Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Championsleague 05/06


Mano
11.08.2005, 09:05
Ziit womer am Zischtig und Mittwochabig mit Kumpels, Bier und Fussball verbringt gaht bald wieder los. ich froi mich!!

Wer sind oi favorite uf dä titel?

Schaffts Thun und Basel id Championsleague?

diken
11.08.2005, 09:41
ich liebes..
fuessball uf höchstem niveau!
und das all zwei wuche! heineken, tuborg, becks, feldschlössli, cardinal und wie sie alli heissed werded literwies trunke und fasch kein match wird usglah. favourit hani keine, das chunnt de mit de zyt.. muess mer zersch mal en spielerische überblick verschaffe.

das jahr hett ned nume de fc thun ufgrüstet; nei au ich wirde d'spiel uf dem 107ner plasma screen verfolge.
http://www.electroline.be/photos/107.jpg

ReXuS
11.08.2005, 09:43
Naja nachem geschrtige Match Fc Basel vs. Werder Bremen hani scho hoffnige uf Basel, hend geschter bis uf die letschte Minute super gspielt!
FCB!!!

sly saloon
11.08.2005, 09:49
wayne cl

hüt obig legia geg züri

p.s. fuck sfdrs was nöd match übertrage? jarrach

diken
11.08.2005, 10:20
was argumentiere!!!

:D

sly saloon
11.08.2005, 10:37
Original geschrieben von diken
was argumentiere!!!

:D

HOCKABBESSERFÜRDICHMANN:p

diken
11.08.2005, 10:47
WEISSWODIHUUSWOHNT:D

quinton
11.08.2005, 11:23
guete uftritt vo de beide ch-teams geschter, für basel wirds aber schwirig in bremen.

favorite si immer die gliche, i hoffe aber das es BARCELONA packt!

Mano
11.08.2005, 13:58
beim basel match sah ich mich fast in die super championsleague saison vor 3 jahren zurückversetzt. obwohl man klar sagen muss, dass werder bremen gestern auf der ganzen linie ein totalausfall war. so einfach wirds in bremen nicht mehr sein. trotzdem hoffe ich als zürcher, basler und berner in der championsleague zu sehen. wer interessiert sich schon für zürcher bzw. den uefacup!:D

MonstA!
11.08.2005, 14:09
Champions League Finau 05: Basel gäg Thun PUNKT. :D

Francophon
11.08.2005, 16:15
bin zwar voll kein FCZ Fan, aber finds e schweinerei vom SFDRS. Was wüssed die scho? Händs gfühl das spiel interessieri niemert? die bringet lieber so scheiss wie dunschtig Jass & Leichtathletik :wtf:

Fuckin' boycott SFDRS:shooter:

Mano
11.08.2005, 16:42
Original geschrieben von Francophon
bin zwar voll kein FCZ Fan, aber finds e schweinerei vom SFDRS. Was wüssed die scho? Händs gfühl das spiel interessieri niemert? die bringet lieber so scheiss wie dunschtig Jass & Leichtathletik :wtf:

Fuckin' boycott SFDRS:shooter:

äs gaht doch um zuschauerzahle und dunschtigjass oder liechathletik(hüt 800m mitem bucher) ziänd sicher meh lüüt vo dä bildschirm wiä krakau-fcz

sly saloon
11.08.2005, 16:45
Original geschrieben von Mano
äs gaht doch um zuschauerzahle und dunschtigjass oder liechathletik(hüt 800m mitem bucher) ziänd sicher meh lüüt vo dä bildschirm wiä krakau-fcz

warschau, homie:p

LIV
11.08.2005, 16:48
Original geschrieben von sly saloon


p.s. fuck sfdrs was nöd match übertrage? jarrach

hättsch gester ds 20Minuten gläsa, an polnischa Satelita-spezialist (oder so) het 10 FCZ-Fans abota zum bi ihm dr Match go luaga, hättsch nur müassa a e-mail schriba ;)

CL? Hauptsach Man U :D

...Glazer should die...Glazer should die...

bätschmändoo
11.08.2005, 16:48
Original geschrieben von diken
das jahr hett ned nume de fc thun ufgrüstet

Was redsch für Scheisse? Ufgrüschtet????? Si hei ja knapp 16 Spieler im Kader. Di haub Thuner Mannschaft isch ja verchoufft worde. Vo ufrüschte cha ke Red si, höchschtens nachrüschte, aber o nid ir gliche Qualität wi letscht Saison.
Thun het im Momänt Erfolg dank Trainer, Disziplin im Taktische, Fitness, Kampf, ämnä guete Goalie und Glück.

