Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Eishockey WM


Jollepath
06.05.2005, 14:30
Was denked ehr wer wird Weltmeiser?
Ich tippe uf Kanada. Die 2 "Hilfs-Davoser" sind eifach Top in Form und d Mannschaft isch trotz NHL-Pause konstant und frisch...

D Schwiiz chunnt in 4. Final aber nachher isch fertig...*pessimist*

Danielsson
06.05.2005, 14:33
Dänke Schweden machts!!!

D Schwiiz gwinnt gäg Russland u gäg d Wiisrusse aber Slovakei isch ä Nummerä ds gross dänk i mau!!!
Wen si aber so konzentriert u supr Spiele wie gester chönnts ganz guät cho!!!:D


piiis

Jollepath
06.05.2005, 14:43
hmm...sieg gäge wissrusse seti lange zum wiitercho...
russland wird tight, sind au nüm sone macht wie früener...

Slowakei isch scho krass, aber au die chamer schloh...

Schwede:Kanada wär Traumfinal...
Mues zuegeh has zwar nanig so verfolgt, aber ab de 1/4 Final mues mer scho chli Spiel inezieh....aiiight

piis

K-Baller
06.05.2005, 15:14
SUOMI for Champ!!!!!!!

katensky
06.05.2005, 15:16
ich tippe uf kanada. vor em turnier hetti uf tschechie tippt, aber die händ jetz ide vorrundespiel ja nöd so würkli chöne überzüüge. und de nash und de thornton gönd würkli voll ab... beidi 8 pünkt us 3 spiel, de nash sogar 6 chischte... respekt!
allerdings dänki dass kanada de roberto luongo sött is goal tue, de martin brodeur isch us minerä sicht längscht nöd so guet wie mer immer seit (hät au 4 töpf übercho gäge d'lette).

schwede und finnland sind wie immer au dasmal nöd schlecht, aber ich glaub es fählt doch wider irgendöppis zude absolute spitze. es müend au beidi mannschafte uf ihri stärkschte spieler verzichte (forsberg, sundin, lidström, salo; selänne, koivu).

d'slowake wäred min tipp nr.2 hinder kanada. au die händ würkli e sackstarchi mannschaft am start.

de schwiiz sött ja theoretisch en sieg gäge wissrussland lange fürd viertelfinals. aber au gäge wissrussland müends zerscht mal günne. ich ruume de schwiizer gäge russland grösseri chance ii als gäge d'slowake, aber ich glaube eigentlich nöd gross an e überraschig. für en erfolg gäge die mannschafte mues eifach alles stimme. aber sowohl d'russe als au d'slowake sind halt spielerisch/technisch so starch, dass ich mir ehrlich gseit besser chan vorstelle, dass d'schwiizer überrännt werded. aber je länger sie chönt degäge hebä, desto grösser wird d'chance uf e überraschig (vor allem gäge d'russe).

i dem sinn: uf e wiiterhin spannendi WM und hopp schwiiz!

mc rassko
06.05.2005, 15:28
ich tipp uf russland, s'tunier isch minere meinig nach nöd so spannend aber eezy...

Jollepath
06.05.2005, 15:31
ja vorrundi isch irgendwie immer chli lasch, mer weiss eh scho wer wiiterchunnt...
zwüscherundi fägt es bizli meh, aber au nanig würkli

aber ich hoffe und denke mal abem viertelfinal wirds geil, vorussgseh s iis hebt so lang :D

katensky
06.05.2005, 15:38
Original geschrieben von Jollepath
ja vorrundi isch irgendwie immer chli lasch, mer weiss eh scho wer wiiterchunnt...
zwüscherundi fägt es bizli meh, aber au nanig würkli
naja s'gitt scho ide zwüscherundi wider paar geili mätch:

tschechie - slowakei
tschechie - russland
kanada - schwede
kanada - finnland
schwede - usa

aber isch scho klar, ab de viertelfinals gahts dänn richtig los.


