Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : itz mau ganz konkret


sagmäu
13.09.2004, 18:39
wär zeut aus offiziellä erschtä "rapper" bzw. "mc" vor hip hop gschicht?
jedä seit chly öppis angers hani z'gfüeü........... aso: wär isch bsitzer vor absolutä wahrheit?:D

scope
13.09.2004, 18:54
erst und einzig rapper: Big L

...

nei weiss o nid. frag dr zeusel dä isch no eine vor aute schueu

Highnz
13.09.2004, 18:59
vilech kurtis blow?

MCneil
13.09.2004, 19:18
Hip-Hop gschicht isch nid so mis ding...wart mau, vilech Kool Herc:brille:

MCneil
13.09.2004, 19:22
Nei eine vo de erschte wo mire meinig richtig strub isch abgange isch dütlech Rakim tha masta gsi!!! :clown:

Escobar
13.09.2004, 19:24
dänk melle mel:)
"i was one of the first original rapper, that ever said a rhyme!":eek:

mc rassko
13.09.2004, 19:41
ja ich no e gueti frag...ich glaub de peter mc:D

toniqe77
13.09.2004, 20:04
kool herc, gm flash, furious five, sugarhill gang, red alert, wizard, afrika bambaataa undsowiterundsofort

sagmäu
13.09.2004, 22:33
Original geschrieben von toniqe77
kool herc, gm flash, furious five, sugarhill gang, red alert, wizard, afrika bambaataa undsowiterundsofort

"konkret" bitte:D nei im ärnscht di hei ja nid au gliichzityg, genau am gliichä tag afa rappe oder... dj kool herc isch definitiv dä wo am meischtä gnennt wird in internet, büecher usw. aber es git nähr no ä band wo black poets het gheissä (gloubs emu) u diä hei no einisch chly früecher oscho sprächgsang über afrikanischi trummu-rythme gredt....
:confused:

heiri
13.09.2004, 22:37
Last Poets!

sagmäu
13.09.2004, 23:14
Original geschrieben von heiri
Last Poets!

genau! last poets, diä hani gmeint... si di vor oder nach dj kool herc cho?

heiri
13.09.2004, 23:23
die händ scho «grappt» wo di ganz welt no i blüemliröck umagsecklät isch :hippie:

sha
13.09.2004, 23:23
also minem wösse noch esch es de kool herc gsi, wo anere block-party (wo jo früecher rächt populär gsi esch) die erste rhymes kickt hed, wo mer als rap-musig bezäichne chan - aber ech lo mech gärn lo belehre.

ond die erste i de charts esch d sugarhill gang gsi... (rapper's delight)

heiri
13.09.2004, 23:27
ja lueg au da, zum glück gits doch s'www, nöd wahr…

http://www.laut.de/wortlaut/artists/l/last_poets/biographie/index.htm

drosselbart
14.09.2004, 08:48
auso das last poets scho im 69(è!!!!) öpis gmacht hei, das isch krassä shiat!!!!!!!!

poetical
14.09.2004, 08:58
Original geschrieben von mc rassko
ja ich no e gueti frag...ich glaub de peter mc:D

Gratuliere Du Siech bisch ächt dr 1. wo's uf mini Ingorierliste hett gschafft. Schaffsch es äch o nume 1 bruchbare Bitrag ds mache?!??!!??!!? :wtf:

sly saloon
14.09.2004, 09:05
Original geschrieben von poetical
Gratuliere Du Siech bisch ächt dr 1. wo's uf mini Ingorierliste hett gschafft. Schaffsch es äch o nume 1 bruchbare Bitrag ds mache?!??!!??!!? :wtf:

hehe wennen ignoriersch wirsch es nie erfahre, poet. oder wart, ich shcick dier denn e pm wenns so wit ishc, aid?:D

poetical
14.09.2004, 09:08
Stimmt scho Sly, aber gloube's ehrlech gseit nid. Poor boy.

toniqe77
14.09.2004, 21:45
@sagmäu (fettä namä übrigens :D)

tja luäg, s isch nüd ganz eifach z bestimmä wer das itz eigentli rap "erfundä" het, das het sich halt so nach und nach entwigglet.
d last poets werded nuch hüfig als ursprung bezeichnet, wobi wämä hüt einzelni tracks kört würdmä das chum als rap bezeichnä.
tatsach isch aber das sugarhill gang mit rappers delight eigentli DIÄ ersti würgglichi rapplattä uf kommerzieller basis produziärt het. aber da chunt genau ds problem vu dr ursprung-definition: isch mä begründer nur will mä di ersti plattä gmacht het? gm flash & furious 5 zum bispil händ schu vorher hiphop und rap gmacht, aber di erst plattä isch erst nach rappers delight chu. und vorem flash händ mitem herc zämä schu zwei, drü lüüt grappt (einä namens mc cowboy), ud nuch vorher isch ds toasting schu lang uf jamaica verbreitet gsi...