YB het z.B. ufgrüstet, aber macht nur 0:0 gäg Aarau. Das schmärzt...

EphToDaRhyme
11.08.2005, 16:49
Ja geschter isch natürli en super glungnige Abig gsii für jedes Fuessbalhärz us de Schwiiz..

Uefa Cup findi au chli schaad.. Aber isch ja klar gsii, wärdeds de Kack Dunschtigsjass bringe.. Für die alte.. Und ebä Buecher.. wo eh abloost.. däm sini Hochform isch dure..

EphToDaRhyme
11.08.2005, 16:51
Original geschrieben von bätschmändoo
het z.B. ufgrüstet, aber macht nur 0:0 gäg Aarau. Das schmärzt...

Uf dä andere Siite mues mä au gseh, dass sie nume 2 Pünkt Abstand uf d'Spitze händ, vo dem her no easy mitspilled!

Mano
11.08.2005, 16:52
Original geschrieben von sly saloon
warschau, homie:p

ou ebä, mä merkt wiä sehr mi dä uefa cup interessiert!:D

sly saloon
11.08.2005, 16:54
Original geschrieben von LiV
hättsch gester ds 20Minuten gläsa, an polnischa Satelita-spezialist (oder so) het 10 FCZ-Fans abota zum bi ihm dr Match go luaga, hättsch nur müassa a e-mail schriba ;)

CL? Hauptsach Man U :D

...Glazer should die...Glazer should die...

stell der mol vor, wie dem sini stube hüt obig nochem matsch usgseht:p

bätschmändoo
11.08.2005, 16:55
Original geschrieben von EphToDaRhyme
Uf dä andere Siite mues mä au gseh, dass sie nume 2 Pünkt Abstand uf d'Spitze händ, vo dem her no easy mitspilled!

Lueg mau gäg wän si gwunne hei. Xamax und Yverdon. D'Lachnummere vor Superleague. Äs müesse Siege häre gäg Basel, GC, FCZ und St.Galle.
Klar längts so zum chli mitspiele vore. Aber d'Fans wei meh. Und d'Betrieber und di Verantwortleche (z.B. dr Trainer) sötte äs Interässe ha, z'Stadion z'fülle und nid miterä ultradefensiv Taktik d'Fans ga z'verärgere...
Bidu raus! Ottmar her!

LIV
11.08.2005, 16:55
Original geschrieben von sly saloon
stell der mol vor, wie dem sini stube hüt obig nochem matsch usgseht:p

dafür sind dia alli in dr POLEPosition...:D

EphToDaRhyme
11.08.2005, 16:59
Original geschrieben von bätschmändoo
Lueg mau gäg wän si gwunne hei. Xamax und Yverdon. D'Lachnummere vor Superleague. Äs müesse Siege häre gäg Basel, GC, FCZ und St.Galle.
Klar längts so zum chli mitspiele vore. Aber d'Fans wei meh. Und d'Betrieber und di Verantwortleche (z.B. dr Trainer) sötte äs Interässe ha, z'Stadion z'fülle und nid miterä ultradefensiv Taktik d'Fans ga z'verärgere...
Bidu raus! Ottmar her!

Uf das hani mi zwenig gachtet.. Aber ja demfall mues da scho e Steigerig ane! Well YB isch für mich en Club wo europäisch chönnt erfolgriich wärde, wänns i de Superleague mal zu öppis chömed und wiiter wachsed..

EphToDaRhyme
11.08.2005, 17:01
Original geschrieben von LiV
CL? Hauptsach Man U :D

...Glazer should die...Glazer should die...

