Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Freestyle Battle im Albani Winterthur


kevp
22.06.2004, 15:40
Im Rahmen unserer All Hip Hop Reihe "Rap Culture" findet im Albani Music Club Winterthur am Samstag, 24. Juli 2004, ein MC Battle statt. Die besten 10, welche sich mittels Demo qualifizieren, können sich am 24. dem Publikum stellen. Ab sofort kann jeder Interessierte ein Demo, Snippet, Comboxaufnahme....whatever...schicken per E-Mail, Post, oder Flaschenpost. www.urban-itch.com auschecken für details. Wir wählen dann bis zum 16. Juli die 10 Battler aus.

D-Glay
22.06.2004, 16:05
Da fanged mini Auge ja grad ah funkle! :D

Jepp! Definitiv en Ameldigsversuech wert! :yeah:

Greetz!

-DefG-

Beatnik
24.06.2004, 14:38
Original geschrieben von D-Glay
Da fanged mini Auge ja grad ah funkle! :D

Jepp! Definitiv en Ameldigsversuech wert! :yeah:

Greetz!

-DefG-

He He, falls dich nöd nehmed, ich chan dir fürs Albani en Pass bsorgä, dänn gasch eifach uf sBühni und burnsch mal chli;)

Tensionstate
24.06.2004, 23:11
also is albani chunnsch au ohni din pass inä normalerwiis :D
aber ameldä wär scho nid schlächt schliesslich sölled ja d'lüüt au was devo ha, sprich echli es guets level chöne checkä, bzw. am schluss en würdige freestyle king küre chöne.










....über dä priis für dä gwünner müemer eus no d'köpf zerbrösle ;) git aber sicher öppis.

Mano
29.06.2004, 18:14
schön so öpis und das alles a mim 19tä jahrestag! aso ich bi det!

@kevp
wieso häsch mer am samschtig kän istee chöne gä? susch häsch au immer hinter dä bar hantiert!

kevp
29.06.2004, 20:06
Original geschrieben von Mano
@kevp
wieso häsch mer am samschtig kän istee chöne gä? susch häsch au immer hinter dä bar hantiert!

hey mano, ich darf eigentlich nicht an der bar schaffen, geb' aber manchmal doch fläschli raus...
das nächste mal spendier ich dir einen ice tea, ok?

peace!

Mano
30.06.2004, 09:13
Original geschrieben von kevp
hey mano, ich darf eigentlich nicht an der bar schaffen, geb' aber manchmal doch fläschli raus...
das nächste mal spendier ich dir einen ice tea, ok?

peace!

snächschte mal (rap culture) isch min geburtstag dän spendiersch mer lieber äs bier!:hippie:

kevp
06.07.2004, 20:00
hier der flyer:

anmeldungen an info@urban-itch oder check www.urban-itch.com

peace!

Tensionstate
11.07.2004, 16:11
Da nochli was zu de special Guests am Battle.
ziehnd eu mal die MP3's ine, wird wieder ä heissi Nacht ;-)

http://www.trilogyonwax.com/doujahraze.htm

kevp
19.07.2004, 21:56
wir haben noch 3 freie plätze, wer macht mit?

ge!, du hast dich noch nicht angemeldet: info@urban-itch.com

thanx and cu saturday!

Mano
20.07.2004, 18:08
hey wo sind da diä battlekönig vo aight.ch?? melded oi bim kev!

thieu
20.07.2004, 18:17
Sorry aber ditz Weekend geitz mer unmöglich, hä mer das scho uberleit ob i da nit mal soll cho z tal vertrette, aber hä leider unmegli ziit!

Aber ich pushe derfir em bitz :D

Tensionstate
21.07.2004, 20:01
BUMP!
>>>>Soundfiles checken>>>>:no:

http://www.bukueone.com/

:kiffer:

Mano
22.07.2004, 10:05
Original geschrieben von Tensionstate
BUMP!
>>>>Soundfiles checken>>>>:no:

http://www.bukueone.com/

:kiffer:

little brother au im albani debi? wär ja herrlichscht!!
staht jedäfall so uf äm bukue sim tour flyer!

Radical
22.07.2004, 10:09
Original geschrieben von kevp
wir haben noch 3 freie plätze, wer macht mit?

ge!, du hast dich noch nicht angemeldet: info@urban-itch.com

thanx and cu saturday!

der ge! ist doch im Ausland, Sprachaufenthalt....das wird wohl nix!

