Sali zämä

ich hamer vor ere wuche oder so mal chli ufnahme züg kauft.

has natürlich es biz usprobiert, jedoch hani nonig zu allem würkli en lösig, darum gits vilicht einigi womer chöntet witerhelfe.

also ich han s mic akg c2000b amene vorverstärker samson c-valve. nime uf mit cool edit im moment.
d ufnahm selber isch eigetlich guet sowit, nur:
bi jedem no so bizli stärker betonte "P" oder "B" womer seid, gits wie so en ganz chline ussetzer ide ufnham, also obs rasch abschalte wür oder so ähnlich. am limiter lits nid, has au scho ohni mit etc. versuecht und au mit em eq es biz gspillt aber so wit hed sich nüt gänderet!
was chönt das si, weiss öbber rat?


greez

hmm, sehr komischs problem! chas evtl sie das de preamp öberstüret ond evtl chorz abschaltet infolge öberstrom oder so? kenn de samson c-valve leider ned ...

edit: gain mol evtl zrogschrube, popschutz

häsches studio AKG demfall? schomol sehr gueti Markä. mir händ au äs AKG :D bi total zfriedä.
häsch en Popschutz?

genau das wär min tipp--->Popschutzfilter!!

laht sich au guet useme stick-ring(irgend so es teil zum stoff ichleme und besticke) undeme strumpf sälber baschtle, das isch zumindescht eusi lösig xi...hehe

peace out steveo

hehe joooo, chasch au än Sockä über s Mic stülpä ;)
aber ich wör ein chaufä. gits fäscht i jedem musigladä, und chostätä jo praktisch nünt. und denn häsch au grad alli klemmene dra, zum das teil an Micständer montiere. susch muesch wieder jenes baschtlä.
popschutz bringts uf jedefall! denk scho das a dem liit. diä "pp"'s lönd susch dä sinus äbä scho überschloh. probiers mol us, i hoff chasch denn wieder vollgas rappe ;)

höö, isch no es flotts mik...
abär äbe, ich würdi unbedingt mal en popschutz baschtle/chöife. oder mal diesenda:
Bassabschwächungsfilter: 6 dB/Oktave unter 500 Hz
üsprobiäre. (känne jetz z mik nit, isch das scho fescht inschtalliärt, oder züäschaltbar?

jedefall di p's und b's erzüügen uhüäre teifi frequänze willt bi denä büächschtabä dirakt ind kapsle blasesch, und vorallem wännd denn di sach durch en limiter/komprässor lahsch nimmts der z signal hüäre emab an denä schtellä, wo denn äbe di teife pop frequänze dri sind... und das git löchär

und wännd ses mit eme equalizer willt regle, denn uunbedingt VOR em limiter/komprässor...

d'positionierig vorem mic isch au extrem wichtig!

du sötsch nöd direkt (das heisst graduus) is mic inerappe sondern echli dra verbii, so dass d'luft wo'd uselahsch nöd direkt id kapsle blaasisch.

pop schutz würi unbedingt probiere und de low-cut vom spenza isch au e gueti idee. ich han bi miine uufnahme meistens eine druff. aber nöd ganz so höch wie de spenza gseit hät. usprobiere und losä isch s'a und o.

ja, ich find dene low cut öi grad ä bitz z hooch, aber ich ha äbe bi musicplace.ch gläse, dass das mik, mit dem är üfnimmt en lowcut uf äbe der frequänt drin het... ich ha ne liäber su um di 200 Hz, aber darfer e bitz steilär...

esso des problem köntime aber löse weme uf da soundcharte alles rcihtig verkabelet

cha das sii dasmer eh soundcharte über die 3 dn usgäng cha mitem serielport verlöte (760mhz,0.25mm) um die asynchronische backgroundsnitches chöne zstrecke und somit stereomässig nochli meh chöne usezhole ? mer sötts jedefalls mal probiere falls eine hert mit pcs drusschunt. lohnt sich

Original geschrieben von shanoi3
cha das sii dasmer eh soundcharte über die 3 dn usgäng cha mitem serielport verlöte (760mhz,0.25mm) um die asynchronische backgroundsnitches chöne zstrecke und somit stereomässig nochli meh chöne usezhole ? mer sötts jedefalls mal probiere falls eine hert mit pcs drusschunt. lohnt sich
:confused: aiighhtt... ich chum so einigermasse druss und das heisst in mine Ohre irgendwie nüt..??aber es tönt wirklich guet:D !!
zu de "pop Problem":alles bishär gseite muesch unbedingt mache!!
was ich no würd mache: undbedingt alli Pegel richtig iistelle und gnueg headroom lo!! lütermache chasch im Mix immerno..aber wennd ufnahm Fählerhaft isch hesch kha! :bluepunk:
ich würd am iigang keini plugins (limiter etc.) verwände, cha extrem ufd Latänzzyt goh!!
Tiefbass-Filter nit vergässe!!
:hmmm: sunscht isch alles scho gseit worde, mir chunnt jedefalls nüt meh in Sinn

au wänn mer schochli vom thema wägsind ... en Popschutz chaufe?? für 120 Höger ? ... Neeee Du ....

gruess und happy baschteling: Material 4 Franke / Ziitufwand: 10 Minutä

Strumpf vom Mami-Variante chani nume empfehle, machemir au so.

