Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Mi tuets drus!!!


Khadeija
07.07.2004, 16:59
Es isch nid zum gloube, Bärn cha eifach nümme... Wuche für Wuche wärde dPartys im Rum Bärn beschissener u türer. Das isch eifach unfassbar. Und Biu isch momentan ou tote Hose, oder tüschenimi?!?

Was louft geils am 10.07 ruum biu oder bärn:confused:

scope
07.07.2004, 17:02
Biu 10.07 Masta Ace u edo.g


aber hesch rächt ruum bern isch scho nid immer der tüfu los

poetical
07.07.2004, 17:04
Bärn isch eh ging sone Sach für sich was Partys ageit. Gloub viu Clüb hei sogar Summerpouse. Ig meine was söu de das, Summerpouse?!!?!? Ke Klimalag oder wie??!

Im Summer isch haut meh so Festivals wo agseit si. Wie Montreux. Aber das isch när o wieder ä Prisfrag.

Zum 10. wüssti itz o grad nid was geit. Aber we öppis cools isch, lah mi's bitte o wüsse :D

Khadeija
07.07.2004, 17:07
Original geschrieben von scope
Biu 10.07 Masta Ace u edo.g


aber hesch rächt ruum bern isch scho nid immer der tüfu los

Es isch vorauem soutüür, für das wassi biete, när hets nume so süüferfescht, mit djs wo charts uflege, und house...

Würklech e richtige Club, wos geili Lüt het, und geili Musig, wo Ragga oder Hip Hop Partys schtige, fäut in Bärn...

Aber gäu, was wosch mache?:wtf:

poetical
07.07.2004, 17:10
Gloub mir müesse itz de mau Open Air Rap Parties afe etabliere. Wär doch no so öppis.

Herr Gamus
07.07.2004, 17:10
Wennt uf Jazz und Festivals unter freiem Himmel mit gsunde Lüüt stosch, wär de Link ev. no klickenswert:

Jazz in Fribourg (http://www.jazz-fribourg.ch/)

Khadeija
07.07.2004, 17:11
Original geschrieben von poetical
Bärn isch eh ging sone Sach für sich was Partys ageit. Gloub viu Clüb hei sogar Summerpouse. Ig meine was söu de das, Summerpouse?!!?!? Ke Klimalag oder wie??!

Im Summer isch haut meh so Festivals wo agseit si. Wie Montreux. Aber das isch när o wieder ä Prisfrag.

Zum 10. wüssti itz o grad nid was geit. Aber we öppis cools isch, lah mi's bitte o wüsse :D

JA da hesch rächt, das mit der Summerpouse isch e Witz... zeinzige woni weis isch dass am donschti im Tonis no geil isch, isch uptown Flex.... aber zTonis :(

und am friti, samschti hani ke ahnig! vorauem der sound wo die ging schpile, ade hiphop-partys u di lüt, nei i gloube i mues hie wäg, schüsch loufeni amok

Khadeija
07.07.2004, 17:14
Original geschrieben von poetical
Gloub mir müesse itz de mau Open Air Rap Parties afe etabliere. Wär doch no so öppis.

ja wär der hammer, UF DER PLÄFE wär geil, de chönnte mer die wonis närve überusschiesse :blingblin

nei im ärnscht... wär geil

poetical
07.07.2004, 17:14
Original geschrieben von Khadeija
aber zTonis :(

und am friti, samschti hani ke ahnig! vorauem der sound wo die ging schpile, ade hiphop-partys u di lüt, nei i gloube i mues hie wäg, schüsch loufeni amok

Shit redsch mer so öppis vo us dr Seu, ds Tonys cha so huere nüt. Ächt. Für jede Depp git's irgend ä Schuppe wo ihre Sound spiut. Aber geili klassischi Rapmusig, wird fasch niene gspiut, usser äs isch äbe mau ä Party. Aber äbe, das isch ja o nid grad jedes Weekend.

Kush
07.07.2004, 17:15
hahahahha

in basel hän nit d clubs summerpause, sondern d kasse bi dr clubs :cool: fascht alli parties sin gratis im moment....

yeah, basel zeigt widr mol innovation!!!

