Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : nurmalso.mp3 (Bschiisär-Track)


Bschiisär
02.05.2004, 01:00
piis zäme..

Ich han hüt vom sächsi bis am zwölfi (18:00 - 24:00) chli amenä track baschtlet..(inkl. teggscht schriibä, und biit aapassä..:D )

da ich de scheiss extra fürs Internet gmacht han, wär ich mal froh, wäns es paar gäbt, wosich das Teil mal abäsuugäd, und Feedback zrugggäbed..

auna es paar Faktä:

Biit: Marcel (Miin 15-Jährigä Brüädär)
Räps: Bschiisär (ich also..:D )
längii: vill zchuurz..hehe..
Studio: Bimir di häi a.k.a extreem Low-Budget (also na vill tüüfär als Low-Budget)
Progs: FruityLoops & Adobe Audition
Mik: Shure PG58

Ich weiss, es isch es bitzli Battle-Style (aber nur schüüch)..mal luegä ob oi dä Scheiss gfallt..



nurmalso.mp3 (http://www.xn--bschiisr-6za.ch/musig/nurmalso.mp3)



mässi und piis zäme..

Teggscht:

Ich bsitz en ringerä flow – drum lahn d’Finger dävoo |
Egal wiä guet du bisch, du chunsch nöd immer dävoo |
Es chunnt nur schlimmer äso – wiso chasch das nöd iigeschtah |
Nachdem ich mini parts drop wird’s ufdä Wält nurna Niider haa |
Dich hät diin Biit verlah – und ich verschpüür käi mittleid |
Du häsch numä shit greimt – ich bin gschuld wänn sich diin biit teilt! |
Han der nur Mitteilt – dases so nöd chan wiiter gah |
Drum lahn emal as Mikro vo ois 2 dä gschiider dra! |
Du chasch Bschiisär ha – vill meh als du erträäge chasch |
Du wirsch niämals besser wärde, will du dir nüüt säge lahsch! |

(Hook)
S’isch dä mitem doppel-ii er rockt über gchlauti Biits |
Dank im gaht s’chopfnickä durdi verstaubti Schwiiz |
Han glaubt si bliibts – doch ich sorg für frischä Wind |
Und mach d’Schnurrä nöd zuä, bevor d’Chartä gmischlät sind |

Ich sorg für uufschwung überall wos nöötig isch |
Sägder dases föörig isch, wändmer dini Wöörter gisch |
Winän gschtöörtä fisch, schwümm ich nöd mit, sondern gägde Strom |
bliibsch immer up-to-date, wänn’s hüt passiert dänn sägders Morn! |
überchläbder’s Muul – und sorg dämit für stillschwiigä |
wett nümä länger still bliibä - sondern miini Skills driigäh! |
dänn ich brings gschiidär – zum losä nümä schriftlich |
wänn du diini ziilä dichtisch weiss ich dass’d nümä dicht bisch! |
ich verbrich dich – mit links winäs Zündholz |
verlüürär chönd iipackä – siigär sind stolz! |

(Hook)
S’isch dä mitem doppel-ii er rockt über gchlauti Biits |
Dank im gaht s’chopfnickä durdi verstaubti Schwiiz |
Han glaubt si bliibts – doch ich sorg für frischä Wind |
Und mach d’Schnurrä nöd zuä, bevor d’Chartä gmischlät sind |

S’chan na lang so wiitergah – wänn andri falläd bliibt er schtah |
Ich machs für mich – 24 Schtund und sibä Taag |
Bliibt no d’Fraag – obs ächt de Sinn vomiim Läbe isch |
Wird dir jedäsmal is Wort fallä, wänd öppis am säge bisch! |
Wändmer am begägne bisch merksch dass’d mer unterläge bisch |
Mueschder sicher sii wändmi akzeptierä und erträäge wilsch |
S’isch nöd immer eifach sich mit siim Läbe aazfründä |
Mues mi dämit abfindä das mi d’wörter woni säge aabindäd! |
Draa hindräd – das läbe zfüährä wonich gärn hett |
Wänd mi jetzt bitte würsch verlah – das wär nett! |

(Hook)
S’isch dä mitem doppel-ii er rockt über gchlauti Biits |
Dank im gaht s’chopfnickä durdi verstaubti Schwiiz |
Han glaubt si bliibts – doch ich sorg für frischä Wind |
Und mach d’Schnurrä nöd zuä, bevor d’Chartä gmischlät sind |

Herr Gamus
02.05.2004, 01:18
bis grad am zieh - meinig chunnt sobald ich mis tütli gha han :D

bin gschpannt..

