Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Gentelman - Live in Concert


music_head
12.09.2004, 11:47
Gentelman chunt id Schwiiz!!! und zwar am:

22.10.04 id Reitschule Bern
&
30.10.04 id Maag Music Hall Züri

Aso das trifft sich gad guet, will ich am 30ste gad vo 2 wuche england hai chume!

Tickets gits wie immer über Ticketcorner.

Beginn: 23.00
Priis: ganzi 50 Hämmer....defür gats au bis am Morge am 4i

pace

#ChRüSiMüSi#
12.09.2004, 11:53
haha ich chum halt scho am10. oktober vo england hei=)
aber wenni 50 fr zämä bring wirdi au z'züri si.. nach dem Album döf mer sich das ja fascht nöd entga la..
ja mal gugge..

music_head
12.09.2004, 11:56
Was machsch denn du in England?

hobgoblin
12.09.2004, 12:24
fendet er das grächtfertigt wenn es konsärt 50.- chostet??? ha de tetel gse... gläse wos esch... huere freud gha!

pris gläse::wtf: RIISE AASCHESS!!!

wörd gärn go luege aber 50.- esch mer vell z'tüür ond den chond jo no die lieb SBB ond öbis z'trenke esch au ned schlächt. also wenn ech ned per zuefall vell gäld bechome werd ech secher ned det sii. wönsche aber allne andere es guets konsärt

:(

#ChRüSiMüSi#
12.09.2004, 12:26
Original geschrieben von music_head
Was machsch denn du in England?

Englisch lerne:D ..ne eifach sprachufenthalt.. du?
==> pm

drosselbart
12.09.2004, 19:13
gentleman isch ganz geil u fingä o live gahtdr ab, aber öpp das 50 franke wärt isch? seelisch ischmrs das auimau wärt doch fingis uf dr angeri sitä o ä verdammti frächheit...

peace

too stoned
12.09.2004, 19:20
ich finds au grad chli tüür,aber de gentlemen verpass i ned no einisch darum werd i sicher am start sii!!

hobgoblin
12.09.2004, 19:33
wenn ech chönnt säge das ech "nomme" en 50er häre lege ond somet för de obe versorgt be denn OK aber ebe zom of bärn oder zöri fahre leg ech den au nomol 40.- häre ond denn no öbis ässe+drenke. also onder 100.- chiemt ech ned wäg. ech chamers schlechtwäg ned leischte. verdammt! gentleman esch hammer aber ebe...be ned bereit das zahle.

chamer velecht öber erklahre wie sech so höchi priise rächtfertiged/wie die entstönd?

Lartscho
12.09.2004, 19:35
Das GENTLEMAN Konzert vom 22.Okt.2004 wird in der grossen Halle Reitschule Bern stattfinden und wird von Groovesound Biel organisiert: keepon@groovesound.ch
Fragen etc. bitte dorthin richten, Tickets/Vorverkauf via www.starticket.ch, wird in den nächsten Tagen aufgeschaltet, cheers.


Türöffnung: 20.00 Uhr
Beginn: ca. 21.00 Uhr

Preis: CHF 36.00


I bi denn sicher am start wär ou no?

cel? :P


u wi xeit schlafplätz chani abiete bis zu 3 :D

Lartscho
12.09.2004, 19:37
Original geschrieben von hobgoblin
wenn ech chönnt säge das ech "nomme" en 50er häre lege ond somet för de obe versorgt be denn OK aber ebe zom of bärn oder zöri fahre leg ech den au nomol 40.- häre ond denn no öbis ässe+drenke. also onder 100.- chiemt ech ned wäg. ech chamers schlechtwäg ned leischte. verdammt! gentleman esch hammer aber ebe...be ned bereit das zahle.

chamer velecht öber erklahre wie sech so höchi priise rächtfertiged/wie die entstönd?


du vilech wot dr gentleman ke gasche dfür huere weed odr so :P

sunshine
13.09.2004, 17:26
aso i wirde as konzert z bern ga....
dert chostets 36 hämmer..mire meinig nach totau korrekt..wüu mi cha es reggae konzert nid miemne hiphop konzert mit DJ vrgliche..wüüüu:dr gentleman het e band drbi mit öbä 9 lüt!+2 guests us jamaica...+ e support act..aues in auem scho 20 lüt wo öbä uf dr bühni si..ishgc chlei me wedr es paar MC's plus DJ...mues me sech o mau so übrlege...
klar e 50er wie z züri isch schono viu..abr ja..chömät uf bern,..d rithaue isch e geiler aus d maag!!!

bätschmändoo
13.09.2004, 17:50
Ayeah, das muesi grad bueche. 36 Höger isch's mr wärt. Schnäu bevors ke Tickz meh het... :run:

Jigga
13.09.2004, 18:03
also bi mir isches nödmol d frog ob er die 50 stutz wert isch, sonder vielmeh würi das geld zahle und demit dä veranstalter understütze? NEIN! es zeigt sich jo am bispil bern, dass dä pris nöd durch de act entstoht, sonder durch de veranstalter wo chli mitem reggaeboom wil chole verdiäne... mini behauptig, fals ich falsch lig, henket mich uf, aber wird nöd in zh si...würd vorher uf bern fahre, au wen mich das türer würd cho...

