Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Mic - Ufnahm am PC


cobbez
25.09.2004, 14:15
folgendes:

ha a mim pc 1 line-in und 1 mic-igang. wen ich überä mic-igang mit em mic eigni raps/beatbox-sessions ufnim heds äs scheiss ruschä däbi und überä line-in gads nit per mic.
hed mär öber ä tipp, wiä mär das am bestä macht? thx

Fletsch
25.09.2004, 16:23
Ich glaub du söttsch s Mic zersch ane Stereoalag hänke und denn vo döte uf de PC! Oder en Vorverstärker chaufe? Also bi mir isch d Qualität au huere schlecht weni direkt uf de PC gah! Hät irgendwas mit Analog und Digital z tue!

Al Bana
25.09.2004, 16:31
das problem kenn i o!! 's isch scheisse... fletsch si tipp muess i mau uschecke..

unique
25.09.2004, 16:34
aso ech ha das problem ned! :D :p

cobbez
25.09.2004, 17:14
@Fletsch, thx muäsi mal usprobiärä!

@unique: was benützisch de für äs mic/soundchartä?

LAN
25.09.2004, 17:17
mik ads mischpult hänke vom mischpult ids line in. bi mir geit zwar z line in gar nid, drum hani aus am mikro-igang bim pc... chunnt aber nid drufa, isch suber.

konfus
25.09.2004, 17:18
jo mit däne problem kämpf ich mich au ab.
min tip:
bim lutsprächerli-symbol une rächts doppelklick und dä volume master/hauptdings oder wie au immer fascht ganz abestellä, di andere alli voll uuf.

dänn mit äm ufnahmepegel im programm wod ufnimsch no chli umepröble.

oder was ich au scho lang sött: ä besseri soundcharte zieh!
dänn sind die kackproblemli wägg....

Dj Icon
25.09.2004, 17:19
häsch e onboard soundcharte mit minijack?
dän gits für de compi z.b joemeek MQ1 isch es update fürd soundcharte wil au uber de line häsch gründlegend s gliche signal(rusche)
Wänd e gueti soundcharte häsch würd i si mal iischicke zum aaluege.

Wänd oppis neus wotsch ich verchaufe mis ozone für öppe 350-400.- nur eimal brucht.

konfus
25.09.2004, 17:21
genau, onboard-scheisse...aber ebä, mitem volumecontroll bringsches rächt tüf abe. isch halt au nöd so das wahre, aber ebä

unique
25.09.2004, 17:24
ke ahnig was ech förne soundcharte ha! aber ech han en acer aspire pc! rächti machine!:D es god eifach öber de mic aschloss, hed glaub scho iiboute verstärcher! aber das brengt der jo jez au nüüd...:D

Lügner
17.10.2004, 14:06
... isch immer voll für de arsch ... das langt amigs grad zum videomails verschicke wo mer dänn seit: "sali mami ich bins ..." he he he

AKA ... nie de iigang benutze sondern immer über line.

Damit mer miteme Mik aber in LINE IN chann brucht mer en Mikrofon-vor-verstärker ... di gits vo billig bi unbezahlbar ... aber au de billigscht (behringer) tönt 100 mal besser als de Mic-iigang vomene PC ...

de billigscht:
http://www.musicplace.ch/shop/product_info.php?cPath=1_66&products_id=20797

en billige aber sehr guete:
http://www.musicplace.ch/shop/product_info.php?products_id=21990

de wo ich han:
http://www.musicplace.ch/shop/product_info.php?cPath=1_66&products_id=21792

eine vo de geilere und tüürere:
http://www.musicplace.ch/shop/product_info.php?cPath=1_66&products_id=19932


Git au bi de profis praktisch niemert, wo diräkt mitem Mik uf siini Soundchischte gaht ... vorverstärche (und meischtens au no kompressor dezwüsched-ghänkt) isch normalerwiis immer "Outboard" bevor mer in Compi gaht ..

piizen

BigBoon
17.10.2004, 15:32
anstatt en vorverstärcher chasches au direkt ab Mischpult in Line geh. falsd scho eis häsch. Wänn nöd dänn isch dä Vorverstärcher einiges besser. chan aber au am mic liege. alles muss ebä biz abgstimmt sie.

PaX

pseudonym
17.10.2004, 15:58
hani au welä säge: ziehn der doch grad en easy mixer, dänn häsch grad für es paar mics än vor-verstärcher drin. isch au immer easy, wänd mal binerä session wotsch ufnäh, wo meh als 1 person am mic isch...
zudem chasch dänn ebä auno kompressorä usw. dezwüschet hänke, was susch vilicht nöd so eifach isch...

