Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : streetParade-weekEnd..


chibas
03.08.2004, 17:11
das wuchänänd isch ja schowieder streetparade... än grosse tag für all hiphop-fans.. :o :bluepunk:

nei schpass bi siite.. wo triibts eui ane? hät eine än heisse tip für än geile hiphop-event als alternative zum bum-bum-sound?

:dance:

toniqe77
03.08.2004, 17:21
street parade isch doch luschtig...

sind äml allnä vorus, ha bis itz nuch niä vonerä bounceparade oder amnä freestylerap-stadtumzug uf sogenanntä battlemobiles kört.

wär sicher au luschtig...

scope
03.08.2004, 17:24
bimer schwär am überlege mit radio (wo cheftape louft) mau i roucherwage zhocke (richtig züri) und dert mau zu pflegtem sound vor dene behindos iizrouche und chli z'bounce.... wöu mitemne GA wäre so spässli no liecht azstiftä

zeelium
03.08.2004, 17:38
hmm...also als spezielli alternative biätät sich d`lethargy i dä rote, allerdings lauft dört kei hh, hauptsächlich drum`n bass. cha mä abär nöd würkli uf da beschränkä, dä woody leiht z.b. au uf. halt sehr speziell und geili location und prislich voll ok. bis jetzt jedes mal geil gsi, nur letschts mal (vor zwei jahr) häts doch chli huärä vil lüüt gha

für straighti hh fans blibt wohl nurs ug:

LET THE SUNSHINE IN PRESENTS DJ EV FROM REDMAN NYC ON 3 DANCEFLOORS AFTER THE STREETPARADE

ug: hip hop und rnb partybeats und classics mit dj ev (redman def squad nyc), dj twincut (zh) und den beatfingaz featuring dj steve supreme und dj cut rogg (nezhteil.ch zh) an 4 plattenspielern

eg (open air chill out und bbq): rnb und hip hop mit dj mono und dj jeronimo (nezhteil.ch zh)

og sunshine floor: dancehall ragga rnb und hip hop mit dj maloni (zh) und dj done (one lover zh)

DJ EV (REDMAN DEF SQUAD NYC) Erick Sermon persönlich entdeckte den Mixkünstler. DJ EV steht nämlich hinter den Turntables, wenn die Def Squad Mitglieder Redman und Keith Murray oder eben Erick Sermon himself auf Tour sind. Als Mixtape-König von New York hat DJ EV schon vor Def Squad Zeiten für Furore gesorgt und mit Leuten wie Stretch Armstrong, Bounty Killer, Cutty Ranks oder DJ Honda zusammengearbeitet. Seine Beats zieren die Alben von Keith Murray und Erick Sermon. Auf AV8 und Sure Shot hat DJ EV kürzlich zwei grandiose Club-Hymnen veröffentlicht: "Bang Rock The House" und "It's About Ta Get Hot"! Getreu diesen Tracks pflegt EV die Clubs zu rocken.

nöd ganz so geil wiä letscht jahr (pmd/honda etc) abär sichär diä hh-alternativä.

rm
03.08.2004, 17:43
urban tribes wär sicher au e möglichkeit, i de maag ivent hall, mitem sido em bligg und em nega + no irgendwelchi anderi stages mit dancehall und so....

jayRon
03.08.2004, 18:01
Original geschrieben von scope
bimer schwär am überlege mit radio (wo cheftape louft) mau i roucherwage zhocke (richtig züri) und dert mau zu pflegtem sound vor dene behindos iizrouche und chli z'bounce.... wöu mitemne GA wäre so spässli no liecht azstiftä


hehe, das hani vor 2 jahre gmacht. i dä nacht uf äm heiweg. imenä vo transer vollgfüllte wage hani i mim ghetto i voller lutstärchi wu-tang laufe laufe. ha es paar bösi blickt übercho, aber easy, hauptsach ich ha mi chönä räche. harharhar

und was s'topic agaht, ich gah glaubs id maag-halle...

