Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Irgendeis wots wüssä!?!


Irgendeis
03.09.2004, 09:46
Ändlich han i mal die ganz WG für mich ällei gha, also han i mi i mis Zimmer igsperrt und döt än Track ufgno. Äs isch vom Beat über d Lyrics bis zu dä vocals alles ä Irgendeis-Homeproduktion. Hüt am Morgä hät mini Mitbewohnerin no schnäll müssä dra glaubä aber da s’Intro eh z’ liislig abgmischt isch, isch das nöd dä red wert! Klar, heti no länger chönä dra schrüblä, aber äs isch ei’ch nur zum ä Idee festhaltä und mal äs Feedback z’becho. Am bestä lossädärs mal uf rä bessere Alag will uf minä Compiboxä da im Gschäft tönts nöd wük’ hammer! Sorry falls äs chli liislig isch...ich bin am lernä!

Ok da dä lingg zu

TheRapY Version ÄleiDihei (http://www.mieterverband.ch/iva)

Ich bittä um eui Meinig! Dankä!

Irgendeis aka MissGschickT aka D’iva

Ps. Ha usnahmswiis dörfä webspace vom Gschäft ha....Dankä, coole Sache!

strikk
03.09.2004, 09:56
ich finds sensationell!!!

rapstyle, flow, inhalt und d emotion!

:yourock:

u-huerä guet...sorry, du häschs wellä wüsse...

wow!

cel
03.09.2004, 09:59
...gfallt mir ganz guät...

Marook
03.09.2004, 10:12
:beten: :beten: Hüenerhut-Style!! Ich will e Chind vo dir!!! hehe, nei deftig, ich schrib denn mol no usfüerlich wenni meh Zit ha, muess grad wägg......

Irgendeis
03.09.2004, 10:19
...dankä vill, vill mal strikk, cel und Marook...das tuet guet!

Ääähm ja, da no d Lyrics zum nahläsä...äs hät glaub paar undütlichi Stellä:

TheRapY (is reinä reimä) *version ÄleiDihei

Strophä 1
Ich vereinä line für line reinsti Reim
Peinlich kleinlich reim ich was i mein
Kein heimlifeis-scheiss, nei ehrlich und gemein
Will t wahrheit weh tuet und erliechteret i eim
Ich wür Meilä eilä, zum Zeilä stylä
eu so mitteilä, das dä shit cha heilä
Vo plagendäm unbehägä i fraglichä Läbänslagä
Au ich muss gnagä a geilä Ussagä
Abä’ s’schribä wird mis Lidä vertribä
so schicht i Papierbigä, nur das i bi mir blibä
Dichtä Gschichtä, wo vom Läbä brichtäd
Und verzichtä z’richtä über andri asichtä
will i schlichtwäg mini objektivität bibhalt
so gstallt ich inhaltich lyrics mit vielfalt
D’Freud am Wort platziert am richtigä Ort
Macht mi glücklich drum schribi so wiiter, sofort!

Strophä 2
Lyrics schribä isch wi zeichnä, äs dörfä aeignä
Niämer chas där zeigä, musch äs machä – äleigä
Und wer sich id Idee verrännt, zum reimä brüchsch Talänt
Verkännt dä Sinn vom schribä, will er tränt
Dä Wäg vom Ziil, dä eignig Gschmack vom schribstil
Dänn i dä Liidäschaft lit doch Kraft vom Wortspiil
Poesie – ussag und wortwörtlichi Melodie
Scheissegal ob todernst oder mit ironie
Ich will stetig mini Ethik prophetisch klarstellä
Und liidä und Liäbi poetisch darstellä
mal mit komplexä text, mal simpel greimt
und das mit kontext, A-Z komplett vereint
Ich luegä, losä und schribä i mini Aktä
dänn verpack i in takt di beknaktä faktä,
flows a shows oder genauso guet diheimä
und schiss uf haters oder uf Props - ich reimä!

