Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Fahrenheit 9/11


Talib
01.11.2004, 22:50
Wär het jez grad fahrenheit 9/11 gseh?

i hane grad vorhär im tv gseh. verdammt hani e wuet gha,woni gseh ha was die scheiss soldate gseit händ.sie lose musig während dem sie lüüt erschiesse..scheisse aber das esch ächt CHRANK! so verdammti arschlöcher.
wenn die amis so blöd send de sölles de bush ruhig wähle,esch mer glich.die send so manipulierbar,händ eifach kei ahnig. de bush cha dene jede scheiss säge ond sie gloubes grad.

fuck i be so hässig..muess mi jez beruhige

guet nacht.

Al Bana
01.11.2004, 22:55
Original geschrieben von Talib
Wär het jez grad fahrenheit 9/11 gseh?

i hane grad vorhär im tv gseh. verdammt hani e wuet gha,woni gseh ha was die scheiss soldate gseit händ.sie lose musig während dem sie lüüt erschiesse..scheisse aber das esch ächt CHRANK! so verdammti arschlöcher.
wenn die amis so blöd send de sölles de bush ruhig wähle,esch mer glich.die send so manipulierbar,händ eifach kei ahnig. de bush cha dene jede scheiss säge ond sie gloubes grad.

fuck i be so hässig..muess mi jez beruhige

guet nacht.


hane scho lang gseh.. auso im chino eifach.. muess säge är isch easy, abr nid meh... isch mr irgendwie z'weni objektiv.. abr äbä me muess moore sini beweggründ kenne, är wott soviu lüüt drzue mobilisiere nid bush z'wähle, u so erreicht er o di dümmschte

starch populisitisch, emotionau u eifaxh nid richtig beleit.. abr är fahrt ii, so wi ner dir iigfahre isch, darfsch däm siech eifach nid aues gloube.. bowling 4 columbine isch viu viu viu viu besser

bätschmändoo
01.11.2004, 22:56
Bi Aightgenosse ischäs fasch wiä am Fuessgängerstreife: luege, lose, laufe. Hiä heisst eifach: sueche, läse, schnauze und nid di ganz Zit Threads öffne zu Themä wos scho git. Eh lueg o da, wär suecht dä findet:
http://www.aight-genossen.ch/forum/showthread.php?s=&threadid=5634
:hmmm:

Al Bana
01.11.2004, 23:01
Original geschrieben von bätschmändoo
Bi Aightgenosse ischäs fasch wiä am Fuessgängerstreife: luege, lose, laufe. Hiä heisst eifach: sueche, läse, schnauze und nid di ganz Zit Threads öffne zu Themä wos scho git. Eh lueg o da, wär suecht dä findet:
http://www.aight-genossen.ch/forum/showthread.php?s=&threadid=5634
:hmmm:


bätsch würd nid passiere we mr reezer ändläch mau MOD rächt würd gäh i däm board.. abr nei är wott ja nid :D

u di 2 mods söue nid so penne, chömmet giälä da isches huere chaos

Foxhound
01.11.2004, 23:14
ha dr fium o scho im chino xe... er isch nid sehr sehr guet! me merkt schnäu das dr Mr moore es eilig het gha!! dä fium isch zum gröschte teil ä zämefassig vo CNN u süsch nachrichtesändige...
aber damn i hasse damerikaner! sones dumms naivs fouk!!! so manipulierbar!! chöi diä nidämau 1 u 1 zämerächne? da fragt sech dr eint: "mir gö uf irak um ihne zhäufe, so das sie frei si! mir schänke ihne dfreiheit u sie wei nid! im gägeteil sie hasse üs! i begriefe nid werum?" daaaamn!!! oder d'szene wo dr eint "da roof is on fire" singt! i chönnt däm siech möchtig id frässe houä!! sone schiessfrässe!! u was mi extrem het beidruck u mi wieder zum stune het bracht isch diä szene wo sie dr tod verkohlt ami-soldat hei herhouä mit metaustangene! damn dä hass!!

