ich kann mein midi klavier nicht an den pc anschliessen
ich han äs clavinova vo yamaha ( das isch äs klavier mit midi aschluss) und ich würs gärn an pc aschlüssä. leider hani kein blasä schimär wiä das söl ga. wän öbär vo eu disbezüglich erfahrigä hät und mir wür hälfä, wär das eifach grossartig? natürlich muäsch du das nöt gratis machä!
no schnäl wasi han: midi interface, cubase sx und ebä s'midi-klavier.
und wohnä tuäni in kloten.
guät möglich, das niämärd pock hät zum cho, drum frögi grad no, öb öbär weiss, a wer mär sich chan wändä, zum so technischi problem zlösä?
was isch denn genau s problem? vilicht loht sichs jo au eifach selber lösä?
minere meinig no chasch du aber mit midi kei ufnahme mache oder lieg ich do falsch? hät das klavier au än usgang? denn würd ich eifach dä usgang vom klavier an igang vo dä charte hänkä...
dä midi-usgang(?) oder isch es än igang(?) isch wohl eher däfür dänkt, dass s klavier chasch wie äs midi-keyboard benutze...
__________________ FRISCH UF DÄ TELLER <-- FREE ALBUM!!
Echo & Soul - Willkomme Dähei - Ab 10. Juli in allen digital stores!
***dä midi-usgang(?) oder isch es än igang(?) isch wohl eher däfür dänkt, dass s klavier chasch wie äs midi-keyboard benutze...***
ja ginau, ich wills wiä äs midi keyboard benüzä, damit ich eifach d'vst instrumänt au ohni maustaste chan bediänä.
das klavier hät au zwei midi usgäng.
komischerwis tuät min pc d’softwear vo dem midi- interface- grät nöd automatisch instaliärä wo ich hüt kauft han.
alles wo bi mir pc mäsig nöd automatisch gaht, isch für mich äs risä problem :-) dän muäsi aber au cubase mäsig no einigi sachä istelä und das hani leider au no nöd glärnt.
***minere meinig no chasch du aber mit midi kei ufnahme mache oder lieg ich do falsch***
Da weisi jez nöd ginau was du meinsch. Vilicht meinsch du audio ufnahmä? Das wür glaub ga wäni än audio- interface kauft het. Aber midi isch natürli praktisch, will ich ali falsch igspiltä tön chan go verbesärä.
Du häsch jez au ä myspace- sitä :-) da gani natürli grad ä mal go losä!!
aläs wo ich bruch hani hüt no postät. das isch äs midi- interface grät. han mi vo dem typ im jecklin no rächt intensiv beratä la. schad nur, dasi immer nonöd weis wo dä bartli dä most holt :-)
__________________
Stadt Luzern - Killa Treffpunkt Im Herzen Europas
... Kanton Luzern. Lucerne Festival . Bounce wit me. Throw yo guns in the motherfuckin air. Stizzadt Luzern. ...
achso, i han gmeint du willsch audio-ufnahme mache.. wennts als midi-keyboard bruchsch isch das natürlich chli was anders.
aber ähm, zums midi-interface installiere söttsch eigentlich triiber ha oder nöd? wennt nünt mitübercho häsch gosch mol is netz go triiber sueche, denn sött das scho go.
im cubase gosch nocher mol uf "geräte" --> "geräte konfigurieren". döt luegsch mol, dass unter "default midi ports" bim igang dis midi-interface stoht. denn sötti das ganze eigentlich scho funktioniere (hoff i)
denn muesch nur no ä midi-spur mache im cubase projekt und mit därä dini synthies astüre...
so, i hoff i han dir mol äs stückli wiitergholfe...
__________________ FRISCH UF DÄ TELLER <-- FREE ALBUM!!
Echo & Soul - Willkomme Dähei - Ab 10. Juli in allen digital stores!
Ähnliche Themen
ich kann mein midi klavier nicht an den pc anschliessen
..musch dir das kabel zieh:
Linear-Darstellung