Strophä 3
Wänn i so in Tag läb, wird alles was mär gfallt
Alles was mi plagäd, zu lyrischem Inhalt
Alles was mär ifallt, wird sofort nieder gschribä
So wird i niä vergässä will is immer wieder wieder gibä
text usschmückä, mich perfekt usdrückä
ich fiilä a ziilä, bis und mit dä letschtä lückä
zückä stift, trift ab i d Wält vom Alphabet
wird azogä vo dä Wort wi vo Magnet
mängisch fehlet Themä, und doch suechi zwanghaft
nach reimändä Schemä, mit ussage und Klangchraft
sisch än natürlichä triib das i schriib mit seel und liib
das dänn rappä über n beat, wills mär liit wills mär bliibt
und das für alli Zyt, verewigä im reim für alli ewigkeit
mis Läbä und das mach i nur für mini wenigkeit
diä Kunst isch ä Gunst, äs privileg woni gnueg gnüss
dänn s Läbä kännt kän sägä drum schrib i solang mis bluet flüüst

Röfrän:
S schribä im reim fühert zu minärä Erlösig
D Erlösig vom Geist dur die innäri Entblösig
Äs macht dä aschii als wärs schribä magie
Dänn äs erchlärt mis da sii, äs isch mini therapie

nise
03.09.2004, 10:19
bim beat hört me dass no grien hinter de ohre bisch (nid das ich besser wär oder so...)
abär sö rhymes, dick, eifach ganz dick!

fazit: mir wänn meh, klausch dr mol es paar geili beats zämme, schicksch dini mitbewohnerin ind ferie und überarschisch uns :)

poetical
03.09.2004, 10:21
Word cha mi da nume aschliesse. Finge's würklech sehr früsch. Klar cha me no besser abmische u aus ufenang abstimme. Aber shit, we das mau nöime usechunt sofot mäude u ig poste mer's :handclap:

Nörgler
03.09.2004, 10:26
ahhh ->>>> channs nüd suuge!! neiii! ;) channs mer äch irgendwer maile, susch hetti für snöchschtmal au nochli webspace wo sicher immer gaht ;) hrhr


piis
nörg

Schtibä
03.09.2004, 10:27
chan mer eine sägä wiso ich das nöd abelade chan?
de link mietverband.ch/iva leitet mi nume uf e error sitä?!
wän grad eine zit hät chönt er mer de träck uf grizuu@gmx.ch schickä..wär uu liäb!:p
bin gespannt...

Stylebock
03.09.2004, 10:30
finds au ganz geil...dr Beat isch no fresh, an aigana Style...

am Text gits nüt uszsetza, dStimm isch gwöhnigsbedürftig aber noch 2mol losa kunnts scho guat...

Props Maitschi...witerso und meh posta!!!

christio
03.09.2004, 10:46
hey irgendeis
gfallt mer voll güet!wirkli voll fett!der track wärdi ganz sicher nu meh losu!props!also wennt dü so güet üssgsesch wient chaisch reimu de mach ich nummu eso:blingblin
:D

witer eso!

peace

Schtibä
03.09.2004, 10:50
weee ez hanis au chöne losä! tönt ja uhuärä geil! ächt! d stimm findi au vol geil! chunt uhuärä guät! de biit findi au guät, fallt zwar eher in hindergrund, aber stört nöd witer. ich nimm mal a, du bisch diä wo im ref. au na singt..chunt au na isi harmonisch! reimtechnisch isches au tip top. chasch sicher na me punch usehole, aber sicherlich nöd vo schlächtä elträ.

tschääsn

cel
03.09.2004, 10:53
Original geschrieben von Irgendeis
...dankä vill, vill mal strikk, cel und Marook...das tuet guet!

