Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Fight der Fiights: Poet/Map vs. Lord/Slang


poetical
30.08.2004, 14:12
Auso Boys, dr ultimativ Fight, d'Schlacht vom Jahrhundert, nei vom Jahrtuusig wird hie u itz ustreit. Nach däm wird nüt so sie wie's isch gsi.....


Regle si klar:

Fronter vo Poet/Map
Konter vo Lord/Slang
Fronter vo Lord/Slang
Konter vo Poet/Map

poetical
30.08.2004, 15:35
Üse Rap chunt hert wie Slipknot u Slayer zäme
öie fägt öppe so wie für Ross uf dr Weid ä Bräme
dir sit beides Träne, feig, fake u ds breit
müesst nid cho gräne we üs Part nach eim Take scho steit

Üs cha kene vo öine Raps verletzte -
we mer Ändige schletzte, siter gli Räschte wie Gletscher
gäbe nid anähernd ds letschte -
mir spautä Schädle wie Metzger, da battle angeri Gägner besser

Stylebock
30.08.2004, 15:47
Slipknot und Slayer im Kampf gäg AC/DC mit Rammstein -
di sticht kai Bräma kai Angst du bissisch in Randstai -
dia ainziga Träna sind dini, hüülsch noch dr Niederlag -
würsch au no gära dabii si, schüüch stellsch di hina a -

Po' miar wend eu nit verwunda - veriisend euri Endiga -
Hoe miar bringend eu um grad - dSieger beendend das -
dia 2 als Gletscherresta - das gita Überschwemmig -
witsch andri Gegner testa? - doch du überlebschs nit -


aight Lord...vilicht laufts diar besser...
:D

Lord Flow
31.08.2004, 08:53
Dir sit üs hoffnigslos ungerläge wi dr Grundstei em Dachfiiirst
hie gits sowiso nume z'säge: sit duss heit ke Chance, Biiitch
bechömet di roti Charte vor Apfiff plus Match-Straf wäg Dummheit
mir bringe Party, dir dr Aschiss, öie Rap ächt schlaff, wes guet geit

Mir si dr Feus ir Brandig - für öich 9/11 - bir Landig
sit zur Todesstraf verurteilt u Bewährig steit nid zur Verhandlig
sit beid Gschicht wi d'Mittuschicht - i wett öich Nutte vorschlah
gät uf - si für öich z'jüngste Gricht, für öie Rap d'Supernova !

Na ja....z'Morge-Styles haut....für euch längts, hehe.

Dir HÜND!!:D

Map
31.08.2004, 09:56
Dr Grundstei isch solide Fundamänt, d Spitze isch d'Schwachstöu,
Terrorischte wüsse das und ihri Flugzüüg flitze is Dachgstöu
dr Poet und ig gäg euch doofe Goofe - mir sy d Kings i däm Game
bombe Hochhüüser u lache über Todesstrofe wie Timmy McVeighn,
mir bechömme roti Charte wägere Bluetgrätsche à la Roy Keane,
üse Style - süüberet de Platz, tuet brätsche, macht Toys real
dir bländet wie Supernova, heit schiisi grappt u startet z'spot,
und us jedere Supernova wird dr wiisi Zwärg odr s'schwarze Loch.

thieu
31.08.2004, 10:11
Siidefiins Battle und der entscheid ligt ganz allei an 4 Ziile vam Slangrover:

Po' miar wend eu nit verwunda - veriisend euri Endiga -
Hoe miar bringend eu um grad - dSieger beendend das -
dia 2 als Gletscherresta - das gita Überschwemmig -
witsch andri Gegner testa? - doch du überlebschs nit -

Wan ich nit so starch hä gfunne! Aber ich glöibe er isch in Momentan wiit nebe schiiner Beschtform! Tampis git schlimmers...

Souverän häni nu der Part vom Map gfunne mit dene Ziile

Dr Grundstei isch solide Fundamänt, d Spitze isch d'Schwachstöu,
Terrorischte wüsse das und ihri Flugzüüg flitze is Dachgstöu

Sweat gikontret.

