Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : I bruche en beat


_oO-[MAC]-Oo_
20.07.2004, 12:49
Hy leutz!

Gits do irgendöpper wo bimene Track cha d'stimm wägnäh? I möcht drum e instrumental beat, wo me nid cha säuber mache und me niene bechunnt. Ha aber au scho instrumental Tracks ghört wo me d'stimm vom Rapper no gaaaanz liecht ghört. Auso wenn öpper so guet cha istöue (weiss nid wie me das macht) wäri froh wenn sech die Person würdi mäude.

Der Beat woni möcht, wär: "Royce da 5'9 - D-Elite Part 2"

thx

greez :kiffer:

I.C.S.
20.07.2004, 14:28
gad ned

konfus
20.07.2004, 14:35
du häsch no wünsch... nimm dohc eifach en andere.

Chraensch Lee
20.07.2004, 14:35
gaht scho, bruchsch aber s'acapella oder s'instrumental zums einte oder s'ander schön usefiltere, und si instumental/acapella zu track muss würkli identisch si...

tay
20.07.2004, 14:37
hm...ha mal irgndwän irgnd e app gse glaub wo das vo sich behauptet hät z'chöne..abr weles? kän plan..wür mal im netz sueche nach sowas..

wobi vorstelle chas mr ä nid wüki wil ja frequänze würsch wägne wo sich au beat-elemänt würed drin bewege..??..

hehe..sus schickm doch mal es email und frög nach em instrumental! ;)

greez

Lügner
20.07.2004, 14:46
He he he ... Es funktioniert nöd überall, aber wänns funzt, dänn verreksch wie guet. Isch mer au vom Style her no sümpatisch: ALles was de Plug in Hät isch en CHnopf wo drufstaaht REMOVE VOCAL ...ha ha ha ... und isch erscht no gratis .... probiers uus ...

Und yo, vo wäge "gad ned"... de glernti Akustiker weiss, dass mer das rein physikalisch scho chönnt mache: Fast Fourier Transform (FFT) und dänn die a de Stimm beteiligte Sinus-Segmänt usenee und wieder zrugg-FFT-e ...das funktioniert superguet ... NUR: Mer muess das scho miteme Cray-3 Rächner vo de ETH mache, damits nur es paar Schtund gaht. Wett mer das amene Home-PC mache chammer grad mal 5 Wuche id Ferie ..... aber nur sovil zur akustische Theorie.

spenzasequenza
20.07.2004, 15:33
Original geschrieben von Lügner
...und dänn die a de Stimm beteiligte Sinus-Segmänt usenee und wieder zrugg-FFT-e ...das funktioniert superguet

...und darfer brüüchsch äbe genau ds accapella, dassd di genaue "sinus-segmänt" hesch... di chasch nit eifach so lah üsrächne, öi mit eme cray3 nit... *g

Chraensch Lee
20.07.2004, 16:01
Original geschrieben von spenzasequenza
...und darfer brüüchsch äbe genau ds accapella, dassd di genaue "sinus-segmänt" hesch... di chasch nit eifach so lah üsrächne, öi mit eme cray3 nit... *g

sovill mir isch chasch, wenn s'acapella hesch, das easy usefiltere, gaht au nid würkli lang (aka ETH), has au mal gmacht gha, s'ergebnis ishc zwar nid würkli de brenner gsi... wies mit eifach so usgseht wenn nur de track hesch hani k.a. ha mal e aleitig gfunde fü da mim acapella uf somene forum wo glatti remixchöpf umehanged... fallsi widr druf stosse postis susch...

sonix
20.07.2004, 16:02
Original geschrieben von Lügner
He he he ... Es funktioniert nöd überall, aber wänns funzt, dänn verreksch wie guet. Isch mer au vom Style her no sümpatisch: ALles was de Plug in Hät isch en CHnopf wo drufstaaht REMOVE VOCAL ...ha ha ha ... und isch erscht no gratis .... probiers uus ...



das isch mir au scho zwüschä zfinger grütscht... häh

Lügner
20.07.2004, 16:54
Tja han ja no welle de Link aahänke:

http://www.analogx.com/contents/download/audio/vremover.htm

und yo spenca: tüpflischissär ....he he he he

Piiz

scope
20.07.2004, 16:57
so fett isch dä beat ou widr nid. wennscho royce de HEARTBEAT wo überau chasch es 3 minute snippet i super qualität abelade... produced by kanye west...

