Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : skizze fürn track...


WideLex
21.09.2004, 18:58
bin ich hier eigentlich richtig für lyrics?

egal...

hook:
ich wott doch nume d wält mit chindrauge gseh!
Wot fride i mr finde mich nüm so zynisch beneh!

blabla:
mis läbe isch no jung abr ich stahne zmitz drin
fröge jedä tag i mich ine, uf dä suechi nach em sin
mach mr es bild vo däre welt und ihrne gselschafte
weiss abr ganz genau das s schwirig isch das zvrchrafte
dänn wär cha das scho schlucke was so lauft uf däm planet
wär wot die gfühl scho zuelah sich das vrbildliche konkret
Doch ich wot mi nöd zrugzie, mini auge vrschlüsse
Würd abr doch viel liebr eifach nume de himmel küsse
Vo mim läbe hani nume eis und das wotti gnüsse
Doch wäni i dem nüt beweg chani mi jetzt grad vrschüsse
Drum nimi wohl in chauf mich z flüchte in zynismus
Doch nöd ohni perspektive ich plädiere für kommunismus
odr eifach für e welt wo nöd würd vom kapital regiert
dänn so wies jetzt lauft isch s elend eifach vorprogrammiert
ungeniert chame sich erlaube anderi völker abzschlachte
nume zum ihres kapital i sis heimatland z vrfrachte
doch mä meints ja gar nöd so, mä cha ja gar nüt defür,
me würd s gern andrsch mache doch d alternative wär vil z tüür
doch halt was mach ich da ich doofe griesgram
vrmies mr mis läbe mit fakte woni nüt defür chan
ich wott doch eifach nume vrschmelze mit em augeblick
s glücklichsii drin finde doch ich merk es würd erstickt
hetti da nöd mis innere schild, mini zynischi muur
wänn oi mini art so nöd passt vrurteiled mich nur!
Bi liebr für oi en unmensch als sonen moralapostel
Wo mit sinre schiiheiligkeit d menschheit erdrosselt



mues natürli no glideret usw. wärde...

MCneil
22.09.2004, 10:00
Isch no rächt interessant...
Dass heisst du schribsch zämehängend und mi verschteit guet was möchtsch säge! Mi merkt dases dir nid passt wis so louft uf dere Wäut! Wär eifach no guet wenn es paar konkreti bispil würdsch bringe wodir alass drze hei gä, dä Text hie zschribe! schüsch wird das Ganze chli eitönig...wenn weisch wasi meine? aber finges no guet.
Rhymetechnisch merkt me eifach das du wahrschinlech no nid so lang schribsch. Chöntschs vilech mau mit doubles versueche...
Trotzdäm guete Afang! Keep on writing!

WideLex
22.09.2004, 12:24
merci fürs feedback...

rhymetechnisch mueni sichr au nomal drübr, abr isch halt grad 2 stufe schwieriger, wäme mal de inhalt als ersti priorität hät ;) vilicht lits au no dra dasi nöd so viel i dialäkt schribe...

ma schaun was i us däm no usehol...

JHO Fingg
22.09.2004, 12:32
mc neil hets no preicht.
finde dr text an und für sich geil, wil är verfolg würklech e rote fade und macht verdammt vil sinn (was ja leider geng weniger dr fall isch). abr vode rimes här ischs no huere eisitig. weiss itz zwar nid wies ufem passende beat würd töne, aber paar doubles oder alliteratione würde chli abwäschlsich dribringe. machts när o eifach zum läse (bzw. lose) wilme süsch ine monotone rythmus fallt (wie bi irgendwelche alte gedicht.cha rächt müesam si)
abr isch geil. blib dran! piis

WideLex
22.09.2004, 14:46
Chöndr oi erinnere z russland 300 hundert toti chind
Mis umfeld isch entgsetzt si weli das gar nöd so schlimm find
Wäme läbt mit em gwüsse was für d welt so ghört zum alltag
Isch mä wohl nüm erstunt wän mi das nüm so stört nu chaltlaht
Händr würkli dänkt das unschuldige lüt susch vrschont wärded
Händr tänkt das im chrieg weder d töchter no de sohn stärbed
Das kei zivili ziel betroffe sind wänn de weste igrift
Dän merkt me wohl widr mal das d jugend hüt z vil kifft
mr händ si zwar abr sind en nöd dä suberi weste
näme mr mal oisi entwickligshilf, gits e struberi geste?
Ich scheiss uf das churzsichtige gwüssensonaniere
Vrschaff mr dä durchblick und duemi organisiere
Doch nei wot oi nöd störe bi oiem friedliche gechille
Wot doch au dezueghöre eifach nume ume-ille
Kei schlechti stimmig vrbreite mit zynische sprüch
Ehnr s läbe lobe mit all sine farbe, kläng und grüch.