Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : was söll i näh?


lulu
28.09.2004, 00:10
hey, mol e frog an d profis...

will nämligg au mit djing afo, abr was empfihlt sich so für afo?

Turntable: technics 1210, hörsch jo uf villne tracks das es dr bescht isch... s git jo abr verschideni versione...
ha denkt do nimm i mol chli öbbis tüürers, derfür abr lang hebt...

Nodlä: zum afo längt jo so e normali für öbbe 120.-- odr?
was für eini empfählt ihr?

Kopfhörer: kei blasse!

mixer: do könnt i evtl. ein abkaufe, weis abr nid wie de heisst... miest noche froge...
do ich khört ha, das dr ersti schnäll kaputt goht, ha i denkt do nid gross z investiere. wüsstet ihr öbbis? e rane ttm 56 isch eifach z tüür...


s züüg sött eifach dr hammr in sache priis leistig si

kennet ihr no e guete lade?

messi für d hilf

prophet
28.09.2004, 00:27
muäsch der eifach überlegge wie dies budget usgseht... es lohnt sich nöd e tüüri alag chaufe wenns der noch eme johr nümme flasht... und glaub mers es isch es verdammt tüürs und es ziitintensivs hobby...

han mer won ich agfange han zwei 1210 MK5 und en Ecler HAK 310 zuätuä...

peace

lulu
28.09.2004, 00:51
das es tüür isch, isch mr scho klar...

naja, wil eigentlich für e anfang nur ei turntabel, wills hauptsach zerst mol ums cutte goht und au ufnäh uf e pc...

messi.

tony_flare
28.09.2004, 09:15
turns bisch mitem 1200/1210 uf jede fall guet bedient.

mixer: hol dr doch e 05er oder 07er vo vestax. wenden bi turntablelab.com bstellsch, chunts rächt vill billiger, als wenen do chaufsch. ajo, aber hesch jo gseit chöntsch ein abchaufe.

noodle: shure M44-7. das isch für mi DIE skratch noodle, stand ebe nid uf ortofon...und vor allem isch si drzue ane no billiger. glaub um die 90.-

headphones: hmm....ich ha mini technics rp-dj headphones, choschte halt au meh als 150.- aber do wüssti jetzt nid so alternativ züg, wili keins probiert ha. wenn aber eh nid in clubs was willsch mache, chasch au billigeri neh, nur wenn mol in clubs bisch, isch mit de billige s problem, dass si eifach nid gnueg druck hän, und d monitore hinterem rugge oftmols d headphones überdöne...


hoff s het bitzli gholfe.

grooes

mars

Beatnik
28.09.2004, 11:06
Und suscht gitts da im Erste Hilfe Forum scho rächt vill Theme über Stuff wp en Afänger kaufe chan, eifach mal chli dureluege!!

lulu
28.09.2004, 12:21
hey messi vil mol

beatnik: sry, weisch i bi mied gsi:o

Beatnik
28.09.2004, 12:39
Original geschrieben von lulu

beatnik: sry, weisch i bi mied gsi:o

Dänn gah früener is Bett:D

lulu
28.09.2004, 13:15
jo papi:D

Beatnik
28.09.2004, 14:11
Original geschrieben von lulu
jo papi:D

Ich bin zJung zum diin papi siii...

Sorry:D

snz
29.09.2004, 10:51
ich bin au na n zimleche newbie,
han mer ez mal es numark tt1650 bstellt..
weiss nöd wie guet oder schlecht s isch..han eifach ghört zum istige sells na guet si und es isch s einzige woni na chan zahle..
stifte lohn isch halt scho recht erbärmlich..=/
de reste (2z turntable, mixer, headphones und alles..) ziehni mer nach mal alles jenach dem wies mitem geld usxeht

het öpper scho erfahrige mit numark turnies gamcht?

LKB
29.09.2004, 11:00
Also turntables sind sl-1210 sicher nöd schlecht. ich chönt allerdings au no reloop rp-6000 empfehlä, dä isch miner meinig no gad so guet wiä dä technics, eifach billiger... di meischtä dj's lachät eim eifach us, wenn mä kei technics hät, aber da isch nur wels kei ahnig händ *g*...

