Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : The "Thank you" threath 04!


D-Glay
09.06.2004, 08:44
Wies de Titel scho seit.. :)

Eifach mal chöne danke säge.. :) Wie oft hett mer scho welle en Dank usspreche und hetts de gliich verschwitzt.. Jetz isch Glegeheit da, das nah z'hole! :)

Also looooos! :yeah:


Min erschte gaht a Trick77. Thx brothaz für die coole Uftritt wo i mit eu ha chöne gnüsse! :) Isch immer wider fläshig! :yeah:

scope
09.06.2004, 08:51
mi dank geit a:
Tonik für zahlrichi sessions, gspräch, musig, sini istellig

poetical, für sessions, chill/grillerei, raps, mittagässe-gspräch u so...

globi S. für dini arbeitshautig was rap abelangt. danke für dini parts uf üsem track. danke für d'session bi dir... danke das a mini session cho bisch

lord flow u flexstar. danke öich ou für d'sessions... am reno für die lustige fertigmachereie am mittag.

danke jah fürs feine indoor

Radical
09.06.2004, 08:53
oh, Def.....ich bin zu Träne grüehrt....

Nei, ernschthaft: Danke gaht vo miner Siitä dick a dich zrugg (das gseht jetzt us, als wäri das es abkartets Spiil). Du häsch mer einigi Tor göffnet! Uf villi wiiteri gueti Konzert, Text, Häng-Abig etc......bro fo life!
:iloveyou::cheers: :

Dänn danki no mim Mami, mim Papi, und allne woni kennä:D :D

Äffli
09.06.2004, 08:58
ych wünsch mir tupac mit gängstär pärädeis

grüess mini family, mi vater mi muetter, murat,hakan,aser,memet und al(l)i wo mi kenne:D :D

Map
09.06.2004, 09:05
I danke aune Wixer und Nuttesöhn wo mr ufe Sack gö, wieu sie s'Füür i mir am brönne haute.:devil: :devil: :devil:

I danke am Semaj, wieus num üs 4 cha gä.

I danke Jack Daniels und Jim Beam, für die wahri und einzigi Liebi i mim Läbe.

I danke am Christoph Blocher, wieu ihn d Lüt jetzt meh hasse aus mi.

I danke mr säuber, wieu i aues nur mir verdanke.

I danke ar Paris Hilton, dofür dass sie e Polyvalänti Wixvorlag isch.

P-Flow
09.06.2004, 09:07
..geit an..

..Pleschen: dankä ver z'recordu und als.. isch wirkli fett gsi! wenn willt, chänne wer jederziit numal epis machu :D

..M-To: Junge, dank dier losich uberhöipt HipHop! ;)

..IronMC: thänks, dass mer bim studio hälfsch! Gfröiu mi scho, da mit dier zämu d'erschtu tracks la z'entsah!
@Pleschen: chasch de jederziit verbii cho! chänne öi da mal epis recordu! piis

..Walt_diss-ney und Terror mf one: ver was öi immer..

ha sicher jenschti lit vergässu, aber weni alli wellti üfzellu, de chemi hitu nimme fertig!

piazz

poetical
09.06.2004, 09:24
Ig danke mini Giele vor Stärke 10 für die gmeinsame Jahr u aus wo mer bis itz zäme erreicht hei. Üsi Zyt wird cho.

Wieter aune Giele wo mi/üse Wäg bis itz krüzt hei i däre Rapwäut. Uf das no meh oder überhoupt Tracks entstöh: Strichpunkt, Saubanner, Unbekannt, Pax, 2. Liga, Scope, Pan + Whodis, El Nino, Demeter, Sirus Curse, Shortee, Kermit, Strikk, SlanGRover, Bschiisär, Map, Globi S., Radical, Def G, Dirty Fifty (sorry ig weiss ha sicher huere viu vergässe)

aune Aightgenosse uf dr gliche Wäuelengi

Mire Ma für aues

Jeder Lady wo äs Stück vo mim Härz gstohle hett

Mine Siffer Jungs für unzähligi Äbe vou Siff, Suff u Puff

:hippie:

Mora
09.06.2004, 10:29
ech dank em nobra, wil ech mich immer so schrecklich über ihn chan ufrege. :D

ech danke es paar aighler für interessanti neui kentnisse und konstruktivs feedback.

ech danke alle lüt wo mich unterstützed und wo ech gern han.
sie begleitet mich au dur schwirigi phase.

sly saloon
09.06.2004, 10:35
FETTES MERCI AD CEL!!!!

es het guet klappet gester und isch voll lässs gsi!

und das alles dank de cel und de sayla!

darum ONE LOVE und ihr händ no was z guet...

Peace

pseudonym
09.06.2004, 11:13
Original geschrieben von sly saloon
FETTES MERCI AD CEL!!!!

es het guet klappet gester und isch voll lässs gsi!

und das alles dank de cel und de sayla!

darum ONE LOVE und ihr händ no was z guet...

Peace


das post chani ächt nur no grafisch ufwärte:



:confused: - für d cel wo am afang nöd gwüsst hät was rächt und was schlächt isch.

:blumen: - als ihre entscheid

:dance: - das hämer us froid im büro gmacht, nachdem mer ächt
:krass: xi sind

:bolognais hettemr gmacht, wämer nöd nur z 2tä xi wäred.

:bouncecro - ischs resultat xi



und das für diä beedä: :kuss:

cel, :yourock:

sayla, :yourock:

so.

scope
09.06.2004, 11:24
...folgende lüt:

mom, dad, sistaz, nico für guets ässe, geils hochzytsfest (vor schwe) inspiration (dür baby nico) geili zyt ungerstützig u so...

nina fürne u (churzi) schöni zyt...

Map --> sorry döög... messi für dini hammerparts i de battles. du bisch der grund dasi wenigstens es paar battles guet finge... props a di.

aui lüt wo down si mit mir: beda, tondo, chil3, dave, bieri, lexu, beni (die liste wird z'läne)

Danke ar ganze CityBunker crew dasi mi bi öich ha dörfe zumne freestyle-rapper ha dörfe la usbiude. dasi bi öich hiphop no gspüre... these feelings makin' high

sry dasi öich vergässe ha

Map
09.06.2004, 11:27
Original geschrieben von scope

Map --> sorry döög...
sry dasi öich vergässe ha

Muesch mer jo eigendlech für nüt danke, mache jo aues für mi. Aber Merci glych. Jep, i dank dr drfür no einisch für die geile Session vom Frity. Würkli gmüetlech gsi und het fröid gmacht.

scope
09.06.2004, 11:30
Original geschrieben von Map
Muesch mer jo eigendlech für nüt danke, mache jo aues für mi. Aber Merci glych. Jep, i dank dr drfür no einisch für die geile Session vom Frity. Würkli gmüetlech gsi und het fröid gmacht.

mou lug wenns dunku isch (im battleforum) und öbber liecht bringt dasi öbis gseh --> sägi merci. merci bisch ad session cho... vo mir uus wider einisch. leider hani ke gäud me für mini aute id ferie z'schicke... ;)
isch klar machsch aus für di... das macht jo eigentläch jedä...

Irgendeis
09.06.2004, 12:00
...EUS!

...am Dela das i ha dörfä bi ihm go Beats-bastlä (jetzt müämer dänn wieder mal eusäm gmeinsamä Baby luegä) und däfür das er mit EUS unusstehlichä Nachbarä so vill Geduld hät! (Dä Bluetegel vo mä Komiker isch scho mit 1 1/2 Füess dussä!)

