das das jo e geils hiphop forum ishc, denki das sicher au einigi lüüt git wo au zu funk herezoge werde.
funk isch eifach mol so geile sound!
hauptsächlich halt will alli d'instrument einfach voll im griff hend.
mini favorite sind vorallem lesmccann, los tetas (wos leider leider nüme git, hend au hiphop kickt),infectious grooves, maceo parker,.....
het no einigi meh
wa hend ihr so für meinig zu funk, oder wa für funk und vo wem losed ihr?
sly saloon
04.10.2004, 11:12
hei geil infectious grooves! violent & funky! als alte suicidal tendencies fan bini natürli voll fan vo de infectious grooves!
sticks and stones may break some bones
but a 356. gon blow your damn head off!
infectious grooves isch eifach zuu krass.
es isch viel zgeile aggrofunkshiat. ha glaub di ganz dicographie diehi am start :D
ich kenn mich da nöd so guet us und kenn niemert... es isch doch ä musikrichtig vo jazz? ich los es eigentlich sehr viel, und bin dänn am friitig im schiffbou, wänn ihr wüssed was ich mein :D
es wird au no hüfi mit jazz chli verbunde und chli gmischlet. aber es glichig isches scho nid.
poetical
04.10.2004, 11:42
Original geschrieben von sly saloon
hei geil infectious grooves! violent & funky! als alte suicidal tendencies fan bini natürli voll fan vo de infectious grooves!
sticks and stones may break some bones
but a 356. gon blow your damn head off!
he,he dr Sly wieder. Bi mir isch o grad äs Liecht uf woni Infectious Grooves liese. Weiss zwar das dr Mike dert mitmischt, aber glost hani's no gar nie richtig. Däm Fau schlöinigst nachehole.
sly saloon
04.10.2004, 11:48
Original geschrieben von poetical
he,he dr Sly wieder. Bi mir isch o grad äs Liecht uf woni Infectious Grooves liese. Weiss zwar das dr Mike dert mitmischt, aber glost hani's no gar nie richtig. Däm Fau schlöinigst nachehole.
chani dir wärmstens empfehle. usser am mike isch no de trujillo am bass debi vo de suicidal..das bedütet herti slaps en masse. s git es paar albene, ich kenn nur s erste guet, "violent & funky". vo mir us en classic! peace
jo so die erschte albene sind nid so de hammer. isch nonig so geile funk sondern eher punk shit.
sly saloon
04.10.2004, 12:05
Original geschrieben von troibal
jo so die erschte albene sind nid so de hammer. isch nonig so geile funk sondern eher punk shit.
hahha ich find drum die erste albene geiler, stohn ebe meh uf punk shit;)
hmm okay......
ich voll nid :)