Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Heiligtum.mp3 - Herbmaster & Unbekannt


Tonik
04.09.2004, 01:11
Yukk!
Hiä e Track vom Herbmaster (Stärke10) und miner Wenigkeit. Beat vom B:B SIK. Isch no nid 100% fertig, aber loset und urteilet säuber :) :
Heiligtum.mp3 (6.1mb) (www.unbekannt.whoever.ch/mp3/heiligtum.mp3)

...

Stylebock
04.09.2004, 05:28
Määäääd Pröööps! fetti Sach mann! dr Beat isch sehr gwöhnigsbedürftig, fast so Kloster-mässig...aber spasst sehr guat, d Raps sind ganz geil! dQuali könnt no bitz besser si, aber i finds derbe!

sorry no an UnBknt dass i di vergessa han bim City-Bunker Thread, merci vielmol dass mr dr Ruum hend könna brucha, geili Sach gsi!

peace us Khuuuur

strikk
04.09.2004, 11:58
hammer-flows!!!
:beten: :beten: :beten:

poetical
06.09.2004, 11:58
Sorry, aber muess wieder mau chli *push*te

Mir bruche Kritik, mir lechtze derna, auso bitte lobet oder verriesset üs...gäbet Props oder disset üs i Grund u Bode...aber bitte säget öppis...:blingblin

Map
06.09.2004, 12:01
Positivs Feedback:

Track chunnt guet. Ha ne erst 2 mou düreglost, aber dr Idruck isch guet. Qualitativ fingi s Niveau rächt guet. Ufnahm u so - Aschtrein. Thema, Inhaut und Idee fingi dope. Für mi isch Sunnti ou Heilig und insofern chani mi guet mit däm idendifiziere.

Flowmässig harmonieret dir 2 no guet zäme und i würd mou säge dr Beat chunnt euch entgäge. Finges e guete Track. Heit er ächt dä amene Sunnti gmacht HarHarHar?

Lord Flow
06.09.2004, 12:07
I chane i dere Scheissbude nid lose, si sperre aus, aber i weiss ja scho daser fett isch :D!!! Machet no meh so Scheiss Jungs, chunt sehr dick mit euch zwene im Duett!! Freu mi druf ne am 11. z'gniesse, für di angere, be there or be square!!

Grz

mariudjohanna
06.09.2004, 12:49
bu bu bu bumse,

fingi äs ganz gäbigs träckli, i wott nume säge ha fröid.
u i ha immer no fröid u i wirde o geng fröid ha :D

es grüsst die flut

PhrazeFive
06.09.2004, 13:11
Beat findi cool - mal was anders...

D'Reims sind sehr suuber, und die "fiine, nette" stimme passet guet zum thema und beat...
Würd mi wunder neh wie ihr zwei ufeme "hart" beat tönet *g*

Gruess

Tonik
06.09.2004, 15:56
Howdy Boys'n Gals...merci für eui feedbacks. Das üsi Stimme so softy töne isch gloub scho am Beats z'verdanke, aber mir si ja o Bubis, vo däm här...

d'Ufnahmequalität bringe mir (no) nid besser häre. Aber es tönt ämu nid au zu schlächt dünkts mi. Merci gliich für die Kritik. Mir schaffe dran :-)

Map, mir schiint du hesch ds Stück ja würklech düreglost (im Gägesatz zu angernä ;-)...cheers mate. Settigi Komplis chani ärnst nä (im Gägesatz zu angernä)

LordFlow - Säg, wie wosch öppis beurteilä wenn's nid hesch ghört? ööö, oder hani ids öppis fauschverstange?!...egau.

Fridä...

Lord Flow
06.09.2004, 16:42
Original geschrieben von Tonik
LordFlow - Säg, wie wosch öppis beurteilä wenn's nid hesch ghört? ööö, oder hani ids öppis fauschverstange?!...egau.

Fridä...

Lug, i ha dr Beat scho ghört u Poets Part gläse. Drzue chunt dasi zimli guet weiss wie är rappt, u bi dir dafimer das Privileg o usenäh, o wenn chli weniger hüffig mit mir rappsch. Und zu guter letscht: I ha vo euch bedne no nie öpis würklech schlächts ghört;). Aber i gib dr de no e Live-Kritik am 11. de ischs de no chli besser begründet...

Tonik
06.09.2004, 17:02
ja ja...aues Veraugemeinerige. Wie wotti mi so verbessere? Tss
;)

MCneil
06.09.2004, 17:37
Chumbt ächt fett! dRaps flowe perfekt übere beat! würklech geili sach! u nach es paar mau lose het me sech o a beat gwöhnt...:) einzigi negativi kritik vo mir isch das i mängisch nid grad aues verstah wo dr so verzeuet! aber easy chame ja schnäu verbessere:blumen: :D

poetical
07.09.2004, 12:00
*push* the button....


