Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Gsellschaftskritik


ReNNeR
09.06.2004, 18:44
Sali zeme

De Koleg und ich hend zeme en Beat bastlät und er het den än Track dezue gschribe. Zücheds eu doch mol ine. Isch halt Ostschwizer Rapshit :D

Über durchdachti Kritik wäremer froh und susch chönd er jo eifach vote.

Gsellschaftskritik (http://www.skatelab.ch/Gsellschaftskritik-Lyrical Echo.mp3)

Text: El`Echo
Beat: El`Echo & ReNNeR

Peace :kiffer: ReNNeR

Sorry Peops isch nöd ganz gange. Jetzt gohts.

moglee
09.06.2004, 20:12
diggi sach!!
ich find de träck hammergeil!!! de beat und dialekt hend au öpis an sich!!!
piiis

eazy-d
09.06.2004, 20:39
find das en guäte Track,Beat macht nahdänklich,Text inhalt isch guät..
wenn ihr hiä und da ganz fiin mit emne Effect (Hall/Reverb) d'Vocals würdet under leggä,gäbs absolut nüt uszrüäffe!!

PROPS 'n' :respect:

el`echo
09.06.2004, 20:53
hey yo merci vil mol fürd props, mer sind au gnuäg lang dra gsi, isch eifach ersch öppä dä viert track woni gschribä han...:D

do no ä version mit äs paar effekt dinä, isch aber voll ä schlechti ufnahm drum chunts nöd so fett übärä... (http://www.aight-genossen.ch/forum/showthread.php?s=&threadid=4655)

thx peops

mIkRoFiL
10.06.2004, 11:46
subere track!guet öberebrocht!

unique
10.06.2004, 12:01
aight!
fette track, fette flow! de dialäkt esch eifach gwönigsbedörftig....aber do chasch jo ned vell ändere!:D
de txt fendi nedschlächt, owbwohls zemmli vell eifachi rhymes(ke doppu) hed chonds rächt fett öbere! de ref esch au voll easy! wiiter so! :yourock:
ond wennd loscht hesch chasch jo no min track suuge ond lose! (onde bem ahang) merci!!
piis

spenzasequenza
10.06.2004, 12:12
goopf

das klaviersample chunt mer uhüäre bekannt vor!!!
ha aber kei ahnig vo wo... ich glöibe das schwirrt am änd sogar no äswa uf miiner chischte umenand...

aber isch scho no coole track...
nääh, aber irgendwiä müässi bi dem beat an tupac deiche (buuuuhhh) *g

christio
10.06.2004, 13:15
der track gfallt mer super! hibsche beat, easy dialäkt, geile text!
props in d'ostschwiz!

peace

FicDic
11.06.2004, 13:38
s'pianosample isch doch vom michael jackson odär? tönt eigäntlich easy... abär glaub a dim rhymestyle (flow) söttsch nachli schaffä... fühl dich in beat inä...

fReEMaN
11.06.2004, 13:53
mol props öi va miär..

gfallt mär güät.. dr beat mim klaviär hät wirkli äpis vama tupac track..:)

freestyle-girl
12.06.2004, 20:21
fetti sach!

I.C.S.
13.06.2004, 05:51
s sample isch cool, wird allerdings mit de ziit langwilig. a dem beat müest mer schonochli schafe. am rap au, isch zwar scho rächt guet, hed allerdings leider no paar holperer drin. wenn er das no usbügled und de beat nochli usbaued ischs en geile track!

sagmäu
16.06.2004, 16:08
iiisi
beat isch dick, so inspirierend... teggscht hätti gärn mau schriftlech!:D wöu de chamä no genaueri kritik schribe... us eigener ehrfahrig weissi, dass ä refrain zu somnä teggscht sehr schwär isch, vo däm här fingi öiä chorus guet troffä... mängisch dünktz mi isch's inhautlech chly z'oberflächlech - wi söui sägä - es het so es paar sachä wo sowiso klar si, aber wemä nid gnauer druf igeit de töntz so chly läär: "si chönd nid exischtierä oni gäld, denn das isch alles wo zellt i derä verfiggte wält"
nähr hets no so vergliichä woni entweder nid verstah, oder de ergäbe si nid viu sinn
z.B: "mini gedankä uf z'blatt zaubere winä verbale zauberer us längscht vergangener zyt...." höh?

fride

fReEMaN
16.06.2004, 16:41
damn je meh dasi der track losu desto meh fahrder mer i..

wird immer geiler..