...am Def G für sin jewiils fettä Support a dä Gigs vo EUS! Und genauso am DJ Flip! Geili Siächä!!! (und äs Grüessli a min Samstig-abig-in-Bern-Saufcompadre Jerry Bell, dankä für dä Whisky-cola)

...am Tonik, dass er dä Makan und somit EUS hät welä unterstützä und mir gliich no d'Hand git, ä wänn i so schwierig 'ta han!

...allnä wo mär jemals Props geh händ für mini Lyrics/Musig, dänn än tüpflischiiserischä, sehr sälbstkritischä und schwär z'friedästellendä Mänsch wi' ich brucht di Bestätigung!

...minärä Bizzz-Partnerin Steffi...he alti, denä zeigä märs, mir sind Bissfest - got 2 work hard 4 it!!!! (Zürifäscht!-Muhahaha)

...minärä Gsangslehrerin Flavour (ä wänn si das eh niä wird läsä) dafür das si eifach so ä geili Frau isch und mich immer voll und ganz unterstützt hät i dä letschtä Jahr!

...allnä wo EUS nöd unterstützt händ obwohls hetäd chönä, will genau so häts müssä cho! Dä Wäg isch s ziil!

... all minä liäblings haters (ja, das gits), ohni eu heti scho fascht s'Gfühl ich sig uninteressant.

Ps. Find i ä gueti idee mit dem Thread, dänn chan i mär i mim fiktivä Album Thank-yous sparä:p

Beatnik
09.06.2004, 12:04
Ich danke allne Lüüt wo amigs Verständniss und Coolness händ wänn ich mal wider spinne, öppis verhänge oder schlächt druff bin!

Ich danke mir sälber, das ich amigs Verständniss und Coolness han wänn anderi widermal spinned, öppis verhänged oder schlächt druff sind!

Ich danke allne wo "aktiv" gwüssi Kulture und Sache am Läbe erhaltet, dank eu wird mer immer wider motiviert!

Ich danke däne wo "nur" konsumiered und blind durch dWält ränned, dank eu weis ich das ich en guete Mänsch mit Talent bin!

Ich danke miä Eltere und Grosseltere, das sie sich dä Arsch ufgrisse händ zum mir e schöni Kindheit zbbüüte und mir e zuekunft gäh hend!

Und zum Schluss (will ich finde es langet langsam)....

Ich danke mim SCHATZ vo ganzem Herze das sie mich amigs verstaht, mini Macke ushaltet und zu mir staht! I LOVE YOU

toniqe77
09.06.2004, 12:06
ich danggä üsnä bandruumvermiäter dass si üs nüd schu lengschtens usägworfä händ...

und natürli am sly saloon will er mit diversä tricks derfür sorgä wird das ich ds realbattle der kantone gwünnä und mir dänn äs nagelnüs sm58 schänggt :D :p :D
merci aldä

Aurel
09.06.2004, 12:10
ech danke mehr, well ech so en geilie siech ben.

ja ech gebs zue, ech ben ego-schwul...


:D


thx @ sempach uptown & downtown für alles... danke a mini turntables, dass ehr emmer do send für mech...

und danke a all wo mech kenned, usser de phillip...

PhrazeFive
09.06.2004, 12:12
Ich danke Tha Shark, dass er mich und mini gang (Pee-Unit aka Pingu-Unit aka Pingu and the Gang aka die Kurios Hampfle voll) gsigned hät und mir über ihn blad derfet en Track im Web release...

Allne woni im ernst wett danke, hanis oder machis persönli!

züss züss

Aurel
09.06.2004, 12:15
KLAR, SHARK AN ERSTER STELL, KEI FRAG... GFOLGT VO GOTT UND ELTERE UND SO...

PhrazeFive
09.06.2004, 12:18
Original geschrieben von Aurel
KLAR, SHARK AN ERSTER STELL, KEI FRAG... GFOLGT VO GOTT UND ELTERE UND SO... haha - homies und fründe häsch ja eh kei :D

Aurel
09.06.2004, 12:20
Original geschrieben von Pingu
haha - homies und fründe häsch ja eh kei :D

NEI MAN, NUR DER GLAUBE AN DA SHARK ZÄHLT IM LEBEN! SCHEISS AUF FREUNDE...

PhrazeFive
09.06.2004, 12:22
Original geschrieben von Aurel
NEI MAN, NUR DER GLAUBE AN DA SHARK ZÄHLT IM LEBEN! SCHEISS AUF FREUNDE... fründe ziehnd dich eh nur ab im lebe - stay tru stay by yourself stay alone - min album titel - jüar - 2004 - tha shark records :)

Äffli
09.06.2004, 12:58
ych dangg...

..minere muetter, für al das wo si für mi gmacht het. dangge, ohni di wäri nid do woni jez stand...

...mim vater, für s vrständnis vom unvrständliche;), al die mätch vor em tv, uf dr schütze odr im alte joggeli und, und, und...

...mim brueder, für al dä scheiss womr zämme erläbt und gmacht hän...

...mim cousin für das, das de trozt däm gaz wo de erläbt hesch glich blibe bisch. dangge...

...mim grossvatr für d wissheit das dwält nur us arschlöcher bestoht...

...em philosoph vo dr stross für unzähligi öbe uf de bängglis. mir mache unermüedend witer...

...em ssk für d ruckedeckig wärend al dene joore. scheiss lehrer...

...kbs für all die session bis zsunne widr ufgot...

...de aightgenssler wo gamesite poste...

...hater und fakers. man wie ych mi uf dä dag freu wo ych euch ändlich zeig das ihr scheisse sin...:cool:

... al dene lüt wo mi vo afang a unterstüzt hä, es kunnt zrugg...

thieu
09.06.2004, 13:06
Original geschrieben von toniqe77
ich danggä üsnä bandruumvermiäter dass si üs nüd schu lengschtens usägworfä händ...

und natürli am sly saloon will er mit diversä tricks derfür sorgä wird das ich ds realbattle der kantone gwünnä und mir dänn äs nagelnüs sm58 schänggt :D :p :D
merci aldä

Ich danke emel öi dem Sly das i darf gäge de Tonique im Final Battle, klar würdi gwinne,aber wenn er z SM58 kriägt und ich ali Fröje geit das öi klar...

@ Tonique, z negschmal schlaffesch nimme älei uf miner Couch... Selbschtschuld!

toniqe77
09.06.2004, 17:54
Original geschrieben von thieu

@ Tonique, z negschmal schlaffesch nimme älei uf miner Couch... Selbschtschuld!

grrrrrmmmbblllll :mad:, immer wider alti wundänä ufrissä, naja, ich rissä gar nüt uf :D

greetz ids wallis, peaze ids wallis, 1 liäbi für ds wallis, ich wür sterbä für ds wallis :D

schünä abed thieu, altä suufkumpan!

sha
09.06.2004, 19:02
...minere mueter, wel ohni si wär ech ergend so ne verlorene siech, wo de ganz tag nome droge nähmt

...de wonderbarste frau of de wält äifach deför das es si ged ond das si emmer för mech do esch

...mine kollege das si emmer för mech do send, wen ech si bruche

...insbesondere em flo wel dä äifach de gäilst siech esch wos ged (aber ech rap' glich besser als du ond me flow han i au no grad - ätsch... :D )

...em reezer för die heftig site, mad propz

...em emil, wel mech dä siech dezue brocht hed z rappe

...em dave, wel er äifach so ne gäile siech esch ond so lang freestylt das i ned mol z wort chome

...em markus zimmermann, rektor vo de wml wo mech öberhaupt a d ufnahmeprüefig zueglo hed, so das ech mech han chönne witerbelde ond ned i die 4. sek han müesse (ond jetzt burned mini note alles baby)

...em j.r.r. tolkien ond george lucas för eri heftig fantasie

...em jean ziegler för sini intelligänte büecher

...mer sälber das i emmer no ned de aschess han witerzschribe

...em ill bill för sis absolute killer-album

...em globus wel die sieche de globi erfonde hend

jojo, desch alles wo mer so spontan i senn cho esch

sly saloon
09.06.2004, 19:05
Original geschrieben von thieu
Ich danke emel öi dem Sly das i darf gäge de Tonique im Final Battle, klar würdi gwinne,aber wenn er z SM58 kriägt und ich ali Fröje geit das öi klar...