Herr Gamus
02.05.2004, 01:47
aaaalso...

*brilleUfsetzUndKritischDeBschiiserBetracht* :brille:
*skeptischUfDeBäddelZäddelLueg*
*dezentMitEmChopfNick*
*UfluegUndDeBschiiärBetrach*

Herr Bschiisär, mir hend ihren Träck analysiert und sind zu folgendem Ergäbnis cho:

*BrilleMitDeRechteHandAbnimm*

Qualität:
Trotz below-low-budget öppis vom bessere won ich bis jetzt us dem Forum zoge han. Alles guet verständlich, Luutstärchi vo Beat und Text passt und bliibt konstant gliichwertig.Dezu keis Ruusche - was wotsch no meh? ;)


Beat:
De Beat chunnt lüpfig übere, het aber minnere Meinig noh schüüch z'wenig zupf. D'Snares villicht no chli schuube und de Bass chli weniger dumpf iistelle.
Ev. wärs no chli schöner, wenn sich bim Refrain de Beat no chli veränderet, nid gliich wiiterzoge wird.

Im grosse und ganze gfallt er mir aber scho guet.


Text:
Hehe, Bschiisär alias Doppelreimemonschter :D
Gfallt mir, würklich! Ohni flueche und übertriibene Battle-Pönschlines chunnt de Text gschmeidig.
Nur folgendi Ziile im Refrain han ich nid ganz durchschaut:
"Und mach d’Schnurrä nöd zuä, bevor d’Chartä gmischlät sind |"


Rap/Flow:
Chunnt scho ganz dick!
Sehr guet verständlich schmiigt sich de Rap am Beat a und isch fascht durchgehend präzis und flüüsst mit.

Vor allem bim letschte Abschnitt hets zwor eis zwei Holpperer dine i de folgende Ziile:

"Wird dir jedäsmal is Wort fallä, wänd öppis am säge bisch! |
"Mues mi dämit abfindä das mi d’wörter woni säge aabindäd! |

Susch aber souverän i mine Auge.


Fazit:

:respect: :yourock:
Wiiter so! No chli meh Power im ganze (Beat, Stimmlag) und denn het mer gar kei Chance meh, ruhig im Stuel sitze z'bliibe. :)

Bschiisär
02.05.2004, 01:56
*unruhigaufstuhlsitz*
*schweissvonderstirnwisch*
*aufbleischtiftrumkau*
*auffüssestarr*

Herr Gamus, ich dankenä villmal für diä (meh als uusfüährlich :D ) Kritik/Feedback..

*erlöstaufschtehundgeh*..

mässi villmal..sones Feedback wünschtmer sich..häschder ja rächt Ziit glah..hehe..

piis..

Horni MC
02.05.2004, 02:38
grad uf mini neu 80GB HD abägladä... muäsch scho ha!!!
:respect:

EphToDaRhyme
02.05.2004, 10:21
Propz! Ich finds än echt friedliche Track.. Allerdings find ich, dass bim Beat villicht nochli was am Bass gmacht wärde chönnt, damit er wie scho gseit chli meh Zupf hät :D Aber süscht voll gedige.. Echt fett..

unique
02.05.2004, 11:18
fetti sach! easy flow ond de txt hed au sine senn!:D
cha ned vell me säge als :yourock: :respect: :bounce:

Luusmailtli
02.05.2004, 11:49
HAMMER!!!!!!!!!!:jaja: ..hmm..was gseit mues wärde mues:du heschs scho zimli druff!!!!!!!!!!!!mega schöne usgliich luutstärki vom beat zum flow..passt eifach guet und mega agnähm zum loose..und s coolste:trotz ruhige stimmig so kli battle-style...würkli cool..wiiter so..:) :respect:

höuderböuder
02.05.2004, 13:35
auso han mer das ding gsogre und chan nur säge das :bounce:
velech de beat nochli pumpe dasses im auto au so fääd chund wie uf mire aalag
pröbz :you rock: :respect:

mach wieter so geili doppel endige mou mou

P-Flow
02.05.2004, 14:28
ich bi sprachlos. mit dem track hesch genau mine style gitroffu. ich ha sältu so an geile track kehrt.. eifach nur probz! wie gseit, genau mine style! Witer so und fette respect!!

gib dinum lil'brother mal par fetti probz ver du beat!
Respect!

spenzasequenza
02.05.2004, 14:39
da wo d schtrophe fertig isch bis da wo der röfrä isetzt isch irgendwiä äs loch. da kiiht där ganz track jewiils grad vanand.. aber suschter cool!
di drums sind irgendwiä leider no zimlich drucklos, aBER di guitar isch ganz fett!

schpillt diine little brüädär der pior sälber ii?

