Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : plattetäuer


JayDee
16.11.2005, 01:46
guetenabe zäme
auso, ig würd gärn afange mit plattetäuer schiebe
itz mini frag aber, was würdet dir empfäle fürne afänger? weles grät? ig ha ned sones grooses budget, das heisst ig würd mi für das grät hie entscheide: Numark DJ in A Box (http://www.musicplace.ch/shop/product_info.php?products_id=21036) odr Gemini First Mix 5.0 (http://www.musicplace.ch/shop/product_info.php?cPath=30_252&products_id=22445)
gitts verschideni dinger, auso das heisst dasme mite einte nume cha mixe u mite angere nume scratche odr beides zäme?

köbi
16.11.2005, 03:31
sparä u techniks zuelegä...

köbi
16.11.2005, 03:32
da züg da isch so mit drivebelt u das chunt nid so guet bi skrätsches

JayDee
17.11.2005, 00:15
no angeri tipps odr kommentär? wöu für mi längt das ned so zum entscheide...ig würd ja eh usem buch u nach chlei überlegge entscheide, aber chlei meh wüsse aus bis itze möcht ig scho =)

adib
17.11.2005, 09:25
wör der wie de köbi empfehle, no bez zspare & techniks poschte. obwohl ech nömme a de TT stoh, han ech frühner au mol de fähler gmacht & "billigs" equipment kauft. noch es paar sessions eschs mer scho verleidet...:( lueg zwingend das TT met diräkt-atrieb chaufsch & sicher kei riemeatrieb!

gruz
ps: no bez geduld, chli spare (bald esch wiehnachte) & du wersch in zuekonft glöcklech hender de täller...

JayDee
18.11.2005, 09:51
oukey, aber dir, ha doch no e frag, blödi frag villecht aber die muess vomne afänger ou gsteut wärde: verchratztme che platte bim scratche? odr gitts für das speziau naadle? wöu wenn nei, de chaschder ja geng die glichi platte no es paar mau ga choufe =)

adib
18.11.2005, 10:09
ciao!

platte sind sicher nömme so affällig wie no i de frühnere johr... wenn du aber stundelang die glich stell uf de platte zom scratche nimmsch, werds mit de ziit def. de platte schade.

es git zwei verschiedeni nodletype:
- sphärisch
- elliptisch

wenn du vorwiegend wetisch scratche muesch luege dass en nodle nimmsch wo sphärisch isch. "nur" zum mixe wär en elliptischi vo vorteil.

be sälber kein dj - drom halt ech mech mit chaufvorschläg zrog. jede het so sini eigete favorite. wör mol bi de marke ortofon, shure, numark oder stanton s'angebot aluege

gruess
adi

JayDee
18.11.2005, 10:22
weisch, füre afang würd ig mir eh nume sones hobby dings choufe so à la numark odr gemini, aber chani d naadle de bi jedere margge uswächsle? odr hett das nid jedi margge?

adib
18.11.2005, 10:26
muesch der kei sorge mache - du chasch alli nodle för jede plattespieler isetze:)

schöns tägli!
adi

Lügner
20.11.2005, 16:50
ich würd eifach nie gemini oder reloop chauffe ...he he... aber Technics müends au nümme würkli sii ... Numark oder Vestax hätt zimmli geili Turns am start ...

also drum, wänns dänn eis muess sii vo denä beede versione, dänn uf jede de Numark shizzel (obwohl ich die turns känne ... sind echli plasik-mässig, hönd echli wenig chraft und de Plattetäller sälber hätt echli zvill vertikals "Spiel", dass mer derb chönnt abrippä ...

smut
20.11.2005, 17:02
kauf dr 2 direct drive numark die findsch glaub billig, am beste occassion und no en occassion mixer, z.b. vestax pvc-06 pro (ab 250.- occassion)
wenn chli geduld hesch chunnsch so für 600.- zumene bruchbare equipement.

JayDee
20.11.2005, 19:49
ja gedoud hani dänks scho, mah che schoude ha bi mine öutere =) ja, u wenig che occasion wott choufe stattdesse neus equipment? das cha ja doch egau si gäuet ;)
auso, numark, uf die bini nämlich scho huere scharf gsi :D
auso guet, wöu platte hani nämlech scho... :rolleyes:
merci für feedbacks, wär nomeh wott gäh darf natürlech ruig...

fan03
21.11.2005, 09:44
he altä, du häsch en huere komischä dialäkt... ich chans chum läse..

tia :wtf:

aighz fan03

JayDee
21.11.2005, 13:10
nüüt komisch :D sisch bärndütsch ;)

nepi
21.11.2005, 22:40
ich würd der au empfehle uf technics spare... andere weg wäri unter ricardo luege, han der mal site usegsuecht. dete findsch mängisch no günstige technics mkII:
http://musikinstrumente.ricardo.ch/cgi-bin/auk?cmd=viewcat;catid=135007732;list_flag=15;listrcatid=29;lng=de;
http://hifi.ricardo.ch/cgi-bin/auk?cmd=viewcat;catid=130001467;list_flag=15;listrcatid=20;lng=de;

mit anderne, günstige kenn mi net so guet us. ich han mit nem omnitronic agfange.. isch net allzu schlecht gsi, aber kein verglich zu technics. stanton hed suscht au no gueti, weiss aber net weli prisklass

JayDee
30.11.2005, 19:12
dir lüüt, wie chani de e mixer a comp aschliesse? was muess ig beachte? firewire? usb? odr sones audio dingsbums wo nötig isch?!
merci für antworte :D

adib
01.12.2005, 09:27
chrüezwohl!

du wetsch eifach din mixer an pc aschliesse - richtig?

line out vom mixer - line in vom pc (eifach audio-mässig)

was hesch för en soundcharte? was för igäng hesch?
wenn du en onboard-charte hesch wersch wohl es kabel
(chinch - minijack stereo) bruche

scho en sequenzer-progi vorhande?
was sind gnau dini ziel?