zeelium
03.08.2004, 18:04
maag tönt mär s`lineup zfescht nach jiggy und tribehouse isch eifach dä gröscht abzock verastalter wo`s git. derä ihri ticket pris sind wahnsinn.

jayRon
03.08.2004, 22:09
villicht mag ich's ja jiggy und min dad isch än bonz wo mär alles zahlt <- f*cking nightmare

aber was zahlsch dänn im ug?
wür ebä scho gern eimal dä bligg live gseh mit sim neuä stuff
und dä nega intressiert mi ebä scho au...

rm
03.08.2004, 22:12
Original geschrieben von zeelium
maag tönt mär s`lineup zfescht nach jiggy und tribehouse isch eifach dä gröscht abzock verastalter wo`s git. derä ihri ticket pris sind wahnsinn.

den bliibsch halt dehei und losisch swollen mebers

:)

sly saloon
03.08.2004, 23:01
ich farin urlaub;)

mbg
03.08.2004, 23:33
es isch endlich wider mal chilbi in meile das heisst: saufen saufen saufen...! bsunders geile isch es wenn mer die lüt hinder dä baar kennt und so zimlich gratis suffe chan!

BigBoon
03.08.2004, 23:35
Ich versteck mich fürs ganz Wiikänd.

zeelium
03.08.2004, 23:48
tjo, ha eh grad usägfundä, dass i am sa. für 15.- statt 25.- cha go scratch perverts in biel luägä:) tribehouse han i gschwore, griägät nüt meh vo mim gäld: 87.- für erykah badu, 54.- für india arie und 65.- für de-phazz...chrank, eifach chrank. abär da`sch natürli persönlichi sach, dparty is sichär geil (dkonzert sinds au gsi)

köbi
04.08.2004, 01:25
Original geschrieben von scope
bimer schwär am überlege mit radio (wo cheftape louft) mau i roucherwage zhocke (richtig züri) und dert mau zu pflegtem sound vor dene behindos iizrouche und chli z'bounce.... wöu mitemne GA wäre so spässli no liecht azstiftä
i chume o mit, find ds cheftape o dr bescht für so öpis, hät so ne aute TAPE-blaster so 350watt no zimlech es luuts ding
mit 16 a-batterie, muestme choufe

TiEZ
04.08.2004, 02:15
elende ignoranz gegen elektronische musik

ok die streetparade ist auch nix für mich und auf transe steh ich auch ned so

rap partys bzw konzerte sind zumeist eh nur noch representer treffen

Aurel
04.08.2004, 10:22
Original geschrieben von jaz-o
den bliibsch halt dehei und losisch swollen mebers

:)

hesch wohl die letschti swollen schiibe no nie ghört...:p

stipp
04.08.2004, 10:30
i bin am fritig in muri ag am openair guggibad.. döte lauft microphonik, taktpakt, black tiger, Freakanoid und cantalooop..
und am samschtig isch in wohle s monsun festival und döte tritt unteranderem saubanner uf!
also das isch für mi en guete bum-bum-techno-scheiss-ersatz!

cel
04.08.2004, 10:30
...schiffbau10 in züri..HANDZH up..mit de djs SWEAP..aaron..uptown top rankers....



:dance: :dance: :dance: :dance:

handzh up
05.08.2004, 07:15
ma girl cel gseht das richtig!