mal e fraag so am rand: wo isch eigentlich dütschland? :D :p

Jollepath
06.05.2005, 15:42
mal e fraag so am rand: wo isch eigentlich dütschland?

hehe...oooh ja. vor de wm sind die no ufem 8. platz gsi ir weltranglischte...etz hend mir de wider igno (vorher 9.)

isch geil gsi...do im gschäft: vorem game hend alli dütsche en verdammt grossi frässi gha "na, die schweizer machen wir kalt, etc..."

und ich miteme riise smile inegloffe hüt...harrrharrrr *schadenfreude*

weiss ned aber de dütsche magis irgendwie immer gönne wenns schlecht sind...

-> ja zwüscherundebegegnige sind z.t. scho geil, aber bide "grosse" teams gahts nanig um vil (ussert prestige). de isatz und spielgschwindigkeit werded no 10x höcher abde 1/4 finals...

Danielsson
06.05.2005, 16:07
Original geschrieben von Jollepath

weiss ned aber de dütsche magis irgendwie immer gönne wenns schlecht sind...



Wär nid?!:p

slang!head
07.05.2005, 15:06
Yeah fett zerscht die düütsche usegschosse und jetz fast geg d russe gwunne!!!

Slovakei watch out....

fReEMaN
07.05.2005, 15:23
ich tipp uf schweden..

obwohl ich befürchtu, das d'amis z'rännu mächunt..

mmhh.. schwiz chunt bis inu 1/4 final und dä isch finito.. aber hut ab, d'leistig bi s jätz vanu schwizer isch super.. witer so!!

music_head
07.05.2005, 18:00
Original geschrieben von Jollepath
Slowakei isch scho krass, aber au die chamer schloh...

Witz chum use! Häsch scho mal das Team agluet? und bi dene ville strafe wod schwiz immer hät verlürets höch!

min tipp isch kanada. sind halt eifach DIE ishockeymacht. s'final wird si kanada - slowakai

und schwede spilt um platz 3 geg usa oder tschechie.

Jollepath
07.05.2005, 18:13
[QUOTE]Original geschrieben von music_head
[B]Witz chum use! Häsch scho mal das Team agluet? und bi dene ville strafe wod schwiz immer hät verlürets höch!

Ja hesch scho recht, s team isch deftig. aber hesch ja d russe gseee. diehend au huere vil einzelkämpfer und s team als Ganzes het eifach ned s tollschte Zämespiil.
Ich rechne scho mitere Niederlag vode Schwiizer. Aber ebe, unmöglich ischs ned zum punkte,,,
we'll see wieviel chrafisatz d slowake gend...

ha au uf kanada tippt :D

katensky
08.05.2005, 19:26
sodeli... d'schwiiz hät kei chance gha gäge d'slowake, nur dank eme hervorragende tinu gerber häts am schluss 1:3 und nöd 1:6/7/8 fürd slowakei gheisse. aber eigentlich isch das ja au nöd unerwartet cho. was die slowake läuferisch und technisch druf händ, isch scho beiidruckend und sicher e stufe z'höch fürd schwiiz.

morn s'entscheidende spiel gäge d'wiissrusse... die sötted eigentlich z'packe sii!

Jollepath
11.05.2005, 08:09
hmm Schwiiz gege Schwede...glaube das isch s endi für eusi eisgenosse...
schwede het geschter lettland 9:1 gfiggt. glaub ned das d schwiizer (au miteme tinu gerber) sop starke widerstand chönd leischte...

wiiteri paarige...

kanada-slowakei
tschechien-usa
russland finnland...

ussert em nash, thornton, morisson +heatley hend kanadier nanig richtig chöne überzüüge, aber glaube trotzdem no an titel vo ihne...

diken
11.05.2005, 08:59
ich stell nie gross prognose vor me match uf, bringt irgendwie so wenig, hehe. aber wenn d'schwizer so lustlos und defensiv spieled wie gäg belarus gsehni schwarz fürs spiel gäge d'schwede.
wer weiss, viellecht staht ja d'abwehr wieder einisch meh 100% sicher und de wirds au für sedin, jonsson, alfredsson usw schwierig en treffer z'lande!! ...na' meaaan...mer sind ja ned lettland.


