Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Moloch VS DocDaSchizzle


Doc.Schiwago
04.11.2004, 13:29
Ich - Fronter
Du - Konter
Du - Fronter
Ich - Konter

Ich känn das mit de knapp bemässene Ziit, bin sehr wahrschinlich erscht morn am abig oder am samschtig wider drin. chasch also e ruigi chugle schiebe.

Doc.Schiwago
04.11.2004, 14:36
Du wohnsch i de höll uf erde will ich der s’läbe zur höll mach
dini bemühige sind nöd würksam und vergäbens was söll das?
ich spitte rhimes du nur grossi tön, moloch find din name en witz
en füürsalamander haltet ja au nöd i, was sin name verspricht
nöd checked? laders vo dine chline schwöschter erchläre
unterdesse wirsch vo mine ziile gröschted und quäled
jede gseht’s i de fore, dini verkündeti wortluut sind scheisse
und tüend weh i de ohre, wie ne entzündeti vorhuut bim seiche

Moloch
05.11.2004, 14:05
ich ha so wenig e schwöschter wie du e rhymes spitter bisch
du weisch vo was de redsch u was für'ne scheiss tripper isch?
du hesch scho schmärze i de ohre nur wägem gschriebene text
i nenne das tinnitus und dis trummelfäll isch wieder zerfetzt
ich spucke tön, du nur luft wie dr windischt block z'chicago
seisch du findsch mi name en witz aber din isch doc.schiwago,
verglichsch mi mit füürsalamander, obwohl schwanzlurch bisch
du liirsch nur chli züüg ananander, wil di schwanz z churz isch.

Doc.Schiwago
10.11.2004, 07:59
???

Moloch
10.11.2004, 13:54
Du ligsch, wenn dich mi massiv uppercut z bode leit
stirb punk, du bisch wie jasir arafat todes gweiht
doofe cheib, hesch dr mol chli z vil panjabi gsoge?
what's up doc? würd dich jetzt dr bugs bunny froge
bin aber eher e mix vo speedy gonzales u road runner
ich rule, schliesslich siigi do alles u flow hammer
bin nid jugendfrei, das sind kei loony toons sändige
chasch mich so wenig wie wayne rooney's gsuuf bändige

Doc.Schiwago
11.11.2004, 13:22
han mer dänkt die scheisse wird chli duure, da hät sich öpper ziit gla
billigi rhimes vo zeichetrickfigure ich glaub DU häsch chli z’vill weed gha
die einzig line wo z’gfalle weiss isch’s 5i, los; de witz isch nur:
sie reimt sich geil doch seit us was d’ bisch: blos e witzfigur
bitch gib uf, bisch es opfer, punk… und wirsch vo mir uf d’folter gspannt
nännsch dich speedy, doch bringsch i 5 Täg nur en peinliche fronter z’stand
ich bhalt im rhimes kicke d’oberhand, du bisch de wo da sieger werde wet?
doch solang ich en guete dokter han, verlüürsch gäg en opa im pariser sterbebett

Doc.Schiwago
11.11.2004, 13:23
thx 4 battle, geili sach gsi.
so aight-peepz, d'votes sind eröffned.

WideLex
11.11.2004, 15:12
finde beid recht izzn, aber entscheid mi für dä doc!

Doc.Schiwago
11.11.2004, 15:15
begründig? suscht zellt dis vote nöd...


hät suscht niemert en kommentar abzgä?

Nörgler
11.11.2004, 15:23
doc...(front)
freshe fronter keis thema duräzoge sondern dich eifach überin usslah ;) isch au ä art... guäti reims... uuhhuärä schön flüssig zu, läse (für mich jedefalls)

moloch
(konter)
zersch ma isch mer chicago und schiwago uufgfalle.. irgenwiä chli billig findi.. dä konter susch eigentlich nüd schlächt... uf diä aaspillig wäge släbe zur höll mache bisch nüd iigange obwohl das villich nüd schläächt gsie wär.. abr im grosse und ganze rächt guät...

(fronter)
luschtigi line mitem bezug uf dä bugs bunny (wuaats uup doc??) hrhr... susch nüd würkli schlächt.. dä inhalt mit dä looney toons naja, büüted rächti aagriffsflächi mit chinderfigure zfronte ;)

doc
(konter)
hammr...
gläb zimmli dä bescht konter woni jeh vo dr gläse han...
bsunders geil wiä denn diä 5line usänand nimmsch... würkli rächt geil!! dänn au no wiä diä langi warteziit drinninebracht häsch... fett fett!!

propps a beid, abr dä doc macht für mich sränne...

piis
nörg

WideLex
11.11.2004, 15:31
ok..

docfronter: naja... nix bsundrigs z erwähen
molkonter: obrbilligst, eifach säge das doc en scheissname isch ohne begründig. reim au nöd hammer.
naja.. schwanzlurch bisch - schwanz z churz isch findi eifach schlächts niveau.
molfronter:lustig mit em iibringe vo mehrere cartoonfigure. git dem ganze chil zämehang. abr was isch wayne rooney's gsuuf???
dockonter: inhaltlich supi, reimtechnisch au chli besser.

ebä. doc isch besser gsi, aber moloch wükli nöd schlecht.

Lord Flow
11.11.2004, 15:57
hammerhertiste Fronter vom Doc. No weni sooo geili Lines gseh vo dir. Auso natürlech scho meh fetts vo Dir, aber dä het mi wieder mau fasch vom Stüehli putzt:D. Front vom Doc hani no guete Schnitt gfunde (gewohnt stark), aber dr Konter sticht use. Bim Moloch sine Parts isch zwar nid viu uszetze, si sicher o guet, aber mache so chli dr Idruck dass dr nid ganz gnue Müeh gäh hesch, und gäg eine wie dr Doc cha das haut i d'Hose gah.

Für mi drü gueti Parts uf glichem Niveau und ei Konter wo dr Räst verbrönnt, darum Vote a Doc.

Grz

Stylebock
11.11.2004, 17:30
Fronter Doc:

solid und konstant...guati Punchlines...nit würklich heruusragend aber recht geil...best 2

*jede gseht’s i de fore, dini verkündeti wortluut sind scheisse
und tüend weh i de ohre, wie ne entzündeti vorhuut bim seiche*

Konter Moloch:

guat wia immer...nur hend mr dIdeea bitz gfehlt...dä mim Schwanzlurch findi nit so fresh, Chicago isch nit an grossa Zämahang dabii...sus ok...best 2

*du hesch scho schmärze i de ohre nur wägem gschriebene text
i nenne das tinnitus und dis trummelfäll isch wieder zerfetzt*

Fronter Moloch:

recht tight...guati Verglich was glichzitig wieder sehr viel Agriffsflächi bütat...aber finds besser als dr Konter...best 2 (obwohl sehr hart)

*Du ligsch, wenn dich mi massiv uppercut z bode leit
stirb punk, du bisch wie jasir arafat todes gweiht*

Konter Doc:

hmmm...weiss gar nit was säga, und du saisch miar könnisch nit texta oder freestyla? heftig...eina vu da geilsta Konter wo i bis jetzt gläsa han, ai harta Punch noch am andara...perfekt konteret...wüssti gar nit welli 2 Linia schriba, ganz fett!

PS Doc: dJacka vum Milchmaa isch Original vur Miliz, het er vu sim Onkel kriagt...isch also niana erhältlich...


und votend bitte do mol au no...(plus diversi andri Battles)

http://www.aightgenossen.ch/forum/showthread.php?s=&postid=185798#post185798


thanks..

Doc.Schiwago
15.11.2004, 09:58
*push*