Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : de erschti text vo mer


wid tiga
08.06.2004, 21:35
also leute i waer froh wenn ehr mer e chli feedbacks choenned geh!!de text esch nonig ganz fertig ha ersch die erschte zwoi strophe muess si aber no oeberarbeite!!

verse1:
-igschlosse vom gendanke womi ome verstand brengt
es esch scho so normal dasi tagteglech am rand ben
-am rand vo mine nerve, am rand vo mire gedold
i fuehl mich so elend ond i weiss i be gschold
-es get milione gegesaetz
doch au weni mech entgegesetz
es esch die nacht womi emmer weder dor d'gegendhetz
-nor de eini gedanke gfruehrt mer s'bluet ide vene
i mim chopf es szenario vonere riise fightszene
-es schiint alles so klar jedi chlini sequence
vom afang bes zom end
vo dine letschte wort bes zom auto wo brennt
-es esch so schnell verlaufe..in brochteil vo sekonde
du hesch dis lebe verlore ond i mis sett denn noem gfonde
-i wett i hett der chli meh ziit choene schenke
fuck!!i wett gar noem lebe nor weni dra denke
-es tuet mer leid foer all die woerter woni zo der gseit han
ondes esch no schlemmer dasd nie weisch dasis ned so gmeint han
-verdammt!!i treie glaubs..muess weder obe abe cho
ergend en schoene gedanke womi vo deht obe abeschloht
-ah..hey magsch di no erennere a Party vom tino
ond mer send beidi so voll gsi ond nochher no so is kino
-ha..deht semmer no jong gsi..hend alles choenne mache
hend die ganz fun gha ond hend oeber alles choenne lache
-i weiss ned was passiert esch..velecht semmer eifach g'riifed
aber i het nie denk dasi mol nebe mer is leere werd griife
mer send so naive gsi
- ihettis selle woesse
es esch eifch noem s'gliich nor no din schatte z'koesse!!

Verse 2:
-ond jetzt hocki do zoberscht of de brog
denke zrog
ond i fend es esch scho no verockt
-i mein i denke a dech de ganz tag bes id nacht
ond fang demet weder aa am nechschte morge weni verwach
es esch krass
-denn i frog mech langsam obs liebi oeberhaupt brucht
denn mer alli woessed ergendeinisch hoerts uuf
ergendeinisch semmer jo eh weder elei
scheissegal was passiert ergendeinisch semmer eh weder entzwei
-momoentan macht das i mim chopf kei senn
velecht eschs weg dere phase woni mi zorziit grad befend
-denn i erkenne mech selber noem weni in spiegel lueg
i hami so verendret im vergliich zom chline bueb
-woni mol gsi be vor johre es schint en ewigkeit herzsii
wer hetti denkt das es lebe z'lebe choenti so schwer si
-als chind hani emmer traeumt..i werd mol de perfekti maa
han frau ond chend ond heb mi dra
aber anstatt verrecki dra
verdammt nomal
-es esch onmoeglech de tescht vom lebe z'bestoh
i wett i choent alles lo legge om 2 johrzwehnt zrogg z'go



das esch alles woni im moment han..i muess no en ref schriibe..aber i waer froh om kritik..wer guet wenn ehr woerded saege wo dasi no chli chonnt schaffe dra no chli fiele ond so!!
thx :hippie:

konfus
08.06.2004, 21:46
also ich finden guet.

unique
08.06.2004, 21:52
naja.....fends ned so das!
mega vell standartrhymes, ke doppu, schräägs rhymeschema (mega längi lines denn weder chorzi, god ned uf)!
easy esch jo de erscht txt! wiiter üebe, chond secher guet!
mine esch vellech au ned so das, aber chasch en jo mol tschegge ond de track dezue lose!:D
http://www.aightgenossen.ch/forum/showthread.php?s=&threadid=4676

Urschk
09.06.2004, 11:11
wächsle dr dialäkt! ;) nei ha nid dr ganz gläse, aber das woni gseh ha isch easy! eifach ging chli schribe, de chunt das guet, dr bescht kritiker bisch du säuber!

unique
09.06.2004, 16:34
Original geschrieben von Urschk
dr bescht kritiker bisch du säuber!

stemmt vollned! dini eigete fähler gsesch ond ghörsch sälte, denn du besch dech din style gwöhnt ond drom esch gschiid de shit emne andere oder e eanderne zom chacke z poste! jo das wärs denn au scho weder....:D

K
09.06.2004, 16:39
unique.. eigetlich chunds ja bimene text womer na rappt,
eher druf a ober guet tönt oder? ich meine, mer chönt a jedem text öbbis ussetze.. schluss und endlich chund nur ufe flow druf ab un ober zum beat passt etc.

unique
09.06.2004, 16:48
d rhymes mönd aber au fett sii, ond ech ha eigendlech au vom aschliessende rape gret! aber au vom schriibe, anderi gsänd dini fähler besser!