FUCK AMERIKA!

sunshine
01.11.2004, 23:25
hane o grad vori gse gha...aso bwoling isch mire meinig nah x-mau besser gsi...bowling hetmi wük vo de socke ghoue,und hammer gueti argumentatione etc,mit de waffeindustrie,waffebsitz=freiheit etc...abr naja fahrenheit,isch wük nur no populistisch....teilwiis sis gerschreckendi sache,abr zwüschdüre ischer eifach nur eitönig gsi....u das mitem roof is on fire isch o mir huere igfahre,....
dassi si z gfüeu hei si heufe de lüt isch nid neu,siehe vietnamchrieg(hei e uschnitt ir shcueu gläsä überne biographie vo eim vode verurteilte amis für MY LAY massaker..die wosech mit däm chrieg e chline biz beshcäftigt hei wird das es stichwort si)
hoffe dr moore erreicht sis zieu mit däm fium...mi gsehts ja gli...

edit:@foxhound:chlei es beschrnekts urteil FUCK AMERICA...mire meinig na..weisch du meusches o so gse,di lüt wärdä eifach manipuliert bis zum gehtnichtmehr...e kolleg vo mir isch eis jahr lang nöime z michigan gsi...är het vrzeut vor shcueu,jede tag fasch e werbesendig fürs miliätr ir schueu,im gschicht isch aues fou patriotisch,vietnacmchrieg isch lut dene dert ke chrieg(wüus kei ofizieli erchlörig het gä usw)...lueg wo wei sech die iri unabhängig meinig biude?scho bi üs isches mengisch schwirig..u bi dene erscht recht..

Foxhound
01.11.2004, 23:39
damn aber das isch ja sone chranks land! zproblem ligt nid würklech bim bush säuber, es isch dmentalität vo de amis wo so katastrofau isch! me müesst diä ganzi läbesihstellig vo de amis änderä was generatione würd durä! diä aktuelli generation isch verlorä! amerika wird sech ou mitm kerry, faus er president wird, nid viu veränderä! im beschte fau chas dr ahfang vor mentalität veränderig si!

damis si zletschte land wo über freiheit chöi rede sones paranoids land wo sech vo auem u jedem fürchtet u immer grad extrem uf aues reagiert! nei sorry aber wiä chame über freiheit rede wenn me sich ging versteckt u täglech mit angscht muess läbe??? shit

Foxhound
01.11.2004, 23:41
Original geschrieben von sunshine
hane o grad vori gse gha...aso bwoling isch mire meinig nah x-mau besser gsi...bowling hetmi wük vo de socke ghoue,und hammer gueti argumentatione etc,mit de waffeindustrie,waffebsitz=freiheit etc...abr naja fahrenheit,isch wük nur no populistisch....teilwiis sis gerschreckendi sache,abr zwüschdüre ischer eifach nur eitönig gsi....u das mitem roof is on fire isch o mir huere igfahre,....
dassi si z gfüeu hei si heufe de lüt isch nid neu,siehe vietnamchrieg(hei e uschnitt ir shcueu gläsä überne biographie vo eim vode verurteilte amis für MY LAY massaker..die wosech mit däm chrieg e chline biz beshcäftigt hei wird das es stichwort si)
hoffe dr moore erreicht sis zieu mit däm fium...mi gsehts ja gli...

edit:@foxhound:chlei es beschrnekts urteil FUCK AMERICA...mire meinig na..weisch du meusches o so gse,di lüt wärdä eifach manipuliert bis zum gehtnichtmehr...e kolleg vo mir isch eis jahr lang nöime z michigan gsi...är het vrzeut vor shcueu,jede tag fasch e werbesendig fürs miliätr ir schueu,im gschicht isch aues fou patriotisch,vietnacmchrieg isch lut dene dert ke chrieg(wüus kei ofizieli erchlörig het gä usw)...lueg wo wei sech die iri unabhängig meinig biude?scho bi üs isches mengisch schwirig..u bi dene erscht recht..

jo i wiess i bi no chli zornig... es regt mi eifach uf...
das sie huerä manipuliert wärde isch offesichtlech drum säg i ou diä generation isch verlorä me müesst ds ganze verhaute um schuele...

fjodor
02.11.2004, 00:00
„Die Aufnahmefähigkeit der grossen Masse ist nur sehr beschränkt, das Verständnis klein, dafür jedoch die Vergesslichkeit gross.“

Also dä Usspruch charakterisiert die amerikanisch Bevölkerig am beschte. Aber was will mer mache. D Regierig chan d Mensche so manipuliere wie sie wöt. Und als Ussestehnde isch es eifach dass zsäge, wenn mer selber gschickt manipuliert wird denn chunt mer das au nöd mitüber!

Aber miner Meinig nach, treit dä Rescht vo dä Welt au än Teil vo dä Schuld. Wieso zum Tüfel glaubets dä Amerikaner überhaupt noh irgendöpis? Dä Colin Powell hät ihne dreischt was vorgloge vo wäge Massevernichtigswaffe. Alles erloge. Und wenn Amerika wieder irgendöpis seit, denn zwiflet niemert dra dass es stimmt. Im Nachhinein tönd dAmis denn mit ihrer Rhetorik alles verniedliche. I erinnere da nur mal ad „Verhörig“ vo dä Condoleeza Rice. Huere dreck, die muesch alli zur Verantwortig züche. Es muess für d USA Konsequenze geh.

Und jetz chum i zu dä Europäer bzw. äm Rescht vo dä Welt. Die huere Schlipsträger, die sognannte Politiker, machet denn nüt ussert alles „ufs Schärfschte verurteile“. I cha dä Usspruch nüm ghöre. Die söllet handle. Die söllet Blauhelm id USA schicke wo denn für gregleti Zueständ sorget. Was isch das für ä Doppelmoral in US? Sie spielet d Weltpolizei, dihei aber chönts nöd emol richtig Wähle! Internationali Beobachter müend alles überwache, dass macht mer i Dritt-Welt-Länder! Und das söll ä Supermacht si?

Aber niemert cha ischritte. Wieso? Wäg dä Beziehige. Alles i däm dreckige, korrupte Syschtem hät mit Beziehige z tue. D Welt wür dä Amis än Riegel vorschiebe, wenn’s kei Handelsbeziehge pflege würet. Isch ja nöd nur mit dä USA eso. Isch überall eso. Das Syschtem chamer aber leider nüm abwende. Es isch alles inenand verflochte. Ich als machtlose Bürger chan guet drüber Rede, radikali Massnahme fordere, aber Staatslüt, müesstet ihres Land opfere, ihri Bevölkerig. Well mer cha d Wirtschaft nöd eifach zämebreche loh.

Und genau das nützt Amerika schamlos us. Die ganz Welt isch vo ihne abhäning. Nur zum emol d UNO als Bispiel z neh. Döt sind 191 Mitlgieder wo ihri Biträg zahlet. 22 Prozent devo d USA. Wenn die öpis schlechts machet, denn wagts niemert – zumindesht kei Mehrheit – z proteschtiere. Die lönd sich doch die Gelder nöd entgoh. Macht aber ä Dritt-Welt-Land oder eis als gföhrlich Igstufts Land öpis (z.B. Iran, mit däm Atomchraftwerk) denn drohets gad mit Embargos. Da isch jetz au än klassiche Fall: Iran! D Amis behauptet oder heizet eher d Diskussion a, dä Iran wöt mit dem (waffefähige) Uran Waffe herstelle. Händs Bewis di Schisschöpf? Nei. Aber genau wie mit dä Massevernichtigswaffe im Irak, tönd sie sich ihri Bewis selber zämestelle. Und dä Rescht vo dä Welt, naiv wie sie sind (oder besser gseit, abhänging wie sie sind) nehmet alles so hi und glaubet ihne. Scheisse man, da chas doch nöd si!!!

Es git sehr viel Lüt wo au so ä Wuet wien ich verspüret. Und die wird noh grösser, well mer weiss dass mer nüt mache cha. Mer sich ohnmächtig. I däm globale Spiel sind mir kei Akteure, mir sind dä Ball, Lüt, und die spielet alli mit üs!!!!

WideLex
02.11.2004, 00:49
mä chan sich abr au organisiere und es gwüsses bewusstsi ufbaue, wo eim, oder e bewegig wo mä undrstützt handligsfähig oder handligsfähiger macht.

das mä nüt dägege mache chan isch au nume so en propagandafätze vom system wo sich i de meiste vo ois nidrgleit hät.

fjodor
02.11.2004, 01:29
Original geschrieben von WideLex
mä chan sich abr au organisiere und es gwüsses bewusstsi ufbaue, wo eim, oder e bewegig wo mä undrstützt handligsfähig oder handligsfähiger macht.

das mä nüt dägege mache chan isch au nume so en propagandafätze vom system wo sich i de meiste vo ois nidrgleit hät.

du chasch dich organsiere ja, und somit dini handligsfähigkeit erwitere. aber s handle goht praktisch - ussert i wenige fäll - nöd witer als dass nur ufmerksam mache chasch.
es brucht eifach neus syschtem, tönd radikal, aber demokratie wie sie in amerika praktiziert wird, isch au nöd s wahre!

stressfaktor_w
02.11.2004, 07:46
Ich find dä film no recht guet, grad will er mängisch so eiffach gmacht isch. Es söt ihn ja schliesslich au jede durchschnittsami verstah! und das isch sicher nöd eiffach zmache...
Er hät än recht idruck bi mir hinterlah und cha echt nöd verstah warum es immer no so viel idiote git wo trotzdem gönd go dä bush wälä!
hoffe er hät än positive ifluss uf d'wähler gmacht.
ich weiss jetzt uf jede fall meh wie vorher!

P.S.: ha än geschter au zum zweite mal gluegt, bi voher im kino gsi..

Fletsch
02.11.2004, 08:11
Ich find de Film geil! er zeigt eifach wieder mal was für Tublä die Amis sind.

Die Bilder vom Chrieg in irak und de Kommentär vo de Soldate sind eifach unter aller Sau. So wie die denked isch es nur recht wens nach em Chrieg es Trauma händ. läck.

Und das d Amis absolut kein Grund für de chrieg gäge Irak gha händ wird au schön zeigt. S gaht halt leider wieder mal nur um's Geld...:wtf:

scheiss welt he!

P-Flow
02.11.2004, 08:17
Ha der film rächt derb gfunne! ich hoff nur, daser in amerika gnüög üswirkt und bush nimme gwählt wird! aber di amis sind numal so blöd und wählund numal der depp. ich gsehs cho!

ebe, zum film: der mit der musig lose unnerem panzerfahre finni soo scheisse (burn, mothafucker, burn -> sottigi tracks).. und nacher das d'wohlhabende liit irusch chinder nit ne chrieg schickend? fuck di wixxer!
und der geilsch ischz gsi, da wa der bush im chindergarte isch gsi. so an pisser. wenn imusch land agigriffe wird, läst är easy ima chinderbüöch de schüöler epis vor! loool, da wundri mi nit, das bima tescht der IQ vam bush unnerdurchschnittlich isch gsi (IQ umi 80.... jaja, stimmt!)

aber der michael moore macht di sach verdammt güöt. schini filma sind hammer. s'einziga wami närvt, isch, dass me vil müöss unnertitel läse. aber egal.. der schock vam film chunt rüber!

Shorty
02.11.2004, 08:23
han de film au geschter im tv gseh und ich muess säge, da micheal moore isch es genie!! er verstahts andersch emotione erzzüge und alles was dä bush betrifft sehr schlächt dazastahlah!!

was ich no härt gfunde han isch grad am afang passiert, wo öppe 10 schwarzi parlamentarier iispruch händ welle ilege aber kein senator häts welle underschriebeb, wills schwarz gsi sind!

moore for president!!!

P-Flow
02.11.2004, 08:25
Original geschrieben von sunshine
[B]dassi si z gfüeu hei si heufe de lüt isch nid neu,siehe vietnamchriegB]
der vietnamchrieg isch ja im prinzip ver d'amis an unwichtige chrieg gsi. zersch hent d'franzose an vietnam verseit, nacher d'amis. der witz dra isch, dass vietnam in alle biziehige unwichtig isch gsi. der grund vam chrieg isch der kolonialismus va alle grossmächt gsi.
d'amis hent eifach nur bode in asien welle. egal wo. vietnam isch nu z'einzig land gsi, wa nit irgendwie va irgend epperum erobert isch gsi. d'amis hentes welle. d'amis hent verseit! zum glück!

JHO Fingg
02.11.2004, 08:44
@p-flow
dir isch aber scho bewusst, dass vili vo de sogenannte "infos" wo moore vo sech git, gar net wahr si und das bewise isch. (bsp. bin ladem family: isch mir em terrorist verfehded, erst nachdr flugsperri id luft gschickt worde, und lang verhört worde. steit allem is bricht vor 11. september komission...)
usserdem chamer de film anders schnide und e pro bush fium drus machä..

und vilech isch ja am einte oder andere, o ufgfalle, dass d'bilder wo im film verwändet wärde, us jeglichem kontext si grisse worde, und eifach irgendwie zämegflickt, damit die richtigi antibush stimmig ufchunnt.

was o no interessant isch, isch das dä film d'meinig vo de lüt net het gänderet (emu vo de meiste net). die wo uf dr bush site si, sis o gsi nachdem si us däm film sind cho..

dokumentarfilm? jede wo de film so nennt, sött das noma rächt guet überdänkä...

Irgendeis
02.11.2004, 09:25
Er hät mi nöd grad us dä Sockä ghaue. ICh finds aber super das Moore so Film macht für s'amerikanischä Volk. Er isch einä vo ganz wenigä wo än Gegepol zu derä ganzä chrankä-rächtä Publicity i dä USA bringt. Ich ha dä Werbe-Clip so krass gfundä, alles isch dargstell wiä i mä Game. Das isch für mich, wo i mä Land läb wos so vill Militär-Dienst-Verweigerer und so git, jenseits vo aller vorstelligscharft (mal abgseh vo all denä grässlichä Bilder vom Chriäg).
Mir hät Bowling for Columbine au vill besser gfallä, aber ich glaub das isch au gsi will i döt würkli Sachä erfahrä han, woni mär vorher niä gedankä gmacht ha drüber. Mit dem ganzä Bush und 9/11 Stoff han i mi jetz doch i dä letschtä zwei Jahr intensiver befasst.
Äs isch eifach wahnsinnig wiä dreist diä scheiss macht- und gäldgeilä Wixer handled und chönd handlä.
Wo füehrt das hi!?!

WideLex
02.11.2004, 10:38
Original geschrieben von fjodor
du chasch dich organsiere ja, und somit dini handligsfähigkeit erwitere. aber s handle goht praktisch - ussert i wenige fäll - nöd witer als dass nur ufmerksam mache chasch.
es brucht eifach neus syschtem, tönd radikal, aber demokratie wie sie in amerika praktiziert wird, isch au nöd s wahre!

wieso radikal?

isch doch eifach vrnünftig.

fjodor
02.11.2004, 16:34
Original geschrieben von WideLex
wieso radikal?

isch doch eifach vrnünftig.

i üsne auge isch das vernünftig, d schaffig von äm neue syschtem. aber für di meischte mensche isch das ihres weltbild und drum würets di als radikal emfinde ihres bild z verwüsche und was neus z mache.

mc rassko
02.11.2004, 17:05
hanen au gseh, findi no geil das d'lüüt, bsunders d'amis so öppis gsehnd, aber wi s'uusgseht hät nöd vil bracht, die mongos wähled ihn sehr wahrschinli wider:no:
übrigens, es git glaub scho en thread über das thema

music_head
02.11.2004, 17:25
Ich ha de Film au gse und ich muess ganz erlich sege, dasser scho chli ifahrt, aber er isch eifach zu populistisch und vorallem eisitig. D'Tatsach dass jetzt ganz Amerika dä Kerry wählt isch gleich null. Fasch kei Republikaner sind de Film im Kino go luege und somit hät Moore sis Ziel eigentli voll verfehlt, neue Wähler für de kerry z'gwünne.

Und dasmer de Bush immer am Golf spiel gset hani no witzig gfunde, aber wiso hackt mer über d'Familie Bin Laden ume? Ich mein, vilicht isch er eifach s'schwarze Schaf und de Rescht wo da Wirtschaftlich ide USA tätig isch, isch voll in Ornig.Wer weiss das scho so gnau?

Au regt mi uf, dass die ganz CH-Bevölkerig sich gester e Dosis Moore is Hirni pfiffe händ und hüt morge wennd über Politik diskutiere, obwohls voll kein Plan händ...:hmmm:

Ich finds schaad, dass mer idem Film nur über de Bush herziet und ihn fertigmacht. Ehrlich gseit möchti au das de Kerry gwählt wird, aber das wird denki nöd passiere. Hoffes aber schwer! zrugg zum Thema: Mer müsst en faire und vorallem objektive Film drehei. Aso mer zeigt Vorteil vom Bush UND vom Kerry sowie Nachteil. Aber ebe das isch halt au sone Sach.

Und die Szene wo de Bush im Schuelzimmer gsässe isch. Viellicht hät er sich det au überleit, was machi jetzt das nöd sganze Volk i Massepanik usartet, wie chanich dazue Stellig nä....etc.

ich denk de Bush isch sicher nöd dumm, susch wär er sicher nöd Präsident worde. und nur wil er en uflussriche papi und Bekannti hät, müss er doch öpis richtg gmacht ha.

Al Bana
02.11.2004, 17:40
Original geschrieben von fjodor
i üsne auge isch das vernünftig, d schaffig von äm neue syschtem. aber für di meischte mensche isch das ihres weltbild und drum würets di als radikal emfinde ihres bild z verwüsche und was neus z mache.


hmm leider wahr.. kei ahnig, für mi isch konservativ si öppis huere abnormaus, i empfindes aus chranch.. aues vränderet säch, dr einzeln mönsch, di ganzi gseuschaft.. wiso söttsch nähr nid o d'politik bzw. di ganzi ordnig a das apasse?

cha ächt nüt mit lüüt afaa wo säch a däm chlammere wo si itz hei, wird ja o längwilig mit dr ziit.. i befürworte nid nur ds progressive, i säge ohni das GEIT GAR NÜT

LAN
02.11.2004, 18:06
hm dä fium isch scho easy, was mi eifach stört isch d bezeichnig "Dokumentarfilm". dokus si objektiv, und ds isch dä fium nid.

s het aber scho rächt heftigi szene gha, aber wi ja scho gseit worde isch, dä fium änderet nüt ar wahl.

am ärmschte findi di szene wo dr moore vor dr saudische botschaft isch und när chöme die zwöi vom Secret Service. dert reagiert är huere schwach. i meine, cha ja si, das de mit dene scho chli muesch luege wasde seisch und so wüusi di süsch figge, aber de muesch konsequänt si und de nimmsch ds in chouf (vor loufender kamera...). süsch findis chli komisch.

konservativi sache überläbe nie ewig.

ImoneX
14.11.2004, 14:09
ich gsehn nöd ganz de sinn i dem film, ich meine de Moore zeigt die soldate wo musik losend irakis abknalled und stellt sie als vollidote dar (wo sie ja au sind), aber eigentlich sött de film ja de AMERIKANER zeige wie sie sind, nu werdet die meischte nüt abnormals gseh und wiiterhin denke "wieso hasst eus eigentlich de rest vo de welt"??