Doppleti Zuestimmig :p

burkinafaso
11.08.2005, 17:21
Original geschrieben von sly saloon
wayne cl

hüt obig legia geg züri

p.s. fuck sfdrs was nöd match übertrage? jarrach

GANG DOCH IN DIE GAY BAR BI EUREM GRRUSIGE STADION :p

Als Zürcher miessteder jo e guete droht ha zu ZFDRS...

Haend ue äfcezät...:p

http://www.fcb.ch/gallery/view_photo.php?set_albumName=album470&id=2005_08_10_fcb_bremen_0008

http://www.fcb.ch/gallery/view_photo.php?set_albumName=album470&id=2005_08_10_fcb_bremen_0019

ganz geile Match gsi...schiss schwuppi miro klose...

FCBASELSCHIESSEGOL

kEg2
11.08.2005, 17:51
Original geschrieben von burkinafaso
GANG DOCH IN DIE GAY BAR BI EUREM GRRUSIGE STADION :p

Als Zürcher miessteder jo e guete droht ha zu ZFDRS...

Haend ue äfcezät...:p

http://www.fcb.ch/gallery/view_photo.php?set_albumName=album470&id=2005_08_10_fcb_bremen_0008

http://www.fcb.ch/gallery/view_photo.php?set_albumName=album470&id=2005_08_10_fcb_bremen_0019

ganz geile Match gsi...schiss schwuppi miro klose...

FCBASELSCHIESSEGOL

ganz digg xi!! i bi dä uffem bild mit dr blaue fahne (hrhr, eidütig zweidütig!) :D

und alte meinsch d'flachwi***erbar im letzi? :D harhar

btw: hopp Wisla Plock / hopp Legia Warschau!!

burkinafaso
11.08.2005, 18:10
Original geschrieben von kEg2
ganz digg xi!! i bi dä uffem bild mit dr blaue fahne (hrhr, eidütig zweidütig!) :D

und alte meinsch d'flachwi***erbar im letzi? :D harhar

btw: hopp Wisla Plock / hopp Legia Warschau!!

hehe...ich bi au dä mit dr blaue fahne...

meinsch mir hän uns gseh? :D

sly saloon
12.08.2005, 09:23
hahah ihr sind mer no spassvögel:rolleyes:

hauptsach gwunne geg warschau, usswärts:blingblin

burkinafaso
12.08.2005, 11:07
Original geschrieben von sly saloon
hahah ihr sind mer no spassvögel:rolleyes:

hauptsach gwunne geg warschau, usswärts:blingblin

und mit was für dusel...

dr keita und dr margairaz hätti zum tüfel gwunsche enn nit in dr 90. e gol gfalle wär...dümmer als brot...

warschau het au nit grad brilliert...do isch wisla Plock jo no besser gsi...

hauptsach eini vo beidne Zürcher manschafte keit uuse...

ch ch championslig

jus
12.08.2005, 11:23
basel wird in bremen sicher 2-3chiste becho! handkerum händs au 7-2 gege lyon ufs dach becho... nichts desto trotz isch bremen für mich favorit... ich hoff hingege, dass thun die chance packt!!! wär ja andersch geil!!!

aafangs saison isch es halt immer schwierig en favorit z'bestimme, klar sind die grosse drunder wie z.b. real, barça, chelsea, bayern, ac milan, juve... ich hoff, dass endlich arsenal mal chli wiiter chunt, aber jetz ohni vieira i de defensive wirds super schwierig!

schaad, dass de PSG sone miesi saison gha hät und gar nöd europäisch spillt! nächscht jahr müend sich all warm aazieh vo dene :-)!!!

EphToDaRhyme
12.08.2005, 12:28
Zu Arsenal sägi nume Djourou.. Etz bechunnt dä Siech au meh Chance und villicht schlaht er genau so ii wie de Senderos.. Arsene Wenger seit ja mittlerwiile, dass er gsetzt isch!