@ Tonique, z negschmal schlaffesch nimme älei uf miner Couch... Selbschtschuld!

at toniqe und thieu...schanauze tief, sus chömed die andere no öppis mit über vo ¨üsne deals, hehe

Deni
09.06.2004, 19:26
.....ig danke mire chliine tochter für ihres lächle, wo mi us jedem scheiss loch wider usehout!!
merci baby-girl du bisch mi einzig real-läbenssinn!!

Luusmailtli
09.06.2004, 20:25
merci stubaehocker..du weisch wiso....;):kuss:

merci bschiisär...du weisch au wiso..:D

Bschiisär
09.06.2004, 20:32
mässi a mini chlii lady..

si weiss, wiäsi mich us jedäm tüüf usäholt und schaffts jedäsmal, mich z'verzauberä..

Stubaehocker
09.06.2004, 22:54
du weisch wis lauf Luusmailtli18!!!!! bisch immer willkomme be mer!!!!!

#ChRüSiMüSi#
09.06.2004, 23:21
..Danke a mini Familie wo immer da isch au wenn ich dä Aschii mach das ich sie nöd bruch und alles älei schaff.
..Danke a mini Kaugummifriiiks, will ihr eifach immer da sind und die Beschtä sind=)
..Danke a all die wo a mich glaubt händ und das immer no mached=)
..Danke a all wo a mir zwiifled händ, dur üch hani viel glernt
..Danke a all Persone wo mer nüi Aspekt vom Läbä ufzeiged
..Danke a all wo mich immer motiviered - ihr gäbed chraft
..Danke a all die intressante Diskussionspartner und Philosophier-Kollege:)
..Danke ad Musig
..Danke an min Götti.. du weisch scho wiso R.I.P
..Danke a all wo irgendöpis biitreit händ, das ich hüt die Person bin won ich bi.

..und natürli danke a mini Grossmuetter will sie immer so fein chocht, und luegt das ich nöd verhungere *hehe*

Oishim
09.06.2004, 23:38
i danke...

...minere kollege-crew, für dä langjährig zämmehalt
...dropalicious, für die uftritte wos jedesmal wieder wärt si zcho
...minere geischtige inteligänz, was würdi nume ohni di mache?
...em hip hop, merci dases di git!!!
...der ärdaziehigschraft, ohni di würde mer ufgrund voder ärdrotation is all gschleuderet
...minere mueter, für mis läbe und mini gueti(wenn ou schwierigi) erziehig!
...big brother, danke das der d'wäut verdummet...:confused:

...mir sälber, schlussändlech het niemer so vüu für mi gmacht, wie i säuber...propz für mi...

(nei bi kei ego-tüte...)

Proof
09.06.2004, 23:52
... allne wo sich ziit gno hend das zläse und drüber nahzdänke

Hyphen
10.06.2004, 00:11
TANKA

Dr erschti isch für ihn, will er dä isch, wo mi begleitet
Wo miar zaigt, dass alles z’schaffa isch, wema dazua bereit isch
Wo statt nur levita läsa halt versuacht het miar bewiisa
Dass so mengi blöd aktion nit unbedingt hät müassa si, dass
Aber alles halb so schlimm isch, nit wert sich dr kopf z’zerbrecha
doch nit ex und hopp z’vergessa, was ma gmacht het und sich bessra
nit dass er für mi a gott isch, nit unnoh- und unantaschtbar
i red vuma tausendsassa, schlicht und aifach vu mim pappa
i räp nit über ihn, ir hoffnig, er kemm jam’s go luaga
nai will er min vater isch und er dä job uuu huara guat macht

dr nögschti isch für sie, will sie dia härtischt isch, wos git
obwohl sie nit amol 1.60 isch, durch stärki übertrifft
ni mol krebs het sie fertig-, sondern nuno stärker gmacht
trotz schmerz het sie für jedi und für jeda s’lächla kah.
S’isch alles guat verloffa, und dä horror isch verbi
Und sie isch no immer wia früaner, nur mit dopplet energie.
S’isch schu no huara brutal, wemma hüt so zrugtenkt,
dass aim d’mama fasch verlora ganga wär weg bruschtkrebs
sie hingega luagt noch füri, glaubt an sich und git nia uf
das bewunderi an ihra, drum luagi zu ihra uf.

Dädo isch für dia zwai döt, wo wega miar oft glitta hen
Dia grossa schwöschtra wo sich vor am kliina arschloch schütza müan
I gsehn shu i, dassi ais gsi bin, und das tuat miar würklich laid
4 bis 8 johr jünger, waisch, und im grind dr tümmschti scheiss
und täglich widr noch am leitspruch: jo, as bitzli striit muass si
aber i bin froh um oi, iar au as bitzali um mi?
ziita händ sich gändret, iar machen baidi karriera
sind lehrerinna, händ a partner, hey i kann mi nit beschwera
i bin stolz uf was iar machen, iar bewiisen kraft und muat
und vor allem tenki täglich an oi, und das tuat guat


dr nögscht isch für di, will du miar aifach alles gisch
au wenn d’ziita nit glänza lönd für mi as strahla häsch
bausch mi uf und so wagsi jeda tag mit diar
zaigsch miar wia schön ding si könn, wo susch aifach ignoriarsch
as fählt öpa an ziit, aber s’fählt miar nia dr willa
i bin stets für di do, und das wird immer aso bliiba
schwär mittel finda wo zaigen, dass miar am herz liggsh
will materiells langt nit zum das gäh, was du miar wert bisch
nimm dasdo als usdruck vu grenzaloser dankbarkeit
will du für öper d’welt bisch, und dä öper diar tanka sait

cel
10.06.2004, 01:03
..danke..a all die lüüt wo mir es lache is gsicht zauberet..

..danke..de jungs & mädels vo FK ALLSTARS..für derbi livealbene...

..danke..am GURU für sini JAZZMATTAZ schiibene..

..danke..ihm hyphen für de tegscht *i danke*, woni no mine änkel wird zeige

..danke..mim spoozerl..für die schön ziit, wo hoffetli noni verbi isch..

..danke..de sayla..du bausch mich immer wieder uf, chlini..und vorallem, it's like, we know us since eva..

..danke..maja..siit 7 jahr..

..danke..annette für die viele geile sändige...

..danke..bruno...de bescht clown uf dere wält..ich vergiss die nie..

..danke..juju...das mer eus kennglernt händ..amsterdam & s splash...chunt..

..danke..mine eltere..dass sies mit mir immer no ushaltet..

..danke..markus&markus..das ihr mich uf bühni gholt händ und so ergriifendi stück schribet..

..danke...allne mänsche, wo ich kenneglert han bis ez, ihr präget mis läbe ob positiv oder negativ..

..danke..dass all die woni vergässe ha, verschtändnis defür händ..

various
10.06.2004, 01:12
thx u daddy...

thx 2 all, who walks with me in the wrong way...

