Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Röhren Mikrofon


Marook
16.09.2005, 12:22
Zämme!

Mir sueche e qualitativ hoochwärtigs Röhre Mikrofon für Stimmufnahme (eigentlich nur Rap) wo natürlich-wär häts au andersch erwartet- fascht nüt choschtet, hehe.
Ha eifach mol welle Frooge, ob öpper vo euch Erfahrige het mit me Röhre-Mic oder zuefälligerwiis eins kennt, woner chönnt empfähle.
Irgendsone Eierleggendi Wullemilchsau. E mic mit Suuper Qualität und will nid Neumann drufstoht nur 400.- choschtet. Irgend sowas, hehe.

Messsii

spenzasequenza
16.09.2005, 14:21
also scho mal sicher empfähle chani der ds AKG Solidtube... miär gfallts uhüäre,

denn weri da no ds rode NTK, definitiv öi en uberlegig wärt.

oder de Brauner Valvet oder VM 1 (hahaaaa!)

suscht weissi grad nit, was nu so cool weri...

Marook
16.09.2005, 14:56
Hehe, bi eher für s Brauner VM-A, für läppischi 8000.- , sölle jo scho vernünftigi Ufnahme wärde :D Aber das Ding seht scho schöön us!!!
http://www.gotham.ch/products/brauner/vma_g.gif



Was au no gaanz interessant tönt für e Priis wär Daaass do http://www.musik-produktiv.ch/bilder2/10/00/19/100019765l.jpg
http://www.musik-produktiv.ch/shop2/shop04.asp/sid/!18121995/artnr/100019765
kennt das ding öpper?

messi Spenzah, s Rode NTK isch uf jede Fall sicher mol e Überlegig wärt!

Kareen
16.09.2005, 14:59
Marook alder! Greeetz!
Mal vorderhand: der Musik Produktiv Link funzt nicht, falsche Artikelnummer..
Wägem Mic: gib doch schnell mal am ICS es PM dure, de hät sich ziemlich härt mit em Zeugs beschäftigt damals..
Peace!

Marook
16.09.2005, 15:49
Original geschrieben von Kareen
Marook alder! Greeetz!
Mal vorderhand: der Musik Produktiv Link funzt nicht, falsche Artikelnummer..
Wägem Mic: gib doch schnell mal am ICS es PM dure, de hät sich ziemlich härt mit em Zeugs beschäftigt damals..
Peace!
Jep, wirdi mache! Messi! Link sött jetzt go...

habiCHt
16.09.2005, 16:14
aso mir si sehr z fride mitem akg 3000b..

http://www.musik-produktiv.ch/shop2/shop04.asp/artnr/9612070/sid/!18121995/quelle/listen

spenzasequenza
16.09.2005, 23:55
hey marook, check där mal grad dashiä!!!! (http://cgi.ebay.ch/AKG-Solidtube-Grossmembran-Roehrenmikro_W0QQitemZ7349752346QQcategoryZ96636QQrdZ1QQcmdZViewItem)

wänn das nit nu rapid tiirer wird, chännti das doch en schiggi leesig fär dich sii, oder??

Marook
17.09.2005, 12:04
Original geschrieben von spenzasequenza
hey marook, check där mal grad dashiä!!!! (http://cgi.ebay.ch/AKG-Solidtube-Grossmembran-Roehrenmikro_W0QQitemZ7349752346QQcategoryZ96636QQrdZ1QQcmdZViewItem)

wänn das nit nu rapid tiirer wird, chännti das doch en schiggi leesig fär dich sii, oder??
Jepp, messi Spenzah. Ha grad mit mim Studiomensch telefoniert. Är het denn aber gmeint, är stoht nid so uf bruuchti Mics, will sone ding halt schnäll mol abergheit und denn nid weisch, was alles nümm in Ornig isch...aber wär sicher e Option gsi...
Ha die Gliichi Frog no uf eme "Musiker-Forum" gstellt und dött het mr ein au öppis sehr interessants ahgäh!!!
http://www.thomann.de/prodbilder/the_tbone_sct800_tube_mic_pimx_152309.jpg



woni das gseh ha hani dänkt...jojo, chani jo eh nid zahle, zuedäm het är no gschriibe, dass schiinz d Fanta4 mit däm Mic ufnäme...aber scheisse, bi Thomman koschtet das ding 222,- Euro!!! Isch jo zu heftig, aber denn hani dänkt, jo in däm fall ischs halt au nix wärt... Check dr Teschtbricht vom "Soundcheck"!!!
http://www.thomann.de/prodbilder/152309_test.pdf
Das tönt glaub schwehhr nach kaufalarm! Das mic isch übrigens baugliich mit däm vo SE-Electronics und das choschtet 999.- Sfr

M-A-Z
19.09.2005, 10:06
Check die mal us...