FW oder USB esch bi externe soundcharte/wandler relevant.
extern isch vo de qualität immer besser! choschtet halt en schluck meh :bluepunk:

hoffe geholfen :dj:

gruz
adi

JayDee
04.12.2005, 16:05
auso, mini ziu vorauem, scratches, u mixe vorauem

line-in? hani ned uf mim ibook, ha mac äbe, aber was versteisch du unger sequenzer? es mix proggie? musik proggie? hani hie logic pro 7
auso ig ha 1x firewire u 2x usb, aber ig ha so z gfüeu dass ig da no sones externs ding muess ha dermit igs öppe so chönt mache: mixer --> kabel out uf externs grät --> line-out zu line-in per usb/firewire igang u när ids proggie, würd das gah?
wenn ja, was füres ding wär de das? auso externs ding?

merci für feeds!

adib
05.12.2005, 09:46
ech chönnt der folgendes empfähle:

http://www.thomann.de/edirol_ua25_usb_audio_prodinfo.html#fpix

so wersch du vom mixer uf de UA25, via USB i dis ibook und signal im logic ufzeichen. s'logic esch übrigens es sogenants sequenzer progi ;)

gruess
schöns tägi!
adi

JayDee
05.12.2005, 23:54
so, u wenig doch no nüüt wott ufnäh u haut nume ad boxe schliesse? muess ig de das ding de ou näh?
merci überhoupt no für dini immer fougendi antworte, nätt voder :D

adib
06.12.2005, 09:38
du muesch ned zwingend ufnäh! chasch auf "eifach sounde"
wör der aber scho was i die richtig empfähle... de sound esch au zom lose vo besserer qualität und wend du mol d'möglechkeit hesch zom ufnäh wersch stunde demit verbringe :D

gruz
ps: immer weder gärn gscheh - mer eschs sösch sowieso längwiilig im büro;)

JayDee
06.12.2005, 21:30
auso, guet, merci viu mau, hoffe das längt vorerscht mau für mi chouf :D

JayDee
07.12.2005, 00:21
shiaaat, ig bi ja sooooone bluetige afänger, aber ig wotts perfekt ha, darum :D
auso, d turntables chame ja outomatisch bimne chouf miteme mixer scho ah dä mixer aschliesse odr? wenn ja, chöntme ja de dr mixer a sones fougends mischpult aschliesse Alesis MultiMix 8 USB (http://www.musicplace.ch/shop/product_info.php?cPath=77_43&products_id=22146) , odr?! wöu dä hetti när usb usgang für a pc, u das wär doch s gäbige zum ufnäh, ned?

adib
07.12.2005, 09:23
jep - richtig! mit dinere uswahl vom mixer chasch s'signal via USB au diräkt ufnäh:cool:

..............esch no kein meischter vom himmel gheit:eek:

I.C.S.
07.12.2005, 09:55
hani das richtig verstande, du bisch no nie richtig hinder tt`s gstande? wenn ja, chauf nüd zum ufnä, die erschte 1 1/2 bis 2 jahr wirds nur frustrierend sie dich z`ghöre, glaub mir :D


und zum die erschte versuech z`mixe und z`cutte ufznä länged au es tape deck, ich red us erfahrig :D ;)

JayDee
07.12.2005, 21:58
merci adib, hanimers doch no dänkt :D

@i.c.s, ja ig ha ou none würk vor ufznäh, has ja scho gseit, eifach mau freud drann ha u mixe u weiss dr geier ned aues :D

merci für euchi feedbacks ;)

fan03
08.12.2005, 13:54
Original geschrieben von Lügner

also drum, wänns dänn eis muess sii vo denä beede versione, dänn uf jede de Numark shizzel (obwohl ich die turns känne ... sind echli plasik-mässig, hönd echli wenig chraft und de Plattetäller sälber hätt echli zvill vertikals "Spiel", dass mer derb chönnt abrippä ...

aso da muen der widerspräche! dä tt500 vo numark hät ä u huere chraft und ich tobä amigs wie gschtört a dänä ume und d nadlä bliibt immer i dä rillä! (shure m44-7)

:bouncecro

Biggie
08.12.2005, 14:24
Würd o sägä, tape deck länt füre afang.. es tape isch eh z geilschte, hehe..

i ha mini Mk's u Rane mixer nume ar alag.. resp. t röhre vo JVC.. us platzmangu... drfür e super ikea tisch, höheversteubar... :D

Eifach luege TT's direktatrib... mixer nid irgend sone mischt für 200.-

Wenn wosch häti dr e Technics DMC mixer... fägt no mit däm am afang... resp. hät nid gwächslet wenn mer dä Rane nid it häng wär "gheit"

http://www.hiphop.gr/subjects/djing/agora_mixers/technics-shdx1200.jpg

JayDee
11.12.2005, 18:54
@biggie, wiviu wosch für dä mixer?

Biggie
11.12.2005, 21:06
öppe 200.- nid mau... ke ahnig.. het äuä o scho paar jahr ufem buggu.. hane 1 jahr brucht, ha nie schwirigkeite gha, ersatz fader isch ono drbi..

JayDee
12.12.2005, 00:26
hmm....scho grad chlei tüür, isch haut ou technics :D

Biggie
13.12.2005, 14:20
vore im egge bim olmo... ehem. ifahrt metro garage.. die hei im 1.og platte...

JayDee
15.12.2005, 10:20
so, ha itz mini plattetäuer, was aber für richtig fett geili boxe chani näh? creative? auso füre huusgebruch im zimmer, creative si nämlech hammer =)