hoffentli schlüssemer die wm uf IIHF World Ranking Platz 8 ab!!!
würd vorallem em HCD was bringe vowäge champions cup...

bauer
11.05.2005, 09:06
Original geschrieben von diken
ich stell nie gross prognose vor me match uf, bringt irgendwie so wenig, hehe. aber wenn d'schwizer so lustlos und defensiv spieled wie gäg belarus gsehni schwarz fürs spiel gäge d'schwede.
wer weiss, viellecht staht ja d'abwehr wieder einisch meh 100% sicher und de wirds au für sedin, jonsson, alfredsson usw schwierig en treffer z'lande!! ...na' meaaan...mer sind ja ned lettland.


hoffentli schlüssemer die wm uf IIHF World Ranking Platz 8 ab!!!
würd vorallem em HCD was bringe vowäge champions cup...

Also das stimmt also nöd ganz wad da schribsch .. Sie händ nöd lustlos gspielt sondern eifach uf konter.. händ defensivä gstärkt und ihri schnelle schlittschuäloifer lanciert.. Ich glaubä d schwiz hät ä chance gägä schwedä sie därfäd eifach nöd früäh in rückstand gratä sust wird schwär..

Dä Blick hät gseit sie hegäd Trapatoni ishockey gspielt.. ;)

Sweedozz
11.05.2005, 13:11
Gaaaaaaanz klar: DSchwiz bumst Schwedä ufs oibelscht und dänn im Halbfinal wird dä nöchst Gegner eliminiert. Und im Final wird dSchwiz richtig befreit ufspielä und Weltmeischter wärdä...und dänn flizi uf Dütschland und lach sie alli us willd Schwiz Wältmeister isch und Dütschland id B-Gruppä abgstigä isch:D :D :D

Jollepath
11.05.2005, 13:15
Original geschrieben von Sweedozz
Gaaaaaaanz klar: DSchwiz bumst Schwedä ufs oibelscht und dänn im Halbfinal wird dä nöchst Gegner eliminiert. Und im Final wird dSchwiz richtig befreit ufspielä und Weltmeischter wärdä...und dänn flizi uf Dütschland und lach sie alli us willd Schwiz Wältmeister isch und Dütschland id B-Gruppä abgstigä isch:D :D :D

hehe geile siech ;) voll optimistisch. wär zu schön, denn chönnti au all mini dütsche mitarbeiter uslache...guet dezue mues d schwiiz ned mal weltmeischter werde, aber das wär natürlich no d chrone...

ebe wie gseit, glaube ned dass d schwiiz: schwede disst, aber mer gsends ja-..

katensky
11.05.2005, 13:33
hehe, als liideschaftliche pessimischt gang ich jetzt eifach mal dävo us, dass d'schwiiz nöd weltmeischter wird... ;) aber mal im ernscht: das wär doch au nöd guet... will dänn würded di dütsche nur mit sprüch uffahre wie "es ist ja keine schande gegen den weltmeister zu verlieren"... wämmer dänn das? :D

ich setz ehrlich gseit nöd allzu grossi hoffnige id schwiiz. aber ich stimme dem zue wo obe scho mal gseit worde isch: wänns es schaffed s'spiel lang unentschiede z'halte oder sogar in füerig z'gah, dänn isch sicher öppis möglich!

Jollepath
12.05.2005, 23:03
tja het ned selle si fürd schwiizer nati.
aber ebe sie hend au ned die zwingendi chance gha...s isch aber danke em goalie (tinu) glich spannend gsi bis am schluss.

aber schwede isch verdiente sieger.
ich bliib bim finaltip: kanada_schwede-..

übrigens recht geils penaltyschiesse zwüsche finnland und russland gsi!
no selte sovil fetti penalty gseh...