Sambon
22.07.2004, 10:35
nix little brother, leider.. aber diä sind scho mal äs thema gsi zäme mit Doujah&Bukue.. wird aber trotzdem phetttt!

Tensionstate
22.07.2004, 22:44
soooo,
unter anderem und nebst doujah und bukueone werden sich folgende mc's verbal den kopf abreissen:

DefG
Mc Schenkel
Mirkophon
Camoo
LD1
Milchmaa
Claudio
Sanse

man merke:
beim battle wirds keine judges geben, das publikum entscheidet via dezibelmessgerät, so be there and make some NOOOOOISE!:no:

Mano
22.07.2004, 23:31
äs wird definitiv abgah am samschtig!

Beatnik
23.07.2004, 00:18
Original geschrieben von Tensionstate

man merke:
beim battle wirds keine judges geben, das publikum entscheidet via dezibelmessgerät, so be there and make some NOOOOOISE!:no:

DAS ISCH ABER E SCHEISS METHODE, DIÄ HÄTT SCHO IM BATTLE zBERN NÖD VERHEBED!!!!!!
Wänn dä mit Messgrät uf dä bühni isch, werdet nüme diä Lüüt bim mässe berücksichtigt wo vorne a dä Bühne sind!!

Überlegeds euch gschiider namal, oder säged dä lüüt sie sölled dHänd i dLuft hebe für dä oder dä MC, das wär immerhin besser:D

Aber müend ihr ja wüsse;)

D-Glay
23.07.2004, 08:14
Da mues i mim bro recht geh... So isch es gsi in Bern.. Falls möglich , wür i da nomal überdenke aber gliich wies de isch... ...Awesend bin i uf all Fäll! :D :yeah:

Cya Saturday!

-D-

kevp
23.07.2004, 11:07
tanke für de tipp!

Tensionstate
23.07.2004, 17:05
eigentlich hämmer dä kev so mission impossible style wellä vom lichtgrüst hange lah, mitem dezibelmässer i dä hand :D

Mano
23.07.2004, 17:09
das wär sauglatt usecho!:D

kevp
23.07.2004, 21:17
Original geschrieben von Mano
das wär sauglatt usecho!:D

denn chader aber keis bier ge, gelle!

Double M
24.07.2004, 20:54
Jo ich bin au am Strart hüt abig. Wird sicher Fett.

Sambon
25.07.2004, 14:03
:handclap: :headbang: :wixer3: :bolognais :alkvergif :cooldance

hey leude! ich möcht mich bi allne bedanke wo geschter zu dem hammerabig ihrä bitrag gleischtet händ, egal ob als Battle-MC, Performer oder zuäschauer (!!!). und das i dä summerfärie, holy shiat!! Much love to everyone who was there (usser diä hoschis wo.. aber isch ja glich)!

THERE WAS MAGIC IN THE AIR!

peace&big up:brotherho

kevp
25.07.2004, 14:10
ich bin au deht gsi, judihui!

tanke an misk und bukue und doujah und jj. it was a dope show!

:dance: :kiffer::drink: :yourock: :kopfnicke

Tensionstate
25.07.2004, 17:03
dito,
woz da shiiiiznit! :eek:

pics und bald än videocut as usual on se paige soon...

_dC_
25.07.2004, 19:42
Geili Sach xi geschter Abig muni sägä. DJ hed wüki geile Sound ufgleit, interessanti geili Acts sind cho und es hed au es fets Bäddl geh. I mine Auge wüki en glungne Abig xi.

s'Albani isch hald eifach sauäng, teils isch echt extreme Gedrucke xi. Wer vilich na schlau e Garderobe zmache, denn hetted au weniger Lüüt Ruckseck ah und me het chli meh Platz. Eifach usehänke und de ganz Abig hoffe, dass am Schluss vom Abig sin Rucksack mid de geile Sache dine na det isch, isch eba au ned bsuders gmüetlich...

Isch das Bäddl im Albani öpis wo in Zuekunft inere gwüsse Regelmässigkeit duregfüert wird oder isch das e eimaligi Sach xi?

Mano
25.07.2004, 20:19
jooouuu, sBäddl, doujah raze & bukue one und party isch wiedermal herrlich xi!!