Pleschen
07.07.2004, 17:17
Original geschrieben von poetical
Gloub mir müesse itz de mau Open Air Rap Parties afe etabliere. Wär doch no so öppis.

also ich würd sofort ins zug hocke und cho, als Act oder als zueschauer! will ebe wallis isch nid nur totehose das isch gar nie ne hose vorhande gsi...

piis

Dirty Fifty
07.07.2004, 17:22
Original geschrieben von Pleschen
also ich würd sofort ins zug hocke und cho, als Act oder als zueschauer! will ebe wallis isch nid nur totehose das isch gar nie ne hose vorhande gsi...

piis

huere röckli dir walliser... *g*

graffiti isch doch ab und zue no gueti party gsi (ha dert säuber ou mau 3 stück organisiert)... dert isch aube no rap gsi... *gg* aber z ufruume schisst immer so a..

poetical
07.07.2004, 17:25
Ja äbe Graffiti isch haut aube Privatparties, de chasch o nid eifach häre hüstle. Hätti o nid unbedingt gärn weni dert ä Party organisiere. Vorauem äbe dä mitem ufruume isch immer sone Sach :D

LAN
07.07.2004, 17:28
schiss uf rap parties, machet privatparties :D
aber isch scho so, ds fäut eifach in Bärn, sone richtig bündige Club für Rap :(

graffitti rege mi d Lüt teilwis massiv uf, voraum ischs imne Scheissgebiet, vou mit Wyler-Gängschter, aber 13.8 müesster uschecke, isch e DrumnBase Party dert ;)

Khadeija
07.07.2004, 17:28
@Poetical: dr einzig Club womi ab und zue het gflashet isch zWasserwärk aber wi gseit, !SUMMERPOUSE! U zTonis wird ja iz eh e Schwuleclub was mi ja nid gross schtört...

@Pleschen: Ich guet chume uf di zrügg, faus so öbbis mau ts schtand chunnt ;) aber gloubmer i wär mängisch lieber im Wallis aus zBärn, es het hie zum teil lüt, das chasch du dir äuä gar nid vorschteue, de hätti no lieber chüe u geissä um mi...

@Kush: Du muesch mi nid no meh deprimiere:(

Dirty Fifty
07.07.2004, 17:32
poet: chum mir mache mau ä party im graffi.. so mit security das si nid jede schwanz inelöh.. luege das mir chli lüt zämätriebe.. mache no ä sterchi und ä monschter uftritt und häbä eifach fröid u party u we mir so z 10te höch organisiere chunts ou mitem putze nid soooo schlimm...

überlegs dir mau.. bi duss... für hüt.. aber ich komm wieder keine frage...

süsch schrib mer ä pm..

Khadeija
07.07.2004, 17:36
Original geschrieben von Dirty Fifty
poet: chum mir mache mau ä party im graffi.. so mit security das si nid jede schwanz inelöh.. luege das mir chli lüt zämätriebe.. mache no ä sterchi und ä monschter uftritt und häbä eifach fröid u party u we mir so z 10te höch organisiere chunts ou mitem putze nid soooo schlimm...

überlegs dir mau.. bi duss... für hüt.. aber ich komm wieder keine frage...

süsch schrib mer ä pm..

i hiufe ou putze, weni gratis inechume deal? :D :D :D :D :D

poetical
07.07.2004, 17:39
Original geschrieben von Dirty Fifty
poet: chum mir mache mau ä party im graffi.. so mit security das si nid jede schwanz inelöh.. luege das mir chli lüt zämätriebe.. mache no ä sterchi und ä monschter uftritt und häbä eifach fröid u party u we mir so z 10te höch organisiere chunts ou mitem putze nid soooo schlimm...

überlegs dir mau.. bi duss... für hüt.. aber ich komm wieder keine frage...

süsch schrib mer ä pm..

Easy chöi mer scho mache. De mache mer aber grad chli öppis grössers mit paar Bands. Wär no flashigi Sach. Am Nami mau afa u vilech no paar Maler oder so.

thieu
07.07.2004, 17:43
Original geschrieben von Khadeija

@Pleschen: Ich guet chume uf di zrügg, faus so öbbis mau ts schtand chunnt ;) aber gloubmer i wär mängisch lieber im Wallis aus zBärn, es het hie zum teil lüt, das chasch du dir äuä gar nid vorschteue, de hätti no lieber chüe u geissä um mi...


Ja ja dü seisch dü löifesch z Bern amok? Ich löife jetz de im Wallis Amok, ver iisch Walliser isch Bern so epis wiä der Himmel! Jetz weisch wiä trüürig d Umständ va Partys im Wallis sind! :bluepunk:

Aber falls uf der pläfe de mal es fescht git, bini am start, wiä der Pleschen scho gseit hät als Act oder Groopie:D

gängschter
13.07.2004, 00:22
Hallooooo???

Ihr sind mer denn au no es paar Jammeris.
Käned ier das chline Städtli Zug? Umgäh vo geile Partystädt und in Zug sälber chann mer nüt anders als Stüre hinterzieh und spare.

:stupid: vo det chum ich, das isch denn truurig.