Danielsson
02.05.2004, 14:45
Vou fett!

Piis

Pablo Escobar
02.05.2004, 14:55
gediegene track kunnt bim erschte alosä rächt smooth übere...
am beat könnt me ächt no öppis machä und ab und zue keisch bitz usem flow usse aber sunscht :respect:

peaze

Bschiisär
02.05.2004, 15:11
Original geschrieben von spenzasequenza
da wo d schtrophe fertig isch bis da wo der röfrä isetzt isch irgendwiä äs loch. da kiiht där ganz track jewiils grad vanand.. aber suschter cool!
di drums sind irgendwiä leider no zimlich drucklos, aBER di guitar isch ganz fett!

schpillt diine little brüädär der pior sälber ii?

Das mit dem Loch hani ebä au gmärkt..mues glaub mal en DJ oderso suechä, womer es paar Plattä-Chrätz druffmacht (a.k.a scratches)..würd sicher no geil cho..hehe..

nö, es isch fascht alles vo irgendwo här gsamplet..so Giterrä-sounds irgendwo usem INternet/CD/Radio..eifach was grad umä gsii isch..hehe..

piis..

#ChRüSiMüSi#
02.05.2004, 15:19
Bschiiiisär=) ...aso mir gfallts im gross und ganze sehr guet=)Wie fascht all dini Sache.
Häsch det im letschte Abschnitt no paar *Usrutscher* mit dä Gschwindigkeit/Flow.. aber suscht findis kuul für es 6 Stunde Projektli (wenn ich das richtig verstande ha=)

Ja schöni Sach=)
Wiiter so..

K
02.05.2004, 15:43
Chunt wie scho vill gseid vill gseid hend, fett daher im ganze.


mier gfallet eifach jewils die endige mit dene scho gnännte pause ned so.. tönt so abghackt?!

na aber suscht easy!
textfluss eig. au guet, mit ebe es paar holperer!

aber echt propz!

(han keis u rock smiley)


greez

Kush
02.05.2004, 15:59
nid schlecht!
beat ganz gemütlich!
rhymez sin au fett, aber ich find muesch no biz an dr dütlichkeit arbeite, d wörter meh schiessä, v dä verschlucksch sä teilwies no! aber es mag au dra liggä, das ichdi dialäkt eh nit so guet verstoh!
aber isch scho easy sach!

beatniquer
02.05.2004, 16:04
damn fett :kiffer: i schliesse mi da de andere aa, chunnt wük vou guet ine...

hobgoblin
02.05.2004, 19:31
japuh

das esch genau das wonech jetzt brucht ha; dosse schöns wätter dezu en easysommerbeat met guetem rhyme. kritik esch scho alles gseid worde.

hät etz ächt loscht met de badhose dose umesekle.

thumps up!!

hobgoblin

thieu
02.05.2004, 19:44
Nei der Track finni wirklich cool.

*Reimtechnick, ja da gitz nix dra üsszsetze.

*Beat chännti em bitz abwechsligsriicher sii, aber isch scho soo recht gschmuuf und unnerstützt der Part.

*Inhaltich, recht cool!

*Flow. Gfallt mer ganz güät. aber was mer em bitz isch vorcho so im letschte Part bisch abunzüä em bitz ine Stress grate d Lines nu uf de Schlag z bringe und es tent em bitz Holprig!

*und ja ebe der Break? DJ wä en güäti Sach:D

Finne der Track aber uf jedefall eine va de allerbeschte won i hiä uf aightgenossen je hä gsoge!
Güät susch schriibti öi nit so langi Kritikä!

vomeizomvogel
02.05.2004, 19:58
YESYESYESYEEEEEAAAHHHHH guet gmacht

geile flow fetts reimschema

magebrot_jimmy
02.05.2004, 20:01
Ich finde de track ned geil, wel de text eifach für mich kein ussag hed ussert so "ich bin guet, du ned"- schrott di ganz ziit, voll unoriginell und langwiilig. immer nume ICH und DU i dem text...

"Dank im gaht s’chopfnickä durdi verstaubti Schwiiz
Han glaubt si bliibts – doch ich sorg für frischä Wind"

fazit: s'chopfnickä goht vilicht scho durch di ganz schwiiz, chan scho sii, aber de mit em früsche wind...ehner ned...alles scho mol ghört, s'esch voll ned innovativ, früsche wind wär andersch.

"Winän gschtöörtä fisch, schwümm ich nöd mit, sondern gägde Strom"

fazit: ich finde, du schwümmsch voll mit em strom!