Im grosse und ganze fresh gsii. Alli öi wenns jetz em bitz unfair gäge de Slangrover tent... Aber wenn z Niveau so fresh isch mächend so Ziile der unnerschiid!

scope
31.08.2004, 10:18
... und poet

wöu am map si part der hertisch isch, und sogar der poet befridiget mi haubers mit subere lines.

lord & slang si uf jedefau o dope. wie immr...

aber äbe...

Lord Flow
31.08.2004, 10:20
Thx no de zwöi Pussys fürs sech aus Opfer zur Verfüegig steue :D früsches battle gsi, challenging.

Piiz use

Map
31.08.2004, 10:24
Merci für s :cheers:.

poetical
31.08.2004, 10:26
So, so Pussys...Opfer...:hmmm:


Mau luege wär am Schluss d'Nase vore hett Güggu :p

Merci ämu he. Mir öich Jungs macht's haut eifach Spass.

MacKah
31.08.2004, 10:32
Fronter vom Poetical ha ich nit grad dr burner gfunde, eifach nit soo kreativ. dr konter vom slang isch ok gsi. dr fronter vom Lord isch au ok gsi, aber au de het mi nit weg ghaue.
am beschte hets dr map brocht.
cha nit gross argumentiere wieso, aber eifach die igsetzte wörter vom map hän mich jetzt grad gflasht.
drum isch für mi schlussändlig öppe glichstand.

poetical
31.08.2004, 10:39
Kah was versteisch de unger nid so kreativ? Würd mi wunder nä, de chani's nächscht Mau besser mache.

Phenomenon
31.08.2004, 11:49
@poetical

Wänni ehrlich bin hät mi dä Part nöd so überzoge, nach mim Gschmack chli zwenig härt gsi. Klar ischs am schwärschte dä Aafang zmache... Aber die dope Sprüch händ mer chli gfählt...

@Slang

Hani dä mitem Randsteibisse nöd letschti mal kicked da inne? :mad: :rolleyes: :p ;) nei, wot da niemertem öpis understelle...
Susch hani nöd vill usszetze a däm Part...

@Lord

Hämmer dä mitem 11.9. nöd langsam gse???
Susch isch dä Part fresh gsi wie immer, finds Struub dasd das höche Niveau chasch halte, Respekt. Was mer a dim Part gfählt hät isch dä Börner gsi. Eifach dä Spruch oder die zwei Lines wos klar mached, wonimi nur no am Bode wälze vor lache, die hani vermisst...
ajah,,, das hani hert gfunde:
"Dir sit üs hoffnigslos ungerläge wi dr Grundstei em Dachfiiirst
hie gits sowiso nume z'säge: sit duss heit ke
Chance, Biiitch
Han zwölf Silbe zellt wosich rhymed, aiiiggt....
Au wänn de "Dachfirst,Chance Bitch" chli wiit här gholt isch.


@Map

Han sin Part fasch am Beschte gfunde: Geil uf dä Gägner i gange, härt konteret so wiemers gern händ.
Han aber irgendwie Sgfühl das er Doubles amigs rächt gsuecht hät, und defür de Inhalt ide letschte vier Lines derunder glitte hät...


Fazit:

First Round: Po 0:1 Slang,
Last Round: Lord1:1 Map

und darum Sieger: SLANG UND LORD

Stylebock
31.08.2004, 12:43
Jungs, merci für ds BAttle...meh Votes während geil..

@Pheno...dä mim Randstei hani selber do schomol brocht, nur imana andara Zàmahang mitama andra REim!

Map
31.08.2004, 12:49
Han aber irgendwie Sgfühl das er Doubles amigs rächt gsuecht hät, und defür de Inhalt ide letschte vier Lines derunder glitte hät...

Das tüüscht bös. Zur Erklärig us astronomischer sicht: das wo vore Supernova übrig blybt isch dr "wiisi Zwärg" (Chlyne Stärn mit ziemlecher Lüüchtchraft) oder "schwarze Loch" (insich zämestürzende Stärn mit höcher Gravitation)

poetical
31.08.2004, 13:19
Original geschrieben von Phenomenon
@poetical

Wänni ehrlich bin hät mi dä Part nöd so überzoge, nach mim Gschmack chli zwenig härt gsi. Klar ischs am schwärschte dä Aafang zmache... Aber die dope Sprüch händ mer chli gfählt...



