Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Aightgenossen**BEGINNER**Dj Battle Files


Beatnik
05.10.2004, 01:21
Battle ist geschlossen........

Folgende Teilnehmer haben ihre Stimme abgegeben:

beatnik
cyclone
dj riddla
mars digital
screwd

________________________________________________

DJ RUBBA - Battlefile (http://www.needletrashers.ch/Beginner/djrubba.mp3) 0 Stimmen (Platz 3)

GANJABAUM - Battlefile (http://www.needletrashers.ch/Beginner/ganjabaum.mp3) 4 STIMMEN (GEWINNER):yeah:

S-BREAK (LAN) - Battlefile (http://www.needletrashers.ch/Beginner/lan.mp3) 0 Stimmen (Platz 3)

MOGLEE - Battlefile (http://www.needletrashers.ch/Beginner/moglee.mp3) 1 STIMME (Platz 2)

_________________________________________________

Files bleiben noch etwa 1 Woche Online, nun können ALLE ihr Feedback geben, auch NICHT Djs :D

Beatnik
01.11.2004, 02:27
So mini Stimm zu dem Battle gaht an:

GANJABAUM

Er hett für mich ssuberste File gmacht, i dä andere Kriterie isch es hald schwer zgsii en gwünner zfinde! Idee hend alli gha und mit ihrne Möglichkeite sicher au guet umgsetzt.

@Lan
Respect das mitgmacht hesch, hettisch eigentlich en Ehreplatz verdient, und dini Cuts sind au scho besser wordä, bliib dra!

@Moglee, he he du sau, mit dine Cutz hettisch Locker Amateurs ghört (und wenn geau so suuber no meh Technicke drinn hettisch scho fascht Expert), drum chan der au nöd mini Stimm gäh....:D

**1 Stimm für dä GANJABAUM**

SCREWD
01.11.2004, 02:35
MOGLEE: d Platte hesch guet abkläbt am Afang und de Mix hett gstumme, d Scratches göhn uffjedefall mehr als nur klar, finds zimmlich geil.....

LAN: Cool dass mitgmacht hesch :) de Mix isch dr guet glunge, aber d scratches sind no zimmlich unkontrolliert ;)

DJRUBBA: D Beatcutz am afang sind zimmlich im takt gsih, denn chann ich irgendie nüm richtig interpretiere was du gmacht hesch, aber me hört, dass irgend e Mixplatte laufe loh hesch oder hesch es Mehrspurig uffgnoh, denn wärs de Fall, dass disqualifiert wärsch *g* aber ich dänk scho dass es e mixplatte isch......isch zimmlich wirr das ganze :D d scratches sind au zimmlich unkontrolliert, aber ebbe....cool das mitgmacht hesch würklich......respäkt

GANJABAUM: geils Instrumental vo Mainflow hesch usgwählt :D d Scratches über em JS-OnE sim Beat sind zimmlich suuber. Du hesch au rächt viel
Abwächslig mit Beatz dribrocht.

Also mini Stimm goht an GANJABAUM ganz knapp vor em MOGLEE

Und Respäkt goht an alli wo mitgmacht hän

Dj Riddla
01.11.2004, 19:03
moglee: d cutz si scho fasch zguet für zu de beginner:D
isch schad das keni juggles gmacht hesch aber das gliche d cutz wider us...

ganjabaum:
rächt suberi cutz...o zimlich abwechsligsrich...witer so!


mi stimm geit a moglee knapp vor ganjabaum


piiis

Cyclone
01.11.2004, 19:52
mini stimm gaht am ganjabaum. isch scho chli abwächsligsricher zum lose als de rest.

geil hani gfunde das de lan doch all dem stress no es file aneklöpft hät. :kiffer:

tony_flare
01.11.2004, 21:46
ganjabaum

LAN
02.11.2004, 00:31
aight hätte mer ds. merci fürds battle, gratulation füre ganjabaum!

und merci für di liebi kritik, aber i ha nech o gärn weders ganz offe säget ;) i weiss, das ds unter aller sau isch woni da ha abgliferet, bi o ke battledj...
aber ds battle het mi glich irgendwie agspornt mau chli meh z trainiere, we'll see.

thx uf jede fau!
schöne zäme, LAN

Beatnik
02.11.2004, 07:36
Original geschrieben von LAN

und merci für di liebi kritik, aber i ha nech o gärn weders ganz offe säget ;) i weiss, das ds unter aller sau isch woni da ha abgliferet

Also was ich i 8 Jahr scho a Live Battle erlebt han isch teilwiis under alles Sau gsi, vor allem mal im 96i aneme DMC in Züri, det hetts 1 Jungle Dj gha wo alles versaut hätt, he he, da wärsch du würklich grad sehr guet gsi, also mach di nöd sälber abe und bliib dra ;)

LAN
02.11.2004, 08:19
ke stress, i bi dranne.

check ds:
http://www.aight-genossen.ch/forum/showthread.php?s=&goto=lastpost&threadid=6030

moglee
02.11.2004, 19:23
gratulation an GANJABAUM-->fedds file!:dance: ;)

und au fedd das die andere mitgmacht hend!!!

und merci fürd kritike unso.. dj riddla, screwd und beatnik ;)
jez weissi wasi nexscht mol besser mache muess.. jo und im verglich zu de andere drei files.. isch es scho ehner ööd.. muess me abwechslig unso dribringe..hehe.. und no afange ds juggle..

@beatnik: jo he wie de weisch hani mi nid chönne entscheide.. han voll nid gwüsst won mi sell amelde.. und sooo lang bini jez au nid drbi..und erfahrig hani au fascht kei.. vo dem her han mi denne bi de beginner agmeldet..
abr de ganjabaum isch jo au no besser vo dem her:kiffer:

peace und merci

Dj Riddla
02.11.2004, 20:44
wie lang scratchisch eigentlich scho?

würd mi augemein interessiere wie lang das dir hie im forum scho cuttet...weis nid obs scho ä thread git zu däm thema ha jedefaus nüt gfunge...



piiis

moglee
02.11.2004, 21:24
jo das würd mi au no zimli intressiere..

jo ich han glaub han mini turns und mixer glaub letscht oktober kauft.. aso zimli genau es joor her..
isch abr scho es zitli gange bis ich gschnallt han wien ich das züügs alles überhaupt zlaufe bringe.. mit verstärker und so:D

wie sehts bi euch us???
verzelled!!:)

peace

ganjabaum
02.11.2004, 21:53
tach Genossen des Plattenkratzens!
zersch mol danke für all wo mir i dem thread props und vorallem die votes geh hend!
Cool das gnueg mitgmacht hend , props an alli!
I selber han mitme 1210ner agfange woni mir mitem brüeder(prophet) ungefähr im April 04 kauft han!
han den mitem Dj Rubba :dj: agfange uflege,
sither ischs e droge :rasta:
, stohn halt chli under ziitmangel aber i gib mer müe!

wer scho gedigä würd widermol öppert sowas do in organisiere!!

nomol props an ali und en schönä obet!

Dj Mathayas

Dj Riddla
02.11.2004, 22:49
chratze sit ca 2jahr...fäut haut o chli zit drzue...immer dran blibe:)



piiiis

LAN
03.11.2004, 00:17
sit letscht februar ;)

Dj Riddla
03.11.2004, 17:06
so dir beginner:D votet mau chli bi amateure, die wo no nid hei...


piiis