Stylebock
14.05.2005, 22:21
Jollepath: word, vor allem dRussa hend geili druf kha, während am ganza Spiel scho, technisch mega guat...

wer online isch würi ds Halbfinal zwüscha Schweda und Tschechia empfehla, goht mega ab...

Kanada - Russland isch au as hammer-spiel gsi...sehr hochstehend, das isch richtig geils hockey!

Stylebock
14.05.2005, 22:22
Original geschrieben von mc rassko
ich tipp uf russland, s'tunier isch minere meinig nach nöd so spannend aber eezy...

wenni nur dResultat im Blick läsa wür wärs für mi au nit so spannend :rolleyes:

Stylebock
14.05.2005, 22:56
Finale Eishockey WM 2005

Kanada - Tschechien

damn isch das as geils Halbfinal gsi, nur mim falscha Sieger...Goal vum Dworak ir Verlängerig, Video-Bewiis nochdem er dKamera troffa het (Latta oder nit)

jetz gits as Hammerfinal...schad fürd Schweda, 2mol im Final verlora, jetz im Halbfinal...

heimetschwändi
14.05.2005, 23:53
Original geschrieben von slanGRover
Jollepath: word, vor allem dRussa hend geili druf kha, während am ganza Spiel scho, technisch mega guat...

wer online isch würi ds Halbfinal zwüscha Schweda und Tschechia empfehla, goht mega ab...

Kanada - Russland isch au as hammer-spiel gsi...sehr hochstehend, das isch richtig geils hockey!

mega, geil, mega, geil, hammer, geil! yeah man, i know what you mean!

Stylebock
15.05.2005, 11:56
Original geschrieben von heimetschwändi
mega, geil, mega, geil, hammer, geil! yeah man, i know what you mean!

Achtung Ironie? :D

Mormedil
15.05.2005, 12:31
ich finde tschechie gäg kasnada es guets final, entspricht de leischtige vo de beide clubs

Kanada-russland: Schad händs d russe ned packt, hät sie eigentli lieber im final gha. de kanadier isch es goal aberkannti worde, vo dämm her...

tschechie-schwede: (nachem sushi ässe mit de eltere :D) au durchus geils spiel gse, finges guet, das d tscheche gwunne hei. de kameraschuss isch aber wohl eine vo de geilschte gse...

tbo187
15.05.2005, 12:55
da ich en halb-tschech bin, erübrig sich d'frag! ich denke, dass d'kanadier nöd überzügt händ bis jetzt (match vo geschter), drum werdets hüt abig dä chürzer zie. s'wird gliich es relativ engs spiil geh...

Mormedil
15.05.2005, 22:51
s isch offiziell, tschechie het kanada 3:0 gschlage..


Tschechien ist Weltmeister

Mano
19.05.2005, 11:54
aso ich bi devo überzoge, dass dSchwizer mit sonerä leischti wiäs a dem turnier zeigt händ, bide nöchschte grosse turnier wänd nhl wiedär am spielä isch, cha um en podestplatz spielä. zwar hämer dän dä martin gerber au nöd aber ebe.

Kälner
19.05.2005, 12:06
Original geschrieben von Mano
aso ich bi devo überzoge, dass dSchwizer mit sonerä leischti wiäs a dem turnier zeigt händ, bide nöchschte grosse turnier wänd nhl wiedär am spielä isch, cha um en podestplatz spielä. zwar hämer dän dä martin gerber au nöd aber ebe.

müest aber villes guet laufe!!! möglich isches....sicher sviertelfinal günne chönteds scho schaffe aber da mus alles stimme...

und fürd viertelfinals gsehts nöd so schlecht us

vorgruppe:

italie
ukraine
schwede

es mues zum wiitercho!

zwüschgruppe sinds denn 3 vo dene 4:

russland
wiisrussland
slovakei
kasachstan

aso wärs doch no möglich, dasjahr hends vo da nur geg schwede verlore...