyl. uf irgend ä art
mues mä jo die hütigi musikbranche no chly ungerstützä.

Shidda
26.02.2005, 13:56
Sit 1 monat bini am downloade, aber wenn mer än artist gfallt... muess mer scho sAlbum chaufe.

er und du
02.03.2005, 21:05
solangs uf mtv-cribs oder suscht wo chönd zeige wies mit
em chole um sich schmeisset, hanni gar keis schlächts gwüsse bim suuge. und das nöt nur bim sound.*g*

usserd wänn es album hammer isch oder ich find es ghört eifach i mini sammlig muess i scho cd go holle. booklet und so...

zudäm dänki das de grossi cash eh nur bim toure und promo gmacht wird. der gröschti teil vom gwünn vom verchauf vo tonträger sacket eh immer d labels i.
und jetzt wällets für die wo legal suuget priise erhöche. will nachfrag sehr gross seg. sorry?! die machet sich nur sälber kaputt.
SäLBERSCHULD channi da nur säge.

musicindustrie kills music

abstract
17.03.2005, 19:24
suuge isch en vorteil für viel musiker.. so werdets bekannter und bringet evtl paar cds me los..

mini meinig isch, dass (wie scho erwähnt) di paar wenige bekannte musiker fu dene vielne 1000 talent da usse, eh scho gnueg cash händ und ich drum nöd unterstütze du CD kauf.. aber ich suuge und suuge und triff immer wieder uf fetti artiste wo ich no nie ghört han, und ich mir fu dene züg im lade zien (sofern ichs finde)

minere meinig na isch sdownload di best möglichkeit für en musiker wo talent hätt, aber nonig bekannt.. das züg gaht im 0,nichts um di ganz wält

fuck 50räppler&co.

RSG
13.04.2005, 12:27
US/FR sound ladi zo meh als 50% abe CH Rap nonie was osser snippets ond web-track!

alikes
27.04.2005, 11:19
mhh i tuen mer d'albenä halt gern zerscht mal abelade zum driilose obs mer richtig gfallet.. wenn das de fall isch gahnis mer denn au na go chaufe.. eifach wills ja au schön isch richtigi CD's bzw. plattene zbsitze wo eim öpis säget..!! und hans denn halt scho gern mit de richtigi covers und allem drum und dra..

M-A-Z
28.04.2005, 10:01
Original geschrieben von alikes
mhh i tuen mer d'albenä halt gern zerscht mal abelade zum driilose obs mer richtig gfallet.. wenn das de fall isch gahnis mer denn au na go chaufe.. eifach wills ja au schön isch richtigi CD's bzw. plattene zbsitze wo eim öpis säget..!! und hans denn halt scho gern mit de richtigi covers und allem drum und dra..

Exactly My Way!!!

Ja-roo
28.04.2005, 11:10
isch en geile thread vor allem i dere ziit wo alles abegsuget wird. Aber d'lüüt wännd halt doch ebe no es Cover und s'booklet muess au debii si.

aber CD als grössti und wiitverbreitischti Tonträger isch scheeeeeiiiiiiiiiisssssseeee. CD's sind schlechter abboubar als en verbruchte Atomstab vomene AKW.

Und was macht mer schlussendli???? Reezer häts erwähnt: mer brännt de shit womer abeglade hät wieder uf CD. Das isch genau sgliiche wie mit em papier. Obwohl mer alles chan ufd harddisk speichere hät de mensch sgfühl er müessi zum ganz sicher gah alles nomal usdrucke.

Das wird es globals problem (nei es isch scho es globals problem)
Mit em MP3 player wird dah öppis gmacht wo tuuuuusigmal unweltfründlicher isch als e CD.
Ich han mer au scho überleit, das mer en iPod (Photo) genau gliich chan bruche wie e CD mit Cover und booklet. Das isch e marktlugge: iPod ihschicke z.B. a hiphopstore.ch und die gewünschte Albene grad direkt uf de iPod lade. Oder no besser gar nöd ihschicke sondern dihäi zahle abelade lose.

so gnueg umeglaberet......muess no s'neue album vo Söhne Mannheims abelade:D (that was a joke)

bungee
02.05.2005, 09:41
i kaufä die cds vo könschtler wo s gäld chöned bruuchä o i guet fengä.

abr settig wo ig guet fenge o em gäld schwömmä da lad ig abä...

piis
:hippie: :kiffer:

soundcheck
07.05.2005, 20:07
Original geschrieben von music_head
Säli zäme,

Da stöberi chli uf de Page umenand und säg mir, das Thema isch nöd nume brandaktuell ide Media, sondern hät au öppis mit de Istellig vomne Mensch zdue.