Sambon
25.07.2004, 20:25
ja, da häsch rächt, s'isch scho huäre eng gsi.. eigentlich hetted diä stüehl, tisch und sofas au na wäg sölä, dänn hets au nachli meh platz gäh.. aber ebä, us fähler lärnt mer ja schliessli..:brille:

dä battle isch sicher kei einmaligi sach gsi drum: STAY TUNED!

:flucht:

Beatnik
25.07.2004, 21:29
Also, dGetränk im Albani sind eidüütig ztüür für sonen Schuppe!!
Und es bitzeli zchli isch es gsi, aber däfür e spezielli Atmosphäre, au wenns vill Lüüt gha hett wo sBattle en füechte interessiert hätt!

Zum Battle sälber, BRAVO, ihr hend ufs Dezibelmeter verzichtet, han i geil gfunde, was hald schaad gsi isch, es gwünned hald widermal diä wo am meischte Lüüt mitgnoh händ, also so ischs mer vor cho....Def G, you know whos the Best is;)
Aber easy, dStimmig isch guet gsi und das sich swichtigschte!

Und da no en Insider:

Fuck SBB
Fuck Nachtbus
:D

piiiis

_dC_
25.07.2004, 21:48
Original geschrieben von Beatnik
Also, dGetränk im Albani sind eidüütig ztüür für sonen Schuppe!!

Hehe 4real, han na es Ziitli gwarted bismer d'Baardame s'Usegäld bringt nachdemere em 5liber für es Cola id Hand druckt han, han denn aber möse iixe dases wohl nix meh gid. Naja, nimi hald s'Ztrinke wider sälber mid obwohls aigentli chillig wer wemmer au chli vode Bar konsumiere chent...

Dass die güned wo am meischte Houmis midgna hend isch scho mögli. Aber ich wür ez ned phaupte dases weg dem grobi fehlentscheidige geh hed. Wenns knapp worde isch günnt hald eher de Local. Aber ebe, hans aigentli e rächt fairi Sach gfunde.

Beatnik
25.07.2004, 21:55
Original geschrieben von _dC_
Aber ich wür ez ned phaupte dases weg dem grobi fehlentscheidige geh hed. Wenns knapp worde isch günnt hald eher de Local.

He He, eh Fehlentscheidig isch es sicher nöd gsi, aber ebe....ach, isch doch egal!:D

Tensionstate
25.07.2004, 23:45
homecrowd vorteil halt, aber isch doch eh überall eso....
defg vs. fogel bim nexte battle wär doch mal tight :D

thieu
25.07.2004, 23:53
Ich glöibe in dem Fall zwische ewe Ziile z lese das der fogel gigwunne hät?

Oder wer hät gwunne?

Beatnik
25.07.2004, 23:58
Original geschrieben von Tensionstate

defg vs. fogel bim nexte battle wär doch mal tight :D

Dä Vogel hett aber scho eimal müesse erfahre das gägä dä Def eifach verdammt schwer isch, wänn er mal warm lauft:p

@thieu, nei, dä Vogel isch 2te wordä, ich weis nüm wiä dä Gwünner heisst, isch so en Dreadlock Typ gsi??!!

_dC_
26.07.2004, 00:08
Camoo hed gune:
http://www.tensionstate.com/sub/ts/sites/news/detail.asp?newsID=251

Vogel vs. DefG wer sicha au es geils Final xi.

AiGhTgeNoSSiN
26.07.2004, 00:15
Es isch würkli saugeil xii!!!! Umbedingt wiederholä!!!
:bounce:


und no was so vowägä us Fähler lärnt mer: Bitte meh durälüüftä;) sisch ja andersch stickig xi det inä..!!

D-Glay
26.07.2004, 09:27
Als erschts mal es Danke ad Organisatore.
Isch wirkli en fette Abig worde! Es isch au nöd üblich das es goodie bags git für’d Teilnehmer a freestyle battles was i au zimli fresh gfunde han.

Propz au an Camoo. Miner meinig nah hett Er verdient de battle gwunne da Er immer konstant blibe isch und sis Ding hett möge durezieh. Es isch en knappe entscheid gsi zwüsched em Camoo und mir doch han i di erschte 30 sec. verkackt was mer zimli sicher de Sieg koschted hätt.. hehe.. Gege de Vogel wär i gern ufs neue atrette doch denk ich das da in absehbarer Zuekunft sicher mal no passiere wird.

