Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Was mache?


Bucho
10.08.2007, 09:13
salut

ich ha do es gwüsses aliege. däzue mueni bizli ushole goht chli tüfer, also:

(um kei näme znenne hani am spanier dä buechstabe X geh und am schwizer Y - aight?)

vor es paar johr händ ich und 2 jungs üs zämetue und ä rapgruppe gründet (name isch jo etz glich). jedefalls händ mir üs denn noch es paar johr underwegs si ufglöst und jede isch sin eigene weg gange. ich ha nochere churze pause für mich selber witergmacht. dä Y hät die glich idee gha.

irgendwenn han ich gfunde wär doch cool wiedermol es featuring mit em X z'mache (mitem spanier ;)). das hät denn sowiit au stattgfunde, und wos denn dä Y erfahre hät, häter natürlich au no wölle däbi si uf dem track. ok, ganz track nomol umgmodlet, so das no en dritte inepasst und mir sozsäge noch so langer ziit wiedermol es stuck mitenand gmacht händ (aug zuedruckt nr.1!).

ha vorgha es chlises album usezbringe mit mine neue tracks, bi scho fliessig im studio gsi und die meiste tracks sind scho im chaste. am Y gohts genau glich, isch im gliche studio am ufneh und isch etz vor mir fertig.

er hät mi mol gfroget öb er dä besagti track chön uf sis album tue. bi natürlich nöd so begeisteret gsi und ha gfunde lieber nöd, ussert er findi en andere beat (aug zuedruckt nr.2). dä beat isch für mich gmacht worde und das paket wöri gern als solches under MIM name usebringe. er isch sowiit iverstande gsi (isch öppe 1 johr her unterdesse).

etz ischer letzti zu mir cho well ich sis cover gstalte. sini cd isch sowiit fertig und min track isch genau so druff wie ich en eigentlich gmacht han, völlig unveränderet. und well er chli stress hät mit dem typ wo dä beat (für mich) gmacht hät, häter zerst nödmol wölle sin name erwähne ufem cover. ha denn scho gfunde da chöner doch alles nöd bringe aber i glaub er häts irgendwie suber ignoriert und es isch denn kei wort meh drüber gfalle...

etz isch mini frog, was chamer do dägege mache? ich weiss nöd was das söll aber ich finds eifach nöd fair! und mir passiert dauernd sottigs züüg, wer mol chli tüüfer i dem forum suecht findet vor öppe 2-3 johr nomol sones thema vo mir wos drum goht das mir dlüüt mis züüg chlaued. wo läbed mir do eigentlich? und nocher heissts ICH hegs klaut wenn ichs denn mol will usebringe. isch jo nur scho dfrog wieso dä vom studio mini tracks eifach so verteilt, wird jo immer besser!

jo, was mache? ich will das nöd! isch min track! i chlepf jo au kei tracks vom odb uf mini schiibe.

hoffe ha s'richtige forum verwütscht, sus sorry.

kokett
10.08.2007, 09:28
GO FOR SUISA

www.suisa.ch

det findsch öpe alli informatione zu dem thema...

meld dich a
registrier dini tracks
und du besch ir safety zone...

tschyeah!

DaMasta
10.08.2007, 09:45
brenn der track uf en CD, schick der ne per LSI und tüe ne erst üf wenns brüchsch... z.b: grichtsfall im schlimmste...

jester
10.08.2007, 09:45
u süsch suechschder vertrouenswürdigi kollege...

...sry, het müesse si...


dänke mau wenns nid aus DI track hesch la registriere chasch äuä nid viu mache... usser du chasch irgendwie glich bewiese dass du dr urhäber bisch... ke ahnig mit so rächtlechem shizzle, abr d'suisa chader sicher witerhäufe :)

cheers

Bucho
10.08.2007, 09:55
suisa stinkt... dozmol scho für üsi maxi tusig blätter müese usfülle voll kei bock meh druff und bringt sowieso nöd viel i dem fall wöri säge...

naja es goht jo nöd gross drum das i angst ha das er mega cash mache wird dämit. es goht mir meh ums prinzip: isch min track und WENN dä öpper veröffentlicht, denn bin das ich und sus keine! usserdem hani echt kei bock das irgendwenn lüüt chömed und finded "hey dä track häsch jo vom andere klaut"... i chämt goofe über ohni scheiss!

ach alles kacke echt isch zum chotze.

kokett
10.08.2007, 09:57
Original geschrieben von Bucho


ach alles kacke echt isch zum chotze.

ez weisch emel wieso dich vo ihne trennt hesch...

DaMasta
10.08.2007, 09:59
wiso suisa, machs so wie ich gseit hä... solang der brief nid üftüesch isch er rächtsgültig mitem poststempel... und wenn dine poststempel vor schim release isch, denn sind d rechti bi dier! alles ready?

ams

(hed)
10.08.2007, 10:31
Wenni di wär würdi mit dim Kolleg klartext rede und uf dini Prinzipie bestoh

Original geschrieben von Bucho
es goht mir meh ums prinzip: isch min track und WENN dä öpper veröffentlicht, denn bin das ich und sus keine! usserdem hani echt kei bock das irgendwenn lüüt chömed und finded "hey dä track häsch jo vom andere klaut"...

wirklich klarmache dass das so nit lauft. Und wenn ärs nit igseht ischer di Kolleg gsi.

Sowas würd mi au gruusig fuxxe

PEace

Bucho
10.08.2007, 10:52
merci für eui tipps, masta din vorschlag findi zwor intressant aber es isch halt au mit hi und her seckle verbunde. schlussendlich isch sis album veröffentlicht und min track druff, ergo intressierts kein mensch meh was hinedure lauft vowege wer isch zerst gsi.

ich glaub dä (hed) hät recht. au wenns hert isch, do mueni nomol dure und dasmol klipp- und klartext. cha jo säge wenn er nöd iverstande isch machi sis cover nöd fertig :D

usserdem setzi mi mit dem wo dä beat gmacht hät nomol in kontakt, und mit dem vom studio gad au... wie chunt dä überhaupt uf d'idee mini tracks zverteile ey...