Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Ein Text


K
12.08.2004, 23:46
Ha dänkt ich post au mal en tegscht. A dem hie hani ungwöhnlich lang gha.. Also nid als afiggig nä egal wer, ja? Ich ha versuecht, us minere sicht problem azspreche wos grad gid, im hiphop fascht nurno s negative z gseh etc!
Isch recht schwirig gsi! aber lesed doch selber:


2x
So vili jahr und jetz gänder uf cha das si?
So vili jahr und jetz isch realness im hiphop verbi? So vili jahr und jetz isch halt emal en herteri zit
So vili jahr sind scho gsi und gits no z kämpfe für üs

E nüi zit isch da, und log der die zit emal a |
Vo alne sitene ghörsch so chas nid witerga |
Striti nid ab! Doch ich bi wene flissige dra |
Nimes textblatt d hand und spüels nid eifach d schissi durab |

S git vill lüt wo seged rap chasch nid als wisse verstah |
So Volk wo hüt no rap die gröschte krise verlad |
Das volk wo jede track vo fascht jedem mc abeladt |
Anstatt stolz si uf rap eine uf misere macht |

Aber so schiteremer bald, i keinere risige stadt |
Ghörsch nacher no djs und rockendi beats ide nacht |
Verstönder lüüt, de tag isch hüt, jetz isch zit zum verwache |
Wehred üch mit rapkultur lebe und nid nur labere |

2x
So vili jahr und jetz gänder uf cha das si?
So vili jahr und jetz isch realness im hiphop verbi?
So vili jahr und jetz isch halt emal en herteri zit
So vili jahr sind scho gsi und gits no z kämpfe für üs

Rückblick mag schön si, aber isch vergänglich |
Wene chline hösi, zerscht gross und nacher ängschtlich |
Gnau so gats a üs, mängisch findis ächli peinlich |
Real isch nur de wo „toys“ usteilt und geile släng bsitzt |

Ziite gönd und ziite chömed, de lauf vode welt |
Au die möchtegern rapper sind nid schlau vo dem geld |
Blitzkarriere, ja, aber dunne sinds au wider schnell. |
Wenn di ufregsch weg dem bisch, findi, au nid en held |

Tu gschider selber rappe und write breake wenn willsch |
Oder mach de dj, doch heb respäkt vor de gschicht |
Die berüemti siite isch leider oft nur s schlechtere gsicht |
Wend die kultur liebsch hesch au freud a mässigem shit |

Sis ding durezieh egal was z meckere gid |
wie damals im echte ghetto zunere ältere zit |
freud isch was zellt, und schliesslich hemers guet die schwiz |
nid was andri wend, a mier persönlich gads am arsch verbi |

2x
So vili jahr und jetz gänder uf cha das si?
So vili jahr und jetz isch realness im hiphop verbi?
So vili jahr und jetz isch halt emal en herteri zit
So vili jahr sind scho gsi und gits no z kämpfe für üs

Underem strich, alli hiphopper wunderet sich |
Und erkundiged sich, wiso de sinn vo rap verschwunde isch |
Oder nur verwundet isch? Vilicht weil mer z dumm sind |
Alli beschuldiget, si siged scheiss fakes und groupiechind |

En komplizierti theorie ich weises scho Doch |
hamer lang überleid umwas’ bim strit um musig immer god |
Logo, tupac und de biggie sind tod, und vili |
Wannabe gangstas füered sich uf wide gott |

Aber mier alli wüssed doch, das isch nid meh wert als schrott |
Und üses gwüsse weisses au, am liebschte würdmer sofort |
Ufstah und sege scheiss auf dich, rap isch kä sport |
Und käs game, nei es isch ächt, voll „real“ und es rockt |

2x
So vili jahr und jetz gänder uf cha das si?
So vili jahr und jetz isch realness im hiphop verbi?
So vili jahr und jetz isch halt emal en herteri zit
So vili jahr sind scho gsi und gits no z kämpfe für üs

------------------------------------------------------

Ja danke fürs lese a die wos glese hend. Es ernschgmeints, konstruktivs feedback wär natürlich schön...

Greeez usem Ur-Kanton :D

gängschter
13.08.2004, 00:00
Ich finds no isi.
Hesch nämli scho rächt.

was mich chli stört, isch de flow. also ich meine ich känn de beat ja ned dezue, aber z.b im erschte absatz staht was vo sitene, wie wärs wennd nur site würsch rape?
sisch irgendwie en holperstei...weisch wasi mein?

Nimmt mi wunder, wasd für en beat dezue zämebaschtlet hesch.

Bless und wiiter so.