:D

Fentilator
16.06.2004, 21:32
Hammer Track flasht mi!!!
Han scho immer gwüsst das d`oschtschwiiz läbt...
Beat und Text passt suuber zämä.
cha nu sägä props, props, props.....
aight:kiffer:

el`echo
17.06.2004, 12:28
hey ho peops, merci vilmol nomol für diä props und diä kritik....

keep it real und so

peace :kiffer: elècho

mc rassko
17.06.2004, 12:42
chunt gar nöd schlächt ie, wiiter so

dizz
18.06.2004, 17:33
muess scho sägä dä träck isch haaaammer..!! eifach genial. beat fahrt voll i und de text isch au voll gedige. PROPS id ostschwiiz (mini heimat ^^)
peace

Schtibä
18.06.2004, 22:00
nöd leid, nöd leid..
flow findi na rächt iisi..biit isch au tick!
mun grad go..

aber nur wiiter soo

Lügner
19.06.2004, 12:17
Git zwar am eine oder andere ändi no was zmache:

- Beat-Mix: Das Ding chönnt voll brätsche, isch eifach nochli schlächt gmixt

- Stimme uufnahm & Mix : Au da häsch sicher sBeschte us diim Equippment usegholt aber es fetts mic und e gueti Uufnahme-Chain hettet sicher au no meeh Punch überebracht

- Delivery: Dörfsch ruhig echli sälbschtsicherer sii vor allem bi dem Thema ... gägs änd, wo der DLuft echli uusgaht, deet gisch de Druck, wo übers ganze Stuck söttisch haa

+ Concious-Rap ... gits vill zwenig ...GEIL !
+ Engagiert und guete Flow
+ Beat: Samples und Drumset: verspricht huere vill ... fett gmisch chämmt das teil hert !
+ St Galler-Dialäkt (hoffe das stimmt ...he he) chunnt immer besser i miine Auge ... gitz vill zwenig ... cool
+ Refrain: Geil ! ... (...ufpasse mitem "Lüüge überstiigt" suscht chunnt dänn de Lügner ...he he he he

Alles in allem ... fetti Aasätz ... uf jede Fall draabliibä und villicht läbt ja de Pump i diinere nöchi, dänn hol bi ihm mal es paar mix-tips ab oder laan mal en biit bi ihm mische ... de siech isch ja scho chli länger debii
(shit, ich hoffe ich verwächsle da nöd thurgau und St. Galle usw ...und wänn de Pump nöd magsch ... never mind ...he he)

Propz !

music_head
19.06.2004, 13:59
GFLASSHHHHHHHHT!!! gfallt mer recht guet, aber was so technik vo ufneh abelangt kenni mi na zwenig us, aber d'rymez sind umso besser! keep on rollin'...

iigl
19.06.2004, 14:00
@ el`echo n' renner

ha dä track grad nomol g'losed. voll genial...! :dance:

:yourock:

elyna
19.06.2004, 14:55
ich han en grad 5x glost...

mini öhrli hend sich grad automatisch gschpitzt
& z chöpfli ganz fiin afe mitnicke.

würkli, vo mir au es :respect:

Headshock
20.06.2004, 14:21
MEH POWER in d'stimm!!! Aber d'reims(d'wörter wo reime) han i au scho ghört, sehr stark standard reims, würd mol bitz meh doppel reims verwände... au dr Takt triffsch nid grad immer mit em text, zum teil chunntz eim so ine als rapsch eifach über dr beat ohni uf dr takt z'lose... es git jo so ne chlises grundgsetz, das immer uf dr 4ti schlag sött s'wort cho wo sich reimmt, me cha die längene aber im 2er algorithmus sälber festlege, das wäre denn 2, 4, oder 8 (2x4) schläg, wobii 8 schläg sött me nume sälte bruche.... und nume zum verständnis... 4 schläg = 1 takt will es isch jo en 4/4 takt. und als chlini hilf, s'snare(trummle) chunnt immer uf dr 2ti und 4ti schlag, uf das muesch die fast zwingend richte, sunst muesch e sehr guets takt gfühl ha wo au dr groove beachtet und das hän normalerwiis DJ's bim scratche... (mit triole und so zeugs...)
aber äbä ich glaub das du no am ahfang stohsch und no vihl vor dir hesch, propz au vo minere siite, me cha dr track lose ohni agressione z'becho:D

ah und zum beat, tönt für mich als hättet ihr nume mit samples und drumloops gschafft, mit welem programm isch är gmacht? tönt so wie s'baukaste system... d.h. d'samples so wie sie sind in beat setze ohni dran ume z'schnipsle....