Mischer chan i au stanton empfehlä: sehr guets pris/leistigs verhältnis. Also ich scratche scho mega lang mit mim stanton sk-six für 350 Frankä und i bin voll und ganz zfridä.

needles: shure M44-7!!

lulu
29.09.2004, 11:27
nodlä han i bisher öbbis anders im sinn kah, so e ortofon odr wie au immr


bi dere shure m44-7 hani gläse uf djdiscount das die zum druf due chli schwer isch.... die wo eini hend, is wirklich so scheiss finger arbet?
abr gäll mit dere chasch denn au platte normal lose...?
(bin halt en neewbie:(

Beatnik
29.09.2004, 11:45
Original geschrieben von lulu
r
bi dere shure m44-7 hani gläse uf djdiscount das die zum druf due chli schwer isch.... die wo eini hend, is wirklich so scheiss finger arbet?
abr gäll mit dere chasch denn au platte normal lose...?
(bin halt en neewbie:(

Isch kei grossi Arbeit! 2 Schruube und 4 Steckerli, fertig! Du chasch dShure au scho uf em Headshell vor-montiert kaufe, dänn muesch gar nüüt meh mache! Koschtet glaubs ca. 20.- meh alls wenn nur dShure kaufsch.....und ich weis jetzt au nöd öb bi jedem Turntables sscho es Headshell däbii isch?? Bim Technics uf jedefall sicher!

Ach ja, dä Dj LKB hett rächt, Technics sind sicher Qualitativ huere guet, aber inzwüsche hett Konkurenz rächt ufgholt! Es gitt sehr gueti Reloop und Numark Tables wo Billiger sind, vo dä features her sogar um einiges besser!

Aber vo dä Qualität, tja, was ich scho erlebt han mit dä 1210er, und was ich scho ghört und gseh han, he he, diä sind unzerstörbar!
Das müend di andere Tables zerscht no bewiisä:D

lulu
29.09.2004, 12:20
Original geschrieben von lulu
abr gäll mit dere chasch denn au platte normal lose...?
(bin halt en neewbie:(

die frog isch immr no unbeantwortet, au wenn si für euch absurt klingt

Ziehmutter ZH
29.09.2004, 12:29
@lulu

ich empfille diär, e PM an Screwd zmache!

är choschtet zwar zimli vill für sini beratig, aber miär hätter mega gholfe, imfall!!

lulu
29.09.2004, 12:35
kostet? wievil? wie zahle?

tony_flare
29.09.2004, 13:16
Original geschrieben von lulu
die frog isch immr no unbeantwortet, au wenn si für euch absurt klingt

jo uf jede fall chame demit platte au normal lose :)

LKB
29.09.2004, 13:28
Original geschrieben von Beatnik
Aber vo dä Qualität, tja, was ich scho erlebt han mit dä 1210er, und was ich scho ghört und gseh han, he he, diä sind unzerstörbar!
Das müend di andere Tables zerscht no bewiisä:D
do hät dä beatnik au wider recht! technics sind sicher bitz stabiler und händ wohrschinlich chli ä längeri lebensduur.däfür häsch mit dä reloop funktionä wiä quartz lock, rückwärts laufäloh, 20 % pitch, usw, wo du mit äm 1210 nöd häsch.
i han eifach dänkt so als istigermodell wär än reloop sicher au nöd schlecht. isch halt eifach einiges günstiger!

Beatnik
29.09.2004, 13:29
Original geschrieben von lulu
die frog isch immr no unbeantwortet, au wenn si für euch absurt klingt

Ich würd mich glaub zerscht mal mit dä Turntables chli meh usenandsetzte??!! Evtl. wär en CD Skratcher besser für dich:D

Nöd zu ernst näh, es gaht mir eifach drum das mer vetl. scho chli sött wüsse was e Plattenadle isch, befor mer sich so wertvolli Diamante hei nimmt;) Aber evtl. isch das für mich hald scho zu selbstverständlich, will ich i dä Lehr mit dem zTue gha han?!

Ich chans ja so fröge: für was wotsch dir Turntables kaufe? Bzw. Was sind dini Ziel, und wie bisch du druff cho mit dem aazfange?? ;) Ach ja, wie alt bisch (nimmt mich eifach wunder, isch nöd bös oder sarkastisch gmeint)

Beatnik
29.09.2004, 13:37
Original geschrieben von DJ LKB

i han eifach dänkt so als istigermodell wär än reloop sicher au nöd schlecht. isch halt eifach einiges günstiger!

Wo ich mir Turntables kauft han, sind hald 1210er immerno zimlich State of the Art gsi, Vestax isch det no zu Exotisch gsi für mich! Und ich hans rächt günstig voneme Kolleg chöne abkaufe.
Aber ich bin sicher, wänn ich zu dere Ziit scho so gueti Aanderi Produkt gha hetti, hett mi evtl. au anderscht entschide! Obwohl, ich bin durch DMC Videos as Djing cho, und det hends hald au Technics 1200er gha, he he, isch ja fascht chli logisch das ich diä Dinger han wellä ha:D

Aber lueg mal da, das sind mini erste Turntables gsi, 1996 oder 95.