MXL... qualität zum chliine Priis (http://www.musicnetwork.ch/index.php?option=com_content&task=view&id=70&Itemid=89)

Marook
26.09.2005, 19:27
Original geschrieben von M-A-Z
Check die mal us...

MXL... qualität zum chliine Priis (http://www.musicnetwork.ch/index.php?option=com_content&task=view&id=70&Itemid=89)
Jää, die sin schiinz au ganz vernünftig... mir Hän uns aber für das T-Bone Ding entschide, isch glaub scho unterwäxx zu uns!!! Schrib denn Erfahrige do ihne. Merci Viiil mol für euri Hilf!
No e paar impressione, will i mi in das Teil verknallt ha, hehe


http://www.thomann.de/alipics/8671.jpg
Schau mir in die Augen Kleines, hehe
http://dancetech.com/aa_dt_new/hardware/sct800/t-bone_sct-800_case_open.jpg
Dr ganz Koffer


http://www.musik-produktiv.ch/bilder2/10/00/15/100015759l.jpg
s'Original, hehe

adib
27.09.2005, 11:34
grüezwohl!

ha es akg3000b ned übel aber au ned de burner - alternativ mic för vell zwäck isetzbar.

was aber ned darf vergässe go - s'schwächschte glied i de chetti macht qualität us. es bring ned vell es hammermic z'ha ond den folgt en billige AD-wandler;)

stellt sech halt immer d'frog, was för aspröch das mer stellt ond för welle zäwck d'ufnahm verwändet werd...

RODE NTK esch secher en gueti wahl...

gruz
adib

POBELdaVOGEL
27.09.2005, 23:00
ai laik dä röhrensaundstyle jeah tschäk tschäk !! :D

Marook
21.11.2005, 15:54
Sooo, ha scho einigi PMs bechoo, ob denn das Mic wirklich das haltet wo's verspricht. Mi Studiomensch und ich sin sich einig: Es isch KILLER!!! Und zwar nid nur für Vocalufnahme (obwohl das bi uns dr Hauptiisatzzwäck isch), sondern au zum verschidenschti Instrumänt ufnäh überzügts uns wirklich voll. Ich muess aber bekenne, dass ich nid wirklich sone riise Technik-Freak bi und drum nid voll seriös cha Uskunft gäh. Ich höhr halt eifach e riiise Unterschid zu unserem vorhärige AKG mic!

Für besseri Infos checket:
Kaufempfählig Amazon (http://www.thomann.de/thoali2281.html)
Usfierliche Teschtbricht Amazon (http://www.thomann.de/thoali2282.html)
Teschtbricht us em "Soundcheck" Magazin (http://www.thomann.de/prodbilder/152309_test.pdf)

M-A-Z
21.11.2005, 16:00
gshet au bling bling mässig us! :D

ich hoff das isch nöd DÄ chauf faktor gsi!

chasch es paar Dateie anehänke zum alose? wär no interessant!

nepi
21.11.2005, 17:09
hed das öper vo eu scho im agebot vo nem schwizer händler gseh?

Marook
21.11.2005, 17:36
Original geschrieben von M-A-Z
gshet au bling bling mässig us! :D

ich hoff das isch nöd DÄ chauf faktor gsi!

chasch es paar Dateie anehänke zum alose? wär no interessant!
Blingbling-Style isch höggschtens e positive Näbeeffäkt, hehe. Jo mol luege wäg e paar Höhrbischpil, isch halt chli umständlich, will dr Studiomac kei Internetahschluss het und ich nid sooo oft dört bi, aber i lueg mol, was sich mache losst...

@nepi: Ha das ding noniene in dr Schwiz gseh, usser e exakti Kopie vo SE-Elektronics bi musikproduktiv, koschtet aber um die 1000 böck!!!