"ich verbrich dich – mit links winäs Zündholz
verlüürär chönd iipackä – siigär sind stolz!"

"S’chan na lang so wiitergah – wänn andri falläd bliibt er schtah
Ich machs für mich – 24 Schtund und sibä Taag"

fazit: unoriginelli, langwiiligi battlerhymes. scho 1000mol ghört.

das esch mini meinig.

MJ

PhrazeFive
02.05.2004, 20:26
Also Beat findi geil, Melo isch sehr schön, Drumset findi au recht glunge, hät eifach chli zwenig Punch...

Flow: Im Grosse und Ganze oke, aber es git eifach stellewiis holperer wo s'ganze dänn nöd suuber uf de Takt chunt will e Silbe z'viel oder z'wenig i de Linie häsch

Technik: Kei Ding sehr nice...

Was mer ufgfalle isch für s'mische... Wenn e "lüüteri" Silbe mitemene Bass-Ton zäme chunt dänn überschlahts es bitzli!

Aber ich finde es eigentlich recht geil!

PhrazeFive
02.05.2004, 21:02
Wasi no Ergänze wott isch, dass nöd all dini Reim suuber sind, also eifach halt silbe nöd so usgsproche werdet, au wenn sie glich gschriebe sind...
Isch mer bim mehrmalige läse und lose ufgfalle...

Sali...

baspra
02.05.2004, 22:35
uei

ha di track par mau glost, u das wo mr am beste gfaut isch dr beat, isch recht isii mau chli öpis angers, nur drúbergang vorem refrain fingeni nid so geil,
isch chli churz aber isch recht geil!
witer so!

.kerYjameS
02.05.2004, 22:42
nice beat, easy text, schice sproch...
ch-rap chamer nid losä weg dr sprach findi eigetli no schad.. aber s tönt würkli wie usem burehof uf dr alp obä mit burä... und so witer.... = :kotz:

nix persönlich nä isch numä mini meinig. ;)

Horni MC
02.05.2004, 22:51
han min sänf scho däzuä geh gha abär jetzt hani gseh mä chan no abstimmä ---> eifach voll phät:D

roemer
02.05.2004, 23:12
jep nid schlächt. witer so ..
haud äbä züridütsch :D - aber mir si ja tolerant ... ;)
piiiiis

PsyKez
03.05.2004, 01:55
reimtechnisch extrem dope muessi säge de beat gfallt mier nöd so aber egal

prophet
03.05.2004, 10:24
chunnt guät chunnt guät!
und de biit für en 15-jörige würkli :respect:

steveo
03.05.2004, 14:50
de beat isch geil, de flow findi zimmli geil, fetti rhymes, würklich geili mischig vo allem...
bring no meh so shitt, aight


peeze steveo

B77
03.05.2004, 18:03
@ all: hey... bin neu uf aightgenossen.ch, erstmal hoi zäme :)

@Bschiisär:

ich findä dä track im grossä und ganzä rächt fett, dä beat findi voll friedlich, isch recht chillig mit dä gitarre. Vor allem am afang tönts huäre geil!

zude rhymes, diä findi au nöd schlecht, chli battle-mässig, aber easy! vor allem folgendi passage hät mi irgenwie no rächt gfläsht:

dänn ich brings gschiidär – zum losä nümä schriftlich |
wänn du diini ziilä dichtisch weiss ich dass’d nümä dicht bisch!

Fazit: :yeah: wiiter so, peace

robbin' rood
03.05.2004, 19:09
dae beat vomne 15joehrige?

die einzig glanzleistig...

dr raest klassisch, irgendwie erinneret mi das bitz an SK.

subtile
03.05.2004, 22:10
ich find d rhymes chli z schnäll ...
und dr beat jojo ... isch halt e beat....
nei ich finds gemütlich... aber vom hocker hauts mi nid grad

Check P
03.05.2004, 22:22
ig finde der track no fett, flow isch guet, der text villich scho chlei arrogant aber das bruuchts au, ohni ego chunnsch eh nid all zu wiit findi.

auso weme mii so guet bim rappe verstoht hani s ziiu erreicht ;) u schnäu chasch derzue au no sii ;)

poetical
04.05.2004, 09:18
Aight, Bschiisär finge's auso o ä easy Track. Vo de Raps här, na ja, hesch gloub o scho tighters gschriebe. Aber verhäbe tuet's eh. Dr Beat isch sicher o no usboufähig, aber i de Grundzüg sicher flashig. Ds Gitärreli isch würklech cool, dr Bass hingäge dünkt mi nid so passend.
Gsamturteil: Duume nach obe, mit Vorbehalt.

