Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Proof - I miss the Hip Hop Shop


Map
03.06.2004, 23:08
Ha mer hüt grad das Aubum kouft vom Proof (D-12). Isch no verdammt geil. Überraschenderwiis isch kei Track vom Eminem produziert und ou keis Feat. druf. S Aubum isch ou nid über Shady Records erschiene, sondern über "Iron Fist Records". Dämentsprächend ou vieu freshi Undergrund Lüt druf wo effektiv geil chöme. Es paar schöni Sache richtig Ja Rule und The Inc... Luschtig. Hie mou d Tracklist:

1. Intro
2. E and 1 Equals None
3. Yzark
4. Derty Harry
5. People Hi For Change
6. Neil Armstrong
7. Broken feat Jounalist, MU
8. Shake Dat Donkey
9. Runnin Yo Mouth feat T-Flame& Fatt Father
10. Skit Dolo Speaks
11. Know Ya Namme feat 1st Born
12. Play Wit Myself feat Primo
13. You Know How 2 feat Famous
14. It Aint About Tha
15. Cross Tha Line
16. Bring It To Me feat Killa Khann & JayDee
17. Jah In A Bra
18. Nowhere Fast feat Dogmatic
19. Love Letters

Zieht nech dä Scheiss mou ine. Oder choufet die Schiibe grad, lohnt sech.

Stinkyfingaz
03.06.2004, 23:50
Bring it to me isch de hammer

Aurel
04.06.2004, 00:15
premo und jay dilla? hammer... sofort besorgen...

scope
04.06.2004, 00:18
primo beat hani scho ghört ufere UNRELEASED INSTR. nume ischer chli angers zämegsteut.

snippets töne sehr heiss... leider ischs äuä ke jay dee beat woner druf rappt. tönt ömu nid so

Proof
04.06.2004, 00:55
:( jetzt han ich grad gmeint du hegsch für mich en thread ufgmacht... map? häsch du slsk?

http://www.aight-genossen.ch/forum/showthread.php?s=&threadid=4317

hrhrhr... mues es grad sueche... usserdem het er min name klaut

DoomLoop
04.06.2004, 14:18
Jä hets geili Beats und so?!

Map
04.06.2004, 14:28
Original geschrieben von DoomLoop
Jä hets geili Beats und so?!

Jep würdi so säge. Vieu Sache vom Sicknotes und vom Cyzer Soset. 1 Premier Joint, wo miner Meinig no aber nur Durchschnittlech isch.

Was würkli Deftig isch isch Jah In A Bra. Das isch e Antwort-Track gäge Ja Rule. Do hets es paar sehr verdammt derbi Lines drby. Mi absolute Favourite:

"You cowards, do something before we do ours
I could write a Ja Rule album in two hours "

oder:

"Your nervous in beef, to Irv and his peeps
I ain't rapping no more,
I speak through the curb in the streets
Ya henchman got this bitch to get a poor job
That makes the Cookie Monster
hanging from a door knob"

Töu Sache sy ächt witzig, angeri gö eifach straight nach vore.

Lance
04.06.2004, 14:41
Ich hett ja was anders erwartet vom Proof, aber de shit gfallt mer mega. Geils album

Map
04.06.2004, 14:45
Original geschrieben von Lance
Ich hett ja was anders erwartet vom Proof, aber de shit gfallt mer mega. Geils album

Gäu es isch würkli sehr überraschend. Es isch grad extrem angers aus D-12 World. Sy haut ou freshi Produktione us em Detroiter Niemandsland und dr Proof hets sehr drufe. Und offebar no vieu unreleasets Materiau. Im Booklet isch scho bereits e Akündigung für sis nöchschte Aubum, Äbefaus über "Iron Fist Records".

scope
04.06.2004, 14:51
schad hets keni beats vo

no i.d.
eminem
dr. dre
red spyda
denaun porter

die wäre sichr au dinne gläge, da si für Shady Umfäud doch scho einigi gmacht hei...

Map
04.06.2004, 14:56
Original geschrieben von scope
schad hets keni beats vo

denaun porter

die wäre sichr au dinne gläge, da si für Shady Umfäud doch scho einigi gmacht hei...

Mou hets. Es isch dr Beat wo G-Unit für "Stunt 101" brucht het. Dä isch vom D9. Luschtigerwiis het dr Proof dä dörfe bruche. Zum Teil het das Aubum äbe ou chly Mix Tape charakter. Zumbyspieu s Lied 5 oder 6 isch ganz witzig...