-> zeelium ''für straighti hh fans blibt wohl nurs ug'' für straighti teens villicht scho. props a Dich für tribehouse/maag comment. ur right. aber ebe.. handzh up, gäng-star! DJ AARON, DJ SWEAP (nocode) & uptown top rankers (ZEE RIOTZH) @ Schiffbau 10 // Schiffbaustr.10 - 8050 ZH

Wryter24
05.08.2004, 12:08
also ich gang wi en huffe anderi gschidi HipHoppers es bitzeli mit Kopfwehtablette go dealle muahahahah wotsch gute ectasy komm zu wryter und kauf für 50 Fr eine aspirintablette abgekratzt mit lebensmittelfarbigem Logo drauf ganz new made in Switzerland hrhr 700 Stutz mach ich scho am Tag

samee
05.08.2004, 12:16
am samschtig am 10ni

djs tim & linus im soca

gratis...

chibas
05.08.2004, 13:08
s'ug wird sicher derb.. maag sicher au ä alternative, aber bestimmt nöd billig 40fr. oder no meh.

haha wryter24.. din style gfalltmer, chli technos über dä arm neh macht immer schpass.

iceripperin
05.08.2004, 13:13
ich mues us züri use, dä scheiss bass ghört mer bis zu eus ufe und ich wohn nöd mal i de stadt :wtf: FLUCHT!!!! :flucht:

chibas
05.08.2004, 13:19
he duuu.. aber hiphop hät au bass.. schruubsch dini soundmachine ächli ufe und dänn chunnt das scho guet!:banana:

cel
05.08.2004, 13:21
..chömed eifach in schiffbau 10 und erläbet n heissi nacht.....






:dance:

Aurel
05.08.2004, 13:25
in luzern isch no s'seenachtsfescht, anschliessend werded ali baba und baddis crew d'schüür rocke!

[Kampf(V)ilbe]
05.08.2004, 13:28
Original geschrieben von Wryter24
also ich gang wi en huffe anderi gschidi HipHoppers es bitzeli mit Kopfwehtablette go dealle muahahahah wotsch gute ectasy komm zu wryter und kauf für 50 Fr eine aspirintablette abgekratzt mit lebensmittelfarbigem Logo drauf ganz new made in Switzerland hrhr 700 Stutz mach ich scho am Tag

haha, so geil... uf dia idee bin i no garnöd cho

aber jetzt im ernscht?
-git sicher eh paar so blödi spackos wo dir de scheiss abchaufend

MANtis
05.08.2004, 17:15
streetparade weekend.. who cares
chömet nach biel a scratch perverts show.
und andere DJ's.. 15.- eintritt und bis 24:00 ladies
free entry.

Mora
05.08.2004, 17:30
schade, ech stah ned uf männer im tanga, suscht wäri natürlich go luege...höhöhö...

ohgott, wenni nur scho dra denke, bichumi sehnsucht nach richtig bouncendem hiphop und me spliff.

zum glück bin ich in bern, aber schins isch ja seenachtsfescht das weekend in lu-town.

mieze
06.08.2004, 00:35
Original geschrieben von zeelium
tjo, ha eh grad usägfundä, dass i am sa. für 15.- statt 25.- cha go scratch perverts in biel luägä:) tribehouse han i gschwore, griägät nüt meh vo mim gäld: 87.- für erykah badu, 54.- für india arie und 65.- für de-phazz...chrank, eifach chrank. abär da`sch natürli persönlichi sach, dparty is sichär geil (dkonzert sinds au gsi)

muss hie eifach mi senf o derzue gä - sorry. diskussion über itritte isch extrem müssig! 1. isch d eryka 79 u de-phazz 55 - jedefalls soviel ig mi erinnere, und india arie isch blue balls luzern gsi. 2. bestimmt i däm bizz - no viu krasser als ar börse - nachfrag, aagebot resp bekanntheitsgrad dr pris. sprich wenn'd teil künstler ir CH live & real ufere bühni wottsch gseh muesch dementsprechend tief id's portemonnaie grife als veranstalter; leider als bsuecher halt o. usserdem liegt's risiko das es niemer interessiert u dr lade halb leer isch u'd kasse o eidüütig bim erschtere. nebscht +/- höche künstlergage chunnt hallemiete, technik pa/licht, crew, security, bühni, hotel/ verpflegig, werbekoste, ticketcorner vvk abzüg, suisa gebühre, steuerabgabe usw als kosten no derzue. bi konzert i gwüsse grösseohrnige isch ar kasse für e veranstalter o nüt würklech z'verdiene, nu no über d bar. glaub mir, ig weisses....
ä vergoldete mercedes fahrt o dr tribehouse nid.
es nervt halt amigs we ufwand u leischtig um es konzert uf d bei z'stelle vom publikum gar nid wahr gno wird. chinder - kultur het si priis - o jugendkultur mi liebä.