Kälner
13.08.2005, 18:33
Jea wird scho wider ziit dass endli wider öpis lauft im fuessball!:no:

Aber dasjahr wird wider de glich champions league günne!!!!! L I V E R P O O L !!!:kiffer:

Mano
22.08.2005, 12:00
so morn gahts witer mit cl-quali! Thun dihei gäg malmö und basel uswärts bi dä stadtmusikante in bremen. was meineder, werdemer serschte mal mit 2 teams id champions league verträtte si? wän nöd wär gheit eurä meinig na use?

ich glaub thun und basel schaffeds! wän dä gross dä gimenez chunts scho guet. thun landet äs 1:1

kEg2
22.08.2005, 21:46
Original geschrieben von Mano
so morn gahts witer mit cl-quali! Thun dihei gäg malmö und basel uswärts bi dä stadtmusikante in bremen. was meineder, werdemer serschte mal mit 2 teams id champions league verträtte si? wän nöd wär gheit eurä meinig na use?

ich glaub thun und basel schaffeds! wän dä gross dä gimenez chunts scho guet. thun landet äs 1:1

bremen stinkt nach fisch!!! beidi chömme witer kai frog!

lilwayne
29.08.2005, 14:42
FC BAYERN MÜNCHEN wird dieses Jahr die Championsleague gewinnen :king:

:fuck: :ass: :wixer: :g-smile:

*chnächt*
10.09.2005, 18:56
hey ja ich glaube basel schaffts id championsleague für mich isch gc und fcz aber au en heisse titelkandidat was meined ir? peace

Mano
12.09.2005, 10:46
Henry fällt am Mittwoch im ersten Gruppenspiel Arsenals in der Championsleague gegen Thun wegen einer Muskelentzündung am Schambein aus.

guet für Thuner, trotzdem werdeds wohl kä chance ha.

quinton
12.09.2005, 10:59
Original geschrieben von Mano
Henry fällt am Mittwoch im ersten Gruppenspiel Arsenals in der Championsleague gegen Thun wegen einer Muskelentzündung am Schambein aus.

guet für Thuner, trotzdem werdeds wohl kä chance ha. mi tipp lutet 3:1 für Arsenal, leider....

nik
12.09.2005, 11:03
....löimer eus lo überrasche, nichts ist unmöglich

tippe 3:0 für Arsenal :(

K-Baller
12.09.2005, 11:09
i denke au ned das thun gross chance het.

min Tipp: 3:1 (2:0, 1:1) für Arsenal

Francophon
13.09.2005, 08:52
min tip>>> 2:2, sie werdet wieder alli überrasche....und wenn doch nöd, au egal. was händs scho z'verlüre

Nöiton
13.09.2005, 09:18
Arsenal wird Thun vernichten. - Auch ohne Henry. Sie haben ja zum Glück noch ein klein wenig Ersatz (Reyes, Van Persie usw).

C'mon you Gunners!

GB*
13.09.2005, 09:20
- 1:0 für arsenal nach 10 min. oder so
- dann grosse langeweile
- in der 70. min dann der ausgleich von thun
- und dann müssen die londoner nochmals ran :hmmm:

Mano
13.09.2005, 20:48
und tooooorrrr in sevilla! sevilla 0 liverpool 1! äs gaht eifach nüt über konferenzschaltig!:D

Kälner
14.09.2005, 10:53
herrliche abig gsi gester!

Liverpool günnt 2.1 und Real chunnt gröber 3.0 ufs dach über:D

:dance: gnau so mueses si...

bungee
14.09.2005, 11:01
damn de casillas het bem 1:0 schön alt usgseh...

jäno di "königlichen" se au nöm da wos mol gsi send



piis
:hippie:

quinton
14.09.2005, 11:04
MERCI LYON :D

Kälner
14.09.2005, 11:07
Original geschrieben von bungee
damn de casillas het bem 1:0 schön alt usgseh...

jäno di "königlichen" se au nöm da wos mol gsi send



piis
:hippie:

si meined si seged jedes jahr di beste wenns eifach wider 2 riise offensivspiller chaufed...:rolleyes: aber vonnere mannschaft het das management no nie was ghört...janu, mir ischs glich:cool:
so, etz hüt hoffemer uf en punkt für thun:p

quinton
14.09.2005, 23:27
starchi leistig vo thun, okey phasewies hei sie meh glück aus verstand gha aber dennoch HUT AB!

am schluss het leider d kraft gfäut....