Mc Haagi
20.10.2004, 21:58
Ha no ä frog was für es program hä dir uf em pc zum recordä

strikk
20.10.2004, 22:10
cool edit.
oder vegas.
villi sicher au logic und cubase.

bätschmändoo
20.10.2004, 22:19
Erschti Frag (Weiss dä Thread git's scho, aber us Aktualitätsgründ fragi nomau): Het öpper no ä Vorschlag fürnäs priisgünschtigs Mic und trotzdäm aständigi Quali?
Zwöiti Frag: Eher Gäud usgäh fürnäs Mischpult (wenn ja Vorschläg?) oder eher Mic-Vorverstärcher zuelegge?

strikk
20.10.2004, 22:24
ich ha äs sennheiser kondenser mik für 301.-
nacher gangi via soundcraft-mixer (phantomspiisig)
(300.-)/gitts billigeri in pc.

ich ha demit z.b. dä track uugnoo
www.noed.net/slangt_niae.mp3

mik-vorverstercher würds glaubs scho au na bringe.

daschjawidermalenantwort*

spenzasequenza
20.10.2004, 22:41
ha grad diesenda köift:

http://www.musicplace.ch/shop/product_info.php?cPath=&products_id=11408

und naja, de erledigt sich das Vorverstercher ding.
und hesch erscht nu der schööön warm sexy röhresound.
aber en Mischer hani gliich no dra...
naja, egal
ich finnes en saugüäti lösig...

cheers

Fletsch
21.10.2004, 16:41
Lug zie der das ine!

Gahn ich mir nächstens go postä..Homecinema Alag mit 2 Mikrofon igäng. wends nöd wie en profi bruchsch langets easy!

http://www.interdiscount.ch/webapp/wcs/stores/servlet/ProductDisplay?catalogId=10001&storeId=10001&productId=58701&langId=1&p1=10007&p2=10040&p3=10158

cobbez
21.10.2004, 19:47
ok merci @ all
dänkä, dass ä mixer sicher nid übel wär.
was haltid iär vo däm da:
www.musicbase.ch/shop/product_info.php?cPath=60_61&products_id=3296?

NeRo
27.10.2004, 22:46
Hey, ich han ä Frag. Ich han vor mit ämänä Fründ vo mir än Träck zämä ufznäh (also bruchäd mär 2 Mics). D'qualität söt scho guät si, also keis Ruschä und süschtigä shit. Jetzt mini Frag: Was muäs ich mär alläs chaufä um das z'erreiche... ?!

Vilä Dank für d'Hilf, sisch ächt wichig..

MfG
NeRo

NeRo
29.10.2004, 18:24
Cha mär wüki niämärt hälfä?

cobbez
29.10.2004, 22:04
hesch di vorherigä biträg nid gläsä?
chaufsch där glaubs am bestä än chlinä mixer, chunsch so ab 100.- über und denn natürlich eifach zwei guäti mics... (bi ganz guätä musch de eifach lugä, wo ufnimsch, will mär susch zB sruschä vom pc ghörd)

I.C.S.
30.10.2004, 09:25
Original geschrieben von NeRo
Hey, ich han ä Frag. Ich han vor mit ämänä Fründ vo mir än Träck zämä ufznäh (also bruchäd mär 2 Mics). D'qualität söt scho guät si, also keis Ruschä und süschtigä shit. Jetzt mini Frag: Was muäs ich mär alläs chaufä um das z'erreiche... ?!

Vilä Dank für d'Hilf, sisch ächt wichig..

MfG
NeRo

chauf ned 2 mics, sondern eis aständigs! denn chönder eine nachem andere recorde. wird eigentlich "normalerwis" so gmacht. denn heschc nämli für jede mc en/mehrei spur/e und chaschs nochli mische.

ich wör mir au keis mischpult chaufe wenns nur drum gad vocals ufznä, miteme günstige preamp bisch da definitiv besser dra.

cobbez
30.10.2004, 12:22
aso us minere sicht zalsch gschidär 50.- meh, defür hesch de schu ä chlinärs mischpult, wo au nu anders zeugz chasch dra hänkä, und dä preamp hesch ja au integriert... aber sälbär wüsse :cool:

NeRo
30.10.2004, 16:38
Original geschrieben von I.C.S.
chauf ned 2 mics, sondern eis aständigs! denn chönder eine nachem andere recorde. wird eigentlich "normalerwis" so gmacht. denn heschc nämli für jede mc en/mehrei spur/e und chaschs nochli mische.
Schiint no logisch, dankä, wärdät mär so machä..

Ich bruch also:


Äs aschtändigs Mic
Äs Mischpult


Das isch alläs? Was häts mit ämänä Vorverstärker uf sich? Het öppär irgendwelchi guäti LInks, wo ich mär diä Sachä chan chaufä?!

THX

-Edit:
Wär das hiä dänn öppis?!
MP: UB802; 8 Input, 2 Bus (http://www.musicbase.ch/shop/product_info.php?products_id=3296)
Mic: e825S, Dynamisches Mikrofon Niere, mit Schalter (http://www.musicbase.ch/shop/product_info.php?cPath=150_151&products_id=1115)

I.C.S.
30.10.2004, 19:05
en vorverstärker isch wichtig, will s`signal vom mic mues vorverstärcht werde (isch z`lislig) wichtig isch au en phantomspiesig, damit s`mic überhaupt lauft (nur bi gwüssne) suech mal chli bi google, gid 398475398573957 site wo sich mit dem thema usenandersetzed.

wieso ich keis mischpult sondern en vorverstärcher wör chaufe isch ganz eifach: en vorversärcher für 100sfr tönt definitiv wälte besser als es pult für 100sfr wo 2-4 vorverstärcher drinhed + no potis und x fader.

wäge empfälige muesch mal chli im forum sueche, da isch scho sooo vil gschribe worde.. chund hald au immer uf dis budget und ned zletscht uf din gschmack a (jedes grät tönt wider chli andersch..)