Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Most Online Konzept


jones
13.04.2004, 19:07
Ciao zäme!
Da wär jetzt also mal das Minikonzept vo de Most-Online Zuekunft.
Da isch de erschti Thread woni gmacht han:http://www.aight-genossen.ch/forum/showthread.php?s=&threadid=2800
Merci für eui Tipps und Kritike.
Jetzt gahts um diä Sache:
Mir sueched:
-Experte für d'Kantön
-Mithälfer bi de Page gschtaltig
-Chli Promohilf (erscht für spöter)
-Lüüt mit geile Idee und innovative Vorschläg.

Wer sich bi öppisem aagsproche fühlt schriibt mer doch bitte es MAIL (siehe unten, bitte nur im Notfall PM's, diä Teils sind so schnäll voll). Es sölled doch au diä schriibe wo sich schomal gmuldä händ, dänn hani grad all zäme.

Also, ich hoffe uf vill Zueschrifte und wänns dänn gnueg Lüüt hät, chan mer mal ad Arbet ga!

Gruess
Jones

jones@sjmplemusic.com

Double M
14.04.2004, 20:58
Villicht findsch da no paar: (sign)

Äffli
15.04.2004, 08:38
es würde jo no e paar mitmache, lut abstimmig...

EphToDaRhyme
16.04.2004, 10:51
Sehr guets Konzept Jones.. Mit dä Expertä häsch wohl all die Problem vo wäge möchtegern Pimps uf dere Siitä usgmärzt.. Also ich bin voll easy debii.. Han nur kei Ziit en Expert z'sii..

the fouler
19.04.2004, 12:58
finds ä hammer idee! also ich finds würkli guet so machsch was für d szene...

EphToDaRhyme
05.05.2004, 11:12
Schiinbar isch das unter gange!! Gits kei wiiteri Meinige/Idee?

@Jones wie wiit bisch du scho mit de Usfüehrig vom Konzept?

jones
05.05.2004, 16:03
bis jetzt händ sich scho öppe 15 Lüüt bi mir gmäldet. Also wo gern würded Experte sii oder Promo mache oder suscht gern würded unterstütze.
Das isch eigetli scho mal geil.
Das mit em Expertekanton-Zügs isch wahrschindli aber so nöd realisierbar, well sich bis jetzt nur Lüüt vom Wallis, Zürich und Luzern gmolde händ. Da müesst mer sich no öppis anders überlegge.
Ich bin no am abchecke wies so mit Programmierer usgseht. Ich brüücht no en richtige PHP-Crack (han zwar scho Lüüt, aber diää händ grad wenig Ziit) wo chil s'Programmiere übernimmt.
Bevor ich aber konkret wett aafange, würdi gern mal mit es paarne zämehocke und das Konzept usarbeite.
Bald chunnt dänn mal es Datum womer sich in Züri trifft und das ändgültig besiglet. Dänn gahts los.
Gaht halt alles chli langsam vorwärts. Ich will aber au nüt hiischtresse und chlii aafange.

Also ihr ghööred vo mir.

Wiiteri Interessänte mäldet sich doch bitte.
Au bi Frage, nur zue.

Greetz

EphToDaRhyme
05.05.2004, 16:11
OK kuul dass das lauft! Mit em PHP Spezialischt chan der leider au nöd wiiter hälfe.. Han kei Ahnig vo dem Züüg und kenn au grad niemert..

jones
14.08.2004, 19:09
Hoi zaeme,
sisch scho es Ziitli her, wo de Thread eroeffnet worde isch. Sit deet hani mit verschiedene Luet gredt und chli ueberlegige gmacht. Sorry das er so lang nuetghoert haend. Hans au chli vehaengt mit de ziit. Ich bin jetzt au 2 Moenet usserhalb vo de Schwiiz und chan so noedvill mithaelfe am Aafang.

Uf jede Fall han ich mich mal daenn mit em CMD zaemegsetzt

und mir haend das ganzi mal so fuer de Aafang konzipiert. Da jetzt also Facts wie das ganzi soell usgseh:

1. De Start vo dere Plattform isch uf de Oktober gsetzt. Bis daenn soetti d'Page staa und das ganzi chan aafange laufe.

2. de CMD wird sich hauptsaechlich um d'Organisation kuemmere. Das heisst: Er wird e Page uploade womersich scho vorem Oktober wird als Crew aamaelde choenne und mir so schomal choend abschaetze, was fuer e Groesseordnig das ganzi am Aafang haett. Daenn wird er mit interessierte Mithaelfer kommuniziere und au en erschti chliini Datebank zaemestelle.

3. Mir fanged eifach mit dene Experte aa, womer haend. Sind zwar noed vill, aber isch vilicht au guet am Afang.

Mir sueched aber no eine wochli en PHP-Crack isch und eus bi de Datebank choennti haelfe!!!! Waenn eine Luscht und Ziit haett, soell er sich doch maelde.