Sperrow
28.09.2005, 09:35
powpowpow!!!!
thun het gwunne...
:handclap: :banana: :clown: :headbang: :yeah: :bolognais :bounzi: :schubidoo :bounce: :D

EphToDaRhyme
28.09.2005, 09:39
Sehr sehr sehr lasches Spiel vo ihne gsii.. Aber zum Glück händs gwunne und denn hani mi au chli chöne freue.. Eh en guete Champliga Abig gsii.. ManU hät ä gwunne :D

Stylebock
28.09.2005, 09:41
Original geschrieben von EphToDaRhyme
ManU hät ä gwunne :D


RUUUUUUUUUUUUUUUUUUUUUD

ja mann...so muass es si!

plus 2 wunderschöni Ronaldinho-Goal...guata Obig xi!

nik
28.09.2005, 09:44
...aber hüt obe spielt de einzig wahri meisterverein

http://www.ticketagencyonline.com/images/liverpool-fc-200.jpg

you'll never walk alone

quinton
28.09.2005, 09:44
Original geschrieben von EphToDaRhyme
Sehr sehr sehr lasches Spiel vo ihne gsii.. Aber zum Glück händs gwunne und denn hani mi au chli chöne freue.. Eh en guete Champliga Abig gsii.. ManU hät ä gwunne :D ja rächt lasches spiu gsi (ou live im stadion) aber gwunne isch gwunne...... und BARCA gwinnt die Champions League!!

K-Baller
28.09.2005, 10:00
de Ronaldihno isch geschter eifach abartig gsi...............

the fouler
18.10.2005, 12:22
bayern wird diä scheiss dräcks turiner hüt figgä!

Kälner
18.10.2005, 15:48
Original geschrieben von the fouler
bayern wird diä scheiss dräcks turiner hüt figgä!

jauw alte! du weisch wis lauft:D zersch dehei, da münds es scho buzze, will usswärts be de tschingge musch mit eme unentschide zfride si...

nik
18.10.2005, 15:55
hahahaha, träumet wieter!!!

das wird dNacht vo de alte dame...

zieht den bayern die lederhosen aus, lederhosen aus, lederhosen aus... *sing*

ausser ratze könnt ihr alle gehn, könnt ihr alle gehn... *sing*


:handclap:

Kälner
18.10.2005, 16:01
jä was...:D juve cha ja froh sii wenns amigs eis goal mached i de meisterschaft geg so mittelklassigi teams....:cool:

nik
18.10.2005, 16:04
*gg* mer doch glich, bi ned juve fan, find bayern eifach scheisse :D




:hater: http://www.antibayern.de/images/fun/kahn4.jpg

Kälner
18.10.2005, 16:09
das hani vorher no gnau denkt woni dis liverpool logo wiiter obe gseh han:D
immer die huere bayern haters...bem kolleg amigs efach 4 gäg 1 wenn bayern - irgendwas spillt...aber am schluss bin glich immer ich ellei am fiire:kiffer:

nik
18.10.2005, 16:16
hehehe, i kennes, bi eus mues au immer mindistens eine fürs andere team si als dMehrheit, eifach us protest :p

aber easy, i mues halt eifach chli hate...hehehe

...und liverpool gwünnt hüt eh gäg anderlecht

Der BOZZ
18.10.2005, 16:22
Original geschrieben von Kälner
das hani vorher no gnau denkt woni dis liverpool logo wiiter obe gseh han:D
immer die huere bayern haters...bem kolleg amigs efach 4 gäg 1 wenn bayern - irgendwas spillt...aber am schluss bin glich immer ich ellei am fiire:kiffer:
goht mir au so!!
alli hatend bayern debi set me dere mannschaft beachtig schänke!!isch nämlech öpe die mannschaft mitm chlinschte budget vode top teams aso so:manu,arsenal,liverpool,real,barca,juve usw.!!und trotzdem chöi si mit dene mannschafte mithalte scho sit joohre!!