Luusmailtli
13.09.2004, 18:10
öp züri oder bern,
ans Gentleman kummi sicher gern!


hehe..weiss nur nonig genau wo...:D

see ya people..:kiffer:

sunshine
13.09.2004, 22:30
ja da ssich halt züri..isch doch immer so das z züri d konzert tüürer sind als im rest vor CH..
und z geld ische suf all fäll wert..wil gentleman live isch eh brutal..abr zämä mitem daddy rings sicher anderscht geil!

giiger
15.09.2004, 11:06
Original geschrieben von Jigga
also bi mir isches nödmol d frog ob er die 50 stutz wert isch, sonder vielmeh würi das geld zahle und demit dä veranstalter understütze? NEIN! es zeigt sich jo am bispil bern, dass dä pris nöd durch de act entstoht, sonder durch de veranstalter wo chli mitem reggaeboom wil chole verdiäne... mini behauptig, fals ich falsch lig, henket mich uf, aber wird nöd in zh si...würd vorher uf bern fahre, au wen mich das türer würd cho...

WORD!!
so habe ich am 04.08.04 begonnen:

hab gestern noch was vergessen:

GENTLEMAN!!!

22.10.04 Reitschule in Bern

30.10.04 Maaghalle in Zürich

meine perönlichen Gedanken zum Konzert in Zürich:
Als ich las, dass das Konzert in der Maag-Halle stattfindet, war mein erster Gedanke: SCHEISSE, das wird dann vermutlich von tribehouse organisiert, wird also nicht ganz billig werden. Hab mich ein bisschen informiert und siehe da: 50.- (hab Gentleman schon 10 mal gesehen, doch soviel hab ich noch nie bezahlt)

nun kostet es ja in bern auch 36.-, doch der Preis spielt ja eigentlich nicht wirklich eine Rolle! Ein bisschen enttäuschend finde ich, dass es in Bern keine After-Party gibt! Doch lieber gar nichts, als Aystep & Platinum!
und eben: Groovestar organisiert auch sonst mal gute Konzerte (freue mich jetzt schon auf das Springtime Festival 2005). Tribehouse organisiert ja eigentlich auch gute Konzerte, und das sollen sie auch weiterhin tun. Doch wenn sie sonst auch keine Reggae-Konzerte organisieren, sollen sie auch von Gentleman die Finger lassen, damit die üblichen Reggae-Veranstalter auch mal einen dicken Batzen verdienen, um uns dann nachher wieder mit anderen herrlichen Reggae-Konzerten beschenken zu können!
Ah doch 1 Reggae-Konzert haben sie doch schon organisiert: GENTLEMAN (war glaub ca. April 03 im XTRA, und ach ja, schon damals gab's kein Reggae After-Party!:mad:

Bern ich komme......:jamaika:

giiger
15.09.2004, 11:09
Original geschrieben von music_head
Gentelman chunt id Schwiiz!!! und zwar am:

22.10.04 id Reitschule Bern
&
30.10.04 id Maag Music Hall Züri

Aso das trifft sich gad guet, will ich am 30ste gad vo 2 wuche england hai chume!

Tickets gits wie immer über Ticketcorner.

Beginn: 23.00
Priis: ganzi 50 Hämmer....defür gats au bis am Morge am 4i

pace

Junge guckst du mal: es heisst vielleicht Hampelmann aber nicht Gentelman sonder GENTLEMAN!!!

Viele Grüsse: euer Lehrer;)

Danielsson
15.09.2004, 11:22
Original geschrieben von Luusmailtli
öp züri oder bern,
ans Gentleman kummi sicher gern!


hehe..weiss nur nonig genau wo...:D

see ya people..:kiffer:

Bärn!

De erläbsch villich no ä Strossäschlacht, isch ou immer wieder schön zum zuäluägä, doch dä Ougä duäts glich weh...:D

CaLif
18.09.2004, 01:30
Original geschrieben von Danielsson
Bärn!

De erläbsch villich no ä Strossäschlacht, isch ou immer wieder schön zum zuäluägä, doch dä Ougä duäts glich weh...:D

scho :D
und vorauem sii dört diä 14 15 jährige (wie ich :D ) voll locker druffe, hie sii sie voll schüchtern und wenn eine dich öpis frogt gitter gar ke antwort oder figgt eine grad deftig ah...

aber äbe..
Gentleman Live hani leider nonie erläbt, aber i goh sicher uf bärn oder/und uf züri, isch freu misch risisch :D