En Technics Shit us em Brockiland für 10.- und en Omnitronic Direct Drive, aber en mega schlächte, hett hure eschwache Motor gha...und sMischpult für 120.- us em Manor, so e Bandrige Scheisse....he he, leider chli chlii das Bild:p

LKB
29.09.2004, 13:43
yeah mann, i han als erschtä plattädrüller au än omnitronic direct drive gha. aber einigi plattäspiler mit riemäatrib sind besser gsi, wiä dä müll.

aber jetzt isch sowiso jedä turntable direkt atribä und d qualitätsunterschid sind halt vil vil gringer wordä...

Beatnik
29.09.2004, 13:56
Original geschrieben von DJ LKB

aber jetzt isch sowiso jedä turntable direkt atribä und d qualitätsunterschid sind halt vil vil gringer wordä...

He He, ebe nöd...diä Billige Numark Turntables (modell weis i jetzt grad nöd) sind no mit Riemaatrib! Gsehn ebe zum verwächsle ähnlich uus mit dä Tüürerer Modell wo Direct Drive hend! Aber därfür chunsch so eine scho für chli meh als 300.- über, und sooooo schlächt sinds sicher nöd!

Aber wenn dir sTechnics System inneziesch mit em Magnet und dä Elektrone (Elektrode, böh??:D) sinds hald für diä Ziit wos usecho sind hald scho überirdisch guet gsi!
Dä Omnitronic hett ja no mit Zahrad Direktaatrib gschaffet! Wänn dänksch, chli zvill Gägedruck und wusch, sZahrad isch dahin :D

Beatnik
29.09.2004, 13:59
Original geschrieben von Beatnik

Aber lueg mal da, das sind mini erste Turntables gsi, 1996 oder 95.


Wart, das stimmt nöd mal, he he!

Miin erste Turntable isch en alte Bruune Telefunken gsi, det han ich mini Kasperliplatte gloset gha, so mit 4 bis 6i!
Dänn han ich dAlag vo minere Schwöster geerbt, au en Telefunken Plattespieler mit Kasettendeck und 2 Luutsprecher! He He, nur zum das richtig stelle:D

lulu
29.09.2004, 14:25
aso i han die frog nume gstellt will i mol bim ne konzert so en effect nodlä khört han, das dies denn nid "normal" abspilt...

aso i bi 16

wäg cd: ne, dp dengi isch eifach nid das ware

i weiss z. b. dass i e direkte antrib näh mues, halt so s für mich logische (kolleg het nid direkt kah, das het scheisse tönt nach em scratch)

s isch denkt eifach so zum chli scratche, ufneh, uf e pc due, evtl denn mol mit em mixer no es mixtape mache so für mich... evtl mol mit de kollege widr mol en gig gäh und so, nid so professionel

halt eifach als hobby zum fun, derbi sich abr scho mieh gäh...

LAN
29.09.2004, 21:44
Original geschrieben von prophet
muäsch der eifach überlegge wie dies budget usgseht... es lohnt sich nöd e tüüri alag chaufe wenns der noch eme johr nümme flasht... und glaub mers es isch es verdammt tüürs und es ziitintensivs hobby...

han mer won ich agfange han zwei 1210 MK5 und en Ecler HAK 310 zuätuä...

peace

verdammtverdammthueremassiv tür würdi sogar säge... ha vori mau grächnet wasi ungefähr ha usggä im letschte haube jahr, aaaaaargh. klar si dert d aschaffigschoschte vo tts und mixer und scheiss no derbi, aber allei für platte sicher 1800 stutz und das isch e eher vorsichtig gschätzti zahl. 2000 triffts äuä ender. merde...

i ha e vestax pcv-002 sitemne haube jahr. dä chasch zahle, i hane für knapp 200 bicho. aber het haut ke hamster und o süsch ender beschränkti funktione. aber für istiger bruchbar würdi meine ;)

bsorg der 2 turnies, hesch süsch immer zgfüeu es fäuht der öppis. und wennde wosch mixe bruchsch eh 2. oder bsorgsch dr äbä cd-player, de chasch o züg vom pc grad diräkt uf cd tue und denn mixe.. wär vilech gäbiger?

lulu
29.09.2004, 22:34
ne, unter anderem will i uf die technik nid vertrau mit cd's...