alternativ bliibt ä lääri konsumgsellschaft mit ballermann.... prost! es wird o süsch für jede scheiss endloss gäld usgäh. i däm sinn: support your local dealer ;) oder süsch beschränk di uf unbekannteri underground künstler wo no "billiger" z'ha si. ä ferrari isch schliesslech o tüürer als ä smart... das als gedankeaschtoss

nik
06.08.2004, 02:03
isch dämfall nüt dra a däm grücht dases sogar en hh wage söll ha? :wtf:

nämets easy, hängets id natur use und dänket eifach ned dra dases so öpis wie techno überhaupt git...

und falls der in züri sälber wohnet und ned wäg chöit, machets wie de wryter mitem aspirin...oder schüsch wäschpulver...

so, das isch min sänf dezue gsi...

ich für min teil gang entweder uf luzern oder ane sturmfrei party...

peace

misko
06.08.2004, 10:15
@mieze

sorry aber das isch gad (nach dere benefiz gschicht) chli es heikles thema. all die sache wo du uflischtisch sind schön & guet; aber who cares???? und zwar i folgendem sinn:

ich behaupt jetzt mal ganz bös das JEDE verastalter (ussert die subventionierte, d.h roti fabrik etc) sich ziemlich en scheiss um kultur kümmert sondern wenn mer en act buechet ufd wirtschaftlichkeit lueget; d.h niemert hett badu gmacht will sie eini vo de gleischte soulstimme vo eusere ziit isch sondern will mer gwüsst hätt; shit is gonna sell!

wasi säge will isch: seeehr viel verastalter mached eine uf; wenn mir nöd wäred denn hettsch das & das nöd gseh; denn wär imfall nüt los i de ch! das isch eifach bullshit hoch 10: wenn's desäb nöd gmacht hett; gitz meistens en andere wo siini chance witteret und cash will mache (sorry, da lahni nöd mit mir rede; cash will jede mache) und ebe sogar bi de undergründigschte acts wird abcheggt; ah de will 2'000; location chostet mi soundsoviel also machemer so en priis fürs tick damit mer verdienet (es muess nöd immer um en mercedes gah!)

mis fazit: ahgmässeni priise fürd jugend, d.h. 30.-- aller aller höchstens 35.-- alles drüber isch abzoggi wenn mich frögsch (ja und ich weiss das es MAAg areal huere tüür isch zum miete und mer muess denn au no e ganzi ahlag dristelle; aber wer brucht scho die verdammti halle???)

verstah mi nöd falsch: respekt denne wo sich de arsch ufriiset das mer was z'gseh händ i de ch; ABER: no respekt für das, das es jetzt schiinbar mode wird das mer de kids es schlächts gwüsse ihredt OBWOHL sie denn doch en 70-er für nerd ligge lönd oder whuteva..sind alles nur biispiel!

finds unfair de kidz jetzt z'säge; ey biss doch froh; sind ihr lieber froh chömmed alli no und zahled die priise; vielicht sind die ziite bald verbii (--->verarmung des mittelstands in der CH)....


...nur mal so....

so und jetzt ab go reiiiiivääääää...haha!

