Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Super Schiri


And1 For Real
22.06.2006, 23:07
Nun ja mues sege, d WM isch scho easy, aber was sich dete so abspilt isch voll strub.

Vorallem de Schiri im Spiil Kroatie gege Australie isch abgange wie en Machine.

Gelbi Charte geg Simunic, denne Nomal, zeigt aber ke Rot!!! de Simunic spilt wiiter, niemer reklamiert und de Schiri realisierts ned^^ No nie so öbis gse.

Aber denn de Börner. De Schiri zückt ide Nachspilziit nomal gege de Simunic Gelb und Schlussendlich die Rot wege Reklamiere :D

Fazit: 3 Mal Gelbi Charte = Roti Charte
Wenis Richtig verstande han.

De Schiri gsemme sicher nümm uf em WM Platz^^ wird sicher nachspiil ha weg dem.

ATLRS
22.06.2006, 23:18
hesch scho richtig verstande....sonen mongo

Krumb Snatcha1
23.06.2006, 00:05
ja logisch,mänschlechs versäge,gits amigs halt :D:D
wie wärs mit emene KROATIE DUSSE thread oder rede mer nome no öbr d schiris ond nüme öber d mätch?:confused:

schäfe
23.06.2006, 00:08
Shiiit ich han ja nüme chöme...das isch doch wältrekord oder? oder hät jemals en spiler meh gälbi chartene becho a eim match? :D

The Blaze
23.06.2006, 00:53
hert... dä wird ä langi nacht ha... :D

funky12wax
23.06.2006, 00:55
SKANDAL !

Grüeni
23.06.2006, 01:00
Dreimol Gelb = Rot :wtf:

Sound Provider
23.06.2006, 12:01
isch heftig, was er botte hed. verteidige söscht vell d'schiri's... aber so eine isch wohl ned wm-würdig.

allerdings find ich de simunic no einiges dümmer... hed scho gmeint, er flügi. aber schiri zeigtem nur 2.i gelbi und kei rot. aber de schafft's trotzdem, no en dritti gelbi z'hole, hahahaha...

s'geilscht wär gsi, wenn dä no s'entscheidende 3:2 für kroate gschosse hätt, obwohl er eigentlech scho unter de duschi müesst stoh... :D :D :D :D

Cwik
23.06.2006, 12:07
abr d'Kroate händ en ja die ganz ziit ume gschupt und er isch wahschiinli voll in ufgretheit gsi

Dirty Fifty
23.06.2006, 12:13
ich han ghört bim nöchschte mau wot är eim die roti ghä... und wener de später nomau foult no mit gäub verwarne..

Dontom der II.
23.06.2006, 13:18
Original geschrieben von Sound Provider
allerdings find ich de simunic no einiges dümmer... hed scho gmeint, er flügi. aber schiri zeigtem nur 2.i gelbi und kei rot. aber de schafft's trotzdem, no en dritti gelbi z'hole, hahahaha... Ja soviel dummheit wirft würkli frage uf :D

I.C.S.
23.06.2006, 13:22
ich würd säge mer chan froh sie das de beträffendi spiler ned das spiel no umegrisse hed. DENN gäbts würkli es ghetto :D

na ja, ihn z`bestrafe findi sinnlos, er wird sicher nieme es richtigs spiel anere em/wm pfieffe, das langt doch scho. und er hets sicher ned mit absicht gamcht ;)

wäb0r
23.06.2006, 13:29
i ha de match leider nöd xeh...aber ha überall vo dem köhrt...aber frag? sind denn die erste 2 gelbe charte ganz klar an simunic gange? ohni zwiefel? will es hets scho paarmal geh das d'tv sender de falsch spieler ageh hend wo ger nöd gel becho het...weil i frog mi chli wie da cha passiere...i mein chartene werdet vom schiri, vom einte linierichter und vom 4. schiri a de linie usse ufgschriebe so viels mir isch...also cha das ger NÖD passiere...

burkinafaso
23.06.2006, 13:31
s schlimme isch...niemertz hetem öpis gsait...

für was gits dä 4. Unparteiischi? dä het dr ganz match nüt anders z tue als d trainer beruhige uswächslige akündige - UND S SPIL BEOBACHTE!!!

WEICHE!!!

hehe Graham Poll - König vo Kroatie wenn dr Simunic no eins gmacht hätt!

wäb0r
23.06.2006, 13:33
aber ebe...sind die erste 2 gele ohni zwiifel an simunic?...

