Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Problem mit Soundcharte (Creamware Luna II)


7-Siech
31.05.2005, 14:40
Siit em letschte wucheänd hani es problem mit dä soundcharte... d'soundcharte isch vo creamware und heisst luna II. www.creamware.com

Es isch folgender Masse abgloffe:
- Ich bin am Cubase gsi und han es projekt göffnet und han det ächli dra umebaschtlet.. bis dahii isch no alles wunderbar gsi
- nachher hani es anders projekt göffnet und dänn isch ä fehlermäldig wäg dä asio-triiber (han leider kei ahnig meh was genau gstande isch...)
- nach dere mäldig isch vom cubase us kein ton meh us dä boxe cho! nöd emal das projekt woni als erscht göffnet han isch meh gange... dä windows media player hät aber no funktioniert aka mp3s hät mär chöne abspiele!
- nachher hani dänkt ich installier eifach d'asio triiber numal neu resp. ich han diä ganz soundcharte numal neu installiert inkl. plug-ins usw.
- nach dä installation hani dä pc neu gstartet und dänn sind jenes viel fehlermäldig cho... hät gar nüme wele ufhör!! so öpis hani no nie erläbt!!
- ez chammer nöd emal meh mp3's lose!!

Weiss öper a was das chönt liege? und wie mär das allefalls chönt behebe?

suscht machi eifach es backup vo allne datei und setz dä pc neu uf... :mad:

M-A-Z
31.05.2005, 14:47
Häsch d'soundkarte istellig, im Betriebsystem und im Cubase wieder uf ASIO igschtellt?

Häsch ä onboard Soundcharte? wenn ja, isch diä Deaktiviert (BIOS)?


Es bringt amigs scho viel, wänn die aktuelle Triiber vom netzt ladsch!

wänn das nöd hilft, wie heissed d'fehlermäldige?

LKB
31.05.2005, 14:49
also zersch grad mol sorry, wel helfä chan i dir glaub nöd. aber i wünsch dir eifach vil glück. bi mir isch mol zimli s glichä szenario abloffä... bi mir isch denn d soundchartä durebrutzlet und i han si chönä ischickä.:mad:

häsch im cubase d asio istelligä richtig gmacht? und bi dä systemstürigä unter "sounds und audiogeräte" isch au alles richtig igstellt?

7-Siech
31.05.2005, 14:58
bevor i d'soundcharte neu installiert han, han scho all iistellig kontrolliert und au d'soundcharte iistellige hani immer wieder neu glade... aber es hät nüt gnützt!

im cubase hani zwar d'asio iistellige nöd gänderet... wo würd mär das mache?

es isch ebe es cubase file gsi vomene kolleg woni bi eus im studio göffnet han... chans ächt si, dass es mir drum diä ganze asio iistellige gändert hät?

Nei ä Onboard Soundcharte hani nöd... ich han einzelteile kauft und dä PC sälber zämegstellt!

Im Studio hämmer kei internet, wil mär ächli angscht händ vor virene... aber irgendwo hani no es update umeliege, aber ich han dänkt, dass installier i nunig solang alles lauft...

Es sind viel z'viel fehlermäldig zum diä all zitiere! wänni dä compi ufgstartet han bini öpe ä minute uf dä enter-taste zum alle fehlermäldige z'schlüsse...

was au ganz schräg isch, dass cpu-uslaschtig im durchnitt uf 60% obwohl kei software lauft!!! das chans ja nöd sie oder??

Ich glaub s'einzige was öpis bring, isch diä ganz chischte numal neu ufsetzte!

aber merci für d'hilf... ich gan hüt abig numal is studio und tuen glaub numal ächli usprobiere...