TARKAN
06.08.2004, 11:36
mis vorussichtliche programm für am samstig:

so um de mittag di traditionelli stau-autofahrt vo aarau uf baden. get nüt edlers als dene technoide mol rechtig da hip hop beat inezdröhne und debii es paar öfe z dampfe *provozier*
das duured amigs scho öppe 2 stund.
am obig beni no unschlüssig eb i mer de urban tribes sell geh... eigentlich schissts mi a, somene weichbercher wie im sido no kohle in arsch z schiebe und au de bligg het nach sim peinliche uftritt in baar einiges a kredit verlore...
alternative wär ug oder schiffbau odr halt gliich wiit weg vo züri?
chunnt scho guet, hauptsach ich chume nüt vom streetparade-shit mitüber!

diken
06.08.2004, 11:46
jihaa.a.tarkan!
da uf de autobahn machi au immr. in stau fahre und spliffe.
nur ich gang ersch in lenzburg uf d'autobahn aber ich gib mers de amigs bis uf dietike.

urban tribes gib mer uf kein fall. au wäg so idiote künstlr wie de sido...uf party hetti ja scho bock und de no im grössere rahme aber de gib mer lieber de saalbau10 oder de gad uf basel use is soca muess so verastaltige ned no understütze.

Pimp-L
06.08.2004, 12:02
Samstig?

HANDZH UP - Party im Schiffbau 10 isch die einzigi ernstzunehmendi Möglichkeit, dänn zwüsched Maag und Streetparade gsehn ich kein Unterschied...also drum:

Kommen

Saufen

F*****

nochmals Kommen (ihr wisst schon)

und wieder Gehen.

Bis bald Fellaz

HANDZH UP BABY

cel
06.08.2004, 12:08
Original geschrieben von Pimp-L
Samstig?

HANDZH UP - Party im Schiffbau 10 isch die einzigi ernstzunehmendi Möglichkeit, dänn zwüsched Maag und Streetparade gsehn ich kein Unterschied...also drum:

Kommen

Saufen

F*****

nochmals Kommen (ihr wisst schon)

und wieder Gehen.

Bis bald Fellaz

HANDZH UP BABY


meine rede....;-)
http://www.aight-genossen.ch/index.php/m=events/id=1049

handzh up
06.08.2004, 12:42
to all out da:

A parties gah isch sicher eifacher als parties mache! jede wo en event macht i de maag isch aber sicher de cash money maker typ. kultur fördere isch mir persönlich wichtig, drum spilet bi eus immer motivirti newcomer nebe well-known dj's. de ca$h wo mir bis jetzt gmacht händ, isch immer grad wieder investiert worde, aber würd NIE de ufwand rechtfertige für de schischem. sgit es paar lüt für die ich das mega gern mach. au als gegepol zu so supa mainstream events wie ebe i de maag.

wie mr mafioso scho gseit het, isch urban tribes nach dere benefiz gschicht es thema für sich. oder händ so vil gspendet..? nei nei isch alles no krasser, aber das wird sicher nöd da innepostet. keep it real und so...

falls öppert momentan chli schwach uf de bruscht oder de brüscht isch, cha er mir bis hüt abig no es PM schicke... de bescht grund - wieso DU mit 5 brüscht äh 5 friends free entry sötsch ha - gwünnt. nummere oder e-mail nöd vergesse.

piz - i'm out!

hawaiian
06.08.2004, 12:52
dat muss ich ja zum glück nicht mehr tuun:)))

