Du befindest dich auf einer für Suchmaschinen optimierten Archive-Page!
Check diesen Beitrag auf unserer richtiger Page in schönem Design unter : Free Samples? Het mä när z'Rächt?


Domi
14.02.2005, 18:16
Vilich gits sone Thread scho mau, denn eifach mäudä, aber i ha niänä d'Antwort gfunde!


Folgendes:
I ha uf sonere Free-Samples-Site äs paar Samlpes abeglade.
We mä diä abeladet, het mä när ou gad d'Rächt oder was?
Weiss das öper?



I ma niid 1000 Site vo Suisa düreläsä, drum wäri froh wes öper wüssti!

Merci!

Lartscho
14.02.2005, 21:29
du hesch z rächt, we ds so i dä AGB odr Copyright dings si. muesch nacheläsä odr nachefrage bi dä owners.

aber meischtens sisi frei :)

konfus
20.02.2005, 19:21
isch schwierig zum abschätze, muesch immer chli luege. han au scho james brown sache unter "free samples" gfunde...(also ufem internet)

Styliztikk
20.02.2005, 19:36
mann solang dis züüg ned verchaufsch esch doch scheissegal.....musch der erscht spöter sorg mache

Domi
26.02.2005, 14:03
Äs isch äbä so:

Äs isch zum Bispil äs 5.sek-Sample vomne Saxophon!


I gloube niid das das Züüg vomne James Brown oder so vo öpisem bekanntem isch!

Lartscho
27.02.2005, 15:42
Original geschrieben von Styliztikk
mann solang dis züüg ned verchaufsch esch doch scheissegal.....musch der erscht spöter sorg mache


WÖRD!!!!!!!!!!!!!!!!!!¨¨


und lug uf dere site öb öppis steit.. schüscht lasi lah :D

Domi
05.03.2005, 18:42
Original geschrieben von Lartscho
und lug uf dere site öb öppis steit.. schüscht lasi lah :D

I ha nüt speziells gfunde. :) Es steit eifach überau Free....!
Mä chönt säch aumäude (isch gloub no tüür) und di Samples beziä, aber i ha iz nur so äs paar Free-Demo Samples abeglade!

:confused:

smo dä riddla
03.04.2005, 19:16
es spilt kei rolle wie lang es sample isch.
fakt isch, dass d'suisa das prüeft im fall vo verfielfätigung und falls sie denn d'melodie erkännt will das sample 1:1 überno häsch (5sec, 10sec, egal) das zruggzieht.

weis au nöd allzuvill bscheid...

frag doch diräkt bi suisa na..-email style.
odr frag de DELA vo www.boundmagazin.ch
de weis einiges und hätt es ohr für jungi




http://www.sidlsz.ch (http://www.sidlasz.ch) [B]han dr da

Domi
13.04.2005, 10:46
Original geschrieben von smo dä riddla
[B]es spilt kei rolle wie lang es sample isch.
fakt isch, dass d'suisa das prüeft im fall vo verfielfätigung und falls sie denn d'melodie erkännt will das sample 1:1 überno häsch (5sec, 10sec, egal) das zruggzieht.


Ja, das weissi dases kei Rolle spilt!

Hmm....

Lügner
22.04.2005, 17:08
ehm ja also zum thema channi nur mich sälber zitiere ...pffff ...he he

Eine totale Ausnahme in dem Urheber-Dschungel bilden die sogenannten "Royalty Free" - Tonträger. Diese sind meist teurer im Laden (1 CD, 74 Min, ca. sFr. 150.-); man hat dann aber auch gerade die Rechte zur freien Verwendung mitgekauft und kann damit machen was man will. Wichtig ist: Es muss ganz klar als ROYALTY FREE deklariert sein. (lizenzfrei, zur freien Benutzung, freeware)
Wenn nichts steht, hat ganz sicher jemand seinen Daumen drauf!

Also: wänns ganz klar deklariert isch, dass die Samples royalty-free sind, dänn stönd si Dir zur freie verfüegig ... aka Du chasch en Wälthit lande also so ala Blowing in the Wind mit denä Samples und niemert chann öppis säge ...

übrigens@de riddler ...