M-A-Z
31.05.2005, 15:07
druck mal [ctrl][alt]+[Delete]

luäg mal nah wellä prozess, das CPU uslaschtig so ufätriibt?
Chan natürlich guet sii das es dini istellige verstellt hät, dur em kolleg sini Cubase Datei, aber das söttsch wänn wieder was vo dir öffnisch wieder rückgängig gah und so öpis passiert sehr sälte!
Im Cubase glaub under Konfiguration oder Optionen, bin scho lang nümm i de mmenü gsi!

mir hend au kei internet bi oisere sound chischte...
händ au kei bock uf virene!

greez

7-Siech
31.05.2005, 15:16
wänni ctrl + alt + del drucke gsehni scho das d'soundcharte soviel resource brucht, aber sie lauft ja im prinzip nöd! wänni dä prozess abbreche isch au alles wieder okey, aber vorher wo d'soundcharte no iiwandfrei gloffe isch, hät sie nie soviel prozessorleischtig brucht!!

M-A-Z
31.05.2005, 15:49
hmm...
also wänn du d'charte 2 mal installiert häsch, chas so öppis geh!
susch würd ich charte namal useneh, alles deinstalliere, neue triiber vom netz lade, charte iweder inetue und die neue triiber installliere!

Enemy
31.05.2005, 15:52
Original geschrieben von 7-Siech
wänni ctrl + alt + del drucke gsehni scho das d'soundcharte soviel resource brucht, aber sie lauft ja im prinzip nöd! wänni dä prozess abbreche isch au alles wieder okey, aber vorher wo d'soundcharte no iiwandfrei gloffe isch, hät sie nie soviel prozessorleischtig brucht!!

was hesch dä für ne PC ? Model? Marke? CPU, RAM....

7-Siech
31.05.2005, 16:12
Original geschrieben von Enemy
was hesch dä für ne PC ? Model? Marke? CPU, RAM....

Marke: Eigebau

CPU: 2.6 Ghz
RAM: 2 GB

sött eigentli scho lange, oder?

7-Siech
31.05.2005, 16:14
Original geschrieben von M-A-Z
hmm...
also wänn du d'charte 2 mal installiert häsch, chas so öppis geh!
susch würd ich charte namal useneh, alles deinstalliere, neue triiber vom netz lade, charte iweder inetue und die neue triiber installliere!

ja das chönti emal versueche... ich han nur no es problem, wänni s'programm und d'plugins zu dä soundcharte wet deinstalliere, erschienet die nöd unter dä "systemsteuerung" --> "software"...

Enemy
31.05.2005, 16:18
Original geschrieben von 7-Siech
Marke: Eigebau

CPU: 2.6 Ghz
RAM: 2 GB

sött eigentli scho lange, oder?


jo isch eigentlech vou easy ! Sött keni Problem gäh wäge ds langsam...

si dini Steckplätz scho volle ? Isch villecht zwei mol dr glich IRQ gsetzt?

7-Siech
31.05.2005, 16:21
was isch en IRQ? bin ebe kein informatiker...

M-A-Z
31.05.2005, 16:36
Original geschrieben von Enemy
jo isch eigentlech vou easy ! Sött keni Problem gäh wäge ds langsam...

si dini Steckplätz scho volle ? Isch villecht zwei mol dr glich IRQ gsetzt?

normalerwiis, wird dä IRQ eh automatisch gsetzt!
ohni konflikts mache!

@7-siech:

Interrupt Request oder IRQ:

Als IRQ bezeichnet man eine elektrisches Signal, das eine PC-Hardwarekomponente auslösen kann, um die CPU zur Abarbeitung von Befehlen aufzufordern. So meldet etwa ein SCSI- oder EIDE-Hostadapter dem Hauptprozessor, dass angeforderte Daten bereitstehen und jetzt verarbeitet werden müssen. Auch eine Soundkarte teilt über einen IRQ mit, dass sie jetzt neue Daten benötigt, die die CPU berechnen oder aus dem Speicher liefern soll.

Chasch mal uf dä Eigeschafte vo dä Soundcharte luägä, öbs en konflikt azeigt, dänki aber ehner nöd!

Enemy
31.05.2005, 16:36
Original geschrieben von 7-Siech
was isch en IRQ? bin ebe kein informatiker...