D’Location isch au gedigge gsi. Eigentlich genau richtig für es battle. Hett mer nie denkt das Winti so cooli peepz hett , drumm au propz ad crowd wo a dem Abig det gsi isch! :yeah: D’stimmig isch dank eu eifach genial gsi und wür mi freue das ganze au es zweits mal erläbe zchöne.

Selbscht wenn i nöd mit gmacht hett und eifach nur awesend gsi wär hett sich de Abig für mich scho glohnt gha da i jenschtes peepz troffe han wo i noni , oder scho lang nöm gseh han.
Churz gseit es isch eifach geil gsi und tensionstate sell mi bitte wüsse lah wenn’s de wider sowit isch! De bin i sicher au fitter und vor allem usgschlafe! Hehehe…

Greetz ad peepz!

Radical
26.07.2004, 09:38
Original geschrieben von D-Glay

Churz gseit es isch eifach geil gsi und tensionstate sell mi bitte wüsse lah wenn’s de wider sowit isch! De bin i sicher au fitter und vor allem usgschlafe! Hehehe…

Greetz ad peepz!

vorem nächste Battle eifacht nümme sovill Adler Bier trinke :-)

:kiffer:

D-Glay
26.07.2004, 10:23
hehe... Geile siech! *g* Neeee... Adlerbier immer gern , nu chli meh schlaf... De passt da scho! :D

Beatnik
26.07.2004, 12:39
Original geschrieben von D-Glay
hehe... Geile siech! *g* Neeee... Adlerbier immer gern , nu chli meh schlaf... De passt da scho! :D

Und en Nachtzueschlag;)

Tensionstate
27.07.2004, 19:43
:D
haha, what the heck ish adlerbier, ä limmattaler spezialität??? ;)
sicher lömmers alli wider wüsse,
git sicher än nachschlag nachem summer.

p.s.äs paar schlächti pics sind online, videos vo dä meiste battles (sind cool worde) au bald. falls suscht no wer gueti pics vom battle itself hät, lönds eus wüsse.....gruz

Radical
28.07.2004, 09:26
Original geschrieben von Tensionstate
:D
haha, what the heck ish adlerbier, ä limmattaler spezialität??? ;)


das isch e Glarner Spezialität womer is Limattal amigs als Mitbringsel mitbringsled :-) Usserdem s beschtä Bier wo's git!

check http://www.glarnerbier.ch

Mano
28.07.2004, 12:35
mc fogel, 2tä

Mano
28.07.2004, 12:37
camoo, sieger

kevp
28.07.2004, 14:46
und wer de rescht wet aluege:

http://www.tensionstate.com/sub/ts/sites/history/detail.asp?galleryID=142

sind halt ebe nöd so guet...

Tensionstate
28.07.2004, 20:36
Original geschrieben von kevp
sind halt ebe nöd so guet...

and now guess why!! :o
ich glaub er macht s'letscht mal pics dä fritig büebli:D

kevp
29.07.2004, 01:42
Original geschrieben von Tensionstate
and now guess why!! :o

z'vill gsoffe, z'wenig ziilet

:cheers: :alk: :friday:

Tensionstate
29.07.2004, 22:33
Awkay meitschis und buebä.
Battle Video Part1, inklusive Doujah Raze & Bukue One Performances sind i dä Soundsection!

Check it out!
www.tensionstate.com z'finde i dä soundsection.....

Part2 und's Final chunnt au bald.

Cheers :hippie:

Beatnik
29.07.2004, 22:52
Original geschrieben von Tensionstate
Awkay meitschis und buebä.
Battle Video Part1, inklusive Doujah Raze & Bukue One Performances sind i dä Soundsection!

Check it out!
www.tensionstate.com z'finde i dä soundsection.....

Part2 und's Final chunnt au bald.

Cheers :hippie:

Ich wett mich ja nöd beklage, dä Service isch rächt Fett!!!

Aber das Video isch rächt mies vom Bild her?? Dä Ton isch ja verständlich, bineme Camera Mic, aber sBild hettet er doch besser anebrach, na ja, es liit vilicht am Real Player Format, das isch eh chli Mischt;)

Aber trozdem geil, wär cool wänn ich das irgendwie uf DVD chönt bezieh, i dä Full Quality:D

piiiis

Tensionstate
29.07.2004, 23:12
yep exakt!
d'kwality isch echt bäd, chunnt no besser (ton au),
isch eifach mal än grobe ungschnittne schnellschuss......
copies vom ganze shit, ca.1.5h, guud kwality chönder au ha, just drop a PM.
Gruess