Ich rede da von Musik. Legal bezieh oder übers Web abesuuge? Ich bin mir sicher, dass jed/e scho mal Tracks vom Netz gfischet het, aber wie stönd ihr dezue? Sugged ihr alles was vord Ruete chunt oder kaufed ihr na CD's im Lade, damit eue Lieblings-Künschtler au nachli Cash verdient? Wo laded ihr de Stuff abe? Programm?

Gfräget sind Meinige und Arrgument wo defür oder degäge spreched.

piiaz head

PS: Please don't steal music!

nix suuge! cds werded kauft! punkt! han hald gern no es schöns booklet ide hand, ä schöni cd... macht sich eifach besser im regal! ;)

$Langstrass$
07.05.2005, 20:10
chame ch albums überahaupt abelade?:D

mod
07.05.2005, 20:33
mais oui

P-Flow
07.05.2005, 20:42
ich ha nu nie irgendwelchi tracks gsüügt. ha nu immer di CDs im lade köift. ha vil lieber, wenni z'original ha mit cover etc.. veli soinni wägu dem, aber ich machs nun mal so ;)

Raptor
08.05.2005, 21:48
hmm han kes downloadprogramm meh, und anstatt cd's chaufi mer jetzt halt eifach nur no platte...:D

dan-one
12.05.2005, 09:38
ich bi "anti-gratis-sound-abäladä-vom-internet"..

aso wänns um einzelni tracks goht womä vilicht nu uf vinyl überchunt ischs was anders...aber gad go ganzi albänä abäladä findi nöd so fair...guät anderersiits,wännt kei cash häsch zum sound chauffä väschtohnis no,aber wär gäld vädiänt cha sich dä sound jo au chauffä...

chauffä --> künschtler underschtützä

xindplex
12.05.2005, 09:59
Original geschrieben von dan-one
ich bi "anti-gratis-sound-abäladä-vom-internet"..

aso wänns um einzelni tracks goht womä vilicht nu uf vinyl überchunt ischs was anders...aber gad go ganzi albänä abäladä findi nöd so fair...guät anderersiits,wännt kei cash häsch zum sound chauffä väschtohnis no,aber wär gäld vädiänt cha sich dä sound jo au chauffä...

chauffä --> künschtler underschtützä

kai geld... :p :hippie:

Cereal Killa
12.05.2005, 17:30
Original geschrieben von P-Flow
ich ha nu nie irgendwelchi tracks gsüügt. ha nu immer di CDs im lade köift. ha vil lieber, wenni z'original ha mit cover etc.. veli soinni wägu dem, aber ich machs nun mal so ;)

wür au gern all die cd's chaufe wohni wet abr ja für das reicht mis geld ned us..
drum chaufi eifach da wo würkli geil isch..

quinton
08.08.2005, 08:35
Original geschrieben von Cereal Killa
wür au gern all die cd's chaufe wohni wet abr ja für das reicht mis geld ned us..
drum chaufi eifach da wo würkli geil isch.. ganz genau so isches und so geits äuä dä meischte.

FreddieFuxx
12.08.2005, 15:58
ab und zue abelade isch schoo easy aber finds eifach scheisse das es lüüt git wo alles abeladed. :wtf: :gun:

Keng
12.08.2005, 16:19
Naja, ig lade ziemlech viu abä :eek:

Aber ig choufä trotzdem recht viu DVDs u CDs.

Bi d Musik CDs choufi meistens nur Collector/Limited Edition, do bechunsch wenigstens öpis für dim geld. U ig ungerstürze au mini lieblings Künstlerin/Künstler.