Ich muss immer uf Züri oder Luzern oder no Wiiter weg, wenni wott Party ha. Und schuscht hilft äbe au nur wieder eis, an See chille und :cheers: und :alkvergif äh ich meine :greenkiff

aber ebe, drumm hani ja üch, wo mer immerwieder chli säged wo was abgaht. Thnx, ya ol.
Bi scho es paarmal froh gsi um u guys.

:iloveyou:

Khadeija
13.07.2004, 09:01
Original geschrieben von gängschter
Hallooooo???

Ihr sind mer denn au no es paar Jammeris.
Käned ier das chline Städtli Zug? Umgäh vo geile Partystädt und in Zug sälber chann mer nüt anders als Stüre hinterzieh und spare.

:stupid: vo det chum ich, das isch denn truurig.

Ich muss immer uf Züri oder Luzern oder no Wiiter weg, wenni wott Party ha. Und schuscht hilft äbe au nur wieder eis, an See chille und :cheers: und :alkvergif äh ich meine :greenkiff

aber ebe, drumm hani ja üch, wo mer immerwieder chli säged wo was abgaht. Thnx, ya ol.
Bi scho es paarmal froh gsi um u guys.

:iloveyou:

Ja aber lug, dä mit der :alkvergif hani ou scho zBärn ts schtand bracht... Hie louft scho öbbis, aber da blibsch lieber daheime, aus dass di der ganz Abe ufregsch... Und dSchtimmig isch eifach nie da, aui lüt schtö immer nume ume. Ke ahnig wiso dass die überhoupt i usgang gö..:confused:

TiEZ
13.07.2004, 12:34
Original geschrieben von LAN
schiss uf rap parties, machet privatparties :D
aber isch scho so, ds fäut eifach in Bärn, sone richtig bündige Club für Rap :(

graffitti rege mi d Lüt teilwis massiv uf, voraum ischs imne Scheissgebiet, vou mit Wyler-Gängschter, aber 13.8 müesster uschecke, isch e DrumnBase Party dert ;)

yeah mitm john B

Toratelli
13.07.2004, 13:13
naja z schade isch, das die meischte partys für die grossi masse si. und die wei ke deftige rap u hip hop. sondern chli blingbling hiphop u r&b. vo denne partys fingsch immer chli öppis. am 17.7 wär z thun im time club o wider eini. aber würklech guete hiphop isch dert nume säute churz z finde.

geil wär es openair uf dr chlineschanze. das wär schön im chline rahme. veruse. när nimsch es paar ch acts u guet...

das währ mi troumabe uf dr chlineschanze

ganz chlyklass
tafs
stress
sens unik
sk
6er gascho


das wär gmüetlech... :)

gängschter
13.07.2004, 13:33
Original geschrieben von Khadeija
Ja aber lug, dä mit der :alkvergif hani ou scho zBärn ts schtand bracht... Hie louft scho öbbis, aber da blibsch lieber daheime, aus dass di der ganz Abe ufregsch... Und dSchtimmig isch eifach nie da, aui lüt schtö immer nume ume. Ke ahnig wiso dass die überhoupt i usgang gö..:confused:


:hmmm: wills dänk meinet si sigged die volle partyrocker. :schlecht debii sinds eher geborni schtubehocker. Ja, so Lüt gits be üs umenand au. nur mit dene chani eifach ned würkli vill afange. entweder in usgang und voll d'sau uselah, oder wie du seisch, gmütli mit es paar guete kollege chli an see und isi.

:kiffer:

bless

Pierre Légère
13.07.2004, 16:36
Original geschrieben von poetical
Easy chöi mer scho mache. De mache mer aber grad chli öppis grössers mit paar Bands. Wär no flashigi Sach. Am Nami mau afa u vilech no paar Maler oder so.


sones fescht isch scho in planig. eifach dä mitem termin haperet no chli. aber süsch wird sicher ir nächschti (was o immer ds ma heisse...) ä party gä namens: "tanzbeischwingete vol. I" ... Strichpunkt, Stärke10 (ds management wird no informiert) ... plus 4-5 ditschiis. egger bier. grill & chill aber sicher nid im graffiti ...

Khadeija
13.07.2004, 16:43
Original geschrieben von Pierre Légère
sones fescht isch scho in planig. eifach dä mitem termin haperet no chli. aber süsch wird sicher ir nächschti (was o immer ds ma heisse...) ä party gä namens: "tanzbeischwingete vol. I" ... Strichpunkt, Stärke10 (ds management wird no informiert) ... plus 4-5 ditschiis. egger bier. grill & chill aber sicher nid im graffiti ...

Machets uf der Plafe, isch gad di richtegi Atmosphäre...:kiffer:

Pierre Légère
13.07.2004, 17:13
Original geschrieben von Khadeija
Machets uf der Plafe, isch gad di richtegi Atmosphäre...:kiffer:

sicher o nid