ha wider mau ä teggscht gschribä bitte meinigä!:

es heisst:

hochmuet chunnt vorem fau

Du redsch so viu u mir tüä d'ohrä weh
Oh je, ha di geschter gseh
Mitem chäppli, verchert isch es gsi
2 cd's daheim und nennsch di mc
weisch und versteisch
du läbsch no daheim
doch du redsch vo bling bling und fame
nüt chasch wöu dä soviu wosch
hou doch wiä dr bartli dr moscht
eh ja was dir fäut isch respäkt
u du meinsch du machsch rap
i minä ohrä tuet's surrä
di lärm bringt d'miuch zum versuurä
du redisch vom ghetto imnä dorf vouer buurä
rap isch im momänt zerbrächlech
und du tueschnä zerstörä houptsächlech

refrain:
gängschterimage - nei das isch nid guet
nei, nei, nei - chopftuech ungerem huet
gänschterimage - rap isch tot
nei, nei, nei - dis chopftuech tuet nid not

ahja du chasch nada
du redisch vo disem u jedem - blabla
rap isch ä kultur
luegä uf d'uhr
11jährigi mit blingbling malä wu-tang zeichä uf d'muur
wi lang geits no
bis fertig isch u z'ändi wird cho
ja du und dini gang und so
nei muesch nid u darfsch nid
ächt das isch shit
wo isch dini persönlechkeit
ungerem xxl-gängschter-chleid?

Refrain

Mängisch gloubi mir wird schlächt
Ig gloubs dr krs one het rächt
Dr fake rap isch da und furt isch dr ächt
Mängisch gloubi mir si schlächt
Ig gloubs ig verwickle sä ines gfächt
Dr fake rap isch da und furt isch dr ächt
Ig verspürä schmärz
Tief inne im härz
Wöu aui uf bös machä
Es gäb soviu sachä
Womä chönnt verzeuä aber weiss nid öbi söu grännä oder lachä
Weni öiä rap ghörä vo bitches und ruschplachä
Ig verbrönnä nech mit mim atem wine drachä
Chöit cookies bachä
Und chlatsch über aues lachä
Aber das tuet no me z'füür entfachä
Wo i mir brönnt wines fürzüüg
Was dänkä itz di lüt
Vo rap und hip hop
Si meinä es sig ä flop
Si dänkä es geit numä drum sis schnäbi z'zeigä
Aber wemä ke eier het sött me das nid versueche

Refrain

Es geit um meh z.b. um gueti wortspiu
Spilä mitem wort u es isch kes wort z'viu
Rap isch winä kampfstiu
Kung-fu masters wi dr bruce lee
Wenn är wär mc gsi
Ja de wär aunä fake g-mc's z'wort im haus blibe steckä
Und si hättä sech wöuä hingerem mami versteckä!

es geit drum das lüt wo sech uffüehrä wi im ghetto hip hop ir öffentlechkeit uf gängschterrumgetue und schleglä reduzierä

oke das wärs für mi teil - itz sit dir drannä!

hmmm...isch sicher mou stabili sach. aber dr rhytmus fäut es paarne ort...heschs scho überne beat grappt? vil. lisi ou nume komisch...
i däm teggscht duesch eifach d'lag schüudere und chli kritisiere...es paar wortschpüu wäre no aabrocht...aber das chme jo ne bemängle, döu heis haut lieber und deu ne. aber so schtöue wie
und du tueschnä zerstörä houptsächlech
seisch du ne würk so...du seisch:
"und houptsächlech zerschtörschne."
das machts künschtlech, probier nid e satz so z'uschtrukturiere, dasser sech uf die oberi line riimt, sondern de probiersch haut e angere satz us.
was mer gfaue het si lines wie
wo isch dini persönlechkeit unger dim xxl gängschterchleid?

bi haut chli pingelig, aber susch isch guet!

Wenn das Deine Einstellung ist, sind wir auf einer Wellenlänge.
Teilweise sind mir die Reime zu unrein... Gangsta heißt ja auch "Slang-rhyma"... man sollte deshalb nicht nur inhaltlich sondern auch formal Zeichen setzen.

Und zu M.C.Brot: Man sollte nie einem Wortspiel den Vortritt vor einer pointierten Wahrheit geben.

@ hortkind: wer blumentopf hört weiss das man wortspiel, pointe, wahrheit, und excellente reimtechnik verbinden kann...

zum teggscht: i findes ned so geil, well toys disse, und sich über gangstars luschtig mache chan jede, sogar gangsters selber, das heisst ned das es schlecht isch, aber zersch musch mal selber öppis bringe... (han leider no ke anderi text vo dir glese, aber derfsch mer gern bewiise dass scho was bracht hesch) und langsam ghörts sowieso zu jedem repetoir vom ne schwiizer rapper sich über gangsters luschtig z'mache...

isch isi tescht aber lug probier mau dobbles z mache

das git när am text meh pfupf u du hesch sicher ou spass drane *g*

Original geschrieben von konker
@ hortkind: wer blumentopf hört weiss das man wortspiel, pointe, wahrheit, und excellente reimtechnik verbinden kann...



Aight, hast total recht... aber das ist ja paar Ligen zu hoch, oder ? Ich wollte nur mal die Priorität klarstellen.;)

für mi isch ono d'frog wiä lang dass du das machsch?

wenns noni soo lang isch, dunktsmi ä guetä afang, aber wenns scho lenger isch dunkstmi chlei fad, wöu mitem üebä und em liebä vo däm wortsport chunt dr flow immer wiä meh, was o fetteri punchlines und wortwitz mitsech bringt bis hi de zum metapherrap oder lyrischem dürädräiä mit sinn...

peace
massassi

okay löite fertig mit'm theater...

dä teggscht hani innert wenigä minute ufnes blatt kritzlet - me freestylemässig - und z.t. hani eigetlech no versuecht es paar - wi söui sägä - provokanti fähler und biuigi rhymes dri z'bringe... drachemachelachebache und nomau lache... sorry aber das hani mit 8i ghrymet:D

und wiso? ja ig ha eifech mau wöuä luegä öbs überhoupt öppis bringt teggschtä vo sich hiä inez'poste wöui z.t. i minä ougä i däm forum rächt biuigi zilä ha gläsä. aber es si gliich props cho - wahrschiinlech ehner vo lüt wo nid räppe...

es isch zwar scho klar das mä niemaus ä rapper nume ufgrund vo sinä gschribne zile cha bewärtä, aber trotzdäm, was ig da ha gschribe sött doch eigetlech i dä ougä weh tue... ig ha eifach wöuä luegä wi wiit me cha ir "schlächtheit" abäga ohni das öpper chunnt u seit: sorry aber... fang gschider gar nid ersch aa

di meischtä lüt bewärtä eigetlech ja nume dr inhaut u gäbä kes statement zum teggscht säuber ab

oke ig weiss itz für mi dasi hie ersch wider züüg poste wemes cha losä - mit eigetem beat...!

tschüss! ---> "sit nid grad apisst nume wöu dr mi humor nid verstöht" - baze:D
isch ja nid bös gmeint gsi...

Original geschrieben von drosselbart
für mi isch ono d'frog wiä lang dass du das machsch?


lenger aus de itze vo däm teggscht här hesch gmeint...:D