Ja ig bi säuber o nid würklech z'friede dermit, aber ig bi u bliebe haut meh dr Techniker u drum im 2te 4er o chli öppis angers probiert aus süsch aube. Aber merci für Kritik. Dasi nie dr Überbattle Rapper wirde weissi ja.

drosselbart
31.08.2004, 14:33
pas mal, pas mal das ganze...

bi fürä poet/map und zwar wöui eifach dr nöcher draht ha zudä bärner-gielä u ihrer usdruckswiis bzw. dialäkt, chuntmr haut chlei flüssiger...

aber si definitiv ganz ganz gueti emcees aui gseh..

so one love und witer so...

poetical
31.08.2004, 16:20
*push* the button u wäu gfelligst dr Map u mi.....sonst...:charhit:...und....:fuck:....und natürlich...:stonehit:


Nei äbe, chömet Lüt...gibe mer ja o Müeh wieder vermehrt mini Kommentär abdsgäh bi de Battles.

sly saloon
31.08.2004, 16:24
Original geschrieben von poetical
*push* the button u wäu gfelligst dr Map u mi.....sonst...:charhit:...und....:fuck:....und natürlich...:stonehit:


Nei äbe, chömet Lüt...gibe mer ja o Müeh wieder vermehrt mini Kommentär abdsgäh bi de Battles.

hm ich schlüss mit de kommentär vom thieuz und em phenomenom a. die hend alles gseit und so mueni nöd nomal so vile schriebe. aber am endi hets für mi au poet und map gmacht...aber knäbe. han au sgfühl gha bim einte oder andere het mer scho bessers gseh. und poet: du bisch eifache en z guete tschooli zum so hässig spitte!:D

peace

Toratelli
31.08.2004, 16:58
i bi füre poet u map

us folgende gründ.

beidi zimlech gueti sache, aber bim poet u map ischmer eifach öfters es grinse über d lippe cho.

z.b. am poet sini sach mite bräme, oder dä räschte vode gletscher. reims mässig nid hammer, aber ideerich findi. gfautmer mou.

o die andere 3 hei suberi lines u augemein viu gueti ideene. aber die wenige sache, hei es birebizeli überwiegt

#ChRüSiMüSi#
31.08.2004, 17:07
soo i han au für dä poet und dä map gstumme.. will ähm.. am map sin part hät mer eifach ganz ganz guet gfale:) Die andere sind au guet gsi.. aber dä Map häts usgmacht hehe.

Doc.Schiwago
01.09.2004, 23:00
Lord: wie ich's vo der gwohnt bin häsch dini sach suuber vo afang bis ändi durezoge. wie scho gseit vom phenomenon: d'überziile wo's klar(er) gmacht hetted händ mer no gfählt, suscht rein rhimetechnisch suuber bis uf Dachfiirst-chance bitch, hani chli im verglich zu de andere lines unsuuber gfunde. sonst picobello

Map: geil uf de lord igange und dezue double/tripple/...(kei ahnig wie's wiiter gaht)...rhimes, mol mol, hät mer gfalle. has nur chli schad gfunde das nach de 4.Line nöd wiiter so durezoge häsch wil was ich det flowmässig wie inhaltlich gse han isch me als nöd vo schlächte eltere. propz für die.

Slang: han eigentlich nüt gross a dir z bemängle usserd das ich als zürcher chli müe han dene lines de nötig flow z verpasse wo da vo dir losgla worde sind.

Po' miar wend eu nit verwunda - veriisend euri Endiga -
Hoe miar bringend eu um grad - dSieger beendend das -

...da isch mer s'wort grad chli fähl am platz gsi (grammatikalisch gse, nöd vom sinn her)


Poetical: ach chumm alder, wän nöd mal du a dich glaubsch wer dän suscht.