Muesch dr vorsteue du schliessisch es paar Grät ah...soundkarte, Grafikkarte,COM1+COM2...die wärde aui mit IRQ (Interrupt Request) beleit. Das findsch unger Systemsteuerung Geräte Manager---->Ansicht--->Ressourcen nach Typ...när gsehsch IRQ 1 2 3 4 5 6 7 8 9...Jitzt lueg ganz guet öb dini Soundkarte mit öbis anderem dr glich IRQ het oder nit!

tschösche
31.05.2005, 20:27
hey tschauuuh

also falls dä gliichi IRQ verwändät wür wärdä, wür minär meinig nah sOS gar nöd ufstartä..

was häsch Windows XP? häsches schomal ganz eifach mitä Systemwiederherstellig versuächt?


START // Programme // Zubehör // Systemprogramme // Systemwiederherstellung..

ganz eifach detä äs datum uswählä wo das alläs no gloffä isch, und dänn restorä.. (sprich: Wiederherstellä)

datä wo nach däm Datum erstellt häsch, sprich normali Files (ussert ebe triibärdateiä wo im Systemverzeichnissliggäd wiä *.dll, *.ini usw.) wiä *.mp3 *.wav usw. wärdät dadäbi NÖD glöscht..

falls du kei XP häsch oder dSystemwiederherstellig nöd funzt..
hmmm, ja triibär mal im Grätemänäger "Deinstalliärä"
rächtsglick uf Arbätsplatz ufäm Desktop, aber nur wänns kä verchnüpfig isch, dänn uf Eigenschaften // Register "Hardware" // "Gerätemanager"..

det under Sound und Audio mal alläs "Deinstalliärä" (das gaht indem dass du uf sJewiiligä Grät rächtsklicksch und dänn Deinstalliärä wählsch)

isch das alläs dussä, neustart, neuschti triibär vom internet ladä und dänn diä installiärä..

viel erfolg..

gruzz

7-Siech
01.06.2005, 10:30
hey tschösche...

merci für dä tipp mit dä systemwiederherstellig!!! muessi hüt abig grad emal probiere.. ich glaub das chönt no klappe!
ja han s'windows xp druf!

tschösche
01.06.2005, 10:53
ja seisch wiäs gloffä isch..

und ja so näbädbii, ich wür iiiimmär datäsicherig machä, au wännd kä problem mitäm PC häsch..

M-A-Z
01.06.2005, 10:54
hmm...

ich bin jetzt nöd ganz sicher öb systemwiederherstellig standardmmässig aktiviert isch, aber probiers mal! dänn findsch es use!

tschösche
01.06.2005, 11:01
diä isch standartmässig installiärt.. sogar bidä corporated edition..

Enemy
01.06.2005, 11:05
Ig würd vo ahfang ah aues neu installiere. Lauft när wider öbis angers nümm wen Systemwiederherstellig machsch...jenachdem
Auso vo grund uf neu und nachem betriebssystem duesch mou grad soundkarte installiere...dä isch nit so viu angere scheiss druffe wos chönnt störe. När installiersch dr rescht no und luegsch öb alles Multobene isch...

M-A-Z
01.06.2005, 11:06
ich weiss es ebe nüme!

han gmeint das mer en am afang dä wiederherstelligspunkt setze sött, schusch chan er nöd wiederherstelle!

7-Siech
01.06.2005, 11:24
diä ganz chischte neu ufsetze und alles neu installiere schisst mi ebe ächli a... ich mag mi no guet erinnere wo mär d'soundcharte händ müesse konfiguriere... isch jenes müehsam gsi bis emal alles so gloffe isch wie mirs händ wele!!

wänns mit dä systemwiederherstellig nöd klappt, muessi halt wohl oder übel dä ganz scheiss formatiere!

Enemy
01.06.2005, 11:26
nei ig chume dirs schüsch cho installiere...

1 Stund = 100.-

bruche ca.3-4 Stund und när hesch die beschti Maschine !!! mit auem drum und dra. chani dir sehr empfehle!!

M-A-Z
01.06.2005, 11:30
Original geschrieben von 7-Siech
diä ganz chischte neu ufsetze und alles neu installiere schisst mi ebe ächli a... ich mag mi no guet erinnere wo mär d'soundcharte händ müesse konfiguriere... isch jenes müehsam gsi bis emal alles so gloffe isch wie mirs händ wele!!

