Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : iTunes Music Store


Chraensch Lee
23.02.2004, 12:25
Dä Summer sett ja de Online Musiglade iTunes zum abezieh vo Musig in Europa gstartet werde, z'Amerika seger ja scho en herbe Erfolg.
Ez mini Frag, wirds echt au mal schwizer Räp oder allgemein schwizer Musig geh zum abezieh i dem MusicStore oder meh nur Allgemein Europa taugliche Sound?

Meinige sind gfragt... vilich au vo lüüt wo shco chli i dem Biz drin sind...

EphToDaRhyme
23.02.2004, 12:37
Ich denkä das chunt denn scho.. Wenn d'Nachfrag stiigt, stiigt au s'Agebot.. also Leute nafrage nafrage nafrage..

prophet
23.02.2004, 13:00
jo ich denke wenn d'hiphop szene witerhin so boomt insbesondere de ch-rap denn denki werd das scho cho...
isch halt eifach zur ziit so das es ussert de stress no so praktisch niemer de durchbruch im usland gschaft hät...

BZAR
23.02.2004, 13:06
Kei ahnig. Kopieru und runterladu laht unbekannti Bands am Hungertüechund lah existieru. Scheiss uf Amis, nur will schi sus da machund brüche wir das hie nit gad zwingund. Ich bi gägu serigs! :hater:

EphToDaRhyme
23.02.2004, 15:12
De Stress hät aber au nur de Durchbruch gschafft, well er inere andere Sprach als Schwiizerdütsch rappt.. Würded z.B. Brandhärd, Sektion usw. Englisch oder Französisch rappe, würd me die Sieche sicher i jedem europäische Land lose!!

reezer
23.02.2004, 15:32
Original geschrieben von prophet
ussert de stress no so praktisch niemer de durchbruch im usland gschaft hät... [/B]
was bezeichnisch du als "gschafft"?!?
also so viil ich weiss, isch sis album "billy bear" i keim anderem land offiziell greleast wordä ussert i dä schwiiz...

und mir da i dä ch schwiiz findet dä stress einiges geiler als d'lüüt i dä west schwiiz und in frankrich...

prophet
23.02.2004, 15:54
Original geschrieben von reezer
was bezeichnisch du als "gschafft"?!?
also so viil ich weiss, isch sis album "billy bear" i keim anderem land offiziell greleast wordä ussert i dä schwiiz...

und mir da i dä ch schwiiz findet dä stress einiges geiler als d'lüüt i dä west schwiiz und in frankrich... jo guät "durchbruch gschafft" isch vilicht chli falsch usdruckt... aber er isch immerhin scho uf de platte vo freundeskreis(tabula rasa) und uf de dj friction mit em afrob zämä, mit xavier naidoo en track...
so han ich das gmeint...

Chraensch Lee
23.02.2004, 15:58
Original geschrieben von prophet
jo guät "durchbruch gschafft" isch vilicht chli falsch usdruckt... aber er isch immerhin scho uf de platte vo freundeskreis(tabula rasa) und uf de dj friction mit em afrob zämä, mit xavier naidoo en track...
so han ich das gmeint...
Uf de Beginner ischer au, aso uf de Gustav Gans 12''

BZAR
23.02.2004, 19:07
Gustav Gans isch ja ächt zbehindertschi Chindergartu Lied wani jeh ha kehrt bez. gseh. So epis tarf mu nit züe lah! Ab uf dStrass und ga protestieru!!!!

:hater:

wurschtli
23.02.2004, 19:25
Original geschrieben von BZAR
Gustav Gans isch ja ächt zbehindertschi Chindergartu Lied wani jeh ha kehrt bez. gseh. So epis tarf mu nit züe lah! Ab uf dStrass und ga protestieru!!!!

:hater:

also da bin ich jezz übrhaupt nid dinere meinig ... abr was sous ........... abr es biz faktischer chöntsch dini meinig scho schriibe ... abr egal!

Canabiero
23.02.2004, 20:53
I würs scheisse finde wemmer ch-shit chönt downloade, will mir sind en chline märt, und die meiste künstler mönd nebed bi na go schaffe.
und e platte, cd oder tape won original isch immer na persöndlicher als e selber bruzleti schibe.
Aber wenn eine milione macht mit platte den findis ok wemmer di eint oder anderi cd bruzlet!
oder wemmer die platte nid meh bechunt, aber si unbedingt wet chanis na verstah!

Chraensch Lee
23.02.2004, 22:31
es gaht ums LEGALE abelade mit zahle, nid illegal

Chraensch Lee
19.07.2005, 17:07
Hui, ez ischer da, aber ohni Schwizer Räp?

Sind igendwelchi Indie Labels nid agange worde oder so? anyone? wär doch super mal so chli schwizer räp zum abelade, legal.

dela
19.07.2005, 17:24
ihr münd nöd warte bis en fritzli f. songs gaht go ufelade. jedes label mues sini songs selber amene content provider abüte wo dänn die songs abütet und dänn findsch das au in dene entsprechende online shops

ende gut alles tut

scope
19.07.2005, 17:29
Original geschrieben von Chraensch Lee
Uf de Beginner ischer au, aso uf de Gustav Gans 12''

wo äch?

ha ja die daheim und hane no nie ghört dr stress (uf dere maxi)

und zum thema:

i wirde nie bi iTunes Store abelade. 1.50 fürne Song isch wucher... und weni wott musig choufe goni i lade oder bsteue mir d'cd/vinyl weni wot abelade machi das.... aber sicher nid für abelade zahle.

Chraensch Lee
19.07.2005, 17:31
Original geschrieben von scope
wo äch?

ha ja die daheim und hane no nie ghört dr stress (uf dere maxi)

und zum thema:

i wirde nie bi iTunes Store abelade. 1.50 fürne Song isch wucher... und weni wott musig choufe goni i lade oder bsteue mir d'cd/vinyl weni wot abelade machi das.... aber sicher nid für abelade zahle.

HUi, frögmi nid nach sache woni voreme jahr gschribe han, han dete wohl de yvan gmeint und nid de stress (nimmi mal ah, verwechslige chas immer gä, vorallem i mim chopf). aber das weissi nach über eim jahr selber nüme würklich :D

scope
19.07.2005, 17:36
Original geschrieben von Chraensch Lee
HUi, frögmi nid nach sache woni voreme jahr gschribe han, han dete wohl de yvan gmeint und nid de stress (nimmi mal ah, verwechslige chas immer gä, vorallem i mim chopf). aber das weissi nach über eim jahr selber nüme würklich :D

sorry. ha ou ersch nächer gseh das du e uralte thread hesch ufpeppt.

yvan isch druffe das stimmt. aber äbe stress isch nid druffe...

peace