Da gits suscht no en Aleitig in Wörter ;)

http://www.memi.de/makers/hwsw/basteln/poppschutz.html

Lohnt sich huere.

Lügner, bi eu hani aber au es Teil gseh wo nöd so sälber baschtlet usgseh hät :p.

hahahahahahah

LÜ

du geile Siech

muahahaha

DOLLE SACHEN ZUM SELBAAAAAAAA BASTLN ;)

Das isch euse Studiopappi gxii ... de DJ CRazee Bo ... hät mer miin sälberbaschtlete gschlissä ... aka abegheit und drufgschtande = derbe deformiert .... dänn hätter ebe en andere besorgt ...he he ... huere bonz ... aber das isch ja au snakkä düdl .... da im BMD studio (aka Bi Mir Dihei) he he ... isch no alles sälber gmacht ... ich mein: tschegg mal di kabine uus ...ha ha ha

http://www.kukelikki.ch/luegner/BMD_studiopanorama.pdf

font unbedingt chleiner! und uf gar kei fall voll white! hehe... und d linie grad no e bitz dünner...
aber, was säg ich.... bi ja nur en frischfleisch rookie... hehe...

ganz en hibschi idee!!

und so en sälber baschtlete popschutz ame neumann mik gseht eifach wunnervoll üs... hmm?... das isch wiä wännd en aston matrin fahrsch ....aber uf 13 zoll schtahlfälge
stüülisch

Spenza DU seisch es ...he he he

Und yo: he he ... wett gar nöd wüsse, was en Neumann-Popschutz choschtet ...ha ha ... d'Spinne fürs Mik alleige hätt scho fucking 315 Franke g'choschtet ...ha ha ha

Bim nach dem Mikrofon-Chauf grad vo de soziale Mittelschicht ufs RAV-Niveau abgschtigä ...ha ha ha
Aber es lohnt ... i can tell ...he he

hey lü

aber de crazyboo ischen bonz: vowäge fucking 315 stutz für e spinne!

wie gahz am böhler? han mal 2 jahr mit ihm gschaffet bi JJ. det woner eues album gmasteret hät. hanenn scho es wiili nüme gseh! mues mal bi siim unicut verbii ga. bim dan im echo chamber gäll?

Zum das mal richtig stelle ... Das isch MIINI SPINNE !...ha ha
Hann dänkt, chann ja nöd es neumann chaufe und dänn kei spinne dezue ...he he he

aber egal ...he he

Am Bo gahts guet ... isch jetzt ebe bi eus dihei ...he he... Talwizze rulez im Momänt: Crazee Bo, Stern Eis, Paar@ohrli ... you know ... richtig fetti Produktionsgmeinschaft .... yepp ...unicut isch bin dan ade mutschälle strass 4 züri ... tschegg das mal uus ...he he

ja, musi mal uschägge! hät mi scho voreme jahr iglade. hans aber ziemli verhängt wie du gsehsch...

hanem probiert azlüte, isch aber immer mailbox cho.....
sägem mal en gruess vom greg (jj)

ja ier sind geili sieche, sovil antworte hätti nid erwartet...
also es iusch den tatsächlich am poppschutz gläge..
es isch drum so ha vorher es sm58 gha, und denn hed de poppschutz fasch nüt gnützt.. drum hane furtgschosse *g*
wege dene frequenze etc.. musi nomal aluege!

isch zwar blöd, aber ha scho es anders problem inzwüsche!

also ha eigetlich nid gross dra umegschrubt, aber
weni jetz en ufnham mache, denn isches als ob si sich irgendwie verschiebe wür.. es isch mega merkwürdig, plötzlich isch d stimm offbeat, mer cha nid gnau sege wie aber es passiert plötzlich irgendendwie...

hed öbber schomal öbbis ähnlichs gha?

wär dankbar für tips

peace

wie gnau verschiebt:

- es lauft mit de ziit usenand

oder

- de afang stimmt scho nöd und de track isch immer um die gliich latenz verschobe

mich dunkts es lauft eher mit de zit usenand.. aber nid permanent, sondern schritt für schritt. amigs passts wider.

hesch en idee?

peace

aha

das tönt ja ganz schräg :confused:

check mal folgendes us:

1. puffer-grösse vo de soundcharte / programm möglichst chli.

2. sampling rate von recording o. sequenzer programm identisch zu sampling frequenz von soundcharte.

3. wennd uf logic schaffsch, verschiedeni takt quantisierig bi verschiedene stelle im song (glaub zwar eher nöd dass das dis problem isch)

4. müst eigentlich a 1. stell si: isch dini software crackt? wenn ja-> anderes crack suchen oder kaufen. lohnt sich meistens!

Original geschrieben von Lügner

Bim nach dem Mikrofon-Chauf grad vo de soziale Mittelschicht ufs RAV-Niveau abgschtigä ...ha ha ha
Aber es lohnt ... i can tell ...he he

was häsch denn heregleit defür??

http://www.musicplace.ch/shop/product_info.php?cPath=1_38_445&products_id=20769

Lü