Aaspraechperson isch de CMD (auf uf Aight-Genossen und cmd@cmdrecords.ch) .

Das waers vo mir, alleswiiteri wird vom CMD us gmacht. Er wird sich da im Forum und bi de Lüüt wo sich gmulde händ mälde.

En schoene Summer!

CMD
16.08.2004, 13:43
hallo zämä!
we dä jones versprochä hät, mäld ich mich da mal zu wort!

ab sofort cha mä sich nämlich uf derä Siitä (www.cmdrecords.ch/mncp.htm), per e-mail a cmd@cmdrecords.ch und bald au uf www.most.ch aamäldä. wär wiiteri infos zu däm projäkt suächt, wird au uf derä Siitä (www.cmdrecords.ch/mncp.htm) fündig. deet cha mä sich s konzept und erschti ideeä als pdf abäladä!
wiiteri infos wärdäd folgä, wäner no fragä händ, schribäd mir doch ä pm oder äs email (cmd@cmdrecords.ch)

so vil für hüt! än schönä zämä....
cmd

dela
16.08.2004, 14:39
Hi CMD..bisch endli au en workaholic..hehe

Ihr schribed:

-3 Tracks oder 5MB pro Crew. Also wänn ich davo usgang, dass 1 Minute = 1 MB isch, langed das für 1 Track und es paar Snippets..oder isch d'idee, dass mer nöd ganzi Tracks söll ufejage.

-nur eigene beats:
Was isch mit Stück wo d'Crew bereits als Werk bi dä Suisa registriert hät? oder wönd ihr schribe: eigene Beats, nicht registriert?

yo..übrigens..was häsch a dä freierstrasse jetzt?? cool..neui adresse?

CMD
16.08.2004, 15:25
Hi CMD..bisch endli au en workaholic..hehe
scho so öpis ähnlichs ;) wod rächt häsch, häsch rächt....


-3 Tracks oder 5MB pro Crew. Also wänn ich davo usgang, dass 1 Minute = 1 MB isch, langed das für 1 Track und es paar Snippets..oder isch d'idee, dass mer nöd ganzi Tracks söll ufejage.
guäti frag! s isch meh mal eifach d idee vonärä beschränkig gsi, das mä nöd 5 gigabyte sound ufäladt und dä oisä webspace sprängt. ich dänk grad am aafang cha mä da au no chli luägä. wän öpper 5 tracks hät, isch das für dä ischtig au guät, äs gaat me drum, ä übersichtlichi siitä z bhaltä (100 tracks vo der glichä crew wür mä chum ali alosä) und ebä dä webspace chli z schoonä...

-nur eigene beats:
Was isch mit Stück wo d'Crew bereits als Werk bi dä Suisa registriert hät? oder wönd ihr schribe: eigene Beats, nicht registriert?
da sich s ja umä newcomerplattform handlät, wärdäd di meischtä beteiligtä ja nonig suisamitglieder sii. bi däm punkt gats drum, das mer kä copyrightproblem überchömäd, wel irgänd än supermc us hindertupfikä über än g-unitbeat rappt. we das rächtlich isch, wämä tracks aabüütät vo lüt wo suisamitglider sind und ois d erlaubnis gänd, müäst mä no abklärä! merci, dasd das erwähnsch!

yo..übrigens..was häsch a dä freierstrasse jetzt?? cool..neui adresse? cmd rec isch züglät! mer händ jez s büro/studio in züri. ich ha ja jez dän s gymi fertig(am 2. sept). s nächscht jahr isch äm label gwidmät&ich wird hauptamtlich deet schaffä... bisch herzlich iigladä, mal verbii z luägä...

so, jez aber zrugg zum thema: most newcomer plattform!

greetz
cmd


ps: ich ha scho di erscht aamäldig übercho!

dela
16.08.2004, 15:30
ok. beschränkig isch sowieso guet. aber 3 tracks oder 5 MB verwirrt halt. und wenn ihr das no weg dä suisa aneschribät isch sehr wahrschinlich dänn allne alles klar. jetzt muess ich nur no vorbicho. isch ja voll guet. villicht gitts ja apero.. :-)

CMD
16.08.2004, 15:36
Original geschrieben von dela
jetzt muess ich nur no vorbicho. isch ja voll guet. villicht gitts ja apero.. :-)
zur summerhitz-maxi gits vorussichtlich no än apero! chunsh ä iladig über... vilicht chasch ja grad dän cho... wän s genau isch, weissi leider au nonig, aber du wirsch vo mir ghörä!
bye

Karimbo
16.08.2004, 21:44
let the games begin...

malded euch doch a! E chance womer sich nöd dörf entgah lah, da gseht mer dänn au wer aktiv isch und wer eifach chli..., ihr wüssed was i meine:p

meh infos gits unter www.cmdrecords.ch oder bald unter www.most.ch, ich freu mi uf jedi gruppe wo ihri presänz markiert, merci i dem sinn namal an jonas vom most.