Radical
10.06.2004, 07:33
Original geschrieben von toniqe77
ich danggä üsnä bandruumvermiäter dass si üs nüd schu lengschtens usägworfä händ...



das hätti no fascht vergessä...hehehee...ich danke au no dr Karin, dass sie endlich uszogä isch......!:D

Wiiters tanki Bliifrii 95!

Dirty Fifty
10.06.2004, 07:34
i danke aune froue wo mit mir sex hei gha
i danke aune lüt wo scho mau amene konzärt mit dirty beteiligung si gsi
i danke jedem wo sich mau ä cd mit dirty beteiligung kouft het
i danke am hugh hefner für sis läbenswärk
i danke crest füre xxl pariser
i danke honda füre vtec motor
i danke am webba für sini beats
i danke dr km-posse
i danke aune froue wo mir mau z härz broche heit -> dir nuttene göht ufe strich ga witerschaffe
i danke aune wo mi humor verstöh
i danke mc donald's füre bigmac
i danke äm erfinder vom kebab für z erfinde vom kebab
i danke mir wüu dir im läbä nie öpper öppis schänkt..

mc rassko
10.06.2004, 07:50
ich danke allne wo mich durs läbe begleite tüend!!!;)

iceripperin
10.06.2004, 09:39
ich dankä mim papi für sini untersützig wo igendwie da isch, obwohl ich ihn fascht nöd känn.

mim mami für alles-das wär ä zlangi lischte.

dassi xsund bin.

minere beschte kollegin catherin,ohni dich wäri nix! :)

dä ewi minere "schwöschter", merci für alles.

nathi,merci dass immer für mich da bisch.

sarah & nina, für die geilä ziite.

allne andere fründe.

dassi in züri bin hehe;)

dass es so geile sound uf dere wält git.

danke fürs meer. (smeer isch öpis vom schönschte uf dere wält)

danke für die zigis womer spendiert worde sind und drinks ;)

eifach danke für alles.. d lischte wird zlang..

Shorty
10.06.2004, 09:45
ich würd jetzt gern dem danke, wo mir das scheiss grindweh entferne chönnt!!!:rolleyes:

hüppnoss
10.06.2004, 09:51
ich danke dä sbb, wills immer dä zug woni knapp nöd verwütsche pünktlich fahre lönd und dä nächscht dänn um so me verspätig hett... danke, sbb, ohni dich hetti niä d schönheit vom hb und sine lüt am morge entdeckt!

hawaiian
10.06.2004, 09:55
ich möcht mich bedanke

-->bim scäl wo mr dr wäg zum hip hop zeiget hät
-->ich danke mine eltere..das si mich uf d'wält bracht händ
-->ich danke mini sisters das si mich undrstüützet wenn ich sie bruuche
-->ich danke vorallem mim grossvater..wo sin chräbs besiegt hät und jetz stärcher isch als zuvor und mir diä chraft wiiter giit
-->ich danke am hip hop...das er mir jede tag es lache is gsicht zaubere chan
-->ich danke minere bescht kollegin,ohni si wär ich wohl nümm da
-->ich danke am pingu für das daser mich ertreit
-->ich danke au am zeusel für diä ziit woni mit ihm verbracht han
-->ich dänke dr nikita für ihri ufrichtig art,und das mers eifach geil zämä händ
-->ich danke am kayoz..daser sich au um sache kümmeret wonem wichtig sind
-->ich danke all denä männer..woni gern han und wo mir scho vil gäh händ
-->ich danke am mario h. für diä ziit woner mich glehrt und gleitet hät
-->ich danke am lance,das ich ihn han dörfe kennelerne,das er mir sache zeigt und mich lehrt..*extraschmatz*
-->ich danke mine kollege..wo mich zu dem gmacht händ won ich hüt bin
-->ich danke mim glaube an zen und buddismus wo mi scho paar mal wiiterbracht hät
-->ich danke mim lehrgschäft für das,das si mich erträget
-->ich danke dr mida,dr loa,dr cel,dr sayla,am telson,fazit,tony,screwd,aightgenossin,cuba,kayoz,pingu,nikita,zeusel..und all de andere woni han dörfe kennelerne

-->und de andere peepz us schänis,josip,vici,anita,nico,alex,pitsch,niki,jeco..für diä flashigschte sessions

-->ich danke am poetical für das,daser immer für mich da isch


und danke eifach all denä..wo mich wiiterbracht händ i mim läbä

Wryter24
10.06.2004, 10:01
ich danke all denä männer..woni gern han und wo mir scho vil gäh händ


Hrhrhrhrhr :D :D :D

hawaiian
10.06.2004, 10:03
wryter...das hät ja möse cho:o

PhrazeFive
10.06.2004, 12:07
Original geschrieben von Wryter24
Hrhrhrhrhr :D :D :D once again you ain't funny... :(

ge!hans
10.06.2004, 12:16
Original geschrieben von hawaiian
wryter...das hät ja möse cho:o

...

mari-juana
10.06.2004, 12:23
danke...

defür dasi gsund bin
defür dasi gueti kollege han womi unterstützed
defür das min fründ für mich da isch wäni ihn bruch
defür dasi ide schwiiz, oder besser gseit, zzüri ufgwachse bin
defür das mini eltere mich uf dwelt bracht händ
defür dases musig git
defür dases doch mal wieder warm wird

aber muess au sarkastisch dankä säge;

merci fürs jede tag ufrege ab dier, dad.. (und dinere frau)
merci für dini fucking frau wo'd eifach hergschleift häsch
merci defür dasi warschinli das jaar no uszieh muess
merci defür dasi froh bin wäni dich nüme gseh muess...

so das wärs gsi.. hani halt müesse loswerde..

PhrazeFive
10.06.2004, 12:25
Original geschrieben von ge!hans
Original geschrieben von hawaiian
wryter...das hät ja möse cho:o ... Danke dass de Ge!lio immer die richtige sache us de text use filteret :D

poetical
10.06.2004, 12:32
Original geschrieben von hawaiian

-->ich danke am poetical für das,daser immer für mich da isch



Hoppla das ehrt mi itz im Fau zutöifscht. Dank geit o a Di u wirde o witerhin da si.

Wryter24
10.06.2004, 12:51
wie männer reagieret wenns de schwanz wend neimet innestecke hrhr!!! sektion suuge und lutsche

Und immer schön aständig si han grad nomel es thema gseh wonich voll ned lustig chan si:D

Wryter24
10.06.2004, 12:55
-->bim scäl wo mr dr wäg zum hip hop zeiget hät

Also übers bett funktioniert garantiert ned
-->ich danke au am zeusel für diä ziit woni mit ihm verbracht han

Begriff ich bi ihm voll ned

-->ich danke am mario h. für diä ziit woner mich glehrt und gleitet hät

Hrhr:D :D
-->ich danke dr mida,dr loa,dr cel,dr sayla,am telson,fazit,tony,screwd,aightgenossin,cuba,kayoz,pingu,nikita,zeusel..und all de andere woni han dörfe kennelerne

So typisch ich mag alli Opfermässig ich such no Kollege:D :D

PhrazeFive
10.06.2004, 13:08
scho so... blieb echt zäme mitem kerry!

AiGhTgeNoSSiN
10.06.2004, 13:34
Märci ..