handzh up:D :D

mieze
06.08.2004, 19:17
@ misko

isch viellech nid ganz klar übercho so wie ig das gschriibe ha. meine nid das jede veranstalter a über-kulturgotter isch. isch jedoch verständlech wöi sie $$ verdiene - find aber isch ihres guete recht & legitim, wer öppis macht u wagt söll o d' chance ha was zrügg z'übercho. das isch ä aareiz. nu gratis schaffe wott & cha niemer, du & ig inbegriffe. müesse alli ja üsi bills zahle.
das subventionierti clubs meh "kultur" (sowieso so ne subjektive gummibegriff) bringe isch logo, hei si ja so ä sicherheit wo ihne d exischtenz garantiert sowie o ä gwüsse grundlohn für die dört arbeitende. cha me so generell o nid übere kamm zieh, isch vo club u veranstalter eh verschiede. ä "freie" veranstalter wo äs konzert od party organisiert bezieht sie lohn aus em gwinn - da git's ke garantie, isch poker, verliersch isch's dis risiko. we er konkurs macht u d'lüüt nid cha uszahle isch er äs arsch u abzocker, verdient er z'viu isch er ä abzocker.
di meischte setze d'iitrittspriise nid willkürlech aa, sondern das isch ziemlech knallhert abgwoge wieviel d'muesch ha um d'koste iispiile u wo o d'schmerzgrenze isch, mängisch söttsch meh ha als d'verlange chasch...tja. würd behoupte das es paar o billiger würde wenn's möglech wär, jedefalls denn we's eher tüür isch, ab 65.- ufwärts. bisch ja als verastalter o froh wenn dis publikum zfriede isch u nid meint du sigsch e abzocker, scho nur für z'ego, usserdem bisch d sorg los das evtl weniger lüt chömme weu z ticket z viu koschtet het. und immer no, gwüssi acts si eifach extrem kostenintensiv um se z übercho...u da z erkläre si sölle doch bitte nid ih grosse halle spiele u viu gäld verdiene u e mega übertüürti produktion herestelle sondern lieber chly u intim im chessu biel aber derfür nach a de fans, fairi priise u back 2 the roots interessiert da chum eine meh. monkey business. wott niemer niemer speziell i schutz näh. ha nu ab u ahn z gfühl das dr ufwand vom publikum unterschätzt wird. jede wo scho X öppis organisiert het für meh als 300 lüt weiss was ig mein, und 3000 oder 18000 das si no mal ganz anderi dimensione & logistike.
anyway, viu spass am wochenend - egal wo & wie tüür - houptsach mit fründe, es rockt u macht spass ;)

ps: di benefiz gschicht isch voll a mir verbii...was isch de das für ne story? :confused:

misko
09.08.2004, 13:15
mir hend euis scho richtig verstande; ich bin eifach de meinig das mer de kidz jetzt keis schlächts gwüsse döff mache weg dem.

du häsch rächt wenn seisch das sich niemert meh um kultur kümmert sondern das es um money gaht: da lieht ja s'problem. ich weiss scho warum schnell mal 65 verlangt wird; aber muess es denn immer die gröscht halle sie? müends immer 27 tuusig acts uf eimal sii? sind denn konzert nöd eher beschissener als besser??? all das laht eim nahdenke und denn chunnt mer schnell mal zume entschluss:

partys/konzert wo über 35.-- chostet sind überrisse... egal was d'facts sind...mer sött denn eher a de facts zrugg dreihe als denn de bsuecher go säge; ja müend froh sie git's so was...wie gseit; froh sie chömmed d'lüüt überhaupt no...

und no was: publikum schätzt z'wenig de uufwand???? wieso müends denn das no schätze? sie zahled doch scho de überhöhti priis (mir redet jetzt vo de 3'000-18'000 wo du ahtönsch) und denn müends no messi säge??? ihr verlanget aber auno viel.... wär ja wie wenn en konzertbsuecher chunnt und seit; ey gib mer doch d'helfti vo mim geld zrugg will d'helfti vo de acts sind nöd uuftaucht und suscht isch au alles halb-geil....verstahsch uf was i use will???

jede verastalter trägt verantwortig selber; du seisch selber er muss s'risiko träge. d.h. bi verlust isch er en arme tropf und startet gad e benefiz gschicht (sorry chan mer's nöd verkneiffe..hehe) und wenn er gwünn macht denn kümmerets niemert; er git denn de zahlende au nöd 5 stutz zrugg will er gwünn gmacht hätt...

