Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : mein 2. beat


Proof
04.09.2004, 00:50
ich ha no nie zuvor en beat gmacht, drum isch das so zsäge min erschte beat, ich bruch no üebig mit FL wil me ghört dass es vo FL isch... usserdem interessiere ich mich sehr für jazzige hip-hop, also han ich au versuecht das inezbringe

jede kritik isch erlaubt, ich muess mich au ebe verbessere chönne...

Ich bin liidenschaftlicher klavierspieler und wie es au übertriebe tönt: ich ha versuächt en normale mic i mim klavier ineztue und uf em pc mit emene taktaagab vo FL uufznäh, aber es isch nie richtig im beat gsi...

ja nu da isch es:

Stylebock
04.09.2004, 05:32
finds no easy, ma merkt scho dass erst am Afang mit Beats macha bisch, dMelodie/Tonreihafolg findi mol easy...könnt ma sicher meh drus macha..nit schlecht, aber sfehlt no was...isch für mi irgendwia no kai fertiga Beat...

MCneil
04.09.2004, 10:56
Chumbt no rächt fett!! finde vorauem di dumpfi bassline no geil, aber äbe wi scho vorhär erwähnt no nid vou usarbeitet. Zum teil würkts fasch chli lär u o dmelodie het ke klari linie, hesch zwar äuä äxtra gmacht...aber wär vilech besser wenn würdsch es klarers Schema usarbeite. Trotzdäm respekt für dä beat! Sehr gueti Asätz!
piiiz

Proof
04.09.2004, 13:39
hey merci für die ehrlichi kritik, ich nimm die sehr z'herze! en kolleg vo mir sait es tönt chli midi-haft, und ich mues irgendwie usefinde wie me us FL en Beat macht, ohni dass es vo FL tönt...
danke no vielmal!

Gruess Proof

usserdem han ich mich vertippt, es isch "mein 1. beat" hehe

struubiskillz
04.09.2004, 13:42
die zweite beat? und hoffentlich au di letschtä....;)

nei, spass bi siite, jo isch nid so mis ding, dönt biz strange, aber d melodie ansich isch no gediige...

robbin' rood
04.09.2004, 13:46
geili sach!!!!!!


sicher kei beat fur en mc, aber ich find so soudn am geilste zum mixxe.

:dance:

big_samy
04.09.2004, 14:37
schiesse dä fläscht mi iz gard huere... du wixer :D! i chönnt natürlech für so jazzige schiess schtärbe, drum isches ev. chli subjeltiv :D! muess aber säge dasi mit rap drüber jazzigi beats nid so geil finge, aber so aus inst.‘s isches eifach geil! witer so...

edit: bide drums wär ev. no öppis zmache dükt mi bim 2te lose...

Marook
04.09.2004, 14:43
für e erschte Beat, isch s ächt sehr ok. Mir gfalle d Drumsamples nid. Base- und Snare hän vil z'wenig druck und s'hihat eigentlich au. Sunscht findi, dass es vo dr Melodie här fascht scho z'kompliziert isch. meh als 4 tak-patterns verwirre irgendwie. Lieber meh instrumänt drzue. Aber mach witer!!¨Du hesch s züg drzue!! Loos vil Beats und studier wie si ufbaut sin.

Proof
04.09.2004, 16:01
hey! danke viel mal für all die ratschläg und ehrlichi kritik!
Ich versuech mich mal uf das zkonzentriere...
känned ihr Sound Providers? Die mached eifach hammer beats, und ha au dänkt ich mach au mal öppis jazzigs... wänn ihr nächschtmal in en Plattelade gönnd, dänn ziend eu mal An Evening With The Sound Providers... und gönnds grad go kaufe
nomal danke!!!

Alright, ich mues go zimmer ufruume :(

Proof :hippie:

weedi
09.09.2004, 13:19
mit de grüüsch muesch sicher na was mache. das wod d melodie gmacht hesch tönt chli..hmm komisch halt.
s andere wo chli FL typisch isch: du hesch kei lanngi tön drin. weder bi melodie na bi de bassline. probier mal mit de 'piano roll' z schaffe. det sötts theoretisch möglich sii langi tön z mache. fräg mi aber nöd wie :)

am beschte würsch der ehh es keyboard chaufe und das an pc connecte.

btw d melodie chunnt ganz guet

Mc Haagi
09.09.2004, 16:21
Ich find dr beat ächd gäil. är isch zwar nüt für en mc und är het ä bitz zwenig instrumänt machen ä chl i schnäller fürs erschdämol gäil

Proof
18.10.2004, 14:01
Ha nöd grad welle nomal en neue thread für das ufmache, also tue ichs mal da ine, da isch min zweite beat... dä beat selber isch ganz eifach aber mir isch es nur darum gange e melodie vom klavier im beat inezfüege. Und ihr wennd nöd wüsse wie ich es ufgno han :D :D :D

P.Y.R.O.
18.10.2004, 14:23
Ich säg nur eis. Go on Go on Go on. Dis gfühl für musig isch voll easy. Endlich mal eine wo afangt und grad selberspielt. Super. Unbedingt witer mache. Du bringes sicher mal heftig.

P.Y.R.O.
18.10.2004, 14:26
Yo und das mit em midimässigi sounds. Das isch halt so. Ich sege immer. Es sind zwar scho musigtalent vom himmel gfalle aber no kei sounddesigner :D De wäg bis zum absolute sounddesigner isch zimlich lang. Es paar bruchet da sogar 10 Jahr bis zu dem Punkt wo sie ihri Vorstellig 100% umsetze chönd. Anderi aber au nur 6 aber ich denke 5 münds mindistens si. Aber zum dich abhebe und das General MIDI sounddesign loswerde bruchsch ned so lang kei angst ;)

Proof
18.10.2004, 19:31
danke für dis feedback... ich fühl mich geehrt, vo so eim wie du motivierts werde, du machsch eifach fetti beats.

hehe das isch halt fruity.. ich glaub ich versuechs mal mit reason
s'git sicher en grund für reason :D

Proof :hippie:

2nd_beat.mp3 (http://www.aight-genossen.ch/forum/attachment.php?s=&postid=175026)