Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Behringer UB1832FX-PRO


Domi
19.12.2004, 23:17
I bi gad so am umeluege fürnäs Mischpult.
I ha da eis gfunde vo Behringer wo rächt billig isch:
http://www.behringer.com/UB1832FX/index.cfm?lang=GER

Isch das guet? Hets Qualität? Het öper erfahrig mit däm (oder denä) Gräät vo Behringer?

roemer
19.12.2004, 23:32
heijou. isch gloub's nid übel. mir hei ir band ou äs behringer mit integriärter vor-/ändstuäfä und das isch ganz nätt. gloub's fürä iistiig isch das sicher 100mau usreichend. für näs pro-mischpult zahlsch rächt schnäu mau um di 5 tonnä...
we nid grad "z'nötigä chliigäud" in übermass hesch, würd ig mir z'behring innäziäh. piis

reezer
20.12.2004, 00:07
falls dir kaufsch... kaufs doch via dem link da unnä...
a) chum ich prozent über... ;)
b) isch es deht eh billiger...

http://www.musicplace.ch/shop/index.php?p=aightgen

Domi
20.12.2004, 09:30
Original geschrieben von reezer
falls dir kaufsch... kaufs doch via dem link da unnä...
a) chum ich prozent über... ;)
b) isch es deht eh billiger...

http://www.musicplace.ch/shop/index.php?p=aightgen


Wägä dä Prozänt für di würdis no mache ;) , aber billiger isch nid!
I bechumes für 299 Fr. :D :D und bi Musicplace ischs 341 Fr. (das si immerhin fasch 50 Fr.!)

:D


Isch wük guet das Mischpult?

tay
20.12.2004, 15:13
hm...eigentlich isch behringer rächt lauwarmi kacke..
d'mixr rusched gern, händ tendänz zume brummer und d'fader und überhaupt d'verarbeitig isch rächt billig und nid füd ewigkeit gmacht! Au schlaui routingmöglichkeite undso würsch dr öppe mal hoffe aber sälte finde uf däne.

aaaaber - chumt druf a was du bruchsch?

füres studio chasch die gad vergässe, aber füren bandrum - wiso nid? (han ja au paar durela vo däne ;) immerhin chumsch bi behringer fü dis gäld di meischte spure über und dä rescht vo dä bandrum-alag wird vermuetlich ja ä nid gad top-ruschfrei-deluxe-zügs si, abr äbe - nix zu grosses erwarte bi däne dingr und wäns was fü länger si söll: soundcraft, allen&heath, midas, mackie.

gruess
tay

ps. bi audio-zeugs immr mal www.thomann.de checkn! (fascht)unschlagbari prise!

fan03
23.12.2004, 11:57
aso mir händ genau das teil i eusem rümli.

chans nur empfele, für es rümli isch es geil. ebs für meh au taugt weissi halt nöd.

aber mer chan immerhin effekts mache und es hät gueti fader.

für de priis isch es sicher öpis vom beschte wot überchunsch.

aight!

Beatstar
23.12.2004, 12:18
för "normali" applikatione esch das teil scho easy (sprich ines rümli oder deheime)! aber för studio etc esch behringer müll! sind nun halt mol eifach die belligschte elektronische bauteili dine wos ged... ond es anders problem wo behringer (bi de belligere grät hed) esch das de "audioteil" und "netzteil" ufem ein und selbe print sind... sprech nüd emv gschötzt etc oder nor schlächt! das bedütet das du en konstante "brumm" uf de audiochannels chasch ha! und imne studio chasch das eifach ned bruche!


:hippie:

Lügner
23.12.2004, 12:31
immer sGliich ... das macht öppert ändlich mal choschtegünschtigs eqippment für Bedroom-Producers mit wenig Budget ... und dänn isch au nöd guet ...he he he ... chann mich nur aaschlüssä:

Für so im Rüümli sind di dinger okay so zum Zuespieler verteile, ja sogar als Mic-preamp usw. und sowieso: Wänn mer im ganze rüümli nur Chinch-Kabel quer durs Züüg verleit hät und no es Migros Mikrophon draghänkt hät, machts au voll kein Sinn e fetts mischpult zhaa ...

apropos fetts mischpult:
da würdich dänn ehner öppis in richtig MACKIE empfehle. Echli tüürer, tönt aber au vill besser ....

Aber ebe .... ich het früener also '94 träne i de Auge gha, wänns dänn scho di behringer Pult ghee hetti zu dem Priis .... mer muess sich halt eifach richtig iischätze und dementsprächend sEquipment uusleggä ...

Und no was zu behringer: Han mer grad letschti es BFC2000 gkauft und Homez: Das isch ja wohl de oberburner! Fühl mi wie früener am SSL Scenaria ... das Ding isch geil und funktioniert mit miim Samplitude zämme, dasses e wahri Freud isch ... guet es lauft ja au kei Audio drüber ... isch ja nume en Controller mit motorisierte Fader, aber für 319 Höger hätts sowas bis jetzt eifach nöd geh !

Drum: All Hail to Behringer ... au wänns tönt wie müll ...he he he

Domi
23.12.2004, 20:50
Ja i bruches nur für däheim oder im Bandrum u so!
:D