Ääähm ja, da no d Lyrics zum nahläsä...äs hät glaub paar undütlichi Stellä:

TheRapY (is reinä reimä) *version ÄleiDihei

Strophä 1
Ich vereinä line für line reinsti Reim
Peinlich kleinlich reim ich was i mein
Kein heimlifeis-scheiss, nei ehrlich und gemein
Will t wahrheit weh tuet und erliechteret i eim
Ich wür Meilä eilä, zum Zeilä stylä
eu so mitteilä, das dä shit cha heilä
Vo plagendäm unbehägä i fraglichä Läbänslagä
Au ich muss gnagä a geilä Ussagä
Abä’ s’schribä wird mis Lidä vertribä
so schicht i Papierbigä, nur das i bi mir blibä
Dichtä Gschichtä, wo vom Läbä brichtäd
Und verzichtä z’richtä über andri asichtä
will i schlichtwäg mini objektivität bibhalt
so gstallt ich inhaltich lyrics mit vielfalt
D’Freud am Wort platziert am richtigä Ort
Macht mi glücklich drum schribi so wiiter, sofort!

Strophä 2
Lyrics schribä isch wi zeichnä, äs dörfä aeignä
Niämer chas där zeigä, musch äs machä – äleigä
Und wer sich id Idee verrännt, zum reimä brüchsch Talänt
Verkännt dä Sinn vom schribä, will er tränt
Dä Wäg vom Ziil, dä eignig Gschmack vom schribstil
Dänn i dä Liidäschaft lit doch Kraft vom Wortspiil
Poesie – ussag und wortwörtlichi Melodie
Scheissegal ob todernst oder mit ironie
Ich will stetig mini Ethik prophetisch klarstellä
Und liidä und Liäbi poetisch darstellä
mal mit komplexä text, mal simpel greimt
und das mit kontext, A-Z komplett vereint
Ich luegä, losä und schribä i mini Aktä
dänn verpack i in takt di beknaktä faktä,
flows a shows oder genauso guet diheimä
und schiss uf haters oder uf Props - ich reimä!

Strophä 3
Wänn i so in Tag läb, wird alles was mär gfallt
Alles was mi plagäd, zu lyrischem Inhalt
Alles was mär ifallt, wird sofort nieder gschribä
So wird i niä vergässä will is immer wieder wieder gibä
text usschmückä, mich perfekt usdrückä
ich fiilä a ziilä, bis und mit dä letschtä lückä
zückä stift, trift ab i d Wält vom Alphabet
wird azogä vo dä Wort wi vo Magnet
mängisch fehlet Themä, und doch suechi zwanghaft
nach reimändä Schemä, mit ussage und Klangchraft
sisch än natürlichä triib das i schriib mit seel und liib
das dänn rappä über n beat, wills mär liit wills mär bliibt
und das für alli Zyt, verewigä im reim für alli ewigkeit
mis Läbä und das mach i nur für mini wenigkeit
diä Kunst isch ä Gunst, äs privileg woni gnueg gnüss
dänn s Läbä kännt kän sägä drum schrib i solang mis bluet flüüst

Röfrän:
S schribä im reim fühert zu minärä Erlösig
D Erlösig vom Geist dur die innäri Entblösig
Äs macht dä aschii als wärs schribä magie
Dänn äs erchlärt mis da sii, äs isch mini therapie


nur nöd sooooo bescheide mäd-L...isch würkli fresh..wenn du denn mal erlaubsch, würdi gern mal öpis vo dir i minere sändig spiele:dance: :dance: :dance:

Herr Gamus
03.09.2004, 11:17
zerscht mol gutbeleibte :respect: !

Mues jetzt grad go choche, hoffe aber dass ich spöter no e differenzierteri Kritik darf uf de Track losloh als jetzt mit dene paar wenige Wort:

De Beat isch wie gseit halt no en herzige Steckling, wird aber sicher au mol zu grossgwachsne, bunt blüehende Pflanze füere. Reimtechnisch und inhaltlich isch es aber jetzt scho fascht en Baum! :cool:

5- und es Chläberli vo mir.
http://www.owih.org/misc/bluemli.gif

sly saloon
03.09.2004, 11:21
whut? ich fasses nöd. neber posted en track und es git kein einzige :hater:

:confused: de track mus jo böörnä...ich check das denn au no ab...vilicht findi no öppis uszsetzte...

isch doch langwilig son fred ohni beef, eheh

;)

zone10
03.09.2004, 11:26
ich uhuere fresh.....:respect:

walliserPIMP
03.09.2004, 12:31
da isch der hater!

i finds voll ned geil. vil z eintönigi stimm. schlaafsch ja fasch iii.

geisch gschiiider go tanze!

