Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Aight-Link-Datenbank


Bschiisär
13.08.2004, 16:31
Also..das hanich scho ver geraumer Zeit mal wellä Fröögä..

früähnär..also früähnär isch doch alles vill besser gsii..

näi, lömmer das..

früähnär häts uf aightgenossen.ch ä Site gäh, womer hät chönnä sini Links iiträäge rund um dä schwiizer HipHop. Ich weiss nöd, wiäs oi gaht, aber mir fählt diä Siitä..sicherlich, chamer dä shit au is Forum postä, aber inerä Datäbank wärs doch vill übersichtlicher. Mer chönnts au wieder so machä wiä früähnär wo jedä siin Link sälber hät chönä iiträäge.

Ich weiss, früähnär isches es mega chaos gsii deet druff, wills eifach jedä Link dopplet und drüüfach gha hät..

drumm miin Vorschlaag:

Reezer, bitte hilf au echli, und stell ä chliini php-Datäbank ufd Bäi, wo wieder jedä chan sini Links driischriibä. Ich schtellä mich freiwillig und unterhaltä sganzä..(sprich, ich löschä doppletti Links usä, und luegä, dass di verschidenä Links i di richtig Kategorie tah werdäd..und löschä Züüg, nöd inäghört..(Rächti Siitenä, Porno, Müll..son zeuch halt..)

Ich würds ja sehr gärn sälber machä..han au gnueg Webspace däfür (ach ja, reezer, wänns adem liit, schtell ich gärn welchä zur verfüägig) aber us folgendä Gründ mach ichs nöd:

1. find ich, es ghört zu aightgenossen.ch
2. wärs doch schön, wänns scho sglichä Design hett, wiä aightgenossen.ch sälber
3. Chan ich vill zwenig php und MySQL für das Züüg (schtellä mich aber gärn zur verfüägig..so für Hilf und so..(sprich Kaffi holä und chuechä bachä..:D))
4. Fählt mir en Unterschtift, wo guet PHP codä chan, suscht würd ers machä..

Also, ich wär froh, wänn ihr oii Meinig würded Kund tuä, und wänns gnueg Lüüt git, wo däfür sind, fädnis fett, wämer das chönnted ufd Bäi schtellä..

piis..

hobgoblin
13.08.2004, 16:41
gueti idee. ha scho paarmol en link gsuecht ond ne eifach ned gfonde wöll gwössi freds eifach zemlech onöbersechtlech wärdet onds oft nüd me met em titel z'tue hed. ond met de suech fonktion beni au no nie erfolgriich gse... esch schön das du dech grad zor verfüegig stellsch. dumme ufe!

thieu
13.08.2004, 16:41
Also clean organisiärd wä das e super Sach ver totlängwiiligi Büro Ziite tot z schlah!

Me chäntis ja de nu gliidre so das me öi verlich ehner de wider eppis findet.

@Bschiisär, hä leider öi kei Ahig vo dem Internet Shit, aber fräge de mal mine Unnerstift na de Ferie, ob er das im Griff hät?

Bschiisär
13.08.2004, 16:45
ahaa..dä Herr:

güetä aabä, darf ich mich voorschtellä |
bidä Thieu, irgend sonen Woort-Kennär |
Jonglierä mit Weertär, chasches spoort nennä |
*und das verschtahni niä richtig..*

dicki props für das..hehe..gfalltmer..

ja, wär froh um Mithilf..wänn usdem Thread nüüt wird, mueni Halt emalä s'Dickä PHP Buech id Händ neh, und mich imiim dunklä chämmerli verchrüüchä..dänn gits halt sonä Database uf www.bschiisär.ch..oderso..

Bschiisär
13.08.2004, 18:34
push

köbi
13.08.2004, 18:47
jaja wärschono gäbig sone datebank... sorry php kenni nid, abr s git no gnue

reezer
15.08.2004, 12:53
redesign... neues redesign ist auf ende herbst geplant...

tbo187
15.08.2004, 13:07
why not?

mc rassko
15.08.2004, 14:06
ich bin au defür das es eini hät

slang!head
17.08.2004, 13:09
Original geschrieben von reezer
redesign... neues redesign ist auf ende herbst geplant...

Scho wieder? :D

fReEMaN
07.09.2004, 10:22
also wäns würd schwierigkeitä gä mit php/mysql, würd ich dä scho hälfu..

aber ich glöib reezer & co hent das scho im griff!

Herr Gamus
07.09.2004, 12:40
Idee isch wunderbar.
Redisign im Herbscht tönt guet, hoffe aber dass es nid zu derb usfallt damit ich mich zerscht wieder es halbs Johr dra mues gwöhne.. ;)

E Link-Datebank in PHP inkl. SQL-Abfrog hani mol coded, weiss nur nüme wo das Ding uf de HD umedümplet. Aber isch glaub gschiider, wenn mer das ohnehin grad neu coded, respektive konfiguriert. Wird jo sicher im neue CMS vom Herbscht debii si. :D

.. and now to something completely different..

Original geschrieben von thieu
Also clean organisiärd wä das e super Sach ver totlängwiiligi Büro Ziite tot z schlah!

Für das gits au das:
--> uf de lingge Siite unter "Games" ;) (http://www.owih.org/include.php?path=start.php&nid=12)

Gruess

drosselbart
08.09.2004, 14:04
redesign tönt würklich serh fresh! peace