gunner
04.05.2004, 09:49
dass dr beat me druck chönt verträgä etc. hämmer ez ja ghört...stimmt au au ächli, numä öbr dänn no so chillig wär...? (aso zvil druck wär vermuätlich au nüt) mir passt dr beat guät, er isch flüssänd und d'gittarä chunt au easy übärä... d'drumms ev nomal überdänkä und/oder no äs bitzeli verfiinärä und dän passtz sicher!
text/wortwitz findi gedigä - doppel-i-style hald - wiämer sichs gwöhnt isch, zumindescht im forum. dopplät gneiht hebt hald besser :D und ich find au, dass sonän 'battle'text immer mal widr däzuä ghört... diä eis zwei holpärär (gegdä schluss glaubs) störäd mich nöd gross, vor allem wäni bedänkä, das alläs in churzer zyt entstandä isch. vo däm här dikki probs an bschiisär nach höri und wyter so! ;)

Bschiisär
04.05.2004, 20:04
Original geschrieben von subtile
ich find d rhymes chli z schnäll ...


:D ..hahaa..bis du froh, hanich dasmal nur halb sovill wörter inän Satz packt wiäni suscht inän Satz pack..

lis mal es paar Battles vomir durä..das wär bimir eigentlich standard..hahaa..und jetzt hani extra dänkt ich hebä mich chli zrugg..hehe..:D

Beatnik
04.05.2004, 23:22
Beat...na ja, voll nöd miin Gschmack, aber isch glaub scho guet gmacht!

Rhymes...also dä Text isch glaub au ganz easy...meh chan i nöd säge..haut mi hald nöd vom Hocker...he he

Was mich mega stört, dä ganzi Scheiss tönt langwiilig...also es riist nöd mit, chan dra ligge das es nöd abgmischt isch....oder das du eifach so "Brav" dRaps kiksch, isch mir persöndlich eifach zu "normal"...

Aber scho easy, machsch mal wiiter...

v.e.n.y.l.
05.05.2004, 12:45
aight alde...räp-räsäntig oisäs gsteilte underland.
chunt wöörd, de flow isch starch und de biit chunt au guät, het chli öpis spanisch's...ja eifach aight halt...froimi wäns mal zstah chunt mit de säschon aka samschtig nachde tony molkerei:p

mini understözig häsch...

venyl

Raptisel
05.05.2004, 13:12
ey bschiisär

rächt starchi sach.. wenn mer d ziit alueget wot investiert häsch und so qualität mässi au nöd schlächt..

dä venyl wot ä säschen? ich wär au däbi..:kiffer:

nice day ah all

kasi
05.05.2004, 18:38
De Beat esch wörkli geil! Echt fetti Sach insgesamt.

:dance:

D-Glay
06.05.2004, 14:14
:D

Isch wirkli en geile track! gefällt. :)

Flow chunt guet! Passt guet uf de beat jedoch han i amal s'Gfühl Du chöntsch no e bitzeli emotioneller daher cho. :)

A paar wenige stelle holpereds da chli vill Wort inen Satz packt hesch aber au das isch e Chlinigkeit..

Reimtechnisch 1A. :yeah:

Inhaltlich find is au no cool da indirekt frontisch.. :D
Vergliichbar mitre PAL.. hehe... Agriff us sicherem Abstand. :)

Mini Kritik bezieht sich uf'd Perfektion da grundlegend ales 1A isch. Perfektion isch Gschmacksach und individuell z'betrachte also bitte nöd verallgemeinere. :D

Track bliibt desswäge gliich Hammer! :yeah:

Danam
06.05.2004, 15:37
ou bschiisär wenn chunt cd?? :banana: :headbang: :kopfnicke :cooldance :schubidoo

Brooknow
07.05.2004, 13:06
bäh gfalltmer imfall voll nöd...Bschiissär isch wack, nei so schlimm ischs nöd es tönt sho als hätsch talent aber na ja:

du chasch glaubs besser rhymes schribä als sälber rappe, für mich isch eifach UUHUHUERE künstlichs gerappe, so redet doch kein mänsch...für min gschmack muesmer rappe wiemer redet und nöd uf "teufelkommraus" scheiss doppel und trippelrhymes benutze welle...und v.a. au nöd so schrägi künstlichi satzstellige benutze demit dä rhyme an schluss chunt...pfui

ich han en ringere flow hahaha so geil...söt imfall kein afigg si aber ich finds megalustig en ringere flow!! haha

ich find dä ganz shish soo lustig im für dich negative sinn..haha

peace

ilfuror
07.05.2004, 15:59
tönt huere nach Swingbesa(du ghörsch ja nöd zu dene oder?)
aber isch geil mol chamme nüt säge als aight

vomeizomvogel
07.05.2004, 18:57
Original geschrieben von Hans Nötig
für min gschmack muesmer rappe wiemer redet und nöd uf "teufelkommraus" scheiss doppel und trippelrhymes benutze welle...

