Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Bilder vo Demos


d4rk
11.05.2006, 10:11
Hallo mitenand.

Mir isches in letschter Ziit immer chli langwilig gsi und denn han ich denkt ich fang mal a chli bilder online zschtelle.

D'Bilder sind hauptsächlich vo Demos und es werdet nah dis nah immer meh.

Jo wär schön mal en meinig zghöre.

Da de Link: www.d4rk.com

Was haltet er devo?

Schurk
11.05.2006, 10:24
cooli page und no interessant zum bilder aluege!!aber diä möchtegern demostrante stressed eifach!!!

dscheims
11.05.2006, 10:24
so öbbis wie tilllate für demonstrante...

d4rk
11.05.2006, 10:33
@Schurk:
Aarau isch guet gsi. Friedlich und einigermasse ufemene guete Niveau.

Das di Steiwerfchinder halt au immer an d'Demos chömet isch au nöd eusi Schuld. ;)

cutpreme
11.05.2006, 10:37
"Das di Steiwerfchinder halt au immer an d'Demos chömet isch au nöd eusi Schuld."

Denn bütne kei platform!

d4rk
11.05.2006, 10:46
@cutpreme:
Vo de 20 Züri Föteli sind nur 2 vo de Usschritige und uf dene gseht mer au nöd würkli öpis.

Mini HDD's sind voll mit Föteli vo de Usschritige, aber gnau, zum kei Plattform biete hani die echli "überseh".

Ich hoffe und glaube nöd, das sich irgendöper jetzt bloss wege neme Föteli det jetzt bsunders wot "brilliere".

duke_one
11.05.2006, 10:48
sinnlosi zerstörig isch kei lösig... d'idee vo dene sogenannte revolutionäre sind ja zum teil scho in ordnig, aber ich find so öppis wie jedes jahr am 1. mai passiert völlig denäbet.

vor allem die "ein-tages-möchtegern-revolutionäre" wo säged "kapitalismus zerschlagen" und am nächschte tag gönds in mac go ässe oder chaufed sich nike schueh... das gaht eifach nöd uf für mich!

wänn mer wott in friede läbe und für öppis guets kämpfe muess mer nöd am 1. mai go stei rüere...

mini meinig, peace

d4rk
11.05.2006, 11:02
@duke_one:
Sgliche Phänomän chan mehr au bim "euch" beobachte.

In "Hip-Hop" Text gahts numeno um Knarrene und Nuttene, obwohl de echti Hip-Hop genau gege das gsi isch.

In Hip-Hop vo Nuttene und Knarrene rede.
An Demos bsoffe si, lalle und Schtei rüehre.

Beides git in keim Fall die entsprechendi Kultur wieder.

Mer sött nöd immer alli in ein Topf rüehre. Am Abigspaziergang in Bern hend es paar vo "eus" die Steiwerfer welle ufhalte und als dank hends en isestange an grind becho.

Demonstrant <> Demonstrant
Hip-Hopper <> Hip-Hopper

Idiote gits in jedere Szene. Wege dem isch aber nie die ganz Szene shice. Nöd jede rüehrt Schtei. ;)

bonnes
11.05.2006, 11:08
haha s'git immrno lüüt wo an kommunismus glaubed ! unglaublich haha:rolleyes:

duke_one
11.05.2006, 11:14
Original geschrieben von d4rk

Beides git in keim Fall die entsprechendi Kultur wieder.
...
Mer sött nöd immer alli in ein Topf rüehre.
...
Idiote gits in jedere Szene. Wege dem isch aber nie die ganz Szene shice. Nöd jede rüehrt Schtei. ;)

ja klar, das gsehni scho au, aber die wo würklich e ussag händ und öppis wänd bewirke gönd eifach under, will vo usse betrachtet nur die wo sich quer stelled uffalled (i dem fall sind ebe die wo randaliered)...

ich bin ja nöd gäge demos oder kundgebige, aber was ich bis jetzt mitbecho han, hät meischtens i usschreitige gändet...

s'git hald überall lüüt wo sich nöd chönd benäh und dänn chömed no die dezue wo eifach mitmached, obwohls kei ahnig händ um was es gaht.

edit: ...und mit "euch" oder begriff wie hiphopper fühl ich mich nöd betroffe... ;)

d4rk
11.05.2006, 11:14
@bonnes:
Das mit em Kommunismus... das dörf mer nöd so eng gseh ;)

Ich glaube 70 Jahr Praxiserfahrig sind gnueg, damit au en Radikale begrifft, dass es nöd funktioniert.

Edit:
Die Meischte Demos (abgseh vom 1. Mai) verlaufet relativ friedlich. Wenn mal öpis passiert wird das in de Medie eifach grossbauscht, drum denket alli, es laufi immer so.

Es sind halt viel au nur "Demotourischte" also so 14jährigi mit de Hose in de Socke etc.
Klar das die kei Meinig hend und mal ehrlich... in dem Alter hettet au die meischte vo eus no en schtei in dhand gno...

Öb du dich sälber zum "euch" oder "lüt wie n'ihr" zählsch isch leider meischt egal, da svo use immer es "ihr" geh wird. Die meischte redet ja scho in dem Thread eso, als würd jede "Demonschtrant" nur Schtei und Fläsche rüehre. ;)