.. zerst ämal dasi überhaupt da bi und smer guet gaht
.. dass ich jedä Tag ufstahn und mich freu was Neus z'erläbä
.. dass mir besser gaht als vielnä anderä uf derä Wält
.. minä Eltärä, dass ihr mich zu dem gmacht händ woni hüt bi und mich erträget au wänni mängisch es Arschloch bin
.. Brüederherz für alles möglichä und natürlich au dini Kollegä wod aml heigno häsch;)
.. dir, für dini Liebi und dZiit wo mer zämä verbringet
.. Maria, dass immer für mich da bisch au wänn mer nöd immer Ziit händ
.. Dam, dass du mich do uf Hiphop bracht häsch und für das wo du mir vor langem mal gäh häsch
.. Lili, dass mir dini Meinig so wichtig isch und für das wo mer scho zämä erläbt händ
.. Chrissy, für all eusi Glücksmomänt;)
.. Fiona, für dass mer eusi "Problem" überstandä händ und etz däfür änger zämägschweisst sind
.. Babs, ohni dich wär Lehrer ahfiggä nur halb so lustig- und natürlich für dFäriä und alles anderä
.. Hyphen, eifach für alles!
.. natürlich au allnä andernä wo mer so am Härz ligged
.. Hiphop
.. für diä schönä Äbigä wo mer im Momänt händ
.. halt für alles woni scho erläbt han
.. dassi aml au Ziit für mich ällei find
.. dass öpper sNatel erfundä hät:)
.. äm Zuäfall, dass du immer da bisch wänn mer dich brucht
.. au am Schicksal, uf dich zelli
.. dassi imä halbä Jahr scho wieder im Schnee liggä
.. dem wo dä Thread eröffnet hät
.. dass mer etz nöd alles igfallä isch zum tankä, susch wär die Listä unändlich;)
*THX*

WeeD
10.06.2004, 13:37
Ja voila da chunt no eine:

auuos

Thanks to:

- Zersch mau a mini Fam sit di beste u süsch wäri ja o nid da ;)

- zu mire cliq! Giele man dir sit mini brüetsche o wes mängisch chli beef git! Und nid la stresse üsä shit chunt scho gnue früä i d stores!

- zur Liz das mer d ouge göffnet hesch o wes nid grad di feini art isch aber sit den weisi dasi mi nüm uf so B**** ila sondern se nume für eis bruchä!

- Zu mim ma LowFlex!! Für mi bisch eine vode geilste Rapper ir schwiz auso gib gas!!

- Zu de MonkyBeats für di Hammer beats woni jedes mau wieder fasch e Orgasmus bechumä!

- Ja da zude 8t-genössler das dr mer d Arbeitszit chli versüesset!

- Zu mim schnäbi da ds immer zu mer steit egau was geit ;)

WeeD
10.06.2004, 13:45
daaamn iz hani 2 wichtigi vergässe!

Danke a d anitha für aus du bisch eifach ds viu würklech!
u Danke a d särlä o wemer üs scho verdami lang nüm hei gse

jony dir muessi gloubs nid danke du weisch wie dankbar dasi bi! peZ

iceripperin
10.06.2004, 14:01
danke dassi dä paschos als lehrer han:D

Map
10.06.2004, 14:08
Original geschrieben von Wryter24
wie männer reagieret wenns de schwanz wend neimet innestecke hrhr!!! sektion suuge und lutsche

Und immer schön aständig si han grad nomel es thema gseh wonich voll ned lustig chan si:D

Yeah Mann. Dini Kommentär sy jo förmlech provoziert worde... I verreck wie Sau bim schlachte. Am luschtigste isch jo:

-->ich danke am mario h. für diä ziit woner mich glehrt und gleitet hät

So Lüüt wie de Wryter sötts eifach vieu meh gä. Und da jo jetzt leider dr Nobra num do isch...

Vitamin A
10.06.2004, 14:31
mal es danke reimli (nöd vill überleit, freestyle typing :-)

Es danke a alli menschä ohni eigeti Meinig
machsch eifach d. vom vorbild den wird de weg au nöd steinig
es danke a all mensche für eui strahlend arroganz
und lutsch au du min schwanz wens dini kollegin scho chan
es fetts dank an papst kondom verbüte findi ernsthaft schlau
will das nütz im bau zur ufstopfig vo eusere ahv

yeah fertig shit jez chunt de ernsthafti part
dank allne lüt das mis läbe nöd bloooos erstarrt
one love production ROSA Crew mis zweit dihei
egal öb öper det isch ich fühl mich nie allei
standbei wo mir richtigä wiisät nöd bloss druf schiisät
und vom mim chuäche versuechet abzbiiisä
yeah danke a mini fründin das mi nöd eifach los lasch
ich bin nöd perfekt und schetzes das das verstasch
machder vill stress und merk oft erstmal zspaat
die unnützi taat und wies dir debi ächt gaht
danke a alli wo mich versuecht zbeschützä
mini ärm stützä und nöd wellä usnützä
danke a all womer hoffnige verleiet
dwörter nöd im muul ume dreiet und scheisse umeschreiet
a ehrlichi menschä au wens ich nöd immer bin
ehrekodex sind au i miinere seel drin
danke damit ich dchance han anderne zdanke
will nur dank eu chani chraft fürs lebe tankä!

piis

tony_flare
10.06.2004, 14:39
Original geschrieben von Map
Yeah Mann. Dini Kommentär sy jo förmlech provoziert worde... I verreck wie Sau bim schlachte. Am luschtigste isch jo:

-->ich danke am mario h. für diä ziit woner mich glehrt und gleitet hät

So Lüüt wie de Wryter sötts eifach vieu meh gä. Und da jo jetzt leider dr Nobra num do isch...

ich danke wäm au immer für söttigi trisomie21 fäll, damit ich au in schlächte zitte immer cha dänke "sehsch, öper isch no behinderter...muesch also nid truurig si"....muahahahahahahaha


ooooout

beatniquer
10.06.2004, 14:43
merci

hüppnoss
10.06.2004, 14:49
Original geschrieben von beatniquer
merci

ou elegant!!!! schlicht und präzis...

Map
10.06.2004, 15:07
Original geschrieben von tony_flare
"sehsch, öper isch no behinderter...muesch also nid truurig si"....muahahahahahahaha
ooooout

Säg sälüü Proktospasmus!

tony_flare
10.06.2004, 15:08
Original geschrieben von Map
Säg sälüü Proktospasmus!

sälüü Proktospasmus

Map
10.06.2004, 15:10
Original geschrieben von tony_flare
sälüü Proktospasmus

Tja... Wenn me ne erscht mou begrüesst wird me ne num los!

D-Glay
10.06.2004, 15:15
hehe.. :D

Mitlese isch fasch so geil wie Text schribe. :D ;)

PhrazeFive
10.06.2004, 15:19
apropos schriebe - def du söttsch no zwei text schriebe :)

MacKah
10.06.2004, 15:26
this topic sucks!
danke dass ich gsund bi, danke das ich zwei bei ha! brähh
voll idiotisch, chunnt mer so fride freude eierkueche superstar mässig ine.

:rolleyes:

tony_flare
10.06.2004, 16:34
Original geschrieben von McKah
this topic sucks!
danke dass ich gsund bi, danke das ich zwei bei ha! brähh
voll idiotisch, chunnt mer so fride freude eierkueche superstar mässig ine.

:rolleyes:


hehe...:D ;)


basel-city!

oooout

Mora
10.06.2004, 22:59
Original geschrieben von McKah
this topic sucks!
danke dass ich gsund bi, danke das ich zwei bei ha! brähh
voll idiotisch, chunnt mer so fride freude eierkueche superstar mässig ine.

:rolleyes:

wenigstens mal öppis positivs.
hass-threads gits leider gnueg da inne.:(

MacKah
11.06.2004, 08:55
Original geschrieben von Mora
wenigstens mal öppis positivs.
hass-threads gits leider gnueg da inne.:(

jo das scho, aber langsam chunnt mer aightgenossen wiene selbschthilfegruppe-internetsite ine, für schwer erziehbari und zimlich psychisch verstörti kiddis. nei sorry aber mängisch frog ich mi scho chli, öps es paarne ins hirni gschisse het. ich bi jo au froh über mini gsundheit und blabla bla, aber wege dem mach ich nit e thread uf.
ich glaub es git lüt, wo eifach uf die site gön um ihri dumme hirngspinnts ind allgemeinheit setze und luege öp si bestätigung bechomme.