Wörd aber met doppel ond trippel rhymes ;)

Aber dä träck fendi au fresh

Piiis :cool:

Vitamin A
13.05.2004, 21:48
ich find de beat geil und de text au aber mir gfallt dini stimm nöd..

piiis

ilfuror
13.05.2004, 22:18
Original geschrieben von Vitamin A
ich find de beat geil und de text au aber mir gfallt dini stimm nöd ..

piiis

:D :D :D :D :D :D :D :D :

xXel
13.05.2004, 23:06
nume fett... de track blibt uf mire feshtplatte bis si gshrottet wird;)


peeZ

köbi
26.06.2004, 00:44
d instrumentals gfauemer no rächt (si abr trotzdäm chli hackig), dr basslouf isch schöööööön. überä räp möchtinid meh aus GUT sägä u schüsch: blibt ufdr festpladde u wird es zitli chli de homiez (wo iz au am frouefäud si, nume ig ha widrmau strube fieber) vorgspiut.

mc rassko
03.07.2004, 15:58
han mer de travk iezoge und muss säge, de track isch no chill, big probz

MacKah
06.07.2004, 09:26
Dönt rächt gemütlich, het öpis melachonischs, risst eim mit.
Würd aber de beat ganz e biz lüter mache, find er isch ganz e biz zlislig.
Was au oberhammer geil würd cho (obwohl das halt gschmackssach isch) wär im refrain e wiblichi hintergrund stimm, würd die melachonie vo dem lied absolut unterstriche.
Was em beat no geil würd cho, wär wenn er am schluss no für öpe 10 sekunde no e steigerig in de melodie hät

mIkRoFiL
06.07.2004, 10:06
Geile Track!

De Beat chönntsch nochli lüüter mache,schöscht esches fett!

iigl
06.07.2004, 11:39
Original geschrieben von Vitamin A
ich find de beat geil und de text au aber mir gfallt dini stimm nöd...

mir au nöd.
dini stimm chunt mir so eintöönig ine.

aber susch stimmt alles...würkli alles :D *klatsch* *klatsch*

FicDic
07.07.2004, 11:05
hmmm... eigäntlich no voool easy...

leidär nöd so wahnsinnig gflowt...
und ich hett än andärä bass gno wo chli hmm, wiä söli das usdruckä... völlär isch einä mit meh volumä

und irgänd wo bruchts no ä chlini abwächslig

und sött das nöd heissä: und mach d'schnurä zuä, solang d'chartä nöd gmischlät sind? wür chli meh sinn machä


ah und übrigäns... eigäntlich guät abgmischt... chönnt abär nachli lütär sii... villicht au nachli härtär, dämit's nöd so weich tönt... (isch ja klar)

Bschiisär
07.07.2004, 11:15
Original geschrieben von FicDic
und sött das nöd heissä: und mach d'schnurä zuä, solang d'chartä nöd gmischlät sind? wür chli meh sinn machä

Hmm..also ändlich mal ä Schtelligsnahm zu dem..

studier mal, wänn isch de Punkt, womer nüüt meh chan änderä? Dänn wänn d'Chartä gmischlet sind, also gnau adem Punkt wos fertig isch, isch scho Vorbeschtimmt, wär welli chartä wird übercho, wills uusgäh vodä chartä greglät isch..

also..heisst sovill wiä..d'schnurrä solang offä haa, bismer eh nüüt meh chan änderä..

piis..und es wird glii en nögschtä folgä..muahahaa..

bin duss..

FicDic
07.07.2004, 11:46
jääää jetz isch alläs klar...

