Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : mic okay?


cobbez
18.11.2004, 22:10
Wiä schu im titel atönt, folgändi frag: isch s'folgendä mic für di hauptsächlichi ufnahm vo raps geignät oder nit? wenn nid, please vorschläg bis 150.-!:

http://www.musicplace.ch/shop/product_info.php?cPath=1_38&products_id=21495

thx für schnälli antwortä

Beatstar
19.11.2004, 09:18
naja, ech persönlech ben halt ned so fan vo dem behringer bullshit... obwohl ich das mic absolut ned kenne!

wörd evtl eher ufnes shure sm58 zruggrife... choschtet zwor 180.-, isch aber secher besser als das behringer mic!

http://www.musicplace.ch/shop/product_info.php?cPath=2_49&products_id=20824

Nörgler
19.11.2004, 09:21
und susch packsch der s'PG58
isch eifach nüd sü live tauglich wiä s'SM.. quasi dä chlinner brüäder.. abr wenn richtig härt uufneh wättsch dänn langed 150.- nöd ;) hrhr

piis
nörg

K
19.11.2004, 09:45
jungs er redet vo UFNAHM

wiso wend ier ihm s sm58 adreie?

klar es isch voll es geils mic aber halt eifach nid für de zweck buut woner will. das isch halt eifach stabil usw.

aber wenn es guets mic wilsch zum ufnä würdich wennschon grad es biz meh usgä...
d.h. so ca. 200-300.. also als tipp!

hm. und mic specialist bini halt au ned...

aber easy. peace

spenzasequenza
19.11.2004, 10:32
also fär mich isch das jetz ehner es inschtrumental mik... also, jetz rein optisch, weiss ja nit, wiäs klingt,
so fär hihats und snare vo obina üfznäh...

ich würdi fär vocals üfznäh ehner es Grossmembran Kondensatormik chöife... da gits öi jehnschti wa no rächt günschtig sind, allerdings sind die denn hüüfig rächt schrottig... (ha mal irgendwo so fär 150 schtutz oder so so es noname Teil köift, wili i fär z Vibraphon 2 Studiomiks gibrüücht ha, und das isch also wirklich es furchtbars mik gsi... )
also, wännd wirklich willt üfnahmä machu, de würdi där uf jede fall öi arate ä bitz meh gäld üszgäh...
und viliicht irgendwas vo AKG, das isch iner Regel Geils ziig....

abär wännd nur irgendwelchi freestyle sessions oder so willt üfnäh, chasch es dynamisches näh... de chunts nit sooo druf a...

nise
19.11.2004, 10:33
sm58 isch doch membran oder? also für ufnahm würd ich scho es kondensator mic näh oder nid?

Beatstar
19.11.2004, 10:57
Original geschrieben von nise
sm58 isch doch membran oder? also für ufnahm würd ich scho es kondensator mic näh oder nid?

sm58 isch es dynamisches mic! ich be eifach ned ganz secher gsi was de cobbez het welle... bruchsch das mic imne "studio" zom ufnäh oder eifach chli zom freestyle etc?! well met 150 stotz chonsch schlicht und eifach keis studio tauglichs mic öber!

Beatstar
19.11.2004, 11:00
also mitem akg c2000 hani scho gueti erfahrige gmacht:

http://www.musicplace.ch/shop/product_info.php?cPath=1_38&products_id=11421

Roctwo
19.11.2004, 11:04
....membran hät jedes mic. das isch das teil wo durch d'schwingige vo de schallquäle afangt vibriere und dänn wiiterleitet. s'gliche wie a de boxe, nur umgekehrt....

das was du meinsch isch: SM85 isch es dynamisches mic und keis kondensator.

aber als tip: Rode NT1 oder NT1-A

cobbez
19.11.2004, 11:33
Original geschrieben von spenzasequenza

abär wännd nur irgendwelchi freestyle sessions oder so willt üfnäh, chasch es dynamisches näh... de chunts nit sooo druf a...

wett's eigentlich nur für ufnahm, also home-recording benützä. isch eifach so dass ich uf di eignä beats nu wett raps ufnäh, da ich aber i därä hinsicht nu zimlich afängär bi, woti nid allzu vil gäld usgäh! d'ufnahm sel eifach am schluss ä akzeptabli qualität ha, äs muäss nid so tönä, as het ich s'irgendwo imnä tonstudio ufgnoh!