greetz und gnüssed die hoffentli nöd letschtä summertäg

dabu lego
17.08.2004, 09:52
Original geschrieben von CMD
zur summerhitz-maxi gits vorussichtlich no än apero! chunsh ä iladig über... vilicht chasch ja grad dän cho... wän s genau isch, weissi leider au nonig, aber du wirsch vo mir ghörä!
bye

ou apero.....isch immer guät!

alexia
17.08.2004, 17:11
tag!

was isch gnau die idee hinter dem konzept, chume nid ganz drus? Wänn ich jez inäre crew bin und mir hettät:D scho en song ufgnoh chönt mer de detä uf d'site tue?

merci für d'uskunft...

CMD
17.08.2004, 22:19
Original geschrieben von peter rüppel
ou apero.....isch immer guät!

scho so... bisch au iigladä... aber ebä, we au bim dela scho gseit:ich weiss s genauä datum au nonig, drum sind no chli geduldig ;) bisch aber uf der lischtä csho äs ziitli vorgmerkt...

was isch gnau die idee hinter dem konzept, chume nid ganz drus? Wänn ich jez inäre crew bin und mir hettät scho en song ufgnoh chönt mer de detä uf d'site tue?


ciao alexia! (gat au a all anderä intressäntä...) s konzept isch folgendermassä: s wird ä datäbank gä, wo mä sich als crew/rapper oder produzänt cha registriärä. deet git mä einigi aagabä zur person bzw. crew bekannt und hät d möglichkeit, äs paar eigni tracks inä z stelä. diä tracks chönd vo anderä user mitämä usgklüäglätä bewertigssystem bewertät werdä. s wird expertä gää, wo diä tracks prüäfäd und für d lüüt us irärä umgäbig zuäständig sind, sich chli um diä "kümmeräd".
s ziil vo derä plattform isch, newcomers d chance z gää sich der öffentlichkeit chönä z präsentiärä, au wämer kä homepageprogrammierkänntnis hät und natürlich au, das diä lüüt grad a eim zentralä ort (ebä derä page) zämägschlossä sind & so chli chönd connections chnüpfä.
also alexia, falls du bzw. ir öppis ufgno händ, chasch dich mal aamäldä! ich froi mich über zahlriichi amäldigä!

än schönä abig!
cmd

dela
18.08.2004, 10:51
schöni sach, dass er newcomers understütze...das hani au immer gern gmacht mit eb..au wenns amigs en hufe arbeit isch. wenn er sponsore bruched..just tell me if i can help.
ich chan au nur kaffee mache oder abtröchne

CMD
18.08.2004, 13:35
Original geschrieben von dela
wenn er sponsore bruched..just tell me if i can help.
ich chan au nur kaffee mache oder abtröchne

ok, isch cool! merci für s aagebot... du wirsch bestimmt mal vo mir ghörä...

bye

lucianeri
24.08.2004, 18:46
Phetti sach dê ganzi shisch...
mueni glaub mini crew au amälde or so...

:dance:

CMD
25.08.2004, 09:39
Original geschrieben von lucianeri
Phetti sach dê ganzi shisch...
mueni glaub mini crew au amälde or so...

:dance:

eh scho, nur zuä :)

greetz cmd

alexia
25.08.2004, 15:12
he leuds!

@luschen

he, chasch im fall glaub nur mit eigne beatz amälde...,
dass sött da im aigtgenossen ja nöd schwer si, jeni mached beatz und sicher nameh räpped, nimmt mi dän gspannt, wer de muet hät sich da azmälde und sini songs zum beschtä git, ich bin debi!

greetz

CMD
31.08.2004, 19:39
ich ha no so ä chliini eränzig mit z teilä, für diä wos nonig gse händ:

uf www.most.ch isch jez au än link zum aamäldeformular druff.

mir freued eus über wiiterhin zahlriichi aamäldigä...

so vil vo mir!
cmd

CMD
14.09.2004, 23:44
Mir schaffä momentan grad rächt tüchtig a derä Plattform und langsam nimmts gstalt aa... mer händ scho einigi amäldigä & diversi lüüt wo sich als expertä, promohälfer etc. zur verfüägig gstellt händ!
öpis fählt aber no zur erfolgrichä umsetzig vo däm projäkt:

mir bruchäd än guätä namä!!!!

all diä kreativä chöpf i däm forum händ di eimaligi glägäheit, derä plattform irä sälbererfundäni namä uufzdruckä... händer ä guäti idee, we diä plattform chönnt heissä, schribäd oiä vorschlag bis am mäntig äm 20. sept an cmd@cmdrecords.ch und mir wähläd aaschlüssänd dä bescht namä us!

ich hoff uf zahlriichi beteiligung und wünsch allnä än schönä abig....

cmd