Sekl
07.07.2004, 12:33
Original geschrieben von Bschiisär


piis..und es wird glii en nögschtä folgä..muahahaa..




boaa....da freu ich mich druf!! :blingblin

steel
08.07.2004, 22:56
wie findeder dä stuff?? isch vo de 6003 CLICK - s'album heisst "ganz genau so" was meineder zu dem??


http://www.diggy.ch/mp3files/6003/g...Audio-Titel.mp3

http://www.diggy.ch/mp3files/6003/g...Audio-Titel.mp3

http://www.diggy.ch/mp3files/6003/g...Audio-Titel.mp3

http://www.diggy.ch/mp3files/6003/g...Audio-Titel.mp3

McHipHop
08.07.2004, 23:00
Original geschrieben von steel
wie findeder dä stuff?? isch vo de 6003 CLICK - s'album heisst "ganz genau so" was meineder zu dem??

a.) im falschen thread
b.) link ist tot

christio
08.07.2004, 23:36
ja mol müess sägu isch en fette track!öi big props va mier!
dini stimm fini öi nu cool!easy, witer eso!:D

peace

v.e.n.y.l.
08.07.2004, 23:39
nurmal churz dases klar isch für all:

bschiiser...gat nüm lang gsender wi dä bligg eis vodä erschtemal vo eim diist wird...bschiiser am mik!

:D ...du bischen alte...ziemeren ab und zuä au wider inä, und immer na genau glich fresh...aight!!!

piiz venyl

köbi
09.07.2004, 08:04
Original geschrieben von Hans Nötig
...für min gschmack muesmer rappe wiemer redet und nöd uf "teufelkommraus" scheiss doppel und trippelrhymes benutze welle...und v.a. au nöd so schrägi künstlichi satzstellige benutze demit dä rhyme an schluss chunt...pfui
peace
redisch du in zilene, mit reim?:D
hesch abr scho rächt, has huerä nid gärn we öper ä satz so krass umchert daser zwar zum räppä geit, abr eifach scheisse tönt wednä eifach so würdsch uselah. aber...
witer wirds gah, ds läbä

steel
09.07.2004, 21:20
Original geschrieben von McHipHop
a.) im falschen thread
b.) link ist tot

a.) du hesch rächt, es tuet mer sorry!
b.) fallser gliich luscht uf de stuff hend, do de richtigi thread: http://www.aightgenossen.ch/forum/showthread.php?s=&threadid=5137

:cool: ;) :p :rolleyes: :blingblin :blingblin

krizi
12.07.2004, 12:00
hey, was für en scheiss lauft da ab?
wieso wird das immer ufepuscht?

b.flex
12.07.2004, 18:27
Aiiight

Hey bschiisär gedigene track
Dä Beat isch voll friedlich, am Bass chönt mä no was mache
aber suss gute Text, coole Flow
möcht no meh ghöre :D
Nur witer so



_______________
Also setze mär dä Startschuss und knacket die hart Nuss!

strikk
15.07.2004, 11:31
ich find dä track au rächt guet!
hani scho lang mal wellä säge ;)

@hans nötig: weisch, dä bschiisär redt au im
normale läbe GENAUSO...;)

Bschiisär
15.07.2004, 11:47
Original geschrieben von strikk
@hans nötig: weisch, dä bschiisär redt au im
normale läbe GENAUSO...;)

isch scho soo..weisch, di verbaal hochkonjunktur vo Phrasä und sätz wo schöön tööned und didaktisch wertvoll sind..hehe..

womer ois grad am "Honig-ums-muul-schmierä-sind"..di 2 noiä Tracks uf noed.net..mhh..lecker..eifach geilä stuff..

chum scho..mach mal es Album..oder wasmer au gfallä würd..en Part 2 vom track mit'm Cäptn Minderheit..de track isch eifach gediegä..

piis..

strikk
15.07.2004, 11:53
Original geschrieben von Bschiisär

oder wasmer au gfallä würd..en Part 2 vom track mit'm Cäptn Minderheit..de track isch eifach gediegä..

piis..
dä beat für dä track hämmer scho öppä 2 jahr,
aber mer tärf noed vergässe, dass dä cpt. minderheit
mittlerwiil en grösserä elektro-pop-star isch und
immer sältener i dä schwiiz wiilt.
"bitti bätti babies, shacked eui booties, ihr
wüsset wär im huus isch..."

eh machi äs album, was heisst eis, ich mach na
so vill albe, dass du gar nüme weisch, wo
überall dini föteli inächläbe. eis mit band,
eis mit nu fiitschers, eis für d strass, eis
für dä next-level-lyrischi-undergrund und
natürli na eis für d ladies :hmmm:

strikk
15.07.2004, 11:55
...aber zerscht chumi mal uf mixtapes. hey, und ich
bin glaubs scho ufmä albem - obk. hani zwar na
niä ghört, aber ebä...hehe, gäll gimma...

hehe, bschiisär, mach doch sälber äs album, aso
ehrlich ;)