wichtig aber isch das eigentli alles musikalischä mit dä djs agfangä het, wobi mä sicher herc, red alert und wizard mus nännä.

wänns di interessiärt zwei büächer: rap attack vum david toop und rap revoution vum david dufresne - beidi sehr guät.

greetz

Early80s
14.09.2004, 22:23
Erster Rap auf Vinyl : Fatback - King Tim III 1979 Spring Records auf der B-Seite ! was die Macher später bereuten, weil Sugarhill Gang mit Rappers Delight einen Riesenerfolg feierten...
Einzelne Textpassagen von Rappers Delight sind geklaut...Grandmaster Caz äusserte sich 20 Jahre später auf einem Stück dazu...aber das ist eine andere Geschichte ;)

sagmäu
15.09.2004, 12:27
Original geschrieben von Early80s
Erster Rap auf Vinyl : Fatback - King Tim III 1979 Spring Records auf der B-Seite ! was die Macher später bereuten, weil Sugarhill Gang mit Rappers Delight einen Riesenerfolg feierten...
Einzelne Textpassagen von Rappers Delight sind geklaut...Grandmaster Caz äusserte sich 20 Jahre später auf einem Stück dazu...aber das ist eine andere Geschichte ;)

früecher hets gloubs ee huere viu crews gä wo bekannti lieder 1 zu 1 hei "überno" mit gliichem beat und auem ("rappers delight" isch doch nähr o vo hit squad nachegrappt wordä oder "i'm number one" vo cypress vom krs one...??)
aso itz klaut vo "fatback"?

aso isch eigetlech king tim III (WÄR isch das????) dr erscht rapper gsi wo het ä plattä usebraacht? de isch är ja huere dr gfigget - ig meinä wär kennt ihn? ig ghörä dä name emu zum erschtä mau...

ade

sagmäu
15.09.2004, 12:30
Original geschrieben von toniqe77


wänns di interessiärt zwei büächer: rap attack vum david toop und rap revoution vum david dufresne - beidi sehr guät.

greetz

si di büecher scho euter oder chamä diä no zu normalä priisä erstah? würd sech guet machä ufem regau näb mirä platte-sammlig...:D

danke

Early80s
15.09.2004, 13:43
ja vo Rappers Delight gids es paar Versione...isch scho churz nachem erschiene vo anderne nahgrapped worde und au uf Platte prässt...

Xanadu & Sweet Lady - Rappers Delight 1979 ä Fraue Version vom Track...
und ebe Redman& E.Sermon&KeithMurray händ au ä Version bracht..

Big Hank vo Sugarhill Gang hät dä Rap vom Grandmaster Caz g'klaut...
Gid da au verschiedeni Versione wie & wieso g'klaut worde isch...

Rap Attack vom David Toop isch als Neuuflag usecho, södsch es eigentlich easy finde i nere grosse Buechhandlig oder Amazon...Internet...

Rap Revolution hät leider viel Fehler drinne, und isch nöd grad voneme Fachmaa gschribe worde...findsch es evtl. im Brockehuus oder Flomi wie ich
zuneme günstige Priis...

smooth
15.09.2004, 13:58
Original geschrieben von sagmäu
si di büecher scho euter oder chamä diä no zu normalä priisä erstah? würd sech guet machä ufem regau näb mirä platte-sammlig...:D

danke

rap atack chönt der geh...fends ned so de hammer..aber halt geschmackssache..

toniqe77
16.09.2004, 11:38
Original geschrieben von Early80s


Rap Revolution hät leider viel Fehler drinne, und isch nöd grad voneme Fachmaa gschribe worde...findsch es evtl. im Brockehuus oder Flomi wie ich
zuneme günstige Priis...

mhm, stimmt, interessant sind aber eizelni betrachtigä zu themenä wo mit hiphop/rap zämähanged.

@sagmäu: ha itz grad erfarä das rap revolution nümmä überä normal buächhandel überchunsch, sold out...rap attack würdi dir aber schu ads herz leggä, vor allem will du ja gfragt hesch wi das alles entstandä isch und dr toop beschribt i dem buäch über 200 siitä dr übergang vu elterem sound zu hiphop.

das buäch söttisch eigentli easy überchu und tüür ischs au nüd.

greetz

FicDic
17.09.2004, 15:29
shakesbeer... de hät scho ganzi büächär vollgräppt :D