Di Filme isch öpis ängers, bi DVD bechunsch no Bonus, 5.1 Sound usw... Drum häni bald meh DVD als musik Cds :D

lyrikaa
12.08.2005, 16:29
naja, d cds vo de lieblingskünstler oder raritäte werdet klar kauft, s git aber au sache woni abelade...
prinzipiell schätzis aber meh wennis orginal cover und s booklet ir hand han...

konfus
13.08.2005, 02:17
Händer gwüss, ä neueri Studie seit, Lüt wo suuged chaufed 4 mal meh wie dä Schnitt. Mich nähms nur Wunder, warums dä Musigindustrie schlächt goht? Die Usred chönds ja nüme guet bringe wägem illegal suuge.

Stinkyfingaz
13.08.2005, 02:32
Mann jetzt choschte scho e album nume mit öppe 12 stuck, facht 30 stutz und die fröget sich wieso vill meh lüüt suuge

*jasy*
13.08.2005, 15:59
aso CD`s vo CH-Acts chaufi, wie au söttigi vo Dütschland! muss ja CH au chli unterstütze!:)
aber so lieder vo de Amis ladi abe, will ja ich denke die hend so es grosses Land und ded chaufed so viel CD`s vo ihne, de verdienets au gnueg! de chunds eigentli ned so drufah öbis ez abelade oder ned! aber da ich sowieso ned so viel abelade chunds au ned so drufah!

nobra
20.08.2005, 01:11
mini erst kaufti cd im ch bereich isch flashback gsi und jo gediege sflowt au wenn min low bro alag kaputt machr hät wölle woni laufe loh han :D

NA
20.08.2005, 01:25
es git hüt zu tag so vil scheiss im musigbizz..
aber guets züg mues belohnt werde :D
weni öpis abelade und es gfallt mer chaufis sofort :D
aber sprob sind halt ebe au dstütz :rolleyes:

han so a die 50 cds di hei und so ade 20 gb musig ufem laptop :D

SlangWarrior
27.08.2005, 14:15
auso bimene 50Cent oder The Game hani ke Skruppel devo dass suuge!
Die verdiene schüscht au Millione, hend jo no Wear und Jams wo sie vill Cash machet...

Aber all die andere Acts choufi...um sie z'unterstütze! Ich choufe pro Monet ei bis zwe CD's und teilwiis au Mixtapes (DJ High Time rult...):)

NA
31.08.2005, 23:56
Original geschrieben von SlangWarrior
auso bimene 50Cent oder The Game hani ke Skruppel devo dass suuge!
Die verdiene schüscht au Millione, hend jo no Wear und Jams wo sie vill Cash machet...

Aber all die andere Acts choufi...um sie z'unterstütze! Ich choufe pro Monet ei bis zwe CD's und teilwiis au Mixtapes (DJ High Time rult...):)

word!!!!

GB*
08.09.2005, 16:33
Ich lad mini tracks bim Russ abe (allofmp3) - zahled immerhin russischi lizenzgebühre ;)

Stinkyfingaz
05.10.2005, 13:30
AllofMP3 mues eh abschalte, ihhalt isch illegal....

miz
07.10.2005, 22:30
Original geschrieben von reezer

so än bränntä silberling chan eifach nöd halb so viil wiä ä originalä... isch eifach so.... chönd ihr sägä was ihr wänn...


ganz mini meinig.

früener nani au viel abeglade aber jetzt chaufi nur d original.

beatniquer
07.10.2005, 22:33
Original geschrieben von *jasy*
aso CD`s vo CH-Acts chaufi, wie au söttigi vo Dütschland! muss ja CH au chli unterstütze!:)



ich bin ja soooo patriotisch:rolleyes: ich unterstütze die jungs weil sie vom gleichen land sind wie ich haha...

Pump
15.11.2005, 03:20
Bei "Talfahrt" erübrigt sich die Frage...:D

Die Plattenfirmen sollten mal aufhören Geld in Kopierschütze, die immer Floppen, zu investieren. Würden die Ihre Tracks für
20-30 Rp. bereitstellen, sähe die Welt ganz anderes aus. Die einzige Plattenfirma die das Internet begriffen hat, ist meiner Meinung nach Interscope....

köbi
15.11.2005, 05:20
i ha nüt gäg download vo riiche amiacts wi nas, jigga, fitty, game, kanye west...
abr wemr öpis gfaut holis im ladä:
UF VINYL!!!











u am liebste när d 12" wägä instrumental u accapella u bonus.
u mixtapes...