Bschiisär
15.07.2004, 11:59
hmm..das froit eim..gäll, imenä monät isch s'home-recording-uster-downtown-studio definitiv gschlossä und du mutiersch zumenä professionellä-ton-tech-nicker, oder? hmm..ich organisierä demfall mal ä 2ti zfridae-session..mues mal luegä, wiälang dä SlängRover na im Militär hängt und ob du und dä Poetical mal Ziit händ..wärsch däbii?

also, idem sinn bliib ich groupie und wartä uf biits ver-strikk-t mit teggscht vom Herr "so-cool-da-chasch-druff-schliifschueh-fahrä"..hehe..

wünsch allnä en guetä..

piis..

edit: ja, das mit em BSchiisär-Album chunnt schona..bruuchä einä womer Biits macht (wink-nicht-nur-mit-dem-Zaunpfahl-sondern-mit-dem-ganzen-Gartenhaag)

aber weisch..ich lahnmer ziit..ich mein anderi Lüüt mached fetti Tracks und sind so um di drissgi..also..was söll ich mi minä peinlichä 18 scho es Album usäbringä..das hät ziit..hehe..

strikk
15.07.2004, 12:04
hehe...ich bi halt en aalglatte siäch.

ja, mis "büro" muesi ca. mitti auguscht ruumä,
demits chan desinfiziert, abbroche und dänn wieder
neu baue werde, bis am 1.9. öpper chan iizieh.

aber eh, chumm, chömmed, s isch abfakkel-zyt,
mer tärf jetzt aläs das rappe, wo mer susch
angscht hätt, dä ruum wäri nacher für jahrä kaputt...

das mitem studio isch am choo, aber ich han au huerä
bock eifach mal chli easy-peacy dur s ländli z reise
und min sound dä lüt vor d frässe z haue.

ach, was mer na aläs chan mache mit drissgi,
ich liäbe diä uufklärte zyte hüttzutax...

Bschiisär
15.07.2004, 12:08
isch ebä s'probleem..ich han letschti gläse, es gäch na ca. en monät, dänn seig diis huus läär..

und jetzt hanich natürlich feriä gnoh, und bin drüü wuchä nöd umä..suscht hett ich eifach ens chlafsack packt, und wär churzerhand idiis studio iizogä..hehe..

nachli gogä mikro's plaagä, bevor's fertig isch..

dur's ländli ziäh..hehe..dä strikk uf wanderschaft..

wär geil..

strikk
15.07.2004, 12:08
Original geschrieben von Bschiisär
edit: ja, das mit em BSchiisär-Album chunnt schona..bruuchä einä womer Biits macht (wink-nicht-nur-mit-dem-Zaunpfahl-sondern-mit-dem-ganzen-Gartenhaag)
gebongt! im momänt machi eifach na chli gruusigi
schnällschnäll sache, ebbä, bis mini hütte down isch.
nacher butzi mer mal dä dräck under dä negel, stell
mer ä sekretärin mit grossä boobs is vorzimmer und
brings ding zum glänze wi blingbling.
ich hett eifach gärn na äs müü besseri möglichkeit
als min abgfukktä billig-laptop zum dänn di würkliche
beats usäzhaue...hehe...gäll, ge!...ah nei, du bisch
ja gar nöd da...


en guetä!

Bschiisär
15.07.2004, 12:12
Original geschrieben von strikk
gebongt! im momänt machi eifach na chli gruusigi
schnällschnäll sache, ebbä, bis mini hütte down isch.
nacher butzi mer mal dä dräck under dä negel, stell
mer ä sekretärin mit grossä boobs is vorzimmer und
brings ding zum glänze wi blingbling.
ich hett eifach gärn na äs müü besseri möglichkeit
als min abgfukktä billig-laptop zum dänn di würkliche
beats usäzhaue...hehe...gäll, ge!...ah nei, du bisch
ja gar nöd da...


en guetä!

vergiss es nöd..ich wird sehr gärn druff zrugg cho..uaa..weisch wiä wird das geil, wämer am strikk en fettä pc, en bequemä schtuehl und chli ziit git..dämn..ich froimich uf diä biits..hehe..

strikk
15.07.2004, 12:14
Original geschrieben von Bschiisär
vergiss es nöd..
has nöd, wirds nöd!

Bschiisär
15.07.2004, 12:35
jah man..strikk..du bisch und bliibsch "da-illest-dude-on-earth"..

mässi

krizi
15.07.2004, 15:02
huere arschchrücherei da... tztztz... :o :D

MCrobidog
07.03.2005, 18:13
yo bschiisär, was gaht? So "gseht" mä sich wieder. Mega geile Track. Weiss gar nüd öb ich das schomal gschribe han. proooobz

ps:schrieb mal pm wänn derzuä chunsch, aight?