Isch das würklech d'Müglechkeit u es git keni kritische Stimme derzue?!?!?! Was isch de o mit au dene Hater u kritische Zytgenosse passiert?!? Chömet us öiem Versteck u gäbet aus! :D

Bschiisär
07.09.2004, 12:13
mir gfallts..ächt..vilicht chli meh druck idä stimm..wär nöd schlächt..aber dänn passts ebä nümä zum biit / thema..vodem her..foif-düümä-nach-obä und vier-vo-foif-pangalaktischä-Donnergurgle für d'räps und dä biit..

gekonnt greimt..gekonnts-biit-gebaschtel..alles-in-allem..

es sunnigs lächle :D und en bluemeschtruus für oi :blumen:

piis..

scope
07.09.2004, 12:21
... hie ischer


auso zum beat:

wunderbari arbeit vom B:B SIK wini mer das "gwöhnt bi"... wunderschön is detail ine produziert. props a Ihn

när setzt dr rap-part vom hörbi ii, und ds fingi eidütig z'spät und zweni akündet (säg doch yo oder ah ah vorher)

när chumi rächt viu nid drus wasmer äch wetsch mitteile mit dim part

när chunt der mister "WHUAAA i stige ii und es geit ab"-Unbekannt....

sehr stränge part. sehr gueti sach. hesch aber töuwiis so cheibe drinne mit de gliche worter i de ändige,...

aber würkli e guete part.

finge der unbekannt sehr chill ufem track, hörbmaster het sache womer guet gfaue und sache womer ni so guet gfaue.

und so negativ wies tönt :iloveyou: gruss scope aka the maddest :hater:

cut clitoria
07.09.2004, 12:29
ich finds au geil.....de beat isch au e schöne, so mit dem gestöhne....*g*

big upz

poetical
07.09.2004, 12:31
Original geschrieben von scope

när setzt dr rap-part vom hörbi ii, und ds fingi eidütig z'spät und zweni akündet (säg doch yo oder ah ah vorher)

när chumi rächt viu nid drus wasmer äch wetsch mitteile mit dim part

Hmm auso am Afang chöme entweder no Scratches dri oder süsch no öppis gschnurrets. Isch auso no nid fertig.

Ja u zur Verständlechkeit vo de Raps sägi nid viu. Isch haut chli vou Metaphere wo nid auzu schwär ds verstah si. Fingi.

scope
07.09.2004, 12:36
Original geschrieben von poetical

Ja u zur Verständlechkeit vo de Raps sägi nid viu. Isch haut chli vou Metaphere wo nid auzu schwär ds verstah si. Fingi.

jo vilich i dim ruuschzuestang oder i dire drogewäut versteit me das super.

;) nei spass beiseite. haut nid dä rap woni mer der ganz tag chönt alose.

finges dick, aber definitiv unger dine müglechkeite hörb.

poetical
09.09.2004, 10:49
Nomau chli *push*


Gäbet aus für üs, mir gäbe o aus für Öich....:blumen:

thieu
09.09.2004, 10:53
Würdis mal so säge wenn wenig Kritik chunt müäss der Track ja güät sii! :D

Finnes es cools Liäd, was i kritisäre würdi (nur das me eppis hät) isch das z Intro vam Track gat lang gnüäg isch.

Aber susch gits nigs üszsetze! Fresch Jungs!

Tonik
09.09.2004, 15:27
Messi...isch d'Iileitig auso doch z'läng. Hmmm...gsehsch Herb, was sägi dir scho di ganz zit? ;)

poetical
09.09.2004, 15:30
Du huere Goboy *lol* Säge ja mir chönte dert no Scratches dri nä oder no ä Ileitig schnurre.

Aber de hätt dr Scope ja no rächt, das wetti irgendwie doch de nid...:kiffer:

Map
09.09.2004, 21:27
Die Gsäng am Afang im Hingergrund Sy das Gregorians - Sanctus??

Tonik
10.09.2004, 00:32
ke blasse...muess mau dr BeatBastler frage

wichtlprinz
10.09.2004, 01:03
vor allem laufts flüüsig... ächt fett! das isch mer grad ufgfalle...

freu mi uf neue shice :)


:dance: :dance: :dance:

Stylebock
10.09.2004, 01:53
Original geschrieben von Map
Die Gsäng am Afang im Hingergrund Sy das Gregorians - Sanctus??

hainomol...muasch immer alles wüssa??? :D

Map
13.09.2004, 18:00
Das Lied muess me mou Live erläbt ha! Chunnt würkli e beidruckende Vibe übere. So öppis zwüsche Gänsehuut und "I-erinnere-mi-a-letsch-sunnti-und-fröie-mi-ufe-nöchscht" Feeling.

Tonik
13.09.2004, 21:25
Map du Lumpe-Stöckler... :D...ids bechunnt zwar de dr Herb öppe Starallüre, aber ids - cheers mate!

poetical
15.09.2004, 15:27
Ehm sie meinen :confused: