Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : MCB - MC Audio Battle - Die Idee und dein Senf


Fletsch
03.02.2008, 13:03
Tag Leute.

Letzhin hab ich mir überlegt wie man die Beat Bau Battle Beats (http://www.aightgenossen.ch/forum/forumdisplay.php?s=&forumid=70) weiterverwenden könnte. Darum schmeiss ich hier einfach mal einen Vorschlag in die Runde:

- MC Audio Battle für Profis und Antitalente.

- Als Vorgabe dienen die drei besten Beats aus dem neusten Beat Battle.

- Jeder MC kann selber wählen welchen Beat er nehmen will.

- Der Gewinner des letzten MC Battles gibt 10 Wörter vor die zwingend im Rhyme vorkommen müssen. z.B.:

"Mikrofon, Schnürsenkel, Tanga, Schlagring, Klobrille, Blocher, Gang, Epilepsie, Schraubenzieher, Augenbraue"

Natürlich alles im eigenen Dialekt.

Oder währe es besser ein Thema vorzugeben? Ich persönlich finde Wörter besser. Machts irgendwie freier nicht? Wird auch spannend die fertigen Tracks durchzuhören. Je nachdem wie die Wörter halt verwendet wurden und in welchem Zusammenhang.

Was denkt ihr? Besteht interesse sowas regelmässig durchzuführen?

Competition! Oder könnt ihr hier nur Texte schreiben? ;)

Die Gewinner werden natürlich wie bei den Beat und Remix Battles in einem offenen Voting bestimmt.

Peace

tüli
04.02.2008, 17:55
...ich fänd das cool... mit dä wörter chan ich mär das au guet vorstelä, ich glaub mär müäst eifach no ä vorgab ha vo wägä dä längi vom rap, susch wirds chli schwierig zum vergliichä... ich rap dänn ä mal eis ;-)

Peace

Madsen
04.02.2008, 18:00
geili idee, schliesslich sind die bbb-beats rächti brätter z.t.

das mitde wörter isch au cool, chamer sicher no usdiskutiere wie genau...

d frag isch eifach ob me denn au würklech d raps ansich beurteilt, wül scho nur wenn eine besseri ufnahmequali als dr ander het isch das unbewusst es kriterium.. naja, muesme usefinde :D

wär uf jede ds ha defür..

tumen
04.02.2008, 18:15
geili idee . das mit dä wörter findi au ä cooli idee! let's gooo :dance:

Topfchopf
05.02.2008, 00:10
ha mr eigetli eh mal vorgno regelmässig uf d beats vo mine hater tracks usegäh. sind ja für das freigäh :D

LIV
05.02.2008, 00:11
würi glaub au mol was beisteuern

Topfchopf
05.02.2008, 00:16
ich wär übrigens für themevorgab für tracks.

nix battle.

LIV
05.02.2008, 00:19
Original geschrieben von Topfchopf
ich wär übrigens für themevorgab für tracks.

nix battle.

joah das mit da wörter isch no nice

Jollepath
05.02.2008, 09:28
yeah...ganz cooli idee!!!

bini mal gspannt druf....

Ruedi Snare
05.02.2008, 12:52
hm. schön und guät, aber ich han bedänkä dä bbb diräkt an mc-battle z'kopplä. wird wohl denn (als positivä effekt) meh votes geh will d'mcees z'mol au mitredät, aber diä luägäd denn numä druf, was ihnä für ihrän rap am beschtä schtoht. do machtmäs lüüt wo chli umäexperimentiärät und nöd so rap-tauglichi beats machäd wiä anderi doch sehr schwer, dänk ich. s'verziäht/verfälscht eifach s'ganze bild und macht usm bbb denn doch was ganz anders, als was jetzt isch. usserdem teil ich diä bedänkä wägä ufnahmemöglichkeitä/-qualität.

kilar
05.02.2008, 12:56
ich habe genau die gleichen bedenken wie ruedi. man könnte ja für experimentelle beats einen sonderpreis machen? so wie die kinderwette bei wetten dass?! :D

...wird dann aber wahrsch. fast zu kompliziert das ganze

Ruedi Snare
05.02.2008, 12:57
Original geschrieben von kilar
ich habe genau die gleichen bedenken wie ruedi. man könnte ja für experimentelle beats einen sonderpreis machen? so wie die kinderwette bei wetten dass?! :D

...wird dann aber wahrsch. fast zu kompliziert das ganze :D

kilar
05.02.2008, 12:58
jetzt hab ich mich als samstagabend fernsehgucker geoutet... schitt :D

K
05.02.2008, 13:01
Ja, zwangsläufig ist das Problem dieser Idee, dass die Beats des BBB nur teilweise berappbar sind. Das ist nicht abwertend gegenüber den Produzenten gemeint sondern halt einfach Tatsache. Man achtet da mehr aufs musikalische statt dass der Beat gut berappbar ist. Ich finde das auch OK so.

Aber die Idee mit dem MC Audio Battle, in welcher Form auch immer, find ich super und würde mich sicher auch beteiligen.

Irgendeis
05.02.2008, 13:06
Original geschrieben von Ruedi Snare
...will d'mcees z'mol au mitredät, aber diä luägäd denn numä druf, was ihnä für ihrän rap am beschtä schtoht....

aso ich verstah dich, grad wills vo dir chunt, guet lol aber 1. gits au experimentelli rapper und 2. bin ich de meinig das es fascht ehrlicher isch wänn d mcees nach ihrem gusto au mit voted, immerhin macht en guete Rap-Beat ebä au gnau de fakt us dass er Rap-tauglich isch ;) isch ja schlussändli es hiphop-forum wo's um rap-musig gaht.
s'isch e grundsatz diskussion wo ihr producer eu münd einige ;) gahts nur um d originalität und produktion ansich oder isch de aspruch d grundlag für en ganze "song" im bereich "rap" z'produziere?

s wür sich sicher öpis ändere, dass isch klar

Ruedi Snare
05.02.2008, 13:12
Original geschrieben von Irgendeis
aso ich verstah dich, grad wills vo dir chunt, guet lol aber 1. gits au experimentelli rapper und 2. bin ich de meinig das es fascht ehrlicher isch wänn d mcees nach ihrem gusto au mit voted, immerhin macht en guete Rap-Beat ebä au gnau de fakt us dass er Rap-tauglich isch ;) isch ja schlussändli es hiphop-forum wo's um rap-musig gaht.
s'isch e grundsatz diskussion wo ihr producer eu münd einige ;) gahts nur um d originialität und produktion ansich oder isch de aspruch d grundlag für en ganze "song" im bereich "rap" z'produziere?

s wür sich sicher öpis ändere, dass isch klar jo sicher sölläd d'MCs noch ihrem gusto wählä, törffäd jo jetzt scho, mached's aber nöd, will jo kein beat däbii usäschpringt, nocher (also im fall vom mcb wo an bb kopplät isch) denn ebä scho, drum verziähts s'ganzi bild bzw. macht usem bbb öpis anders, als er jetzt isch. und mir gfallts hald so wiä's jetzt isch. by the way.. es goht nöd um rap-beats, sondern schlicht und eifach um beats. und imnä hip hop-forum goht's nöd eifach numä um rap, das isch au grad gar eindimensional aagluägt. än beat muäss mitnichtä immer än rap druf haa.

Irgendeis
05.02.2008, 13:21
Original geschrieben von Ruedi Snare
jo sicher sölläd d'MCs noch ihrem gusto wählä, törffäd jo jetzt scho, mached's aber nöd, will jo kein beat däbii usäschpringt, nocher (also im fall vom mcb wo an bb kopplät isch) denn ebä scho, drum verziähts s'ganzi bild bzw. macht usem bbb öpis anders, als er jetzt isch. und mir gfallts hald so wiä's jetzt isch. by the way.. es goht nöd um rap-beats, sondern schlicht und eifach um beats. und imnä hip hop-forum goht's nöd eifach numä um rap, das isch au grad gar eindimensional aagluägt. än beat muäss mitnichtä immer än rap druf haa.

hähä... wi gseiht, ich verstah dich guet. ich chönd jetzt, d kontra-position ineh und mer chönted Siite-wiis drüber diskutiere und zu keim gmeinsame Nänner cho oder mer chönd eus eifach beidi rächt geh ;)
ich cha mi nur wiederhole, es funktioniert nur wänn ihr Producer die Veränderig oder "Useforderig" wänd riskiere/probiere. wänn er so wänd biibhalte wi bisher - okay! mich störts überhaupt nöd (ob hiphop oder nöd isch mir ee shnuppe). ich ha meh welä sägä, dass ichs als rapper spannend fänd.

it's up 2 you guys!

Topfchopf
05.02.2008, 13:24
bi mal mit dä iva einig.

d kunst vom beat mache isch minre meinig na au, dasmä no öpis übrig laht für e rap-spur.

abr ebä.. gaht is philosophische...

kilar
05.02.2008, 13:28
Original geschrieben von Topfchopf
bi mal mit dä iva einig.

d kunst vom beat mache isch minre meinig na au, dasmä no öpis übrig laht für e rap-spur.

abr ebä.. gaht is philosophische...

tz tz tz tz ...

schon mal petestrumentals oder donuts von jay dilla angehört? brauchts da nen rapper?!

Irgendeis
05.02.2008, 13:31
lol jetzt gehts loohoos!!

also sagen wir doch einfach, liebe producer, wollt ihr ein "hiphop"-bbb oder ein "rap"-bbb??? :D

@topfchopf - stranges gefühl mit dir einig zu sein haha aber ganz okay :p

Topfchopf
05.02.2008, 13:34
Original geschrieben von kilar
tz tz tz tz ...

schon mal petestrumentals oder donuts von jay dilla angehört? brauchts da nen rapper?!

ja. hör mir trotzdem lieber amon tobin oder bonobo an.

miz
05.02.2008, 13:34
Original geschrieben von kilar


schon mal petestrumentals oder donuts von jay dilla angehört? brauchts da nen rapper?!

hehe das hani au grad dänkt.

find au wenn de spass am experimentiere bi de bbbs nüme isch, machts nur halb so viel spass!!!!!

die "mcb" chönnt mehr ender mit de remix battles kombiniere. det gaht mer ja au chli uf de rap i. denn chöntet eifach die erste drü denn dinstrumentals zur verfüegig stellä.
ich sälber het voll kei bock bi de bbbs nur na raptauglichi beats zmache!!!!

tüli
05.02.2008, 14:25
...ich gsen das chli lockerer. ich glaub wämer sich di erschtä drüü amäl aaluägt bis jetzt, sind di Tracks meischtens raptauglich gsi. und ich han s'gfühl dasäs au jetzt scho verschiedäni verzerrigä git. und für mich persönlich isch jetzt d'top 3 nöd unbedingt zentral bim bbb.
wichtiger findich d'votes vo dänä producer wonich sälbär au guet findä, wül diä mir am meischtä sägäd.
bim audiobattle chunt für mich vo däm här numä no d'motivation däzuä sich mal z'sägä: ok, jetzt sorgi däfüür dasi mal 10 MC's über än biit vo mir spittä ghör und mach drum ä mal än richtigä headbanger oder so... aber ich glaub nöd dass zum biispil, s'vote vom ruedi dur dä audio battle äs andärs wür...
aso vo däm här wür das nöd verlorä ga...

wiä au immer


Ich finds au jetzt schön ;-)

Peace

kilar
05.02.2008, 14:37
Original geschrieben von Irgendeis
lol jetzt gehts loohoos!!

also sagen wir doch einfach, liebe producer, wollt ihr ein "hiphop"-bbb oder ein "rap"-bbb??? :D

@topfchopf - stranges gefühl mit dir einig zu sein haha aber ganz okay :p

es war immer so schön ohne rapper! beatbaubattle = rapfreie zone


:D

Proof
05.02.2008, 14:53
oder die rapper chönd uswähle zwüsched allne beats vom bbb, denn het erschtens ich e chance mit mim beat :D, zweitens wärs nöd immer s "gliche" zum lose. wieviel würed überhaupt mitmache? sicher so um die 10-20, und verteilt über 3 beats würkts chli lasch.

und de punkt mit em "berappbar" fallt somit weg. usserdem isch jede beat berappbar, s chunt nur druf aa wie d rapper es umsetzed

somit chan jede rapper entscheide, i wellem stil er rappe wür, zume rockige beat chan er abgah, zume chillout eher emotionsvoll usw...

Madsen
05.02.2008, 14:56
Original geschrieben von Proof
oder die rapper chönd uswähle zwüsched allne beats vom bbb, denn het erschtens ich e chance mit mim beat :D, zweitens wärs nöd immer s "gliche" zum lose. wieviel würed überhaupt mitmache? sicher so um die 10-20, und verteilt über 3 beats würkts chli lasch.

aber wenns vill verschidni beats sind chaschs defür nümm würklech vergliche, au wennd recht hesch dases immer s gliche isch :)

Proof
05.02.2008, 15:04
das scho, aber wie hemmers bis jetzt mit de beats gmacht? die sind sicher meh "verschiede" als de rap überhaupt isch (correct me if i'm wrong)
die beats hemmer ja bis jetzt trotzdem vergliche, wieso sölls mit em rap nöd möglich si?

Ruedi Snare
05.02.2008, 17:04
hahaa yep d'iva demfall gib ich dir au rächt ;)

aber trotzdem chan ich (als beatbaschtler) dini und am chopf sini meinig über beats bzw. s'verhältnis vo beat zu rap zu 0% teilä aka s'argument donuts/petestrumentals (und das ischt ja nur die schpitze des eisbergs hahaa) ziäht! ich würds schaad findä raps an bbb z'kopplä.. wenn schon denn scho so wiä's dä proof vorgschlagä hät, nöd die erschtä 3 schtönd zur uswahl sondern alli beats. und wenn mä no konsequent würd welä syy müässtmä dä mcs wo bimnä battle würdäd däbii syy s'schtimmrächt für dä bbb entziäh.

chönd mich chlykarriärt nännä, tüpflischiisser oder was au immer, aber ich find rap versalzt d'bbb-suppe rächt ghörig ;)

slarc
05.02.2008, 18:45
Original geschrieben von Ruedi Snare

chönd mich chlykarriärt nännä, tüpflischiisser oder was au immer, aber ich find rap versalzt d'bbb-suppe rächt ghörig ;)

woooorrrdd :D

Topfchopf
05.02.2008, 18:49
s problem isch doch eifach, dass bi rapper alli am umehate sind...

isch ja eigetli scho s schöne da im producerbereich, das mrs so schön harmonisch chönd ha ;)

ich würd eh uf alles rappe. nume scho us spass a de froid mal öpis nois z vrsueche.

Fletsch
05.02.2008, 19:51
Gueti Diskussion da!

Ich gseh Pro und Kontra. BBB isch bis anhin würklich rapfrei gsi und drum herrscht villicht au die guet Stimmig und d Vielfallt.

Obowhl ichs ähnlich gseh wie de Tüli. D Gwünnerbeats sind bis jetzt eigentlich immer rapbar gsi und ich han das scho immer als Vote-Kriterium mitibezoge. S würd sicher au meh Lüüt zum mitvote animiere.

Aber find mer mues d Bedänke ernst neh.

Susch chönd mer au eifach für jede MC Audio Battle zum vornherein Beats sammle und denn die drüü beste zur Verfüegig stelle. Git sicher einigi Producers da wo Bock uf chli Fame hetted. Aber d Azahl mues doch scho begränzt si. Wäge de Chanceglichheit. Ich find es sölled Technik, Flow, Text und nöd d Wahl vom Beat entscheide.

Jedefalls findet alles sin Platz uf de neue Battlepage wo denn i 1000 Jahr mal chunt. hehe

Peace

jester
05.02.2008, 22:44
u süsch macheter für d'beats eifach e a und b note

a note fürs gsamtkunstwärch
b note für rapbarkeit

u die mite höchste b note wärde när fürs mc battle brucht

odr so...

slarc
05.02.2008, 22:47
warum nähmend iar nit AIS instrumental wo irgendanmyspace-künschtler odr so spendet, und rappend denn drüber...?

Das wär jo denn vergliichbar mit da remix-battles, wo AIS aca zur verfüagig gstellt wird, und d'producers baschtlend aifach an beat dazua...

nur a idee ;)

Irgendeis
06.02.2008, 10:37
Original geschrieben von slarc
warum nähmend iar nit AIS instrumental wo irgendanmyspace-künschtler odr so spendet, und rappend denn drüber...?

Das wär jo denn vergliichbar mit da remix-battles, wo AIS aca zur verfüagig gstellt wird, und d'producers baschtlend aifach an beat dazua...

nur a idee ;)

ähm so by the way: der Vorschlag kam von einem BBB-Moderator! Nicht von "UNS". wobei, ich mich eigentlich gar nicht zu "UNS" zähle, ich weiss nicht mal warum ich hier mitrede lol ich würde nämlich noch eher am BBB mit machen (ob rap oder hiphop lol) als am MC Audio Battle, ich muss nur noch das mit dem Abgabetermin-einhalten üben :p

Fletsch
06.02.2008, 13:27
Original geschrieben von slarc
warum nähmend iar nit AIS instrumental wo irgendanmyspace-künschtler odr so spendet, und rappend denn drüber...?

Das wär jo denn vergliichbar mit da remix-battles, wo AIS aca zur verfüagig gstellt wird, und d'producers baschtlend aifach an beat dazua...

nur a idee ;)

Ich glaub nöd das jede MC mit jedem Beat klar chunt. Isch doch au chli langwilig 20 mal de glich Beat z ghöre nöd? Zudem chasch je nach Art vom Beat de Text ine ganz anderi Richtig länke. Dänke s wird eifach villsitiger wenn öpe 3 Beat zur Uswahl stönd. Aber nur Hypothese. Ich bin ja kein MC. ;)

Ich hets halt geil gfunde wenns wie en Fluss git vo BBB zume Rap Battle. Aber ja. Demfall Beats susch neume hole.

We'll see.

Fletsch
06.02.2008, 13:28
Original geschrieben von Irgendeis
ähm so by the way: der Vorschlag kam von einem BBB-Moderator! Nicht von "UNS". wobei, ich mich eigentlich gar nicht zu "UNS" zähle, ich weiss nicht mal warum ich hier mitrede lol ich würde nämlich noch eher am BBB mit machen (ob rap oder hiphop lol) als am MC Audio Battle, ich muss nur noch das mit dem Abgabetermin-einhalten üben :p

Vorallem isch UNS nöd glich EUS. oder :p

slarc
06.02.2008, 13:47
Original geschrieben von Fletsch
Ich glaub nöd das jede MC mit jedem Beat klar chunt. Isch doch au chli langwilig 20 mal de glich Beat z ghöre nöd?

isch doch bida RB's genau z'gliicha, nit? As kunnt worschinli au nit jeda beatbaschtler mitem aca klar...

jo isch aifach mini mainig :D sorry für dia afiggaeri :)

Flyn
06.02.2008, 14:24
fänds an easy ide. :dance:

i fänds allerdings no besser a themavorgab als a wortvorgab z macha. whatever...

Irgendeis
06.02.2008, 14:55
Original geschrieben von Fletsch
Vorallem isch UNS nöd glich EUS. oder :p

haha :D genau! wobi - simer nöd alli chli eus? lol

A-B
14.02.2008, 11:41
wie wers wenn dä gwünner vom BBB ein oder zwei beats zur verfüegig stellt (öb vom BBB oder nid isch ja gliich die BBB-Freaks händ sicher mal gnueg beats uf lager = )) und ev. es thema oder wörter voor git!?!?

Emschii
04.03.2008, 10:35
i irgend eme biitrag isch es scho agschnitte worde und ich finds eigentlich stylisch.... also statt dasmer für das audiobattle würd die beste drüü vom BBB neh, wieso nöd die beste drüü vom RMB?!

es isch ja eigentlich e kompromisslösig, will die wo bbb mitmached mached ja meistens au bim rmb mit und da bim rmb ja wückli uf rapbarkeit, logo mit em acapella, gachted wird, isch es für mich sogar naheligender.

ich glaub mit dem hetmer s'gröschte problem us de welt gschaffe und zwar das mer bim bbb wieterhin unabhängig vo rap d'votes hät, egal wie freaky en beat isch ;) und simer ehrlich, bim rmb sind ja amel au killerbeats ume, nur scgho willd di nöd ad d'samples halte muesch :D

also d'idee miteme audiobattle find ich rech stylisch und ob wort oder themevorgab, da chamer ja au mal wechsle, mer sind ja flexibel...