RIDDIM
23.06.2006, 13:35
jo die beide charte send klar a simunic grechtet gsi.. de simunic hätt scho bi de erschte selle rot becho! er hed de schiri wäggstosse und reklamiert noch de 1.gelbe

wäb0r
23.06.2006, 13:36
aber irgendwie chamer das immer nonig vorstelle :D

Dirty Fifty
23.06.2006, 13:40
är het ou 2 penalty's für australie nid pfiffe.. und hahahaha äbä 3 gälbi füre simunic... und innerhalb vo ca. 12 minute den 3 roti..

ha gmeint dä wot ä rekord bräche...

wäb0r
23.06.2006, 13:42
muhaha schüch überforderet xi oder so? :P...
was het echt d'fifa gmacht wenn ebe de simunic de entscheidendi treffer für kroate gmacht het noch de 2. gelbe charte?...:confused:

Sound Provider
23.06.2006, 14:15
Original geschrieben von burkinafaso
s schlimme isch...niemertz hetem öpis gsait...

für was gits dä 4. Unparteiischi? dä het dr ganz match nüt anders z tue als d trainer beruhige uswächslige akündige - UND S SPIL BEOBACHTE!!!

WEICHE!!!

hehe Graham Poll - König vo Kroatie wenn dr Simunic no eins gmacht hätt!

so vell ech weiss, darf de gar ned igriffe und muess sini frässe halte, was schiri-entscheidige betrifft.

goerps1
23.06.2006, 14:23
härt isch au s 2:2 gsi vo australie.
das isch ja ganz klar abseits gsi. und wänner das pfiffe het dänn wärs 2:1 gsi für kroatie und sie wäred wiiter...

funky12wax
23.06.2006, 14:28
Änglische Schiri bineme Australie Spiel ?????!!!!

isch doch d'Queen au s'Oberhaupt vo de Aussis !

SKANDAL !


:D :D :D :D

dj LIL' P.
26.06.2006, 17:39
Di nächschti "superleischtig" vomene schiri. dä huere Iwanow wird sicher kes spiu meh leite a derä wm. i hoffes emu. das chas ja nid si, dass wo geschter zwüsche portugal u holland isch abgange... 16 gäubi u 4 roti! das isch neue rekord arä wm!

Gelbe Karten: Ricardo, Maniche, Petit, Figo, Nuno Valente - van Bommel,Sneijder, van der Vaart

Gelb-Rote Karten: Costinha (45.), Deco (78.) - Boulahrouz (63.), van Bronckhorst (90.)


(zum glück hei de mini portugiise schlussändläch doch no gwunne) :D

Scalster
26.06.2006, 17:57
ke schiri übertrifft dr BYRON MORENO in sache behinderet sii. wm 2002 südkorea - italie. :bluepunk: :bluepunk: :bluepunk:



http://www.gruppoamico.org/moreno.jpg


http://www.nrk.no/img/175492.jpeg

HowieMarks
26.06.2006, 18:07
Original geschrieben von dj LIL' P.
Di nächschti "superleischtig" vomene schiri 16 gäubi u 4 roti! das isch neue rekord arä wm!

Word!!! vrdammte Skandal...

Eigentlich sött me doch erwarte dass amene Turnier wo die beste Fuessballer vo dr Wält ufenandr träffe, au die beste Schiris pfiffe, odr??? Abr d Schiris hänn bis jez die absolut schlächtischti Leischtig vo allne Beteiligte brocht!!! Schaad pfifft dr Colina nümm!!! Wenni mr die Schiris so alueg wünschi mr scho fascht dr Urs Meier widr zrugg... Hoffentlig hänn die no paar unbruchti, am beste no vrschweissti Schiris in dr Orginalvrpaggig neume glageret!!! Wenn nid, wirds e düschteri räschtligi Ändphase... hahaha, jez hett grad dr Materazzi vo Italie e roti bekoo, hahahahah

eoz
26.06.2006, 18:16
Original geschrieben von dj LIL' P.
Di nächschti "superleischtig" vomene schiri. dä huere Iwanow wird sicher kes spiu meh leite a derä wm. i hoffes emu. das chas ja nid si, dass wo geschter zwüsche portugal u holland isch abgange... 16 gäubi u 4 roti! das isch neue rekord arä wm!

Gelbe Karten: Ricardo, Maniche, Petit, Figo, Nuno Valente - van Bommel,Sneijder, van der Vaart

Gelb-Rote Karten: Costinha (45.), Deco (78.) - Boulahrouz (63.), van Bronckhorst (90.)


(zum glück hei de mini portugiise schlussändläch doch no gwunne) :D

muahaha...i ha mi am schluss ned ma me chenne ufrege,.. i ha nu na glached... sorry wennt als schiri meinsch müessisch sowas abzieh amene sone turnier...de tuets mr afach leid.... well de het ja sganz spiel verfälscht... und huere agressione is spiel bracht... und vorallem...egal wer gunne het... fürs next spiel fehled afach 2 spieler... pfff

sry aber sowas isch afach nu scheisse
und es isch ganz klar a de FIFA so schiris afach zsperre....