Kälner
18.10.2005, 16:35
Original geschrieben von Der BOZZ
goht mir au so!!
alli hatend bayern debi set me dere mannschaft beachtig schänke!!isch nämlech öpe die mannschaft mitm chlinschte budget vode top teams aso so:manu,arsenal,liverpool,real,barca,juve usw.!!und trotzdem chöi si mit dene mannschafte mithalte scho sit joohre!!

sägi gnauuu au immer...aber das bringt nüt, si finded efach glich es seg en schisverein wo kei ahnig het und nur gross cash und bekannti manager het...sind doch elendi HATERS gnau wi de nik au:D ;)

nik
18.10.2005, 16:40
Original geschrieben von Kälner
sägi gnauuu au immer...aber das bringt nüt, si finded efach glich es seg en schisverein wo kei ahnig het und nur gross cash und bekannti manager het...sind doch elendi HATERS gnau wi de nik au:D ;)

:p ich find bayern grundsätzlich unsympathisch, ned nur de fuessballverein... :ass:

...und i glaube ned das en club wo wie bayern regelmässig ide CL spielt, es neus stadion het chöne baue und dezue no die ultimativ mediepresänz het es 'chlises' budget het... also uf die paar millione meh oder weniger chunts de au nüm druf ah... aber egal, hauptsach Liverpool gwünnt...

und thun natürlich au :kiffer:

:hater:

Kälner
19.10.2005, 11:11
Original geschrieben von nik
:p ich find bayern grundsätzlich unsympathisch, ned nur de fuessballverein... :ass:

...und i glaube ned das en club wo wie bayern regelmässig ide CL spielt, es neus stadion het chöne baue und dezue no die ultimativ mediepresänz het es 'chlises' budget het... also uf die paar millione meh oder weniger chunts de au nüm druf ah... aber egal, hauptsach Liverpool gwünnt...

und thun natürlich au :kiffer:

:hater:

nöd vill chliner aber si setzeds richtig ii und chaufed nöd sinnlos offensivspiller für weiss nöd was für summe wie z.b. real drum hends geld für anders...

aber nach gester sägi eh nur no:dance:
sind ja bös undergange eusi tschingge...

EphToDaRhyme
19.10.2005, 11:17
Original geschrieben von Der BOZZ
goht mir au so!!
alli hatend bayern debi set me dere mannschaft beachtig schänke!!isch nämlech öpe die mannschaft mitm chlinschte budget vode top teams aso so:manu,arsenal,liverpool,real,barca,juve usw.!!und trotzdem chöi si mit dene mannschafte mithalte scho sit joohre!!

So en riese Bullshit wo du da verzapfsch.. Sie sind mit Manchester und Chelsea eine vo dä riichschte Verein.. Die wirtschafted eifach guet und deshalb sinds nöd so Deppe und zahled alles für en Spieler.. (Für Maakay hettäds locker 30, 40 Mill chöne zahle aber sie händ vo Afang ah gseit, dass sie eifach nöd meh als die 20 aneblättered).. Die händ eifach checkt, dass mä au ohni sinnlos vill Gäld verprassle chan sehr gueti Spieler holä.. Gsehschs i de Bundesliga.. Die holed fascht immer Ablösefreii Spieler oder Lüüt wo eh scho wägg wänd.. Dänn wirds billig für Bayern..

Aber wäge däm isch mer de Club gliich unsympatisch ;)

nik
19.10.2005, 11:18
*gg* naja über real müese mer jo ned diskutiere, usser die verantwortliche döte weis glaubs die ganz wält das die transferpolitik scheisse isch... oder wieviel offensivspieler mag e manschaft verträge??

jo scho, hätts also ned erwartet... easy, im rückspiel de ;)

EphToDaRhyme
19.10.2005, 11:35
Tja wenn mä unter so krassem Druck staht, wie Real, neigt mä zu unüberleite Handlige.. Findes au chli übertribe..

Kälner
19.10.2005, 11:42
Original geschrieben von EphToDaRhyme
So en riese Bullshit wo du da verzapfsch.. Sie sind mit Manchester und Chelsea eine vo dä riichschte Verein.. Die wirtschafted eifach guet und deshalb sinds nöd so Deppe und zahled alles für en Spieler.. (Für Maakay hettäds locker 30, 40 Mill chöne zahle aber sie händ vo Afang ah gseit, dass sie eifach nöd meh als die 20 aneblättered).. Die händ eifach checkt, dass mä au ohni sinnlos vill Gäld verprassle chan sehr gueti Spieler holä.. Gsehschs i de Bundesliga.. Die holed fascht immer Ablösefreii Spieler oder Lüüt wo eh scho wägg wänd.. Dänn wirds billig für Bayern..