Di homes vo de suisa gönd nöd go aktiv go musig losä ... au nöd, wänn Du binere Werchamäldig e CD mitschicksch. Di CD wird nöd dureglosed sondern eifach archiviert ...
Aber erscht, wänn en Urheber oder irgend es anders SUISA-Mitglied en verstoss beaaschtandet, dänn setzt sich di ganz maschine in Betrieb ... eigentlich isch dSUISA es riisegrosses Aawaltsbüroo ... und wänn ich ufere CD en Sound vo mir ghöre, wo ich nöd erlaubt han, dänn chann ich eifach de Suisa es Mail schriibä und säge: Yo uf derä und derä CD isch miin SOund druf ... und dänn gaahts erscht loos ... und das isch meischtens no schlimmer: Wänn sie vorem prässe öppis würdet säge wärs ja easy ... aber wänn dHelfti scho verchauft isch, dänn isches huere Müehsam e Rückruefaktion durzgeh ...ya knaw i mean !

Aber ebe ... han mal en Song vo eus ufere EMI Compilation ghaa ... diä händ zwar mündlich gfröged und mer händ es paar Rappe pro verchauftei Compilaton abgmacht als vergüetig ... aber dänn hämmer 2 Jahr nüüt meh ghört ... dCompialtion isch natürlich scho lang usechoo ...aber mir händ weder vertrag no cholle oder suschwas ufem tisch ghaa ... schlächt für dEMI ...he he ... mir händ eis Mail ad Suisa gmacht und PLOPP 1 Wuche später isch dEMI mit Vertrag und chole uf de Matte gschtande ...he he ... tja... suscht hettets nämmli alli CDs wieder usem Verchauf müsse nee und iischtampfe ...

Also: SUISA = Die lauernde Geheimwaffe eines Musikers ... und wänn die Gheimwaffe mal useglaa worde isch, dänn flüüst kei Bluet ... aber meischtens Gäld ... drum ebe ... Mit sämples und so isch alles easy .... bises öppert merkt und zu de Suisa gaht ...

gratis sind auch di sam-pelati aus der migros...nur versteht die nicht jeder Sampler...hehe <zurück>

Lügner
22.04.2005, 17:21
ehm ... da fallt mer grad ii ... wänn ufere website FREE staat, dänn heisst das villicht nur, dass Du di sämpels chasch gratis abezieh ... ob di Samples aber au dürfsch benutze und usegeh isch dademit nöd sicher gseit ... wänn uf de Site niend öppis vo royalty free oder free licence staat, wääri ehner skeptisch ...

da zum Biischpil mal e Site, wo mer gxeet, wie das klar deklariert uusgseet ...

http://www.sound-ideas.com/

erschti satz uf de site:

«The world's largest publisher of professional sound effects, royalty free music, and your source for a comprehensive selection of production music and production element libraries.»

Domi
22.04.2005, 18:42
Original geschrieben von Lügner
... wänn uf de Site niend öppis vo royalty free oder free licence staat, wääri ehner skeptisch ...



Also isch das steit nöime:

.....royalty free samples, loops...


Isch das gnue dütlech???



Juhui :) Si si FREE :D
Geil! :D



Merci viu mau Lü!

Ja-roo
23.04.2005, 09:45
Original geschrieben von Lügner
eigentlich isch dSUISA es riisegrosses Aawaltsbüroo ... und wänn ich ufere CD en Sound vo mir ghöre, wo ich nöd erlaubt han, dänn chann ich eifach de Suisa es Mail schriibä und säge: Yo uf derä und derä CD isch miin SOund druf ... und dänn gaahts erscht loos ...
Also: SUISA = Die lauernde Geheimwaffe eines Musikers ... und wänn die Gheimwaffe mal useglaa worde isch, dänn flüüst kei Bluet ... aber meischtens Gäld ... drum ebe ... Mit sämples und so isch alles easy .... bises öppert merkt und zu de Suisa gaht ...

gratis sind auch di sam-pelati aus der migros...nur versteht die nicht jeder Sampler...hehe <zurück>


:D ja ja die suisa isch scho es riese wunder gäll. Ich finds eifach erstunlich das die Ich-lueg-mal-fürs-rechte-im-musicbuiz-Firma immer no e monopolstellig hät da ide schwiiz. Naja es git ja au kei Vereinigung Unabhängiger Musiklabel ide schwiiz villicht wärs dänn andersch.??????