Aber wiiter so, immerhin sind ihr nid tatelos!!!

suermel
23.06.2004, 21:01
@Headshock: Gaht's guet? Was erchlärsch du ihm da was en Takt und was e Snare isch und weiss ich was? Gseht jedefalls nöd so us, als öb er dich gfräget het... :rolleyes:

prophet
24.06.2004, 00:16
Original geschrieben von iigl
@ el`echo n' renner

ha dä track grad nomol g'losed. voll genial...! :dance:

:yourock: mini turns du wixer... die stönd unter copyright :D

el`echo muäsch wieder mol verbii cho... münd no weg em summer und so luägä!

McHipHop
24.06.2004, 01:14
@headshok: muahah, alle dumm, nix verstehe. du musse erklere was ische snare? ich habe nix ahnung. was ist 4/4?
du nix müsse rechnung aufstelle. rechnung nur in schule, weistdu.
aber mache immer räp bei trummle, dann gut oder?
und wieso du sage triole, iste nix östereich. anton aus triole nix hiphop, weiste.
ok, tschuss, mache gut.

aber der track ist in ordnung!:D

Headshock
24.06.2004, 08:57
Original geschrieben von McHipHop
@headshok: muahah, alle dumm, nix verstehe. du musse erklere was ische snare? ich habe nix ahnung. was ist 4/4?
du nix müsse rechnung aufstelle. rechnung nur in schule, weistdu.
aber mache immer räp bei trummle, dann gut oder?
und wieso du sage triole, iste nix östereich. anton aus triole nix hiphop, weiste.
ok, tschuss, mache gut.

aber der track ist in ordnung!:D

Jo easy denn halt nid, isch jo nume guet gmeint gsi!:( konstruktivi kritik also nid erwünscht? Aber ich find halt, das är in däm Track nid schön uf dr punkt reimt, wenn euch das nid stört, denn isch jo guet. Sorry..

p.s. Triole nid tirol!! Triole isch e dreiklang, wo e spezielle takt het, das sind eigentlich 3 note in 2 schläg.... Aber easy, het halt nid jede e instrumänt glernt...

Headshock
24.06.2004, 09:04
Original geschrieben von suermel
@Headshock: Gaht's guet? Was erchlärsch du ihm da was en Takt und was e Snare isch und weiss ich was? Gseht jedefalls nöd so us, als öb er dich gfräget het... :rolleyes:

immer mit de rueh... är muess das jo nid beachte,wenn är das alles scho weiss.. aber für mich tönts nid so. Easy way, denn gib i halt nie meh tips do inne, wenn me immer nume ahgfiggt wird... peace

suermel
24.06.2004, 10:20
Original geschrieben von Headshock
Easy way, denn gib i halt nie meh tips do inne, wenn me immer nume ahgfiggt wird... peace
Verstah mi nöd falsch.. Ich finds huere guet, dass mal öber usfüehrlicheri Kritik git und au meh zu me Track schribt als " du bisch schwul".
Aber ich mein, da ja bim däm Track dä Rapper = Beatproducär isch, dürft ja klar si, dass er weiss was en 4/4 Takt isch und welles d'Snare isch. Das isch wie wänn ich dir erchläre, wie du dir es Butterbrötli chasch schtriche und dass d'Butter am beschte obe druff tuesch. Konstruktivi Kritik isch für mich, wänn du uf expliziti Fähler im Track igahsch, das bringt eim dänn au würklich wiiter. Also nöd beleidiget si, villicht freut er sich ja drüber, z'Wüsse was e Snare isch ;).

Headshock
24.06.2004, 11:34
Original geschrieben von suermel
Verstah mi nöd falsch.. Ich finds huere guet, dass mal öber usfüehrlicheri Kritik git und au meh zu me Track schribt als " du bisch schwul".
Aber ich mein, da ja bim däm Track dä Rapper = Beatproducär isch, dürft ja klar si, dass er weiss was en 4/4 Takt isch und welles d'Snare isch. Das isch wie wänn ich dir erchläre, wie du dir es Butterbrötli chasch schtriche und dass d'Butter am beschte obe druff tuesch. Konstruktivi Kritik isch für mich, wänn du uf expliziti Fähler im Track igahsch, das bringt eim dänn au würklich wiiter. Also nöd beleidiget si, villicht freut er sich ja drüber, z'Wüsse was e Snare isch ;).

Lueg hey los dr track mol ganz genau und au du wirdsch merke das är nid 100% im Takt isch, wenn är das ane bringt, denn tönts eifach besser und vor allem nid so "schüeler style", verstohsch? und das mit em snare, ich ha jo nid erklärt was es isch, eifach ane gschriebe das es trummle isch, mir isch drum scho mol uf gfalle das nid alli wüsse was e snare isch...(trurig eigentlich.. Bspielswiis en koleg vo mir wo au beatz macht, dä verwächslet immer d'snare mit em Hihat und kick kennt är nid,sondern seit punch) und sorry han i nid gwüsst das dr beat vom MC isch... Aber mit welem programm isch är gmacht? tönt mehr sehr nach ejay oder musicmaker, was nid grad s'gälbe vom ei isch..