#ChRüSiMüSi#
03.09.2004, 12:41
wow hey super sach.. aso a de rhymes chasch ächt nüt ussetze.. besser als viel viel viel wo da inä schribed.
beat gfallt mer persönlich au, obwohl mer no paar sache chönt verbessere. und dini stimm erinnered mich chli ad zora..:) isch aber guet.. supaa!

mc-emmsii
03.09.2004, 12:45
lol... walliser pimp... was zum anus isch a dem track jetzt nöd fett? sorry aber er isch echt geil. ich will mal es featuring mit dir mache!! bitte bitte bitte!! =) mfg

Aurel
03.09.2004, 12:53
holla... recht krass... chunnd echt härt. chan das sii, dass du ufem sheheilig tape druff gsi bisch? chunndmer irgendwie bekannt vor...
aber rokkt echt de shizzle... big up!

Radical
03.09.2004, 13:15
Holla Iva

Also, hans au glosed...chli schlächt verständlich, aber chunnt sehr guet...flowmässig suber, d Reims in Ordnig, der Beat au vill besser als der bim BBBattle. D Stimm chli gwöhnisbedürftig....aber ja, schick dini WG-Genossin wider mal usser Huus...cheers!

xXel
03.09.2004, 13:16
... *wortlos* ...

ish jo hammer geil... die ershti shtrofe: oberburner.. daaaaaaaamn.. hammer...!!!

wot me:D:D

witer so und de rokksh die wäut... ish geil und der beat gfaut mer au huere guet

peeZ:dance: :dance: :dance: :dance:

flaboflash
03.09.2004, 13:18
yeah wörkli fett ... för e frau :D
nei, probz, probz!

SCREWD
03.09.2004, 13:26
was e frau??? :-) tönt wie e kläine bueb *lol*

nei also.....boah........öhm.........sprachlos

:bounzi: :love: :yeah: :blumen: :respect:

Stylebock
03.09.2004, 13:40
Original geschrieben von walliserPIMP
da isch der hater!

i finds voll ned geil. vil z eintönigi stimm. schlaafsch ja fasch iii.

geisch gschiiider go tanze!

sie wird dr sicher dankbar si für dä überuus sinnvolli nützlichi Bitrag mit konstruktiver Kritik...

gohn doch du go tanza!

maraz
03.09.2004, 13:44
wow!

:yourock:


Beat findi findi de Absoluti hammer, und au de flow passt sehr guet dezue. Au ryme-technisch iwandfrei.

Scho lang nömme en Frau ghört so ryme...!


bitte bring meh vo dir!

Fletsch
03.09.2004, 13:54
Original geschrieben von sly saloon
whut? ich fasses nöd. neber posted en track und es git kein einzige :hater:


sie isch ja au e Frau da zeiged all chli fiingfühl! hehe

isch aber würkli geil de Track! Finde de Beats rächt gedigä! Häsch die rächt gsteigeret zum BBB5!

Flow isch härt!!

Nörgler
03.09.2004, 14:37
han mers etz au inäzoge...
booow boow boow!!
finde chunnt ächt geil.. woni mer dä text gschribä inäzoge han hanen nüd so dä hammer gfundä, abr du flowschen ächt geil... ebä nüd meegamässig abgmischt, abr ich chönnts sicherlich nüd besser!!!

piis
nörg

Bschiisär
03.09.2004, 15:08
Ich hanmer bis jetzt dä Teggscht scho sicher zäh bis zwänzg mal inäzogä..und ich finds fresh..Es hät di geilschtä Wort-schpillereiä drinn, woni sit langer Ziit ghört han, und Teils Sätz erinneräd mich extreem a SLM52..für dä teggscht emalä vo minerä Siitä eso richtig dicki, feissi Proops..und zwar im doppelpack..

