Sheikong
09.04.2004, 12:27
zrügg zur insel.
ds spektrum vom calypso bis zum ragga isch gross. gmeinsam hei diä so unterschidlechä styles zu fasch hundert prozänt eis: verwurzlet si si ir karibik.
dahär stellt sich für mi bald einisch d'frag, obs nid jedä liebhaber vo denä musigstilä irgenwiä gluschtet, nach jamaika oder schüsch irgendwo id karibik z'reisä. ig persönlech betrachtes fasch als pflicht, einisch dört härä ds gah, um ds ganzä umfäld in däm diä musig gröschtäteils entsteit ds verstah und ds gseh wiä diä lüt diä musig läbä.
sicher geits vielnä vo euch genau so.
jedoch isch ä sönigi reis leider nid ganz ohni tückä. um id karibik ds glangä lasch oftmals äs halbs vermögä liegä u när bisch oftmals nid genau informiert, wo jewils diä würklechä hotspots ds findä si. ou punkto kriminalität muesch sehr uf dr luur si. grad zum bispil ds kingston isch ds klima wieder brutaler wordä. kriminalitäsratä isch idä letschtä monät stark gstigä, geisch anä dance so muesch oftmals mit schiessereiä rächnä und uf dr strass tribä sich jungi gangstas umä, wo wägämnä chlinä diebstahl vor nüt zrüggschreckä. isch jetzt alles ä chly überspitzt formuliert und ou guet vermidbar.
jedoch muess mä wüssä WIÄ.
drum mi ufruef a all diä wo jamaika oder anderi karibikinslä bereist hei:
gäbtet dä unerfahrnigä musigliebhaber äs paar vo euchnä reisetipps mit. hiä isch dr thread drzue. wo findet mä diä schönschtä stränd? wo göh diä fettischtä partys ab? weli festivals si empfählenswärt? wiä chunntä mä billig id karibik? weli unterkünft si empfählenswärt? wo findet mä unberüehrti naturlandschaftä? wiä entgeit mä dä gfahrä vo sönigä reisä? etc. etc.
mi persönlech tip (bzw. dä vo mim onkel): lueget näch einisch genauer a, was am reggae sumfest ds montego bay so abgeit. da sägi numä: superb!!
so jetzt hani aber gnueg gstusset. jetzt sit dir dran. hoffä dass dr viu ds brichtä heit:p
ds spektrum vom calypso bis zum ragga isch gross. gmeinsam hei diä so unterschidlechä styles zu fasch hundert prozänt eis: verwurzlet si si ir karibik.
dahär stellt sich für mi bald einisch d'frag, obs nid jedä liebhaber vo denä musigstilä irgenwiä gluschtet, nach jamaika oder schüsch irgendwo id karibik z'reisä. ig persönlech betrachtes fasch als pflicht, einisch dört härä ds gah, um ds ganzä umfäld in däm diä musig gröschtäteils entsteit ds verstah und ds gseh wiä diä lüt diä musig läbä.
sicher geits vielnä vo euch genau so.
jedoch isch ä sönigi reis leider nid ganz ohni tückä. um id karibik ds glangä lasch oftmals äs halbs vermögä liegä u när bisch oftmals nid genau informiert, wo jewils diä würklechä hotspots ds findä si. ou punkto kriminalität muesch sehr uf dr luur si. grad zum bispil ds kingston isch ds klima wieder brutaler wordä. kriminalitäsratä isch idä letschtä monät stark gstigä, geisch anä dance so muesch oftmals mit schiessereiä rächnä und uf dr strass tribä sich jungi gangstas umä, wo wägämnä chlinä diebstahl vor nüt zrüggschreckä. isch jetzt alles ä chly überspitzt formuliert und ou guet vermidbar.
jedoch muess mä wüssä WIÄ.
drum mi ufruef a all diä wo jamaika oder anderi karibikinslä bereist hei:
gäbtet dä unerfahrnigä musigliebhaber äs paar vo euchnä reisetipps mit. hiä isch dr thread drzue. wo findet mä diä schönschtä stränd? wo göh diä fettischtä partys ab? weli festivals si empfählenswärt? wiä chunntä mä billig id karibik? weli unterkünft si empfählenswärt? wo findet mä unberüehrti naturlandschaftä? wiä entgeit mä dä gfahrä vo sönigä reisä? etc. etc.
mi persönlech tip (bzw. dä vo mim onkel): lueget näch einisch genauer a, was am reggae sumfest ds montego bay so abgeit. da sägi numä: superb!!
so jetzt hani aber gnueg gstusset. jetzt sit dir dran. hoffä dass dr viu ds brichtä heit:p