:hippie:

K
13.08.2004, 00:16
Jo wenn d message durecho isch bini froh.. isch letschmal zimli ind hose.. :(
naja das mitem flow, doch, ich schribe eigetlich nie nur text sondern nur grappti lyrics.. also bi mier hets eigetlich passt;) ich nimms denn mal uf..

sonstigi meinige?
thx im vorus :)

gängschter
13.08.2004, 00:30
aight!

mer warte u si gschpannt.

dizz
13.08.2004, 08:31
gedigene text, inhalt find i sehr guet!

mc-emmsii
13.08.2004, 09:28
:) salü. ja mini meinig weisch ja scho, ich säg sie aber nomal. find de text fett. hed no paar hitverdächtigi lines dinne. mi gseht sich und lueg uf s'20gi! ;)

xXel
13.08.2004, 14:02
ish ächt guet.. der inhaut gfaut mer sehr guet... du seish heigsh lang gha..wie lang de genau??

peeZ

K
13.08.2004, 19:07
xXel jo nid mal so gnau uf d uhr gluegt aber öbbe 2h oder so.. natürlich mit pause aber naja zum gedanke ordne und so..
also natürlich ganz andersch als glirete 0815 scheiss wo eim eifach im hirn umegeischteret ;)
aber muess sege gfallt mer no!

freut mi natürli wenns gläse wird!

greez

Hortkind
20.08.2004, 00:26
Gutes Thema... leider gibt´s inzwischen schon so viele MC´s (in D) die diese Masche benutzen, um nach oben zu kommen. Die erkennt man meist schon beim VideoClip zum Track, spätestens aber im 2. Song.

Black vs. White.
Good vs. evil.
God vs. the devil.
Which side R U on?

Das kann nur der Vortrag zeigen... ich bin gespannt.

Peace! (Unschuldig bis zum Schuldbeweis.)

K
20.08.2004, 00:28
sag mal, hortkind, verstehst du eigentlich alles schwizerdeutsche? :)

übrigens ein paar feedbacks mehr wären schon nett.. nicht so faul, lest auch mal was!

greez

Hortkind
20.08.2004, 00:44
Original geschrieben von de_K
sag mal, hortkind, verstehst du eigentlich alles schwizerdeutsche? :)

übrigens ein paar feedbacks mehr wären schon nett.. nicht so faul, lest auch mal was!

greez

Nein, ich habe noch nicht alle Worte gelernt... aber in Deinem Text hab ich alles verstanden. (Damit will ich nicht sagen, Dein Wortschatz wäre sehr klein;-)) Passiv-schriftlich beherrsche ich Eure Sprache schon ganz gut. Ich bin Sprachwissenschaftler im richtigen Leben.

Für Einzelheiten zu Deinem Text ist es mir heute zu spät.

Kommt aber noch!

Rette den Schweizer Hiphop, man!

doofs chend
20.08.2004, 01:39
lesen glaeb no es zwoits mol, wel hanen chli schnaell doreglaese, fend de tegscht aber sehr guet.

konfus
22.08.2004, 00:34
ächt coole tegscht, inhaltlich und vode wort/reim-wahl här sehr schön! chunnt überä wasd säge wetsch, ich fühle mit dir;)
äs einzig was mich ez äch derbe stört isch dä schluss:

"Ufstah und sege scheiss auf dich, rap isch kä sport |
Und käs game, nei es isch ächt, voll „real“ und es rockt |"

dä chunnt eifach z´billig für dä guete tegscht, so chaschen nöd beände! wür do no was z´rächtbüge, vielicht wine fazit oder so...

aber suscht wie gseit, hammer teil

K
22.08.2004, 04:38
weg em ändi konfus.. you're fucking right.. hmm.
es wird e drüteilt.. mach grad es crew projekt..
aber merci für d bewertig..
peace!

konker
22.08.2004, 19:09
Ufstah und sege scheiss auf dich, rap isch kä sport |
Und käs game, nei es isch ächt, voll „real“ und es rockt |

Ufstah und sege scheiss auf dich, rap isch wie en sport /
du muesch der mueh geh, es gaht ned wenn dini skills vo produzente si doped/

ich het etz so i dere art was gmacht... weiss halt ned öbs uf de beat passt, schiint mer d'zeile si chli zlang...

susch isch de teggscht geil und es git nix z'mekkere, go on, bliib suuber

Lartscho
22.08.2004, 20:11
Original geschrieben von kOnfus
[B]ächt coole tegscht, inhaltlich und vode wort/reim-wahl här sehr schön! chunnt überä wasd säge wetsch, ich fühle mit dir;)
äs einzig was mich ez äch derbe stört isch dä schluss:


word :)

konfus deichsch grad ds wo i deiche

1-4-4
22.08.2004, 22:13
teggscht isch würklech geil und fürä schluss hani ono es gschänkli mitbracht::D

Ufstah, mir füärä für die sach ä kampf zwüschä läbä und tod |
die kultur isch ä blüetä, s'söu kennä meh sägä, rap sig verdorrt|

sly saloon
23.08.2004, 09:50
jo de k

ich les eigentlich die freds "bitte text bewerte " etc selte well meistens recht dürftighs züg ob isch. bi dir isch s anders! de text isch ganz fein vom inhalt her und ichc chan mer ungefähr vorstelle wie das söll töne, au wenn ich s nöd bi allne reims chan nochvollzieh. aber das isch vilicht denn din dialekt.

echt fresh! wär no interessant, denn de track mol z ghäre, wenn eine machsch!

peace