_oO-[MAC]-Oo_
20.07.2004, 18:04
Original geschrieben von Lügner
He he he ... Es funktioniert nöd überall, aber wänns funzt, dänn verreksch wie guet. Isch mer au vom Style her no sümpatisch: ALles was de Plug in Hät isch en CHnopf wo drufstaaht REMOVE VOCAL ...ha ha ha ... und isch erscht no gratis .... probiers uus ...

Ok, hani gmacht. Abeglade, installiert nur fingi ke Datei um s'Programm z'starte...:confused:

greez 'n thanks

Lügner
20.07.2004, 18:27
Yo homie ....

Das isch en Direct X Plugin ...
das heisst, wänn er suuber installiert isch,
dänn findsch das Ding i diim Wave-Editor unter de
Plugins ....

_oO-[MAC]-Oo_
20.07.2004, 18:37
Original geschrieben von Lügner
Yo homie ....

Das isch en Direct X Plugin ...
das heisst, wänn er suuber installiert isch,
dänn findsch das Ding i diim Wave-Editor unter de
Plugins ....

auso... eigentlech weissi wie dä shit goht... aber jetz hani grad vou ke ahnig.:confused: isch villicht vom -->:kiffer:

hehe ;)

spenzasequenza
21.07.2004, 10:13
jaja... isch nu en günschtigi üsred iähr hüäre hiphop kiffer! hehe...

köbi
21.07.2004, 22:18
tue doch eifach mau chkly mitem equalizer schaffe, chasch sogar mitemne windowsmusicplayer d stimm chli lisiliger mache
muesch eifach d frequänze voder mönschleche stimm usschaute, de hesch es "instrumental".

aDidoN
21.07.2004, 22:40
hey shiiit du bisch ja hure gschiiid...:rolleyes:

köbi
21.07.2004, 23:21
Original geschrieben von aDidoN
hey shiiit du bisch ja hure gschiiid...:rolleyes:
gäu:D

spenzasequenza
21.07.2004, 23:52
hmm... müäss ich mes säge, oder seit mes jemand annersch???
dasch ja eini vone beschissenschte theorie woni je kheert ha hehe...

Lügner
22.07.2004, 09:21
yeah spenza .... rächt häsch .. hannimer au grad überleit ... und dänn no en TOY go uusteile ...ha ha ha ... (wie wänn "dFrequänze" vo de mänschliche Stimm "vo da" bis "da" gönd ...ch ch ch ch) ... aber weisch wa spenz .... we better shut ta fuck up ...und mached no en dicke beat ...he he he ...

Fletsch
22.07.2004, 09:46
hehe...köbi ghörsch dä bass na?? ;)

köbi
22.07.2004, 22:30
Original geschrieben von Fletsch
hehe...köbi ghörsch dä bass na?? ;)
ha ja nid gseit es töni när guet, es macht nume d stimm lisliger. hani mau ufdr magix-site gseh, weni dr link finge postine. mau luege.

köbi
22.07.2004, 22:41
Original geschrieben von Lügner
yeah spenza .... rächt häsch .. hannimer au grad überleit ... und dänn no en TOY go uusteile ...ha ha ha ... (wie wänn "dFrequänze" vo de mänschliche Stimm "vo da" bis "da" gönd ...ch ch ch ch) ... aber weisch wa spenz .... we better shut ta fuck up ...und mached no en dicke beat ...he he he ...
di mönschlech stimm bewegt sech ja i gwüsse frequänze, scho mau chli überleit, oder ha ig öpe im ungerricht pennt? wots nid ufs :kiffer: abschiebe aber i gloubes nid

So aus INFO, so wirds ide Karaoke-BArs gmacht, mi Pate (The Godfather, Dr Götti) het eis ds Losan, gömer mau, de chasch Lieder singe wode schüsch ungerder Duschi singsch, so Michael Jackson u so:D

P.Y.R.O.
27.07.2004, 13:02
han ezt ned all posts gläse aber schigg das mal als PN... Chan da vilicht was mache... Aso ich han so es VST Plug wot so mit phaseumdrähig (will t mics meistens RL phaseverchert sind) chasch t vocals use nä... Chunt ned immer glichguet aber ich chents mal probiere...

greez