Üs cha kene vo öine Raps verletzte -
we mer Ändige schletzte, siter gli Räschte wie Gletscher
gäbe nid anähernd ds letschte -
mir spautä Schädle wie Metzger, da battle angeri Gägner besser

geils schema...nur nach em wort gägner hett ich no s'chline wörtli "vil" igsetzt wäg mim dri interpretierte flow und will ich finde das

räschte wie gletscher
gägner vil besser

geiler tönt.



mis vote gaht ganz knapp an Lord und em Slang. Map, hettsch wiiter so durezoge wie bi line 1-4 hettsch mini stimm uf sicher gha, hät mer nämlich sehr zuegseit.


insgesammt geil's battle mit usschliesslich guete MC's:respect:

Stylebock
01.09.2004, 23:03
Original geschrieben von Doc.Schiwago

Slang: han eigentlich nüt gross a dir z bemängle usserd das ich als zürcher chli müe han dene lines de nötig flow z verpasse wo da vo dir losgla worde sind.

Po' miar wend eu nit verwunda - veriisend euri Endiga -
Hoe miar bringend eu um grad - dSieger beendend das -

--hesch scho Recht, ds Wort stimm grammatikalisch nit ina, -müasst vor am Personalpronomen stoh,aber denn reimts sich nüm...

...da isch mer s'wort grad chli fähl am platz gsi (grammatikalisch gse, nöd vom sinn her)




insgesammt geil's battle mit usschliesslich guete MC's:respect:

thanks, das gits grad für ds andra Battle zruck! :D

Map
02.09.2004, 09:39
Original geschrieben von Doc.Schiwago
Map, hettsch wiiter so durezoge wie bi line 1-4 hettsch mini stimm uf sicher gha, hät mer nämlich sehr zuegseit.



Aso s Schema hani jo nid abbroche. Has aber vo 2 Elemänt im Satz uf 3 Elemänt im Satz erwyteret, wie bire Ufzöuig. I persönlech finge die Steigerig besser aus stuur 8 Ziile dürezbrätsche ohni Abwächslig, aber easy. Woby nei... Eigendlech sy immer 3 Elemänt gsi, aber erscht nach dr Höuft so trennt.

Oder was hesch du konkret gmeint?

Doc.Schiwago
02.09.2004, 09:53
Dr Grundstei isch solide Fundamänt, d Spitze isch d'Schwachstöu,
Terrorischte wüsse das und ihri Flugzüüg flitze is Dachgstöu
dr Poet und ig gäg euch doofe Goofe - mir sy d Kings i däm Game
bombe Hochhüüser u lache über Todesstrofe wie Timmy McVeighn,

bi de 1te zwei hani de inhalt huere geil gfunde und bi de bar's 3-4 de tripple huere flüssig. das mit de supernova isch zwar au easy gsi, aber nöd nach mim gschmack. ohni erchlärig dinersits wäri au nöd drusscho und hett au druf tippt das du zerscht d ändig gha häsch und de sinn chli holpered. weiss nöd wie ich's säge söll...isch halt eifach nach mim gschmack gsi, s schema isch zwar s'gliche blibe jedoch hani de flow bi de erschte 4 geiler gfunde und de timmy McVeighn - rhyme isch mer -wo ich en greimt han- ganz geil über d lippe cho. ich säg ja nöd die letschte 4 sind schlächt gsi, minre meinig na sind die erschte 4 so "burner" gsi das die andere 4 näbedra nöd so guet da stönd. bisch ja glich en dope MC:p :D

Lord Flow
03.09.2004, 09:46
Votings :confused:

Doc.Schiwago
03.09.2004, 10:28
da chasch no lang druf warte lord, has bi eusem battle scho ufgä...bin in chat han det es paar akickt, verlinkt..usw. d lüt tüend kei kritik verteile, wills anschinend angscht händ das mer die au gad in grund und bode battled:D

neee, kwatsch. find's schad das so wenig votingfreudigi lüt ume sind.


edit:schribfähler

Map
03.09.2004, 10:38
Aso i würd jo scho vote, sogar mit fundierter, differenzierter Argumentation. Aber äbe, 1. Darf i nid wieu i beteiliget bi, 2. Ischs nid stylisch für sich säuber z vote.

Stylebock
03.09.2004, 10:40
Original geschrieben von Map
Aso i würd jo scho vote, sogar mit fundierter, differenzierter Argumentation. Aber äbe, 1. Darf i nid wieu i beteiliget bi, 2. Ischs nid stylisch für sich säuber z vote.

miar gohts öppa glich...aber do i mi jo so sehr selber liaba hätti fast für üs gvotat...