am schluss no zur wirtschaftlichkeit: es gschäft wo defizitär isch isch es SCHLÄCHTS gschäfft; aka gar keis; wenn mer's nöd schafft i di schwarze zahle zcho denn isch mer im falsche bizz! und wenn mer d'lüüt wo ahgstellt sind nöd id break-even rächnig ufnimmt isch mer i miine auge entweder es risiko-geils arsch wo's druffahcho laht oder mer isch eifach dumm will innen break even (d.h. ab denn verdient mer effektiv) ghört für mich nebscht location mietei; p.a. zahle, promo mache; au die ahgstellete löhn! wenn das chasch kalkuliere und e party/konzert miteme ahständige ihtrittspriis chasch mache; do it; wenn nöd: lass es...so eifach wärs...aber ebe.... if money makes the man strange, we gotsta re-arange (de la soul)

ich find eifach: wie chammer nur 14-18 jährige kidz 50-80 stutz für es konzert abzogge???? wie schlaffed die lüt ide nacht? lueget's überhaupt no in spiegel (wenner nöd gad e linie druff hätt...höhö)....

@mieze: chegg mal konkurrenz siite ab wegem benefiz...then u'll know!

nuff glästeret

hate me now

miskerl

zeelium
09.08.2004, 16:47
@mieze ticketcorner isch doch 87.- gsi (ja i weiss, spesä und so). da mit de-phazz cha scho si, dänn han is mit stereo mcs verwächslät, wo dämfall 65.- fürs palais zahlt häsch. jo stimmt, ha au nöd d`india gmeint gha, sondern joy, min fählär... das d`verastaltär so vil stutz für dä event bruchät, isch schlichtwägs bullshit. 1. häsch erykah vor 2-3 jahr amänä open-air für 50.- chönä go luägä (inkl. andäri bänds) und dä riisä heineken banner i dä mag isch natürli au eifach so no dört ghangä. 20min isch ja glaub au no sponsor gsi. und zu guätär letscht is eifach nur tribehouse (jedäfalls ischs mär so ufgfallä), wo so überrisäni prisä hät. willsch mär ja nöd wismachä, dass öbärt wo him id schwiz bringt, kei stutz hät:rolleyes:

mieze
09.08.2004, 23:08
@misko

gloub mir versschtöh üs scho. unrecht hesch sicher nid. aber gschteisch mir garantiert ou zue das ig nid völlig näb de schue schta mit dem wo ig säg. schlussendlich steit viel hinter somene gig u facts si nid immer wie sie schiine. und naja, die benefiz gschicht isch när äs speziells thema für sich, nid. söll niemer dankbar si das öpper es konzert macht, nid a bode chnöile oder ringe küsse, wär ja no... ha das echt meh so gmeint als das ig, egal wo und we's nu 15 stutz iitritt chostet für ä band wo spielt, weni ar kasse aastah immer wieder züg ghöre wie: was hey mann, wieso choschtets 15 iitritt, ab wenn isch d kasse zue u chame gratis ine...etc etc. u das isch unverständnis für mi.
stimmt scho, kommerz isch kommerz u uusverchouf, schöni konsumwelt, alles freiwillig. git aber o verastalter wo mit liideschaft was organisiere weu si's selber cool finde, oder emu zmindescht um ihri profilneurose z befriedige :hmmm:, u nid nu allein um stutz z verdiene.

egal. du weisch was ig mein und vice versa. stope mir die siitelänge diskussione dadermit.

ps: hass di nid, u ä mistkerl bi ig o nid ;) schlussendlech e interessante schlagabtusch gsi...

robbin' rood
10.08.2004, 00:51
mir hend eus e generator gschnappt, allne kollege bscheid gseit, platte uuswahl troffe, esse kauft und das alles in 5 autos gmacht.
den sind mir loosgahre, ins gruene uuse und hend aabegmacht. die ganzi nacht lang...

...hh, dub, th, dnb, dancehall, jungle.

was willsch mehr?