Ich hett gärn, dass du für mich es feature singsch |
will vodir featurings will du fetti features bringsch |
Weiss wänn en Biit erklingt, dass er dich wiiterbringt |
Bliib diä wo dänn na räpt - sälbscht wämmer gschiider singt! |

:D Sorry..geischtigä uusbruch..

feedback zum Track folgt spöötär..

da mini Favoritä:

"Ich wür Meilä eilä, zum Zeilä stylä"

"Will ich schlichtwäg mini Objektivität biibhalt |
so gstalt ich inhaltlich Lyrics mit Vielfalt |"

"ich luegä, losä und schriibä i mini Aktä |
dänn verpack i in takt di beknaktä Faktä |"

eifach nur props für so Züüg, Miss-GschickT!! bin en Groupie..hehe..

spenzasequenza
03.09.2004, 16:22
alles sexischte hiä!!
wänn jetz der track nit vonere fröi weri cho denn hettis viiiil weniger props und reschpäkt gäh! *gg

aber also: vom text her gits wirklich mal props z verteile!ganz gedige... vom flow her hets öi sehr wenigi bis gar kei unsüüberkeite drin aber jetz chunt denn der GROOOOSSS

incredible SUPA Minuspunkt:

ich mag der dialäkt eifach uhüäre nit.... *g
und irgendwiä isch d schtimmlag halt so komisch unnatürlich so gequält, so als probiärtisch irgendeppis nachzmache....


und där neegscht minuspunkt isch also ganz klar de BEAT!
äntschuldigung, viliicht isch jetz das majestätsbeleidigung, aber vo der jazz schüäl schimmret da nit so vil durch... also ich meine eifach nur, du hesch doch eifach meh ufem chaschte, als so en 100mal scho kheerte synthie quäker beat (oke piano mag no gah, aber di schiiiiiiiisss verdammmmmte hüäre giiige wo plötzlich in jedem beat miässend sii?? also wirklich.) ich glöibe da weri scho potential, aber ich glöibe wänns so wiitergeit, de geits ind falsch richtig *g (also vom beat her)
aber viliicht isch ja das öi nur gschmacksach...

und wänn das mit em üfnäh no süüber zwägkriägsch de gsehts ja viliicht öi scho wider ä bitz annersch üs... aber ich würdi uf jedefall mal no en andre beat probiäre... (hey, was meinsch, REMIXCONTEST???? *gg) also in diesem sinne:

schee vil fride und trotzdem props va miär

subtile
03.09.2004, 16:28
hmmm dämfall muesi dä track au no rupfe wenni dehei bi :)

mc-emmsii
03.09.2004, 16:30
spenzasequenza, so en scheiss. das hed doch nüüd demit zdue öbs en frau oder en maa isch? es isch echt geil frau hie oder her. und wenns scheisse wär würdemer das au säge. aber es isch fresh. und da gids nüüd umezrüttle dra.

so, und ich mach mich jetzt für SK parat. ;) no en schöne allne!

Wryter24
03.09.2004, 17:06
so da Ihr alli scho wieder recht am lutsche sind muss ich halt min scheiss dezu geh frau oder ned scheissegal ich lueg alles us de gliche Auge ah.

3/4 vom text voll verschluckt villicht würd ichs ned grad mit so flows probiere defür uf betonig vo de einzelene wörter meh rücksicht neh voralem ade schnufftechnik zschaffe wehr sehr sinvoll well dur das verschlucksch wörter und hesch zwenig kraft zums zbetone. Beat chani voll nix sege han scho viel schlechters ghöhrt und wenn nebert Beat macht und dezu reimt respekt. Aber es isch no en wite weg wenn ned so ände wetsch wie Big Zis am Zürifescht.

Und a all die andere ich finds peinlich daser mit zwei paar Schuh sache göhnd go messe nur well er wieder mol voll schwanzdenkend am suge gsi sind :D

Bschiisär
03.09.2004, 18:07
Original geschrieben von Wryter24
so da Ihr alli scho wieder recht am lutsche sind muss ich halt min scheiss dezu geh frau oder ned scheissegal ich lueg alles us de gliche Auge ah.