Das känn ich! Isch voll beschisse!!!

checksches mal us öbs lauft!

viel glück!

tschösche
01.06.2005, 13:50
systemwiederherstelig hani öppä scho 50 mal brucht und han no niä problem gha.. aber rein theoretisch chans scho problem gäh und ich mun scho sägä dasäs nöd diä süüberscht lösig isch.. aber än versuäch ischäs wärt..

und systemwiederherstelligs pünkt wärdät immer nach software installationä gmacht, sprich grossi software oder ebä triibär..

wiä au zumänä gwüssä ziitpunkt glaubs bim abäfahrä.. (mängisch hätter ja dänn zimlich lang..)
dä erschti wiederherstelligspunkt machter bidä betriebsystem installation..
und nachher nurno inkrementelli (= nur veränderäti datä)
==> wägä dä gschwindikeit hat..

M-A-Z
01.06.2005, 14:19
aha easy! isch demfall voll locker!



:kiffer:

Swift
02.06.2005, 00:03
also falls dä gliichi IRQ verwändät wür wärdä, wür minär meinig nah sOS gar nöd ufstartä..

Hehe.. mini alt chischte isch de bescht Gägebewiis..

All PCI Slots Voll beleit, mit zeugs, wo natürlich en bestimmte Interrupt brucht (Bsp TV-Charte)

Aber min PC het jahrelang bootet ohni motze. Han eifach, wenni z.B TV-Charte ha welä bruche müese de Drucker deaktiviere und so faxe...


Ich han es ähnlichs Problem gha mit em Cubase, sprich Crash vom ASIO dingens (schöne Surrton us de Boxe) --> nacher kein Ton meh usem Cubase, aber bi mir isch amigs nach em Reboot widr iO

Weläs Cubase hesch? Audiosettings würsch im SX finde bi "Geräte"-->"Geräte konfigurieren"-->VST Multitrack

Bi ASIO Treiber chasch luege was alles hesch, sött nebe DirectX und Multimedia no was anders ha, speziell für dini Charte, nimm de

(So ischs bi mir, und so funktionierts au)

7-Siech
02.06.2005, 10:55
d'systemwiederherstellig hät leider nöd klappet...

ez chömed zwar ächli weniger fehlermäldige weder vorher, aber es sind immer viel z'viel! :bluepunk:

M-A-Z
02.06.2005, 17:04
Häsch d'charte jetzt mal no use gno und alles deinstalliert? und mit neue triiber wieder installiert?

7-Siech
03.06.2005, 13:15
ja hani geschter gmacht... d'triiber sind deinstalliert, defür chanis nüme installiere....

M-A-Z
03.06.2005, 14:41
wiso nöd? häsch d'charte wieder drin? wie ischs mit de aktuelle triiber?

7-Siech
03.06.2005, 16:28
ja karte hani wieder drin... aber dä compi erkännt die neu hardware nöd resp. merkt nöd emal das d'triiber fehlet!! wänni aber im gerätemanager gan go luege sind deinstalliert!

ich han dänn triiber manuell wele installiere, aber es immer wieder ä fehlermäldig cho.. s'komische a dere fehlermäldig isch dass sie kein grund aagit!!

M-A-Z
03.06.2005, 16:47
hmm... isch recht strange! stecks mal ane andere PCI platz ih... wänn alfälligi software vo dä soundcharte druf isch chas das au fehlermäldige bringä, will nur d'charte triiber deinstalliert häsch!
Oder was au chasch versueche isch sie namal useneh und dänn dä pc starte, hardware erchennig dure laufe lah...
wieder abstelle...
lies mal im installationshandbuch nah, git au so grät wo zersch muäsch installiere, bevor sie chasch ahenke!
Ich wünsch dir viel Glück!

und wenn irgendwenn mal dä pc neu ufsetzisch und wieder alles lauft, dänn mach es image, dänn wänn was isch chasch das eifach wieder druf lade und sisch alles so igschtellt wie früenner, ebe wiederherstellig im xp isch nöd immer so guet!
software gits z.B. norton ghost, isch aber nöd so guet. Am beschtä nimmschs Drive Image vo Powerquest.

Aber ich hoffe du kriegsch es ohni neu ufsetze ane!

greez