Saiky
11.06.2004, 09:38
dankä säge isch immer fett,
und bechumis zrugg, findis au na nett.
doch dä wichtigscht person, woni dankä wett,
isch minerä frau, für di momänt im bett.
schärz ez mal bisiitä,
nei ich dank der ächt, für die schönä ziitä
und ich hoff äs gaht immer so wiiter.
erwiderisch mini liebi, wie kei anderi,
bisch di beschti,
bisch di schönschti,
bisch eifach mega sexy!
äs isch beschtimmt dur äs elemänt,
wo zwar du und ich känned,
doch ich woz ez us private gründ nöd nänne,
d'hauptsach isch, mir sind beidi am wiiter ränne,
sind beidi am wiiter bränne
und händ verschtändnis, für di schlächte ziitä unz flänne.
äs laht sich nöd dur simpli wort usdruckä wases isch,
wichtisch isch jedoch numä,
dass du diejenig bisch!

Ais Läbe..Ais Härz..Ai Seel..Ai Liebi...

Dichtä..chunt ewig usem Härz...

[kayoz]
11.06.2004, 12:55
ech danke all dene mönsche, wo met em fenger uf mech zeiged händ, mech fertig gmacht händ ond s'gfühl gha händ, sie seiged öpis bessers als ech...

ech danke all dene fraue, wo mech beloge, betroge ond usgnötzt händ (vellecht händ sies eifach ned besser gwösst.)...

min dank goht an all die, wo mer am liebschte nie begägnet wäred...

merci...

...denn wäge euch ben ech do won ech be, han ech chönne riife, be stärcher als anderi, weiss met mim schmärz omz'go ond cha anderne hoffnig ond stärchi zeige i ehre stond vo de donkelheit.
ehr händ mech welle zerstöre ond etz händ ehr euche schlemmschti feind gschaffe...:D


amen

[kayoz]
11.06.2004, 13:03
notürlech dank ech au de hawaiian, wo mer en grasse dank lo zuecho lo hed (au wenn i ned weiss, was demet hesch welle säge :p)

scope
11.06.2004, 13:10
.... womi früecher im schuehuus immer brätscht u gmobbt hei. auso brätscht isch übertribe... aber so "g'snöglet" usw usw.

i danke aune lehrer wöu si nie gmerkt hei wie chlatsch ig aube is zechne/wärke/turne bi gange.

danke au dene idiottä womi immer agfiggt hei wöui rap glost ha wo rap no nid jede glost het.

danke aune wo mi uswiis bim bier choufe nie hei wöue gseh... ohni öich chönti hüt kes fäudschlössli zum zmorge trinke.

aune ticker/weedläde womer jeh hei weed usägloh. ohni öich wäri äuä ä agressivärä tüp.

aune froue wo jeh mit mir si zäme gsi.. merci für die mongo-erfahrige woni töuwiis ha müese mache. merci das dir mir schmärz zuegfüegt heit. das hertet ab...

merci no aune wo bis hie gläse hei, merci dasnech wenigstens dä bitrag nid am arsch verby geit...

süsch möchti no aune danke wo jeh mit/gäge/wäge mir grappt heit.

merci no AUNE döögz vo mir. dir wüsst i bi down mit öich wi der server vom LDeeP battleboard (ständig... aber dasch e insider)

MacKah
11.06.2004, 13:48
demfall dank ich euch zwei hübis, dass es euch git, het mi schuel zyt zum e schlaraffeland gmacht, well me euch immer het chönne bloge.:p

hawaiian
11.06.2004, 15:11
Original geschrieben von [kayoz]
notürlech dank ech au de hawaiian, wo mer en grasse dank lo zuecho lo hed (au wenn i ned weiss, was demet hesch welle säge :p)

ich danke dr au drfür,das mini sms nie beantwortisch:)
erchlär dr min satz sust mal bi glägäheit...

D-Glay
11.06.2004, 15:27
Original geschrieben von McKah
jo das scho, aber langsam chunnt mer aightgenossen wiene selbschthilfegruppe-internetsite ine, für schwer erziehbari und zimlich psychisch verstörti kiddis. nei sorry aber mängisch frog ich mi scho chli, öps es paarne ins hirni gschisse het. ich bi jo au froh über mini gsundheit und blabla bla, aber wege dem mach ich nit e thread uf.
ich glaub es git lüt, wo eifach uf die site gön um ihri dumme hirngspinnts ind allgemeinheit setze und luege öp si bestätigung bechomme.


Also da Du offesichtlich mich demit asprichsch mues i au gschwind was dezue säge..

1. Du kennsch mich nöd also lah gfälligscht die bemerkige weg.

2. Hetts viiiiiill sinnloseri Theme wodt da schribe chasch.

Danke säge isch nüüt schlechts, schlimms oder negativs. Teils isch es sogar schwerer danke z'säge als eine azfigge...

Wenn ich öppertem Danke säge denn gaht das au susch niemert ah denn Du Lebsch ja schliesslich au nöd i mine Schueh..

..Bestätigung bechum i aber uf de Bühni und en "kiddie" bin i scho sitme Ziitli nöm. ;)

Wenn Dich de Threath nöd interessiert denn klick en au nöd a.

Greetz!

MacKah
11.06.2004, 16:11
Original geschrieben von D-Glay
Also da Du offesichtlich mich demit asprichsch mues i au gschwind was dezue säge..

1. Du kennsch mich nöd also lah gfälligscht die bemerkige weg.

2. Hetts viiiiiill sinnloseri Theme wodt da schribe chasch.


jo denn wär ich dr aurel und hän 3000 biträg drum lon ich das

Original geschrieben von D-Glay

Danke säge isch nüüt schlechts, schlimms oder negativs.

ha jo nit gseit, dass es negativ isch, aber wege jedem scheiss sone fucking thread ufzmache isch eifach hirnverblödet

Original geschrieben von D-Glay

Wenn ich öppertem Danke säge denn gaht das au susch niemert ah denn Du Lebsch ja schliesslich au nöd i mine Schueh..



genau drum frog ich mi, wieso denn e thread ufmachsch, wenns niemerts agoht????

Original geschrieben von D-Glay

Wenn Dich de Threath nöd interessiert denn klick en au nöd a.

Greetz!

das isch dr einzig punkt wo ich dr muess rächt geh ;)

Aurel
11.06.2004, 19:00
Original geschrieben von McKah
jo denn wär ich dr aurel und hän 3000 biträg drum lon ich das




mach mech ned niedriger als ech ben!

D-Glay
11.06.2004, 19:06
hehe..

Es isch nöd irgend en scheiss sondern es heisst "Danke" .. ;)
Du sind das Dini einzige Problem wodt hesch? :D

Wenn ich "Danke" säge und "das es niemert agaht" mein ich demit das ich en Grund han zum dem Danke säge wo en andere, so wie Du grad nöd nahvollzieh chan wildt ebe nöd i mine Schueh lebsch. :)

abgseh devo isch de threath im "off topic" so das die Diskussion eigentlich zimli überflüssig isch. :)

Wenn i so lise wievill Lüüt sich für de threath aktiv interessiered stahsch grad chli allei da drumm..