3/4 vom text voll verschluckt villicht würd ichs ned grad mit so flows probiere defür uf betonig vo de einzelene wörter meh rücksicht neh voralem ade schnufftechnik zschaffe wehr sehr sinvoll well dur das verschlucksch wörter und hesch zwenig kraft zums zbetone. Beat chani voll nix sege han scho viel schlechters ghöhrt und wenn nebert Beat macht und dezu reimt respekt. Aber es isch no en wite weg wenn ned so ände wetsch wie Big Zis am Zürifescht.

Und a all die andere ich finds peinlich daser mit zwei paar Schuh sache göhnd go messe nur well er wieder mol voll schwanzdenkend am suge gsi sind :D

Vilicht beschtaht ja d'möglichkeit, dass es eim au würklich gfallt?? Schomal adaas dänkt?? Sicher isches nöd perfäkt, aber sorry, wer schtellt scho aaspruch uf Perfäkthäit..dämn..bloss willmer Props git, ischmer grad en arschchrüücher, oder was gaht dänn suscht na alles ab?? :wtf:

piis..

Irgendeis
03.09.2004, 18:25
Hey Lüt dankä vill mal!!!!!
Ihr motivieräd mich ächt zum wiiter machä und wiiter schaffä!

Ich weiss nöd ob ich än Frauäbonus han, aber schlussändi chan i mär jetzt au nöd än Schwängel anäzaubärä! Ich hoffä uf jedä das ich ehrlich, neutral und nöd nach mim Gschlächt beurteilt wird...dänn wiä gseiht äs gaht mir drum z'wachsä als "Musiker(in)"!

Ich dänkä, ich weiss wo ich no z'schaffä han...dä Wäg isch z'Ziil!!!

Ich bin än sehr emotionalä Mänsch und paar scharfi Zungä händs gschafft mich ä chli z'träffä, aber...tja...d'Wahrheit tuet halt amel weh!

Doch di positivä Echos händ mi vill meh berüert und mich zum wiiter machä motiviert.

Ich weiss scho wieso ich nonig i mä prof. Studio gsi bin und Solosachä ufgno han...will ich mich sälber nonig parat fühl - darum isch diä Ufnahm au so wiä si isch...und das isch guet so.

Dankä nomal
Irgendeis

Irgendeis
03.09.2004, 18:43
Original geschrieben von Aurel
chan das sii, dass du ufem sheheilig tape druff gsi bisch? chunndmer irgendwie bekannt vor...

Nei, ich bi nöd uf dem Tape gsi...aber danke dir!

Bschiisär
03.09.2004, 18:45
IRGENDEIS : wir lieben dich!!!

bisch au bim dela am 2 Oktober??

Irgendeis
03.09.2004, 19:03
Original geschrieben von Bschiisär
...Ich hett gärn, dass du für mich es feature singsch |
will vodir featurings will du fetti features bringsch |
Weiss wänn en Biit erklingt, dass er dich wiiterbringt |
Bliib diä wo dänn na räpt - sälbscht wämmer gschiider singt!...

Hey Bschiiser

Bi im Schuss drum kein reim zrug...MACHEMER!

Bschiisär
03.09.2004, 19:09
Original geschrieben von Irgendeis
Hey Bschiiser

Bi im Schuss drum kein reim zrug...MACHEMER!

jipiiiiii...yessyessyooo..:D :handclap:


:jaja:Wänn mir zwei räpped:cooldance, und dä Strikk oder dä Dela am :dj: sind dänn sind eh all lüüt am :kopfnicke und am :bounzi: und di ganzi mängi wird :schubidoo

drumm Irgendeis: :iloveyou:

mässi und na en schöönä aabig..

Wryter24
03.09.2004, 19:29
Original geschrieben von Bschiisär
Vilicht beschtaht ja d'möglichkeit, dass es eim au würklich gfallt?? Schomal adaas dänkt?? Sicher isches nöd perfäkt, aber sorry, wer schtellt scho aaspruch uf Perfäkthäit..dämn..bloss willmer Props git, ischmer grad en arschchrüücher, oder was gaht dänn suscht na alles ab?? :wtf:

piis..
wer seit den das du en arschchrücher bisch ich weiss nur das wenn das en typ postet hetti eis gehate nochem andere duregloffe wehr.Und ehrlich si mussmer well wehret alli so wie die meiste und bravo den chund de ersti zsammesturz spötistens uf de Bühni well Lüüt wo itritt zahlet sind wesentlich ehrlicher.Das heisst lieber jeze es bitzeli scharfi Zunge und schliefe und nocher mit Zuckerwasser zbelohne als eine uf super und nocher die gross entüschig.