Aber wäge däm isch mer de Club gliich unsympatisch ;)

bayern chauft spiller au meistens no gnueg früe dass halt nonig so tüür sind. makaay und ballack sind be bayern etz so extrem guet worde...logo de ballack isch scho be bayer guet gsi, aber de ganz rummel und all das züg um in isch etz siter be bayern isch...stelled efach e geils team zämä immer.


jaja...srückspiil wird ganz en anderi afiche (leck das wort:D ) aber wenn juve wider so wenig zeigt chönds au denn mit eim punkt zfride si...

the fouler
20.10.2005, 14:36
Original geschrieben von Der BOZZ
goht mir au so!!
alli hatend bayern debi set me dere mannschaft beachtig schänke!!isch nämlech öpe die mannschaft mitm chlinschte budget vode top teams aso so:manu,arsenal,liverpool,real,barca,juve usw.!!und trotzdem chöi si mit dene mannschafte mithalte scho sit joohre!!

ja richtig.. ich han gar nöd gwüsst dases da ine bayner fans hät! bin i früärigä threads immer disst worde für bayern!

Krumb Snatcha1
20.10.2005, 14:43
Original geschrieben von EphToDaRhyme
Tja wenn mä unter so krassem Druck staht, wie Real, neigt mä zu unüberleite Handlige.. Findes au chli übertribe..


s' got chelsea esch s' neue real, das esch voll öbertrebe, real wahnsennsiichaufsboom esch langsam abgflacht

*chnächt*
20.10.2005, 14:46
Fc Bayern München are the Winners

Der BOZZ
20.10.2005, 14:47
Original geschrieben von EphToDaRhyme
So en riese Bullshit wo du da verzapfsch.. Sie sind mit Manchester und Chelsea eine vo dä riichschte Verein.. Die wirtschafted eifach guet und deshalb sinds nöd so Deppe und zahled alles für en Spieler.. (Für Maakay hettäds locker 30, 40 Mill chöne zahle aber sie händ vo Afang ah gseit, dass sie eifach nöd meh als die 20 aneblättered).. Die händ eifach checkt, dass mä au ohni sinnlos vill Gäld verprassle chan sehr gueti Spieler holä.. Gsehschs i de Bundesliga.. Die holed fascht immer Ablösefreii Spieler oder Lüüt wo eh scho wägg wänd.. Dänn wirds billig für Bayern..

Aber wäge däm isch mer de Club gliich unsympatisch ;)
nei nei heshc glaubs öpis verpasst!!gang uf vereins sitene und lueg die verschidenschte budgets aa!wirsches de scho no gseh!!

the fouler
20.10.2005, 14:47
ja guet isch scho so... aber de mourinho und de abramowitsch lueget meh druf das das team au passt!

EphToDaRhyme
20.10.2005, 14:48
Als Manchester Fan chani Chelsea natürli überhaupt nöd usstah :D

Aber ich find sie zahled zwar huerä vill, aber:

- Sie bringed au de chliinere Clubs mit guetä Talent chli Cash ine
- Sie verpflichtet nie so krassi Superspieler wo scho en riese Name händ
- Sie förderd die Junge
- Sie händ es super Trainerteam
- Sympatischi Transfers wie z.B. Wright Phillips, Drogba oder Del Horno!

EphToDaRhyme
20.10.2005, 14:50
Original geschrieben von Der BOZZ
nei nei heshc glaubs öpis verpasst!!gang uf vereins sitene und lueg die verschidenschte budgets aa!wirsches de scho no gseh!!