Chillumn
24.06.2004, 13:26
voll gedignä track!..mini mitarbeiter lueged mi scho schief ah, willi am kopfnickä bin!:p

vorallem gfallt mer s'drumkit vom beat!:blingblin isch ja edelscht!!und sklavier...huere schön!es passt eifach alles mit dä flöte bim ref.!1A!

raps gfallet mer au ganz guet,muess aber no besser ufgno wärde....

öpis woni no vermiss...dä bass!:D vilich sind mini chopfhörer so scheisse,dasis nöd ghör,aber ich find en bass ghört da no dezue!

schüsch, wiiter so!:yeah:

el`echo
24.06.2004, 13:56
@ prophet & Iigel

hey masters of the technik!!!

i chum sicher mol wieder verbii go fett soundä (übrigens fetts scratching fötäli mätti:D)mäldät eu eifach mol wieder....

ps:i brüücht mol äs paar fetti beats vo eu i han wieder eis zwei neui text gschriibä:p

:hippie: peace!!!

BigBoon
02.07.2004, 21:44
So Läschtär Läschtär, vielicht isch schomal was gseit worde...viellicht au nöd.

1. Dini Stimm findi scheisse. (aber das tuät nüt zur sach sie gfallt mer eifach nöd!)

2. Biit isch guät, aber wiä scho wär erwähnt hät ischer schlächt abgmischt, au dä Sämpl ruscht und hät wiänär rucklä drin. Wür dä nomal überarbeite.

3. Inhalmässig isch dä Tegscht nöd schlächt. Ich mag halt "jamerJammer" träcks nöd so, aber es bruchts au, und dä inhalt tönt aständig und überleit.

4. Flow. hm Flow, Mitem Fluss isches sone sach, ä sehr technischi sach. irgendwiä fählt diär chli dTechnick und das durdä ganzi Träck. Miär fähläd usagchräftigi Punch-Lines wo dini Meinig no unterstriched und richtig gsetzt sind. Du häsch mängi Reims wo eigentlich nöd schlächt währäd aber eifach voll nöd am richtig ort betont oder gsetzt sind.
Es fählt au biz a Doppel-Reims. es muäss nöd immer alles doppled greihmt sie aber es isch eifach flüssiger zum alosä und ufmä höchärä Level.
(je nach dem wiä lang du räppsch, was nöd weiss, wirsch no druf cho, aber wännd scho längär als 2 Jahr drah bisch söttsch mal chli Theorie büffle in Sache Fluss und sini Tückene)

5. Blieb drah. Swird nöd din Letschtä Träck sie hoffi, also mach eifach wiiter und riit nöd zLang ufäm altä Züg umä. Mach nois, das wird automatisch besser, au wänns mängisch en Rückschritt isch wird däfür dä nächst wieder eine vorwärts sie. Zudemane würi no meh, meh meh meh Freestyle. Das hilft dim Flow du setzischen dänn automatisch richtig.



--->>Irgendwär hät was vo Equipment gschnurrt und so<<---
"Equipment wo besser isch als dä wos benützt bringt nüt, Mer muss sini grät chöne bruchä wämer es dämentsprächänds Level hät." Jede fangt mal chli ah, genaus sini Grät womer benützt.

PaX
BigBoon

köbi
02.07.2004, 22:16
iisy track, d hook(röfrään) sticht nid use, dr mc gfautmer ganz rächt, gäbige flow abr em träck fäut ds gwüsse öpis, zum teil eifach fautschi betonige. dr tegscht isch nid so starch:
"lebnsfilosofi vomne chline mcii, u i liebse so ds sii.."

LAN
02.07.2004, 22:55
hmja bü, flasht mi nid speziell aber tönt easy. aber ei tipp wo äuä wird häufe:
Bruchet e Ploppschutz bim Mikro, macht extrem viu us und tönt massiv besser. -> professioneller

chill und njoy

M.Y.T.H.
17.11.2004, 10:16
ha de thread erscht jetzt entdeckt,
gfallt mer recht guet, aber es klingt chli als würdsch eifach alles abeliere, isch so immer ds gliche schema, no das ändere nachher wärs perfekt

p's

perku
16.12.2004, 20:45
dr link isch gloub tod. chasch ne mau widerbeläbe?