Und irgendeis ufhöhre isch sowieso de falsch weg wietermache übe übe übe und denn wer weiss
:p

Petey Penguin
03.09.2004, 20:05
Bounced... BEAT gfallt mer wirklich
Inhalt und reims sind cool...

Teilwiis sinds off gflowed, aber es stört nur teilwiis nimme ah es isch absichtlich?

Bin uf jedefall sehr überrascht und find d'STIMM OBERGEIL :)
Bin nämmli fascht devo "gwarnt" worde, aber sie gfallt mir - sie rockt!

Nöd Fresh aber SEHR GUET!

ParaMC
03.09.2004, 20:30
Mirä meinig nah besser aus ä Zora oder ä BigZis...wi aut bisch (nid fausch uffassä, numä zur orientierig, öbi grad söu ufhörä rhyme :P)?
bescht She-MC woni ir Schwiz je ghört ha!!!

PhrazeFive
03.09.2004, 22:21
Original geschrieben von hellraven
Bounced... BEAT gfallt mer wirklich
Inhalt und reims sind cool...

Teilwiis sinds off gflowed, aber es stört nur teilwiis nimme ah es isch absichtlich?

Bin uf jedefall sehr überrascht und find d'STIMM OBERGEIL :)
Bin nämmli fascht devo "gwarnt" worde, aber sie gfallt mir - sie rockt!

Nöd Fresh aber SEHR GUET! Ups falsche account verwütscht gha :D
Isch aber au mini Meinig - huere schizzo shit :D

Marook
03.09.2004, 22:49
So Irgensdeizz, jetz hani mol rächt Zit gha di Track richtig z'loose. Grundsätzlich muesi mol zerscht sage STAHLPROBZ!!!

Flow: Überkrass!!! Ha jo scho vil texscht vo dir g'läse und ha immer dänkt, mann das isch mol e Frau in dr Schwiz, wo wirklch cha Rhyme.(ha di jo au gnueg ahgschproche druf, sogar unter verschidene Nicknames, hehe) Wortwahl und Reim erste Sahne!!! Wie immer! Ha aber no nie öppis g'rappts ghört vo dir und so nie 100 %ig gwüsst, obs au flowmässig voll verhebt. Die Gwüssheit hani jetzt!! Und chasch mache was de willsch, wenn ich jeh mol sött an däm punkt sii, woni musikalisch öppis seriöses cha uf d'Bei stelle, bisch die erschti, woni um e Feature ahfrog!!

Beat: isch ok, uf jede Fall s'beschte woni vo dir ghört ha. Bi ame nid so überzügt gsi, vo dine Beatz (hani dir jo au scho gseit, damals bi HH.ch)...Ich stand halt eher uf dräckigi Sample-Beatz, am beschte no mit Jazzige Samples (so wie dr bbb5 vom Spenza, mein gott, ich bi fasch gschtorbe!!!)

Usserdäm findich, dass me spührt, was du für das ganze Ding empfindisch, drum au dr "üenerhut style" bim erschte ihtrag.

Drum: eifach numme Probz für das!!!

Ps: S'einzig woni chli würd bemängle, isch, dass es für mi chli z'fescht uf dr gliiche Tonlag g'rappt isch. (v.a. d Addlips) git e gwüssi Monotonie, woni nid soo geil find, isch aber Detail.

Irgendeis
04.09.2004, 14:26
Original geschrieben von hellraven
Teilwiis sinds off gflowed, aber es stört nur teilwiis nimme ah es isch absichtlich?

Merci!
Zu dinärä Frag: Ich liäb dä Flow vo dä Hurricane G...das seiht alles.