...nimm der doch de einzig Punkt wo mer überein stimmed als Vorsatz! :D

Greetz & nüüt für unguet. :)

[]D[][]V[][]D
13.06.2004, 22:25
yAyA...Danke sägä...

Ich verdank alles am HiP HoP dass ich jetzt da stan woni bin..Und ich dank allne womi bis da unterstütz häd...

Life like a []D [] []V[] []D

OnE LoVe

MacKah
14.06.2004, 08:35
sorry 3751 biträg demfall :rolleyes:

sayla
14.06.2004, 17:45
danke gaht usä a:

- miini elterä, fürs immer für mich da si & unterstützä

- mi brüäder, seiha, your the best brother uf the world, chönnt nüm ohni di

- a all mini sandchaschtä fründä, ihr präget mich & händ das gmacht, was ich grad bin, messi

- celi, bisch e beriicherig für mich, du weisch wiäs lauft..

- beni, du guru, weiser gahts glaub gar nümä ;o) fürs tagtäglichä eMailä

- gina, für’s kaffichränzli, freu mich uf dä SA, kaffichränzli-crew am start =)

- marc, täääfeli...für’s täglichä ufregä ab dir, für täglichi birräfigg diskussionä mit dir & doch weiss ich, du bischs wert...

- pascal, für dä gliichi humor, fürs mich ushaltä, wänn ich mal wiedr hangä (& des isch fascht jedä tag *g*)

- yves, für dä ring ;) & fürs wieterä gmeinsamä abrockä

- aurelio, für dUnterhaltig & kantöntli battle im msn..AG/LU rockt..hrhr..

- marcello..für’d diskussion & fürs männer wegschnappä..haha

- tamara, für’s mitänand schriibä & für dini wunderbar schöni stimm im radio

- flo, fürs immer fluächä, fürs blöd umänderfiggä, & fürs heifahrä..KÜNTEN-MUTSCHELLEN-BREMGARTEN…haha

- pete dumdidum ehemann ;)

- reezer, für diä HP

- glay, für dä thread (yep, es muäss allez mal usä) =)

- music

- a es paar aightmembers, diä wo sich grad aagsprochä fühlet; ja, euch meini

- a alli lüt, wo mich kännet, mich akzeptieret & respektieret

:yourock:

und a alli anderä:
langet mir am pippi…:D




SPECIAL THANK’s
nomol, pingu & tony_flare & screwdi
tha killa trio..hrhr..;)
läääck, ich weiss gar net was sägä ussert GRAZIE… es isch eifach wahnsinnig…:D

messi, für dä ufwand wo ihr betriibä händ…ich wird’s niä vergässä…
ach, ihr drü sind eifach herrlich :D


--> OUT

Maightli
14.06.2004, 20:09
ju äh chmachs a dere stell gad mal churz und bündig und säg allne danke& verabschiede mich au..hät mi ächt gfreut es paar kännezlerne und isch ä kuuli ziit xii :rolleyes: :D

adios,und macheds guet..hebed eu sorg =)

Mora
14.06.2004, 21:44
das muesi eifach glich mal no säge:

baby, danke für alles..
..danke für dini sanfte küss
..danke für dini zärtliche berüherige
..danke, dass du mini lune ertreisch
..danke, dass du immer hinter mir stahsch
..danke, dass mi dur schwäri zite bringsch
..danke, dasi weiss, dasi ned elei bin
..danke, für dini fies-luschtige sprüch
..danke, das du eifach da bisch.

aber...
....wenni mini liebe in wort chönnti usdrucke, hättis scho lang gmacht...

elyna
14.06.2004, 22:59
so, jetzt isch min part

danke

mim hüfeli _ scho x-mal händ ihr mich wieder ufgläsä &
ihr wärdets au no x-mal machä! ohni euch wär ich nüt!!!

mim hufe _ für alles. gitt kä geileri lüüt!!! chann kä sekunde
sinnvoller verbringe als mit euch!!!

parents _ immer wieder d auge göffnet. viel närvä zeigt. immer unterschtützt. gsäit, was wichtig isch im läbä. und
mir schlusssändlich klar gmacht, dass eltere nomal meh ahnig
hend als pubertiärendi teenies. merci.

brother _ viel glernt vo dir. bin schtolz uf dich. wett kei andere. hesch mer immer wieder eis a birre gschlage, wenn i düredrüllt bin.
zu dem hesch mi zwunge "autöli" schtatt "barbie" z schpiele ;)
du hesch min charakter prägt und dür dich bini erwachse worde.

grossdady _ du hesch mir zeigt, was "stolz" & "liebi" bedütet.
leider isch mir das erscht z schpat bewusst worde.

alli, wo mi scho mal zum brüele bracht hend, denn:
"nicht alle tränen sind sinnlos vergossen"!!!

aXionJaXion
14.06.2004, 23:03
merci kingz crown...für dia fetta beats!
zimmer13.....aight?!?!?:p

elyna
14.06.2004, 23:09
vergässä:

ta*

- du hesch mir zeigt, dass en kolleg jede tag chann abhaue
- dür dich han ich mini lüüt no viel meh liebe glernt
- du hesch mir zeigt, dass es lüüt gitt, wo me äifach nie
ändere chann
- du hesch mir zeigt, dass so viel öppis vorschpielet
- du hesch mir zeigt, dass es lüüt gitt, wo sooo naiv sind
& äifach nüt kappieret
- du hesch mir zeigt, dass es lüüt gitt, wo nüt anders z
due hend als vo sich z rede.

weisch ta*, ich schiss uf dich!!!!!!!

EphToDaRhyme
16.06.2004, 14:07
Also vo mir gits au chli Propz und Dank..

Big Up to my man Chillum: Thx für die fette Beatbausessions wo mir immer zäme veranstalded und natürli für Elephantebei Times, First :p und ganz wichtig, dass du min Chauffeur spillsch *g* für die ville Red Bull natürli au :hippie: und nöd z'vergässe Paaaveeeel und Bronkooooooo :)

Best thx fo' Shorty: Jeah man merci für d'Begleitig im Brand an Workshop usw. für die ville Fuessballspiil, Grillabig und gaaanz fett sind eusi Laaxer Weekend immer gsi :kiffer:

Annd next Hena: Jo Hena mir händ zwar nonig vill Sessions duregeh aber die womer bis jetzt gmacht händ, sind eifach derb gsii! Many thx! Freu mi uf d'CD!

Suuuubli: Die wo ihn känned wüssed für was me ihm alles danke chan :)

Def G und Trick 77: Für die geili Kollabo wo mir uf d'Bei stelled ;) Und natürli, dass ihr mir s'Zpro mal zeiged..

Dimi: Für die ville Lernabig uf d'LAP und eusi Fifa Sessions :D

Beck: Für d'Gaschtfründschaft und das du eifach de bescht Feedbacker bisch..

Frenchie: Für d'Vocals wo du bald bi stüüre wirsch und für dini Unterstützig :)

Tysh: Stichwort Valentinstag :p

Lindi: Für de Fett Sound im MSN immer!