Ähhhm Altä das sind Transfersbudgets und Saisonbudgets.. Das sind nöd Zahle, wievill Gäld de Club würkli hät ;)

the fouler
20.10.2005, 14:51
Original geschrieben von EphToDaRhyme
Als Manchester Fan chani Chelsea natürli überhaupt nöd usstah :D

Aber ich find sie zahled zwar huerä vill, aber:

- Sie bringed au de chliinere Clubs mit guetä Talent chli Cash ine
- Sie verpflichtet nie so krassi Superspieler wo scho en riese Name händ
- Sie förderd die Junge
- Sie händ es super Trainerteam
- Sympatischi Transfers wie z.B. Wright Phillips, Drogba oder Del Horno!

ja richtig chelsea luegt viel meh uf d spieler wos chaufet! real hät nie so spieler zämägsuecht wiä chelsea!

Der BOZZ
20.10.2005, 14:55
Original geschrieben von EphToDaRhyme
Ähhhm Altä das sind Transfersbudgets und Saisonbudgets.. Das sind nöd Zahle, wievill Gäld de Club würkli hät ;)
aber äbe um das gahts mr jo!!bayern isch e mannschaft während real e zämegwürflete bonze huufe isch!:D
aber jede söll dem club helfe wo er für richtig findet!!han nur chli müeh mit bayern haterei:D !

Krumb Snatcha1
20.10.2005, 14:59
Original geschrieben von Der BOZZ
aber äbe um das gahts mr jo!!bayern isch e mannschaft während real e zämegwürflete bonze huufe isch!:D
aber jede söll dem club helfe wo er für richtig findet!!han nur chli müeh mit bayern haterei:D !

die werded langsam warm falls es nöd gmerkt häsch
vanderley hets brocht :D:D
mer gsehnds ja denn...

Daweed
16.12.2005, 12:22
Glasgow Rangers - FC Villareal

Benfica Lissabon - FC Liverpool

Ajax Amsterdam - Inter Mailand

PSV Eindhoven - Olympique Lyon

FC Bayern München - AC Mailand

Werder Bremen - Juventus Turin

Real Madrid - FC Arsenal London

FC Chelsea London - FC Barcelona




C'mon Arsenal

nik
16.12.2005, 12:36
Hammer begägnige!!!

!!L I V E R P O O L!!

i dänk folgendi teams chöme wieter:

glasgow, liverpool, inter, lyon, Milan, Juve, Real u Barca

Mano
16.12.2005, 13:18
chelsea scho wieder so früe gäg barcelona! arsenal wirds schwär ha gäg real, di dütsche gheied hoffentli beid gad usse! trotzdem paar geili mätsch zogä worde!

ar se nal!

*chnächt*
16.12.2005, 13:22
Original geschrieben von Daweed
Glasgow Rangers - FC Villareal

Benfica Lissabon - FC Liverpool

Ajax Amsterdam - Inter Mailand

PSV Eindhoven - Olympique Lyon

FC Bayern München - AC Mailand

Werder Bremen - Juventus Turin

Real Madrid - FC Arsenal London

FC Chelsea London - FC Barcelona

Barca-Chelsea wird am geilste und Bayern-Milan au!!!




C'mon Arsenal

hermanndes
16.12.2005, 13:32
:fuck: FC Chelsea London:fuck: - FC Barcelona
--> todes match!!!!!!!! chelsea fickts grusig!!!

BASEL-monaco im Uefa-Cup

BASILEA per SEMPRE

quinton
16.12.2005, 13:44
Original geschrieben von Daweed
FC Chelsea London - FC Barcelona
jawohl, barca cha sech für die letchjährige niedelag revanchiere, go ronnie :hippie:

quinton
16.12.2005, 13:50
offtopic: hie übrigens no d uefa cup uslosig


Litex Lovech - Racing Straßburg
VfB Stuttgart - FC Middlesbrough
Slavia Prag - US Palermo
SC Heerenveen - Steaua Bukarest
Lokomotive Moskau - FC Sevilla
Bolton Wanderers - Olympique Marseille
Hertha BSC - Rapid Bukarest
FC Basel - AS Monaco
Udinese Calcio - RC Lens
Rosenborg - Zenit St. Petersburg
FC Brügge - AS Rom
FC Schalke 04 - Espanyol Barcelona
OSC Lille - Schachtjor Donezk
FC Thun - Hamburger SV
Betis Sevilla - AZ Alkmaar
Artmedia Bratislava - Levski Sofia