Beatstar
19.11.2004, 11:36
Original geschrieben von cobbez
wett's eigentlich nur für ufnahm, also home-recording benützä. isch eifach so dass ich uf di eignä beats nu wett raps ufnäh, da ich aber i därä hinsicht nu zimlich afängär bi, woti nid allzu vil gäld usgäh! d'ufnahm sel eifach am schluss ä akzeptabli qualität ha, äs muäss nid so tönä, as het ich s'irgendwo imnä tonstudio ufgnoh!

also ziehder es akg!

spenzasequenza
19.11.2004, 14:16
verdammt! das röde NT1 isch ja gar nit so teuer, wiäni gmeint ha* gopf...
...
übrigens roctwo: wännis e biz röhriger will ha:
akg solid tube, oder röde k2?
tanks

...und fär de cobbez: ich nehmi an diiner stell z NT-1a
oder der c2000...
allerdings müäsch de da no lüäge, dassd en phantomschpannig irgendwoher kriägsch, also viliicht en chleine mik vorversterchär im budget iplane...

Roctwo
19.11.2004, 14:35
hey spenza

du schiinsch mer alls würsch öpis vo guetem klang verstah!

ich mues ehrlich säge, ich han die mics nie mitenand vergliche. aber bi röhremics würi under ere gwüsse priisklass ufpasse. die chönd zum teil rächt ruusche. voralem bi stärkere kompression chans ziemli närvig sii! dä muesch aafange expandere und das hani nöd so gern...

wänd guets gäld wetsch investiere: brauner röhremics! weniger ruusche als einigi kondenser mics!

http://www.gotham.ch/products/brauner.htm

phantom-v isch scho ziemli geil!

im gschäfft hämmers VM1. das rooooooolt!

spenzasequenza
19.11.2004, 14:43
hui, ich fühl mich plützlich so chlai und nichtig angesichts vo denä brauner miks, und vorallem angesichts vo dem Priis!

hehe... naja, aber wenigschtens isch ds logo beschisse *g macht mer de doch wider freid... aber suscht, wänni z neegscht mal im lotto gwinne, ziähni mer eis...

oder wänni miine wurlitzer 200a mag verchöife... evtl längtis mer de. äwa... ich gwinne doch liäber im lotto...

Roctwo
19.11.2004, 14:47
wurli, fett!!!!

Roctwo
19.11.2004, 14:50
jaja die brauner sind scho geil! ich han dehei aber leider au keis.... isch halt im studio woni schaffe.
bin grad es album am ufnäh womer d'raps mit dem ufnämed. und mues säge, käne würklich nüt vill bessers. me händ au es alts manley gold reference mic. aber das ruuscht um wälte meh als VM1!

spenzasequenza
19.11.2004, 15:04
naja... aber bevor dassi e sones mik chöife müässi mal no jede menge andri schwächeri glieder us miiner recording chetti üüstüüsche... agfange mit der audio charte...
bi nämlich momentan uf ere creative unnerwägs und di heint ja nit grad di beschte wandler...

hey, du wad di üskännsch, chänntisch mer eini empfähle? so zwische 500 und 900 schtutz umenand? das isch nämlich im momänt grad di dringendschti inveschtition iner schtube... hehe

cobbez
19.11.2004, 15:14
Original geschrieben von spenzasequenza

...und fär de cobbez: ich nehmi an diiner stell z NT-1a
oder der c2000...
allerdings müäsch de da no lüäge, dassd en phantomschpannig irgendwoher kriägsch, also viliicht en chleine mik vorversterchär im budget iplane...

merci villmal, aber nimm glaub äs studio projects b1, dä rescht isch mär eifach ztüür und denn natürli nu äs preamp däzuä!

Roctwo
19.11.2004, 17:11
hey spennza

wievil in/outs bruchsch? analog und digital in/out?
häsch usb und firewire schnittstel?

Roctwo
19.11.2004, 17:45
yo spenz

han da mal en link für dich:

http://www.m-audio.de/overview.htm#fw

m-audio interfaces / soundchartene. sind vo avid ufkauft worde (glichi firma wo au digidesign protools herstellt). ich denke die wüssed was sie mached und sind au priislich in ordnig. bin allerdings nie dezue cho e sones teil seriös z'teschte.

ich selber han es motu 828 firewire audio interface. 8 analog in/out, 8 digital in & 1 spdif in/out. (bi de erste 2 analoge inputs chasch na phantom power druff gä)

das teil kriegsch glaub mitlerwiile für 1200.-

occasion warschindlich sogar billiger