Aber äbe... Es sy schiins no meh Sache plant vom Proof (Und nach däm Aubum isch das ou sehr erwünscht) u denn hets sicher ou Sache usem Shady Rec. Camp.

Kush
04.06.2004, 15:15
Original geschrieben von Map
T-Flame

:D :p :cool:

kenn ich voll nit, au Detroit?!?

Lance
04.06.2004, 18:17
Shady Records erinneret mi eifach immer a chinderlieder beats (woni geil finde) und irgendwelche mist wo drüber glaberet wird (woni au geil finde).. dass de proof gad sowas bringt findi geil. wie de Obie Trice, abgseh wo 1,2 tracks isch sis album no relativ ernsthaft. Findi geil... sie wüsseds scho wies biz lauft.

Map
08.06.2004, 15:09
So... Jetzt hani das Aubum ziemli düreglost und liebe glehrt. Definitiv super was dr Proof do abliefert. Taktisch gseh isch es geniau, wie das Aubum ufzoge isch. Das es weder e Beat no e Feature vom Em' het oder süsch öppis prominänts (Feature vom Obie oder Beat vom Dre). Dr Proof hätt das ohni Problem chönne ha, wenner hätt wöue ABER: E so liegt dr ganz Fokus uf sine Rhyme Skillz. Wär bypsieuswiis nur ei Part vom Em' uf däm Aubum, hätt das die ganzi Ufmerksamkeit vom uf sech zoge, was definitiv schad isch. Jetzt weiss me (spötischtens) was dr Proof druf het.

Mire Meinig no steit jetzt amene Proof Aubum ir "Major League" vom Rap nüt meh im wäg. Über Shady, mit Shady, mit Dre... Mit de Jungs... Aber nur wenn är das wott.

scope
08.06.2004, 15:14
Original geschrieben von Lance
... sie wüsseds scho wies biz lauft.

nei du seisch?
si hei jo ou der dre wo sit 20 johr hits macht u der riichst musiker uf ärde isch (ohne kohl)... vilich wüsse si drum wies BIZ louft.

choufe mer de d's album ouno...

4132
08.06.2004, 15:25
ich wart lieber ufe Kon Artist Album...dä flasht mi am meiste vo dr D-12 crew...si Part zäme mitem andere do in "my band" isch eifach genial...

Aber dr Proof isch au e ganz geile siehc, dorum wirdi au mol ins album iineloose...

wenn öpper grad weiss wos snippets git, könnters doch au do iine poste...

sunst gangis halt in lade go losoe...

Map
08.06.2004, 15:33
Original geschrieben von 4132

wenn öpper grad weiss wos snippets git, könnters doch au do iine poste...


Cede.ch chasch d Snippets lose. Eifach unger Proof sueche und scho hesches. I würds aber nid dört bstöue, 31.90 sy grad chly arg vieu. Im Exlibris oder City Disc bechunnsch se für öppe 25 Stutz.

4132
08.06.2004, 17:45
aiiight..merci

Map
09.07.2004, 12:30
Wow... Jetzt cha me die Schiibe ou uf HipHopStore choufe... Nur 6 Wuche nachem City Disc und Ex Libris. Aber easy.

reezer
09.07.2004, 12:41
Original geschrieben von Map
Wow... Jetzt cha me die Schiibe ou uf HipHopStore choufe... Nur 6 Wuche nachem City Disc und Ex Libris. Aber easy.

scho? isch das so...
komisch... mir händ di erst i dä letschtä täg vo groovattack glieferät becho... kei ahnig wo diä dänn diä cd bestellt händ das diä di scho länger i dä lädä händ... naja

Map
09.07.2004, 12:45
Chunnt mer äbe mängisch chly schreg ine. Aber i ha kei Ahnig wie die Labels ihri Vertriebsprioritäte gsetzt hei. Aber so wie ig kört ha hei sie das Aubum bereits müesse lo reproduziere, d.h. d Uflag erhöche, wieus offesichtlech besser louft aus erwartet. Isch ou rächt so.

PS. Scho fascht Ironie dass es Aubum wo "I miss the Hip Hop Shop" aus letschts id Hip Hop Shops / Stores glieferet wird.