[FoS]

...gitz under üch schiedsrichter/inne?

han grad n brief becho fürn kurs, und bis mer am überlegge, da i nümm so aktiv im club spile (nur no am see momentan)

wür mi mal wunderneh wie ds so isch, schiisst das ah mitr ziit? wil weni mal bin, chumi eh son jahresplan über woni mues go pfiife..

[TD#7]

also ech han das so ca. 2-3 johr gmacht (vom club us müesse...) aber mech hets ehrlech gseid scho zemlech agschesse...aber das goht jedem chli anderscht...am afang muesch eh ned sooo vel pfiffe ond deshalb chach der vorallem i de erschte saison eifach mol es beld mache öb der das liid oder ned...

...ech has de usgefonde

[Dana]

bi üs hät dä vorstand regelrecht mössä drum kämpfä, dass öpert mol dä job macht. als schiri bisch dä dubbel vom dienst.... mir händ glaub vom club us mind. 2 schiris mössä stellä, damit mir überhaupt händ chönä i dä liga spiilä und diä wos gmacht händ, händs schnell wiider ufgäh.
ich han selber mol amänä mini-turnier gpfiffä... und ich muess sägä: ich wör nöd welä än schiri i dä 2 liga sii. :motz2:

[hobgoblin]

es esch eifach fascht bedengig dass es auto hesch. wenns der kei spass macht bitte sofort ufhöre, ech ha schiris ghasst wo lostlos ergenden kack pfeff hend.

s'beschte vo de offizielle esch ond blibt ziitnähmer

[Dana]

Original geschrieben von hobgoblin


s'beschte vo de offizielle esch ond blibt ziitnähmer

s'bestä a dä offiziellä isch dä matchschrieber... vor allem mit däm neuä matchblatt wos gäh hät...

was ich hass: 24 sekundä-nähmer... öde!

[FoS]

Original geschrieben von Dana
s'bestä a dä offiziellä isch dä matchschrieber... vor allem mit däm neuä matchblatt wos gäh hät...

was ich hass: 24 sekundä-nähmer... öde!

weles neue matchblatt? ziitnähmer isch sho oke... chasch dr match wener ned guet isch oder s'di ashisst massiv verchürze (ds isch doch au dr sinn vo dä sach, oder )

verdient mer eigentlich was? eh ned oder? auto hani ned... noaja nach dene rückmäldige überlegg ichs mer würkli nomal...

[Dana]

Original geschrieben von FoS
weles neue matchblatt?

jo eigentli is nüm so neu.... isch glaub vor 3 od. sogar 4 johr usä cho... früehner häsch jo mössä agäh,i welerä minutä vom spiel än treffer versenkt wordä isch. mit dä neuä häsch nu no mössä punktzahl und spielernr. agäh.

[TD#7]

Original geschrieben von FoS


verdient mer eigentlich was? eh ned oder?

also doch doch, verdiene tuesch natürlech scho öbis! söscht hättis sowieso ned gmacht... i de erschte saison wersch wohl so ca. 30.- pro match + spese becho..esch also kei schlächte stondelohn för das dasd emmer zämegschesse wersch

FoS ich würds nid mache! sone undankbare job isch s letschte!
schriebe sowieso zum glück hani mi früher immer so blöd agstellt

[FoS]

...also nach langem überlegge isch d'amäldig hüt im altpapier glandet

[hobgoblin]

hahahaha. so chas go.

[wackeltante]

han au mol de minischiri kurs gmacht. das isch no härzig. muesch ned so vell pfiffe.. sondern vorallem luege, dass sie rechtig anestellesch undso. hehe vorallem süess wenn d'liibli bis zu dä chnü gönd.
aber han nume eis turnier pfiffe, denn häts mi agschisse.
go schribe beni au nume be de juniore.. han d' prüefig nie gschafft, debi hani doch so vell glernt.

[Krumb Snatcha1]

abgseh vo de vellne hater wo schri job verflueched ond de ehemolige dame gits do enne öpper wo NÖCHSCHT saison schiri macht d.h. im juni theorieöbig het etc. piis