Urschk
09.06.2004, 18:18
Original geschrieben von unique
stemmt vollned! dini eigete fähler gsesch ond ghörsch sälte, denn du besch dech din style gwöhnt ond drom esch gschiid de shit emne andere oder e eanderne zom chacke z poste! jo das wärs denn au scho weder....:D

chunt druf a wies aluegsch, du heschs fausch verstange! meine dr mit du bisch di hertischt kritiker, dä wo am ehrlechschte isch! versteisch?

unique
10.06.2004, 12:39
Original geschrieben von Urschk
chunt druf a wies aluegsch, du heschs fausch verstange! meine dr mit du bisch di hertischt kritiker, dä wo am ehrlechschte isch! versteisch?
ok! has gschnallt! sorry för mini läng leitig!:D :lol:

AiGhTgeNoSSiN
10.06.2004, 12:51
Und das isch würkli passiert!?:confused:

Lord Flow
10.06.2004, 13:43
i finde dr Text not bad. Thematisch hesch anschinend viu drin (verarbeitet?) wo di säuber beschäftigt, und bi settige Theme chunt hüüfig am meiste use am Schluss. Oder du hesch rächt Fantasie, ha aber nid dr Idruck dases gfakt isch. Vor technische Site här sis haut scho nid di hochstehendste Lines, aber das chunt no, isch am Afang immer schwär. Los e Beat und rap dä Shit eifach 20x schön zum 4/4-Takt (ohni grossi Breaks u Spielereie), wener ufgeit isch guet, süsch haut no mit 2-3 Usdrück ergänze/Lücke fülle; dr Flow ergit sech speter vo säuber. Versuech vilich dini Ussage mau no mit chli Metaphorik z'ungerstriche, bzw. o no ergänzendi Bispiu z'mache. Di meiste Lüt empfindes ender wenn z.B. seisch "Füehle mi ghetzt wi Rotwiud are Tribjagd" aus wenn eifach seisch "i bi ghetzt"....si chöisech de biudlech no öpis meh vorsteue u verstöh besser wie du di füehsch. Weisch wasi meine? Sone Text würkt eifach meh wenn d'Lüt dini Gfüuh chöi nachevouzieh, da dä Text vo mir us vom Inhaut u nid vode Hammer-Punchlines läbt. Füre erst Text isches aber würklech nid schlächt, nume geng dran blibe.

Piiz

Urschk
10.06.2004, 13:52
Original geschrieben von unique
ok! has gschnallt! sorry för mini läng leitig!:D :lol:

easy...:schirm:

thieu
10.06.2004, 13:59
Also ich z erst mal nur der Afang glese und de häni deicht va der Anzahl Silbe wo reimend isch das ja Hammer ver der erst Track. Aber wenn i de hä wiiter glese laht das es bitz nah... so mit Standart wie mache/lache...

Ich müäss öi dem Lord züästimme und finne Verglicha recht wichtig, nit nur zum Identifiziäre, sondern es lockret das ganze m bitz üf. Es fasziniärt halt der Höhrer/Leser!

Inhaltlich is aber en verdammt persöhnliche Text, und ich glöibe nur scho so eppis z schriibe tüät güät!

Aber wend Texta so schriibsch wiä der Afang, mit em paar Vergliicha dri. De stimmt nu Stimm und Flow. De will i de umbedingt mal eppis va diär kehre...

Gib wiiter Gas

wid tiga
10.06.2004, 17:33
merci foer kritik..es het ond werd mer au secher helfe in zuekonft weni texte scrhiibe!!
es special thanks an thieu ond an lord..wo sech ziit gno hend..de text z'kritisiere!!
ond om no anderi froge z'beantworte..de text esch ned woerklech passiert..esch eigentlech en zemliche fantasie text gsi..s'einzig wovelecht vom real-life ableitet esch dasi scho mol en sehr wechtigi person i mim lebe verloore han..aber das esch s'einzige!!
i han oepis probiert dem text!!i ha probiert e chli en schraege text z'schriibe wie wenni woerd vorem grab stoh vo dere person ond met "ere" woerd rede!!chegge ders?i weiss halt ned aber i werd secher dra bliibe!!
merci foer kritik nomol ond ja ..
Peaz OuT
Wid Tiga

freestyle-girl
12.06.2004, 20:15
isch ä geilä text!

wid tiga
14.06.2004, 18:20
aber wiso :wtf:

DiggNsagg
16.06.2004, 14:15
Go on. .

also füre erscht text - ok!. -wicked!!

aber ebbe, ha grad na en chillige beat am laufe gha und wie immer weni n text vor auge han grad mal afa drüber-
rappe. chund zum teil recht easy - rythmus stimmt nid. -Lass umbedingt en beat la laufe, wie vorher scho gseit worde isch. rap umbedingt immerwährend wenn schribsch denn chund das geil. zum dialekt sägi nix.schliesslich muesssme au säge, dassme en nur gschriebne text immer au nur sött
-ich säg jetzt mal :- "vor-beurteilt"werde.-logo wieso

aber bi gspannt ufe nächscht.GEIL WÄRS wenn de text abänderisch und ne hie wieder innestellsch wenn zfriede bisch.

Cheers