Und die wiiichtigscht zletsch: Miiiin liebe Schatz für alli Chraft, Liebi und Energie wo du mir gisch!

frenchrap
16.06.2004, 21:04
ich danke mine muetter,wo mir de richtig weg zeigt
au wenn ich nöd immer zuloss und dir slebe schwer gmacht ha

ich danke mim vater das du nie für mich da xi bish und eifach abghaue bish ..danke

ich danke mini schwöshtere,diana,charlotte und capucine, je vous adore..

ich danke mine besht kollegin,juwi,wo ich siit 12 jahr kenn,i luv ya!danke das du eifach für mich da bish!

ich danke all mine kollege und kolleginne wo mr öppis bedütend und immer da sind wemmer sie bruucht!

ich danke de yves,min altä deppkolleg,mit dir isches immer en schämmer in uusgang zgaa aber das isch iisi!:D

ich danke mini schuelkollegä ihr sind tighti ladys!(bi ois giz halt kei manne ussert gay's)

ich danke de ephi:du hey voll keis problem,machi doch gern!:p

danke an alli woni nöd ufzählt han,danke an alli woni da e kuuuli ziit verbracht han!(PROOF UND PSYKEZ UND NATÜRLICH AU DE LUCIANO PAVAROTTI,ihr sind derbi siechää hehe)

und sayla,cel,ice,zara und natürlich no eini ganz spezieelli mon poulet asteriscme!!!chtadorr!


so aja han na welle sage de luciano gaht au,er isch momentan voll im bissness stress isch ,het ebe momentan e grossi villa mit 20 playboy hässli,und 35 autos,drum het er kei ziit meh aber er grüesst oi allne!:D

und zu aller letsht dankich öppert ganz ganz speziellem...Yves du bish min stern*kizz*


aso leute han froid ka mit oi da e kuuli session zha und me xeht sich eh im uusgang!!und stönt nöd nebetdra und seget nüd wenner mich erkennet zush gitz füüscht hehehhe:D

aso piiis zämää

frenchrap

rap francais ruleeez

Proof
16.06.2004, 21:19
ich danke dä wo dä thread ufgmacht het :mad:

tschüss french, du häsch doch mal mit mir welle fighte/füschtle :rolleyes:

:knutsch

PsyKez
16.06.2004, 21:25
danke...

... feis für die jahrelang fründschaft mier hend scho alles duregmacht was mä cha duremache
... fätze ja du au danke mann findes geil das endlich die richtig gfunde hesch geile siech merci man
... goom merci dass immer für mich da bisch (haha weisch no woder das teil a grind gfalle isch wege mier hahah LOL)
... brada danke das mier s lebe grettet hesch brotherhood unity und so ich stah zutiefscht i dinere schuld merci für d'jahrelang fründschaft
... dan blood thicker than wather...
... bresch brautsch yeah du bisch wine schwöster für mich
... merci mama was wäri nur ohni dich?
... merci paps du heshc mr zeigt wo's lang gaht und mich fit gmacht fürs lebe.. ich verdank dr mis lebe
... ana wenn mich körsch det obe wo du jetz bisch: one love never forget ya.. ich fasses immernonid
... merci luuutsch für die schön ziit mit dier isch echt geil gsi schad dases verbi isch :/
... pero, ilija, nikolina... danke au a üch
... all woni vergesse ha


danke man

frenchy machs guet mä lauft sich ehmal übere weg

Proof
16.06.2004, 22:04
und no für luci :lätsch:

mann was söll die nobra-bewegig :mad:

ich werd eu all vermisse :( gönnd nöd
http://www.cardhost.net/cardi/missyou.gif
http://www.crayzee.com/cards/miss2.gif
http://www.hoorayforpandas.com/drawings/i%20miss%20you%20sheep.gif
http://www.wodka-apfelsaft.de/Miss-you.jpg
http://members.aol.com/CarlotTee/Images/dontgothere.jpg
There is no reason. that's why i ask myself:
http://muchylin.wz.cz/webs/obrazky/why.jpg

gönnd nöd
ich los grad lauryn hill - i get out :(

http://www.digitaljournalist.org/issue9907/images/j16a.jpg

Aurel
30.06.2004, 18:29
Original geschrieben von sayla
[B



- aurelio, für dUnterhaltig & kantöntli battle im msn..AG/LU rockt..hrhr..

[/B]

hehe... dankeschön. machemer grad wiiter?

sayla
30.06.2004, 18:50
Original geschrieben von Aurel
hehe... dankeschön. machemer grad wiiter?

tüüürlich,
gsehs immer wiedr gern, wiä lu-town zugrundä gaht...haha... :p just joking *g*

bis nächher

music_head
30.06.2004, 19:17
...allne Kolleginne und Kollege wo mich kenned, schätzed und zu mir stöhnd.

Dank a dich Mueter, du holsch mich immer wieder ufde Bode zrug. Danke au a dich Vater, au wennd vo dene 17 Jahr 16 en sehr schwer für mich gsi sind. Ohni dich bini nöd so wini jetzt bi.

Dank alli Verwandti i de Schwiz und Italia! Merci, Raffi, min Cousin, bisch mis heimliche Vorbild...Merci a mini Brothers, ihr werded geili siech!

Fette Dank a all Lüüt vo Dübendorf!!! One Love Silvan, Tobi, Flo, Noe, Eugen, Ste, Pascal, ihr sind di beste!!!

Grüss uf Sursee abe und idi hole schwiz. Züri, best town in Switzerland.

Ich danke dir HipHop - kuul love



PS: danke melanie, dass mir aglüte häsch, bisch ganz e nette - big kiss

"=*sCaR*="
30.06.2004, 19:57
äso chicken 5 rulez und sesch mr so scheiss egal was ergendwie öbrt gege euch odr üüs seit odr werd säge,,,messi för alls bes ietz und asmr eifach so huere perfekt zämepasse!!*träne*g*
freumi huere of dferie met üüch da werd so sgeilschte met hosegort!!!;)
ly`n`tOu

eoz
30.06.2004, 22:00
....isch immer wieder guet....

miner fam.... wo zu mir stoht... wo mir hilft wennis bruuch...i lieb eu all...au wennis eu nid immer zeige...

mim opa... du bisch de mensch wo immer a mi glaubt het und mir muet gmacht het...sit du nümm do bisch isch was weg i mier....lieb di

mine fründe... i weiss i bi nid immer eifach ...

am hip hop... du gisch mir huere chraft...und sit i di kenn gohts mer besser....und wenns mer nid guet goht...den bisches du wo mi wieder zum lacha bringt

am black tiger für sis album solo.... da het mir inere zyt so chraft ge dass ichs so wiit bricht ha dasi no do bi....

und am fuessball... du gischmer immer wieder de usgliich woni zum reste bruuch

de hawi...danke dasi di darf kenne, am claudio...freu mi mega uf die gmeinsame ziite wo werdet folge, de aster...a bientôt!:) und all dene aightgenosse do ine...ihr sind hammer....


aight.... piis
Zoé

eoz
30.06.2004, 22:11
danka au an pingu....:) hab disch lieb...julia stiles..:) insider
ad iceripperin...bisch e cooli frau
an el_CANone ... one love....:)

gruess
zoe

Dirty Fifty
01.07.2004, 07:19
Original geschrieben von sayla
danke gaht usä a:

- flo, fürs immer fluächä, fürs blöd umänderfiggä, & fürs heifahrä..KÜNTEN-MUTSCHELLEN-BREMGARTEN…haha

--> OUT

äääääähmmm... sayla du nutte i flueche hueretamisiechnonämau nid immer ir gägend ume.. und i säg drs nomau... während dr arbeitszyt hesch ufem strich z si u nid im i-net kafi.. klar... süsch muesch mir 98% abgäh u nüm nume 96,539684% KLAR??

ROADTRIP isch easy gsi MUETTER... :D

LOVE ME!! i bis wärt!! :cool:

Pierre Légère
01.07.2004, 09:40
:topicsuck

eoz
01.07.2004, 12:50
Original geschrieben von Pierre Légère
:topicsuck


den seg doch eifach gar nüüt und ignorier de thread!

RSG
01.07.2004, 18:18
ech danke minere Fam. u dene lüüt wo hiphop ned nor före cash mööched! Thx