Irgendeis
04.09.2004, 14:28
Original geschrieben von ParaMC
wi aut bisch (nid fausch uffassä, numä zur orientierig, öbi grad söu ufhörä rhyme :P)?


Ich würd sägä dra bliibä. Ich bi 81er Jahrgang.

Irgendeis
04.09.2004, 14:30
Original geschrieben von Marook
Ps: S'einzig woni chli würd bemängle, isch, dass es für mi chli z'fescht uf dr gliiche Tonlag g'rappt isch. (v.a. d Addlips) git e gwüssi Monotonie, woni nid soo geil find, isch aber Detail.

Hey Marook danke das dir Zyt gno häsch und mir so äs usfüehrlichs Feedback geh häsch! Ich find jetzt wänn is so im nachhinein losä au chli monoton...aber naja isch au egal.

Noodles
04.09.2004, 14:32
Hammer de track geschter nacht au no gä, hehe

Chami nur dem bereits gseite aschlüsse...

Alles anderi als 0815...

Drah blibbe sägi ned....will del level isch derb höch...drum sägi: wiiter so...und vorallem meh vo dem. :yourock:

konfus
05.09.2004, 15:35
fresh, fresh!

beat gfallt mer rächt guet, hät öppis wo eim dä chopf in bewegig versetzt!:dance:

räpps flashed mi au, inhaltlich, reimtechnishc sowie flowmässig. äs isch nur chli monoton, äs zieht sich eifach so friede-freude-eierkuchen mässig dure:D ä chlini abwächslig oder weiss au nöd was wär no delüggs.
(vielicht am beat nochli brakes und so ihbaue)

öppis woni chli schad finde (do du e gueti stimm häsch) isch, dassd fasch alles dopplet räppsch, fänds fascht geiler chli zrugghaltender nahdopple.
eifach so wichtigeri sätzt/wörter, das die dänn sich chli dureboxed!

alles in allem

:yeah: :yourock: !

Ruedi Snare
05.09.2004, 16:05
Original geschrieben von kOnfus
fresh, fresh! beat gfallt mer rächt guet, hät öppis wo eim dä chopf in bewegig versetzt!
yep, beat gfallt, raps gönd durä. drabliibä!!! peacn

Irgendeis
06.09.2004, 12:20
...a di letschtä wo mär no äs Feedback geh händ!

Will mich jetzt äs paar aghauä händ obs chönäd 'n Remix machä, han i mär überleit, än andärä Text ufznäh und dänn so chli öpis Contest-mässig z'machä. Ich fänd das no witzig! Ich bin im momänt rächt bisiii aber so ungefähr i zwei Wuchä wird i das in agriff neh und äs accapela postä!

P-Flow
06.09.2004, 22:15
ok, sorry, aber ich bi ehrlich und nimu keis blatt vor z'mül:

Text: inhaltlich und technisch hammermässig! mini probz!

z'einziga wani am beat fresh findu, isch der gsang im hinnergrund (immer so churz)! der chunt verdammt geil! und dine eigund gsang am schluss isch öi nu edel! der räscht het mer z'wenig abwäxlig und power! der refrain sellti figge, aber das machter uberhöipt nit! ver mine gschmack zu eintönig! und vam flow is akzeptabel, aber chasch viil meh drus machu! und ich mein wirkli VIIIL meh! im gägusatz zu andre wa, as feedback gschribe hent, fehlt mier d'emotion! der power im rap! technik isch nit alles! bisch währund dum ganz track ufer gliich tonlag und mu merkt fascht kei unnerschiid va part zu refrain.. der beat macht da öi nur an minime unnerschiid!
zu diner stimm sägi nix.. isch eh gschmackssach! übrigens: nit alli doubles sind süüber dri und das macht d'rhymes unverständlich!

also: POWER! mier fehlt der Power ver dasi zum track cha nicke!
das chasch so erklere: währund dum part bausch an innri aggression a, der beat wird in richtig refrain immer gstiigret! Du berchunsch as kribble im büüch und willt verdammt numal abum refrain durchkheie!!! doch bim refrain chunt eifach nix*! schad!

piis