LAN
29.09.2004, 22:49
mou uf die chasch scho vertroue, s git gnue pro-djs wo mit cdx uflege... aso vo däm här isch easy. aber leider sisi haut no chli türer aus "normali" mks

cut clitoria
30.09.2004, 22:19
Original geschrieben von Ziehmutter ZH
@lulu

ich empfille diär, e PM an Screwd zmache!

är choschtet zwar zimli vill für sini beratig, aber miär hätter mega gholfe, imfall!!

muahahahahahahahahahaha

so e geile siech

Stubaehocker
12.10.2004, 16:58
was sust au chasch zieh sind vestax tts.. di sind au recht geil... glich tüür wie mks... okey chli meh glaub sogar!! ABER hesch geili funktione!!! schnelle start und stop nid wie mit 1210er... und dquali isch au guet vo denne dinger!!!!

denn wenn mer scho be vestax sind de mixer chaufscch au grad dete ... am beste find ich de 05er und 07ner....

nadlä... dshure sind guet muessi euch recht gä... dortos sind au guet... aber de ultimativi gheimtipp obwohls nid als scratch nadlä dure gönd... iscch dwithlable vo shure.. aber wennt afangsch isch en ortofon oder en 44er recht guet!!!

piis

Dj Riddla
12.10.2004, 17:29
Mixer würd i dr ecler hak 360 zieh.
het mi abstand ds beste pris-leischtigs verhäutniss(nid so übertüret wie vestax) u dr fader isch eifach göttlich:blingblin

nadle ha i shure m-44 u bi absolut zfride mit denä, si o zimlich billig.



piis riddla

prophet
21.10.2004, 16:10
han es problem...
hine am mixer häts so schrübeli wod muäsch s'erdigskabel vo de turntables aschlüsse...
weiss öppert wo mer sotigi chan chaufe... han nienet sotig gfunde und isch relativ wichtig das ich wieder so es schrübeli han! han mis verlore...

Dj Riddla
16.11.2004, 11:46
yo'

wot mir widermau ä mixer ir obere priisklass choufe...cha mi aber nid so richtig entscheide...mini überlegige si:

vestax 07 / ISP / Samurai Series
stanton sa-12
rane ttm 56 (isch mir chli z tüür, wär aber äuä dr bescht vo aune)
pioneer 909

wär fett we dr chli öpis zu dene mixer chöntet säge...

piiis

LAN
16.11.2004, 18:20
werum ke hak 360 oder so?

Dj Riddla
16.11.2004, 19:59
hak 360 ha i äbä scho:D

söt äbä scho eine vo de obe gnannte si...ha leider ke müglichkeit aui ds teschte:(

Beatnik
16.11.2004, 20:57
Original geschrieben von Dj Riddla
hak 360 ha i äbä scho:D

söt äbä scho eine vo de obe gnannte si...ha leider ke müglichkeit aui ds teschte:(

Was isch dänn am Ecler nüme ok?? Isch doch e geils Teil, oder?

LAN
16.11.2004, 21:37
Original geschrieben von Beatnik
Was isch dänn am Ecler nüme ok?? Isch doch e geils Teil, oder?

scho ja, gäbigi frag. gibne süsch mir, mi mixer isch langsam eh am arsch....

Dj Riddla
17.11.2004, 00:53
mit mim ecler isch no aues easy...louft no wi neu:D

bi o sehr zfride mit mim hak,wot mir aber äbä no ä mixer für üses rümli choufe...u wet zur abwechslig öpis angers aus der ecler(vorauem hets dä dert nid wo i dr mixer wot choufe)wägä däm muess i mi zwüsche vestax 07 u stanton sa-12 u rane ttm56 entscheide...


piiis

fatal
17.11.2004, 11:49
@lulu: zum afah machsch sicher nüt fautsch, wed dr mau 1 plattespilär choufsch, drfür gad guäti qulität! Aus nächscht ziähsch dr no ä mixer, nadle, när chasch scho umäspinnä, spetr när zwöit plattäspiler und was süsch no so bruchsch ...

@riddla: dr rane ttm56 isch haut scho brutalä mixer, wenn nid sogar dr butauscht, abr dr 07 isp würd sicher ou längä odr? :rolleyes: wobi i nid gnau weiss wasi vo samurai series söu hautä! zum stanton cha nid viu sägä. du muäsch haut wüssä wiviu dir das ganzä wärt isch!


peace